طكت ارواحنه !!!!

[نهروان العنزي]

السلام عليكم
اللهم صل وسلم على محمد وال محمد وعجل فرجهم

عظم الله اجوركم واحسن لكم العزاء

اخواني اخواتي اعتذر لكتابة عنوان الموضوع بهذا الشكل
وارجوا من الاخوة المشرفين ان لا يغيروا عنوان الموضوع
وان يبقى على حاله
بصراحة ومثل ما نقول بالعراقي (طكت روحي)
ولا اجد هناك متنفس اتنفس من خلاله إلا في هذا الصرح المبارك

ولان لا يوجد احد يعرفني شخصيا في هذا المنتدى
فالزعل امره هيناً بعكس ما يحصل في مواقع التواصل الاجتماعي مثل الفيس بوك
-------------------------------------
وقبل لا اتكلم أحب اذكركم بقول الشيخ الوحيد الخرساني أدام الله ظله
يقول الشيخ :
إن أصغر كلمة من شأنها تضعيف الشعائر الحسينية
ما هي إلا كلمة يكسر بها ظهر النبي صلى الله عليه وآله
------------------------------------

وراح اتكلم بالعامية

هلايام خوش حجي جاي يطلع
أجة محرم واجت سوالف الفايخين وياه

لا تبكي عل الحسين ..الحسين مامحتاج بكائك
لا تلطم عل الحسين ..الحسين ما محتاج لطمك
لا دك زنجيل ..الحسين ما محتاج دك زنجيلك

طيب فد نوب قولوا:-
لا تزور الحسين ..الحسين ما محتاج زيارتك
!!!!!!!!!!!
وخلوا ناس ببيوته نايمة
و لا تحضر مجلس عزاء ولا تروح اتزور واتعب نفسه .؟؟!!!

انتوا لو جنتوا بزمن المتوكل العباسي
جا تبريتوا من الحسين عليه السلام
لا ..وجان وصلتوا الماي بيدكم لقبر الشهيد المضلوم وغرقتوه


شوف شلون يردون يبعدون الناس عن
امامهم الحسين عليه السلام

بدل ما يكلمون الناس عن الثواب والاجر الذي يحصل عليه الباكي والجازع والزائر
للامام الحسين عليه السلام ...
يكلمونهم بكلام يقلل من عزيمتهم في إقامة الشعائر الحسينية

والعجيب طلع قبل مدة شيخ معمم يقول :-
لا تعلقون رايات في المؤسسات والشركات الحكومية ..!!!

يابه ليش ؟؟

يقول : لان المؤسسات والشركات الحكومية ليس للشيعة فقط
بل يوجد فيها الشيعي والسني والمسيحي .!!!

اريد اقول : الى متى نبقى غمان ؟!!!!!
الى متى نزايد على حساب مذهبنا .!!!

انا اعمل في شركة فيها 3000 منتسب
لدينا مسيحي واحد فقط
ولدينا تقريبا 100 سني ..

هل من اجل 101 وعلمود لا يزعلون ما ارفع اعلام ؟!!!!
عود يمته انصير اغلبية من صدك وكلامنا يمشي .!!!

شكد كاسرين خاطركم الجماعة ..
الى متى نبقى تابع .!!!

لعد انتوا مو دكولون ان الحسين للكل ..!!!
لو هذا كلام تعبرونه على الفقراء والمساكين ..؟!!!

مو همه كانوا اقلية وحاكمينك ومسيطرين عليك حتى الزيارة كانت حسرة عليك
اشو ما كالوا ما يصير هيج انسوي بالشيعة ..!!!

كافي والله كافي
طلعتوا ارواحنا

[ابوزيدالعراقي]

جزاك الله خيرا. واضح مورم قلبك. والله ياخوي كأنك تتكلم بلسان حالنا هاي مصيبه الى متى نبقى هكذااااااا

[الجزائرية]

احسنتم اخي

واقعا كلام هؤلاء المتفلسفين يضحك الثكلى اتركهم يموتون بغيضهم ,,

يعتبرون ان هذه ان الشعائر افعال غير متحضرة ولكني اجيبهم بان جهلهم لفلسفة هذه الشعائر هو الجهل بعينه ..


اعلموا ان كل شعيرة من هذه الشعائر تستحق بحثا ثقافيا تربويا متكاملا .. وسأعمل على هذا ان شاء الله تعالى ,, حتى نهدء قليلا من روع الناعقيق ليلا ونهارا حول الشعائر ..

دائما عندما تصل القضية لسيد الشهداء ينزغ قرن للشيطان من هنا وهناك ليهرف بما لايعرف !!

قسما بالله لولا سيد الشهداء وثورته لعدتم الى الجاهلية الرعناء والتي وصفتهم الزهر اء بخطبتها ( وكنتم على شفا حفرة من النار تشربون الطرق وتقتادون القد والورق اذلة خاسئين تخافون ان يتخطفكم الناس ..)

اختمها بقول الشاعر

ياحسين انت مامحتاج كل هذا الوجود الوجود يصير كلة بعازتك

انت خليت الشموخ على الشموخ والعلم ماوصل كركش رايتك

الناس تسكر لو دنة كاس الخمور وانا خمرة كاسي جاي قرايتك ..

[طيار عراقي]

والله يا خويه اكو شغله ثاني اشد وامر

هذي هينه

الي مورم گلبي الرواگيص الي يستعرضون رگصهم بأسم الحسين

اشوف الطبل انواع العزف يدك والقارئ تحسه مطرب حفلات شعبيه

تخيل اكو فديو الهذا الرادود الي ابتدع كلمة سين سين بدال حسين يكله لليسأله كفيلك ابو فاضل لو يجي الحسين نفسه ويكلي بطل هاي مال سين سين ما ابطل واگله ابو علي هاي الشغله مو يمك يم الله ..

هسه گلي منو اليحرگ گلبك اكثر ؟!!!

الحمد لله الذي جعلنا ممن يحترم شعائر الحسين ولا نخوض مع الخائضين

لن يكون بكائي على الحسين فقط في حياتي
بل سأنعاه حتى في قبري بعد مماتي ..

[الجزائرية]

احسنتم اخي طيار عراقي

هذه كارثة مابعدها كارثة

[rafedy]

وهل ثورة الحسين عليه السلام خاصه
بل رسالة للعالم باجمعه



شكرا

[حميد الغانم]

ومن قال ان الحسين يحتاجني
ان الحسين بحر ممتد بالعمق والطولوالعرض غير متناهي عذب ماءه
وهل يحتاج البحر الى قطرة ماء مالحة مثلي
بل انا محتاج للحسين
انا محتاج لزيارته
انا محتاج لدمعة حزن عليه
انا محتاج لراحتي حين ازوره
انا محتاج لالطم عليه
الحسين اكبر من ان يحتاجني ويحتاجك
حميد الغانم