عالقيع اليوم طالت غيبتك

[عدنان منعم]

يمته يالمهدي تلوح برايتك – عالبقيع اليوم طالت غيبتك
يبو صالح غايب وروحي جمر
رايت العبـــــــــاس تنطر عالنهر
للبــــــــقيع الروح هامت ياذخر
وانه احسها بوسط روحي ونتك – يمته يالمهدي تلوح برايتك
يابنض روح الزجـــــيه نريد ثار
عالبقيع الروح مســــــــتعره بلنار
الحسن عودك صبح وسط الاشرار
نريد نركع يالحسن وبعتبتك – يمته يالمهدي تلوح برايتك
نريد كبه والعــــــــــــلم بيها يلوح
وتعله راياتك على كل الصـــروح
كافي ملينه يمولانه الجـــــــروح
بصحن ابو السجاد نحظر جمعتك – يمته يالمهدي تلوح برايتك
البقيع وحاله يصـــــــعب ياامام
كوم يبن المرتضى شك الظلام
والكلام يــــجرح الروح الكلام
ندعي رب الكون تكرب طلعتك – يمته يالمهدي تلوح برايتك



يابو صالح روحي ملهوفه عليك
جنود محــــتزمه يوالي وترتجيك
بالمــــــــــناحر ياامامي نفتــــديك
عيون ملهوفه تشاهد هيبتك – يمته يالمهدي تلوح برايتك
للبــيقع الروح ملــــهوفه وتريد
يمته تتــــكرم علينه يالبعــــــيد
ثار جبد الحسن وي ثار الشهيد
نريد المحجوب نحظر صولتك – يمته يالمهدي تلوح برايتك
خادم الحسين – عدنان منعم