قصيدة / يا ولينه المجتبى

[الشاعر سعيد الفتلاوي]

قصيدة / يا ولينه المجتبى


........................................

........................................




يا ولينه المجتبى




مْقصّرين اوياك يا سبط النبي خير البريّه

يا فخر حيدر علي حامي الحمه وْ فخر الزچيه




يا ولينه المجتبى




.............................




من بعد فگد الوصي الشدّه ابتدت – التمّت عليك الفتن واتكالبت

وْجيشكِ ارجاله ارتخت واتمرّدت – بْجيش ابن هنده ارتمت واتسابگت




تركَتِ الحق والعدل – وْخضعت الحكم النذل

ظنها خاب بْهالفعل – شافو الذل والمهانه مْن الدعي ابن الدعيّه




.........




يالحسن يا نور من طه النبي – يا امام الدين يالسبط الابي


لعنه عالسمّك ولينه اليعربي – سمّك الطاغي البغي ابن الناصبي




ساس هالظلم الجره – ويّه جعده الغادره

بْهالجريمه المنكره – بالمكيده وْ بالغدر سمّوك يا والي الرعيّه




.........




صعبه نوصف يا ولينه حالتك – مْن الجريمه الظالمه اللي صابتك

شْما كتبنه ما نوافي الحضرتك – ايد ملعونه وْ خبيثه السمّتَك




الدين جدّك خانته – ما رعت حق عترته

غدرتِ ابنه وْ سمّته – الله يلعن هالعصابه الحاربت ولد الرضيّه




.........



فوگ هاي الفاجعه وْ نار المحن – انعادت الاحداث من ذاك الزمن

نعشك اندارت عليه امّ الفتن – كل مصايبكم نعم منها ابتدن




عادت الزهره وْ علي – وْ نصرت الباغي الدعي

وْنكرتِ الگاله النبي – انتو حجّه عْله البشر حبكم فرض مو بس تقيّه




.........




البقيع بْنعشك تْرابه افتخر – تْشرِّفَت ارضه وْتنور بْكل دهر

عْليها جار اهل البدع شرّ البشر – خاب شرهم هالشراذم واندثر




عادو آيات الشفع – حرّفَو اصل الشرِع

الجور صار الهم طبع – كل فتاويهم كُفر وابلا سند هالناصبيّه






...........................................

.................................




خادم اهل البيت ( ع )

الشاعر الحسيني

سعيد الفتلاوي الطويرجاوي