قصيدة حزينه بقلم الشاعر حيدرموسى الرميثي

[عشاق المفيد]

زينب الكعبة بياذنب روح الوصي يسبوهه
وأعله المتن بنت النبي بصوط العده ايضربوهه
................1
غيره أبد ماعدهم ولا إحساس
شافوهه ضلت حايره ابلاعباس
الأميرة چتفوهه بحبل ماتنجاس

بنت الوصي حامي الحمه تنشتم و يسبوهه
.............2
أعله الناگه تصعد بت علي معقوله
يدري الگمر أخته انسبت گلوله
وروس الأهل فوگ الرمح مشيوله

هاي الاميره العالمة مسبيه ايحسبوهه
............3
اشچم طيحه طاحت عثرت اشچم عثره
وتسمع تگلهه اسم الله امهه الزهره
وزينب ياويلي تنظرب كل فتره

فوگ الهزل بت فاطمة مانقبل ايركبوهه
.............4
راوهه رأس حسين ينزف دمه
رادوهه تبچي الرأس فارگ جسمه
عاري الجسد بالصحرة محد يمه

بروس التحبهم للأسف گاموا تره ايعذبوهه
................5
ليش بخرابه ابلاسگف خلوهه
حتى الشمس تچوي الحرم واذوهه
ماتت رقية وشكثر بچوهه

للشام مهضومة مشت وي الضعن جابوهه
..........................
حيدر موسى الرميثي