ليلة الانصار

[جعفر المندلاوي]

ليلة الانصار
================
بقلمي جعفر ملا عبد المندلاوي
1محرم 1444هـ :: 31 – 7 –2022م

انصاره انصاره جمعها ابن المظاهر
كلمن لبس درع الحميه الليله عاشر
*****
أنصاره لمْها بكل عزم يرفع علمهم
صاح الحبيب بليلة العاشر يحيهم
ها يخوتي أهل النبي الوصّانه بيهم
أهل الحميه والفخر يهل البصاير
*****
گلهم حبيب اتهيئوا الليله الأخيره
زينب تخاف على الولـي هاي الأميره
والخيمة الحورا زحف جمع العشيرة
خاطر ها طيّب هالجمع اهل الضماير
*****
زينب تشيّم بالصحب يهل الحمية
لحسين ضحوا كل نفس خير البرية
لبيك نادوا جمعهم هاي المسية
ونفوسنا كلها فدا مصباح بافکر
*****
عند العقيلة تراب فوگ الراس خلّه
ولشيبته الطيبة لزم والسيف سلّه
ارواحنه الكم وقا وهيهات ذلّـه
للموت انصار السبط احنه ونفاخر
*****
عباس يزعل ينتفض باهل المكارم
فرسان آل المصطفى سلّوا الصوارم
مولاتي احنا فدافک كل جمع الهواشم
واشحدها توصل خيمتفک هاي العساكر
*****
تاليها بحسين ارتضوا ياهو اليقدّم
أنصاره انصار الوفا لو باهله يهجم
صار البفکي وسط الخيم زينب تحشّم
يا خير اصحاب الهدى وخير العشاير
*****
ظلت خيمهم بالصلا والسجدة تضوي
ترتيل قرآن وسور واذكار تدوي
ضمنوا جنان وكوثره فد قطرة تروي
أنصار دين الله احيوها الشعاير
*****
لو بينا ألف روح ونفس لحسين فدوه
روح وبدن للمصطفى ولگليبه سلوه
دمه ومهجته ومنهجه للأمة قدوه
سيد شباب جنانها باليوم الآخر
*****
وبشوگ ظلّت تنتظر أصحابه صبحه
سبعين شيبه وتعتبر هالموته فرحه
ويلي على المظلوم من ينصاب جرحه
انصاره راحت من يظل من غير ناصر
*****

[وهج الإيمان]

عرفوا حق الإمام الحسين عليه السلام ونصروه وإستشهدوا معه
السلام على الإمام الحسين وأنصاره
وجعلنا الله وإياكم منه
أحسنتم على هذه الأبيات المفجعة

[صدى المهدي]

اللهم صل على محمد وال محمد
احسنتم ويبارك الله بكم
شكرا لكم كثيرا
مأجورين

[جعفر المندلاوي]

عرفوا حق الإمام الحسين عليه السلام ونصروه وإستشهدوا معه
السلام على الإمام الحسين وأنصاره
وجعلنا الله وإياكم منه
أحسنتم على هذه الأبيات المفجعة

اللهم آمين جعلكم الله وايانا من شفعاء سيد الشهداء
وتقبل عزاؤكم في هذا المصاب الجلل
وحفظكم من كل سوء

[جعفر المندلاوي]

اللهم صل على محمد وال محمد
احسنتم ويبارك الله بكم
شكرا لكم كثيرا
مأجورين

آجركم الله وسددكم لكل خير
وتقبل عملكم ووفقكم لخدمة اهل البيت