عيدٌ يوزع الأوجاع ~

[جعفر المندلاوي]

عيد يوزع أوجاع
=========



اهموم البينه صارت مثل الهدوم = نبدل ثوب كل عيد اليمر بينه

ما يطيب الجرح لو جا الف عيد = بيوم العيد بس تكثر بواجينه



======


يا عيـد اشبعد ضاملنه أحزان === صار البجي ضيف بكل البيوت

بعد وين الفرح شنهي العلامات= جزع حتى الوجع ظل يبجي بسكوت



بقلمي جعفر المندلاوي 2-10-2014

[جعفر المندلاوي]

مو بيدي وعليّ من اذكر الأموات = صباح العيد ألاگيهم ترس عيني
گلي شلون انسه وبيش اصبرالروح = صار الشوگ جمرة بضلعي تچويني
(المندلاوي) 4-10-2014

[جعفر المندلاوي]

على صوت الحزن تنعاد الأعياد = واجروح الوكت ما تقبل تنام
نسينه العيد واللمة والأفراح =على كبور الأحبة تروح الاجدام

بقلمي 4-10-2014

[جعفر المندلاوي]

گبل العيد فرحة تلم الاحباب == وبسمة وتنتشر ما بين الدروب

وصار اليوم دمعة وونّة ضلوع = واكوام الحزن ما ترضى الغروب

بقلمي (المندلاوي) 6-10-2014

[جعفر المندلاوي]

هم مثل ذاك العيد ظليت أتاني= ظنيت أشوفك فرح تبدل أحزاني
معذور وعقلي ذهل من ساعة الفركة= طفيت شمس الرجا والشوك أذاني
المندلاوي 7-10-2014

[جعفر المندلاوي]

- أحس آهاتي تحچي بافصح لسان = تسابق كل حروف الابجدية
گبل ما أكتب الكلمة على اوراق= يمطرني الوجع واسحب ايديه
8-10-2014

[جعفر المندلاوي]

]يصبرني النبض من أذكرك يوم = ويگول اهنا يسكن نبض الغياب
والم جروح حزني خاف يأذيك = واسكت بالضلع من يمطر عتاب
8-10-2014
(المندلاوي)

[جعفر المندلاوي]

يصبرني النبض من أذكرك يوم = ويگول اهنا يسكن نبض الغياب
والم جروح حزني خاف يأذيك = واسكت بالضلع من يمطر عتاب
8-10-2014
(المندلاوي)

[جعفر المندلاوي]

يرجع وطنه بخير يا رب يرجع = والحب يلمنا بشوك والفتنه تصرع
9-10-2014

[جعفر المندلاوي]

حنيني السان لو عنده يناديك == ويگول بعلو صوته نبض روحي
غبت عنّي ورحت ما اظن الاگيك = وبعدك ظلمة صارت شمس صبحي
بقلمي الان 9-10-2014

[جعفر المندلاوي]

چنهه الصفگة دمعه وتجري بيديچ = حسافة الحفلة صارت بين الگبور
ميلادچ يوردة تذوب الاحساس == وتبدّل الشمعة بريح البخــور
بقلمي الآن 10-10-2014