وين أبو الغيره يحضرني عباس

[قاسم حتروش]

هذه القصيدة تقرأ بطور قصيدة (( لا تظن غايب مهدينه ماغاب)) التي يؤديها الحاج باسم الكربلائي
.
.
وين أبـــــو ألغيره يحضرني عباس
خويـــــه محتاره حاطتني الأرجاس
************
جيت وياك لطفوفـــــك أنت تحــــــــــدي بمحملي
بهيبتك محفوفـــــــــه خويه ولا شخص ينظر إلي
كبل مــــــــــــــا ألفظ الجلمة أتصيح يختي أتدللي
تلبي كـــــل حاجة إليه وكــــــــــل همومي تنجلي
وتكضي كـــل حاجه بيدك ينبراس
************
خيالي مــــا ينشاف جان بوكت أخوتي وكل هلي
كــــوم شوف شكد مصايب كلـــــب أختك ممتلي
اليوم نظرتني العـــــــواذل شافت أختك بت علي
ألجــــان عباس إلها حــــارس ولنظــــرها يبتلي
ناس لا ذمّــــــه لا عـــدها أحساس
*******
راسي دنكته يخويــــه ووجهــــــــــي بيدي أستره
مـــــن بعد كـــل ذاك خــدري مسيت خويه حايره
أنظــــر يساري ويميني بس عساكـــــــــــر دايره
والخيـــــم حركوهــــا خويــــه ونـار بيها موجره
هيبتي راحـــــت ومهبطه الراس
***********
بس أرامـــــل بقـــت يمّــــــــــي والأيتام بلا كفيل
أحترت بيهم يـــاهو أنقذ خويه مــــن هجمت الخيل
وأني حرمــــه ووحدي أني وتعرف مصادفني ليل
للغـــري وجّهــــــت وجهي وأندبت حامي الدخيل
صحت نجيني من هاي الأرجاس
********
جلجل الليل بســــــــواده وريت ليلي مـــــا وصل
لأن صرخـــــــــــات أليتامه أعتلت تسأل عالأهل
كلها تنشد وين أبويه شعجب مــــارد مـــــن رحل
أحترت يــــا طفله أسكـّت لــــــــــو أهدّئ يا طفل
ريت حاضرني يـــا أبو النوماس
************
جنت أنت لتحمي حــــــــدي وأنت عزي وهيبتي
كوم وأنظر هــــل مسيه يـــــــاهو يحرس خيمتي
وشوف منهو لحضــــر يمي وكــــــاد بيده ناكتي
هـــذا صوتي عليك نـــــــاده خويه أسمع شكوتي
أدري مـــا تقبل لحدودي تنداس
*******
عالنهر ضلت الرايــــــــة شامخــــة يــــم الكمر
شامخة شمـــوخ الرواسي وصابره بطول الدهر
تريد لــــو مهدينه جاها ولـــــون صد إلها ونظر
بيــــده يرفعهــــــا ويعـــزها ومنها يتحره الخبر
هيـــــه لتكله عـلجـتــــــل عباس

الشاعر
خادم الحسين (ع)
قاسم حتروش البلداوي
أسألكم الدعاء