حب الجنون

[خالد محمد مهدي]

(حب الجنون))
****************
بحب حسين اظل مجنون**ياأرهابي ياملعون
بحقدك اسعه فجِّرنـــــي
اشوف حسين يحضرني
*****************
تحضرني المنيه واگف گبالــــــي **يلم بيّه ويگلّي هله بالغالــــي
حفظتني أبّالك وخليتك أبالــــــــي ** بأيدي تمسّك وأرقه يموالي
بگلبك ݘنت حاضر دوم
أبد ماعوفك بهل اليـــوم
انصرك يلّي تنصرني
******************
يعبد بقـرعابد بوذا يعبد نـــــــــار**هم عدهم ضمير أشرف من الفجّار
النواصب وجه ثاني العملة الكفّار** حقدهم جهــل اعراب أوأشّر اشرار
فكر عدهم دمار ودم
علينه احقادهم تلتــــم
السلامه ديني يأمرني
******************
أشماله الضمير وگلب متحّجــــر **بيش انقفل عقلك للقفل كسّر
يامله التحلل دمنه وتفجّــــــــــــر **لاتتبع الذله للنفس حــــــرر
التتبعه ماينفعك ظال
باݘر أتشد الرحـــال
لتعتب منو بصًرني
****************
التذبحه اليوم باݘر شاهد گبالك **منحر يشهد أوݘفّك عله اعمالك
ضميرك أنشده وسألـــه الدلالك ** ليلك من تامنه مايجــــــي أبّالك
بيا مذهب وياسنّه
حللّك سفك دمنــه
يغدرَك وانته تغدرني
************
نصيحه أبديها ترضاها مترضاها **سؤ العاقبه المشؤمه أنساهـــــــا
رد نفسك وانفّض عنها بلواهـــــا**وخلّي أطيع والي الكون مولاها
دنيه وآخره بحمـــاه
نتمنّه السعي برضاه
ماينفعك تنكرني
بيقيني حسين يحضرني

[نبض الحيا]

شكرا اخي على الشعر الجميل

[خالد محمد مهدي]

فيض الكريم تمننا وتحننا
شكرا // ممنون

[وهج الإيمان]

كلمات نفيسه بارك الله فيكم