يالسيفك يرهب بالحومه(عكيلي)

[عبدالله خلف العتابي]

يالغايب خانت دنيانه=عدوان وداعش مليانه
اتريد اتهدم بنيانه=كبّة جدّك كوم احميها
+++++++
ومليانه الكبّه اسرار=ماتقبل يالغايب تنهار
تصرخ وتنادي الاحرار=يايوم الغايب يلفيها
+++++++
وعيونك ظلّت حزنانه=عدوان الجانت طمعانه
واجنودك ظلّت سهرانه=يايوم ابنورك ترويها
+++++++
يالعايش ثورتنا اويانه=وفدوه الروح البنيانه
تصرخ وتنادي اعوانه=يايوم ابسيفك تلفيها
+++++++
خسرانه وناتجها النار= وعدوان الظلّت بالدار
وبالمحشريوم الاشرار=تصرخ وبسيفك تجويها
+++++++
مايتمكّن سيف الظالم= يطبر هذا النور الحالم
كبّة جدّك هذا العالم=تضوي وبسيفك تحميها
+++++++
يالغايب الكم وفّايه=وعيونك تنظر مشّايه
يايوم التطلب حمّايه=وتامر وتنادي اعليها
+++++++
وخل الحاقد يعرف يومه=يالسيفك يرهب بالحومه
مهدومه الحضره ومظلومه=اطلع يالغايب وابنيها
+++++++
بقلمي
خادم اهل البيت(ع)
عبدالله العتابي