كربلاء ديني وحسين أكتابي.. أحمد هادي الشمري

[احمد هادي الشمري]

كربلاء ديني وحسين أكتابي
شيعي والدنيا تحسب احسابي
....
آنه سر المرجله وتفسيره
أصبع امن اچفوف راعي الغيره
ما يهمني الحاقد وتحذيره
بجدمي أسحگــ هامة الوهّابي
....
كربلاء سر الحياة وديني
ومن تراب الطف تكوّن طيني
الله ما يخلقني لوﻻ أحسيني
چان غايب آنه قبل اغيابي
....
شيعي وأعله الغيم رافع راسي
الهسه دخان الخيم بأنفاسي
هذا بزنودي الحرز عباسي
تسهل بــ يحسين كل اصعابي
....
اسأل الغيره وتگلك شيعي
ابموضع التربه أنكتب تشريعي
عاهدت وأعله الشمس توقيعي
آه يحسين ومصابه أمصابي
....
 
الرايد ايخوّفني وأيحز نحري
والله هذا جاهل وما يدري
أقل شيء لحسين أقدم عمري
مني مرهوب وتسمه إرهابي
....
للشعاير .. ناده صوت أجروحي
بيهه ما أجامل وحگ مذبوحي
روحي لو عادتهه أطلع روحي
المطر دمعي .. الجفن سيابي
....
بعد ما أتقبل ايلوموني
آنه حر أبدمعتي وأعيوني
فدوه كل أعقولهم لجنوني
كل ذهبهم يسجد أعله أترابي
....
أحمد هادي الشمري