خويه وينك

[عدنان منعم]

لاتظن ناسين ياروح الزجيه – ريت تحظر بالجره بالغاضريه
خويه وينك – خويه وينك
تسري وي النبض يبن امي يالمسـموم
ردتك من سبوني ترد يخــــويه الكوم
بعد عين الكمر دنــــــياي بس هموم
وجارت عالوديعه الكوم ياجيـــــدوم
جرد البتار وانهض للسبيه – ريت حاظر للجره بالغاضريه
خويه وينك – خويه وينك
ردتك من هون جفين ابو الغـــيره
ونظرزينب يـــــخوها المن تديره
وصبح وظع العقيله صعب تفسيره
وحيرتها بعدكم يالحـــــــسن حيره
ترضه يحديها يبو الغيره عدوكم – صاح وين اخوانج بلوعه خصمكم
خويه وينك – خويه وينك
يخو زينب اســــــيره والدمع جاري
للينـــــــشدني عنكم خاويه اعذاري
سكتنو بكربله وعفتوني وي ناري
وداري من ارد مهـــجوره ياداري
لوعه داري بدونك يانظر عيني – وانه زادي من بعدكم بس ونيني
خويه وينك – خويه وينك
يبن امي ردت تحظر توســـــــيني
وننحب بالطفوف لمصرع حسيني
ها يالحسن انته طلعت ناســـــــيني
من بعد الجره انته التخلينــــــــــي
يالحسن ردت تجي تنشف دموعي – وانطفت بالطف يضي عيني شموعي
خويه وينك – خويه وينك
حرت المن انوح علــــيك عالمذبوح
وصبح كلبي عليكم يالحسن مجروح
من يوم البـــقيع الهوت بيه صروح
دمعي عليك يجري بكل وكت مسفوح
اه يالنارك بقت لليوم بيه – كوم يبن امي يسموني السبيه
خويه وينك – خويه وينك
شسولف يالحسن ياحاله احجيلك
اشكيلك سبوني خويه اشكيــــلك
ارويلك رقيه تمــــــوت ارويلك
من ياحال يبـــــــن الزهره ابديلك
علا راس حسين هالماتت رقيه – وانه محتاره يخويه شلون بيه
خادم الحسين – عدنان منعم

[عدنان منعم]

اللهم تقبل مني ومن اخوتي خدمة الحسين بحرمة زينب