آه يا شهر المصايب من تهل

[قاسم حتروش]

آه يا شهر المصــــــــــايب من تهل
تعيد كـــل حزني على مصاب الأهل
**********
آه يــــا شهر الألــــــــم والنايبات
مردت كلبي بكر بله جنب الفرات
بيك جم لوعه شفت مــــن الطغاة
بيد أحفـــــــــــاد السقيفة والجمل
********
خذت مــن عندي كل غالي وحبيب
وزيّــــــدت وني وكثر مني النحيب
وشاب راسي كبـــل ميحين المشيب
وشـيـلـتـنــي حمــــل ليهــــــد الجبل
*******
آه جـــــم لوعـــــه شفت بيك ومحن
النـــــوح والدمعــــات خلاني صفن
ومـن دموعي جفون عيني أتجرحن
وضاع مـــــن عندي خلالك كل أمل
*******
جروح صابتني بسهامك ما تطيب
ولا يصح إلها عـــــلاج ولا طبيب
بيك شفـــت ألأخوتي دامي وسليب
ومـــــا شفت إنصاف بيك ولا عدل
*********
مـــن أشوف هـــلال شهرك بالسمه
اذكر مصاب أخوتـــي وفيض ألدمه
واذكر أنــــــــي بقيت لا خدر وحمه
وحملــــــــــت آلامـــــك ألما تنحمل
*******
ريت مــــا شفته لهـــــــلالك لا طلع
لان مـــــن شفته رجـــع صب الدمع
وعــاد حزني ورد نفس ذاك الوضع
يــوم شفـــــــت ألأخوتي خلصو جتل
********
كون اسمــك منمحي مــــن الشهور
ومـــــن تدور سنين عمري ما تدور
اذكـــــــر بطلعتك ربــــــات الخدور
شلون ضلن بالبراري بـــــــــلا أهل
********
ونــي لا يهــــده ولا حـــــــزني يهيد
والألــــم يوميه يرجــــع مـــــن جديد
سرمدي حزنـــي على مصاب الشهيد
وعلــــى مصاب الكفل ضعني والطفل
******
وين أبــــو صالح يشاهـــــــــد عمته
مــــــــن الطفوف عليه صاحت نادته
حسين جــــدّك ضل وحيــــــد بغربته
كـــــــوم اخـــــذ ثاره بيدك يــــــا نفل


الشاعر
خادم الحسين (ع)
قاسم حتروش البلداوي
أسألكم الدعاء