اسئله من قلب ام الى ولدها المتغّرب ( شعر شعبي )

[ابو حيدر]

السلام عليكم
هذه ابيات شعريه بسيطه اقدمها هديه
الى قلب كل ام فارق ولدها
والى قلب كل من فارق امه وتغرّب
********
يلي ضحيت ابحياتي ولجلك العمري فديت
انه امك يبعد امك يبني تذكر لو نسيت ؟
يبني ربيتك يغالي وعلى اسنين ارباك امالي بنيت
سهرت ليل الشته ابطوله ويه النجوم اتسامريت
وچنت لو ردت اغفه يبني وياك اغفه لو غفيت
وأفز من نومي واشبگك لوّن يوليدي صحيت
..... يبني تذكر لو نسيت ؟
يمه تعبني رباك وبالعمر يبني ولا لحظه هنيت
وچنت اگول اوليدي يكبر واحتمي ابظله
لوّن ذبني زماني وَِكبريت
يمه ذاك التعب كله والسهر والنوح والوّنه ييمه اتحمليت
گلت تكبر يمه وابسدك الوذ وتصبح انته
احزام ظهري لو خويت
اااااااااااااااااااااه يبني
تالي وسفه ويّه لوعات الدهر وحدي بگيت
تالي بس فرگه ويه نوح وبيت اظلم غير ذني ما لگیت
تالي يوليدي تخليني وتروح
وتسكن اديار الغرب وابگه وحيده الهاي ابد ما حسبيت
يبني تذكر لو نسيت ؟؟؟؟؟
اسنين بُعدك مرمرني واصبرت عالنوح يبني اتعوديت
وكابرت گلت ابني يرجع الگلبي يبني صبريت
وسفه ويّه اهمومي وحدي يالولد تالي صفيت
يالولد بالله ارد انشدك .....
....... شلون گلبك طاوعك يبني ونسيت ؟؟؟؟
علگت عمري شمعه والعمرك تضوّي
....... انته تكبر وانه اذوبن
لا جزع مر اعله گلبي ولا لحظه اتململيت
يمه ببتوت الگلب للمهد يبني هزهزيت
وچنت لو تبچي يبعد امك اجيك
گلبي گبل الجدم يركض
يشبگ الكاروك يبني وابچي گبلك لو بچیت
يبني تذكر لو نسيت ؟؟؟؟؟؟
يمه تذكر ذاك حظني البيه دفيت ؟؟؟؟؟؟
وچنت لو اتعب ییمه ابچی بالبسکوت ما واحد سمعني
وأبد ما مره شكيت
وانسه كل اهموم عمري ينبي لو مرّه بس مرّه
اليّه اتبسميت
اشگد شگیت اتمرمريت وكبريت
تالي بس الغربه يوليدي جنيت
...... يبني تذكر لو نسيت ؟؟؟؟؟؟
وارد اخبرنّك ييمه ....
يبني كبرّني زماني وگوضيت
وهدمت حيلي غربتك يمه والظهري حنيت
بعد مالي حيل للوّنه ييمه شيّبت يمه وگضيت
ولو اجاك الخبر يبني ..... ماتت امك
صدگ امفتحه اعيوني الشوفتك
........... ومن متت ما غمضيت
........ من متت ما غمضيت
....... من متت ما غمضيت

وللجميع الشكر
............... هاني الحلي