بي نفتخر ** لبّه الأمر

[قاسم حتروش]

بــي نفتخر ** لبّــــه الأمر
هذا الحشد ** جاب النصر
من طاع أمر المهيوب سيد علي السيستاني
**********
هــــذا الحشد واجب علينه أنقدسه
وندعيله بارينــــه يحفظه يحرسه
هل وطن لو ملحشد غابت شمسه
لو ما حضر ** جـــان أندمر
هـذا الوطن ** كل شي خسر
وتحكمّت بي الأشرار وكل واحد العاداني
********
هــــــل حشد واجب نشكر لوكفاته
ونكتبهن بماي الذهــــــب صولاته
تاريخ نكتب بـــــــــــــــي نلم آياته
غيره وعزم ** هاي الزلم
كتبت مجــد ** مـو بالقلم
بالدم وضحّت الأرواح وكل موقفه انساني

كل موكب بفضله نـــــزل هل ليله
وأنشد أخوتي بكـــل فرض تدعيله
يسدد رميته البـــاري ويــشد حيله
كــول وفعل ** لم الشمل
وكت الشدد ** لا ما يمل
واتحدّه كل العدوان الأفغاني والشيشاني
*********
ذل الدواعش بالمعـــــــــارك ذلهم
زلزل الكاع بزوده مــــــــن قابلهم
وحيّـــــــــــر بأفعاله وذهل قادتهم
هذا الحشد ** قـــوّه ومجد
كل معركه ** اوّكت الشدد
وينتمي لــــكل الأطياف لا أبد مو أيراني
*********
يــــــــا ربي أنصر وأحفظ الأفراده
كــــــــل معركه حميهم جنود وقاده
هـــــــــــذا الحشد عز وفخر لبلاده
طول الزمن ** يجلي المحن
شال الكرب ** عـــن الوطن
وحرر من أيد الأرجاس كل شبر من كيعاني
*********
النال الكرامه مـن الحشد وأستشهد
ذكــــــــره بقه شامخ وعدنه أتخلّد
يـــــــــا ربي بجنانـك نريده يسعد
ندعـي إله ** بهـل منزله
جنة عدن ** تـسـتـقـبـله
وبنصار أبو اليمه حسين تجمعهم الاخواني
********
أسأل الباري بــــــــآل طه وجدهم
يفـــــــــرّج غياب المنتظر غايبهم
وكـــــــل الحشد أنصار إله يقبلهم
هـذا الطلب ** بــي أحتسب
يـــم الغني ** لا مـو صعب
يقبلهم الكل أنصار وجندي ويّاهم أني


الشاعر
خادم الحسين (ع)
قاسم حتروش البلداوي
خادمكم
أسألكم الدعاء