هذا ابن صل السيوف

[عدنان منعم]

هذا ابن صل السيوف ..القاسم الذل الالوف
احتارت الوادم ومحتاره شجرى
الحسن بالحومه صبح لوحيدره
القاسم بسيفه رســـــمه هاالمفخره
وتشهد عليه الطفوف ..القاسم الذل الالوف
هذا شبل الحســــــن والمنبع علي
مثل جده اعلا المراجل معـــــتلي
مبتلي الصـــــــــار بطريقه مبتلي
تخاف من عنده الحتوف ..القاسم الذل الالوف
يعيد وقعة بدر في وادي الطفوف
انه شبل الحــــسن ماهاب الالوف
تشهد علينه المعاره والســــــيوف
تركع لسيفه السيوف ..القاسم الذل الالوف
بسم عمي الكمر اتنخه واصول
اركع الوديان بتراب الــــــسهول
عجزت الاقلام عن عمي شتكول
بكربله الغيره تطوف ..القاسم الذل الالوف



وي ابو السجاد والحنه الخضاب
معلمين ارجال متهـــــمنه الصعاب
لجل دين الباري مرخوصه الركاب
بالدمه نحني الجفوف .. القاسم الذل الالوف
بيك شمرة حيدره وحمزه صفت والمراجل بــــس الك هيه هوت غيرة العباس بجــــــــفوفك علت
وللمراجل مانعوف ..القاسم الذل الالوف
ارعد القاسم ويهتــــف ياحسين
اليوم اسويها علامه اعلا السنين
مايعز لحسين مرخوص الوتين
الحسن بالحومه نشوف ..القاسم الذل الالوف
خادم الحسين ..عدنان منعم