ابو معاد النجفي
03-02-2008, 11:59 AM
بسم الله الرحمن الرحيم
نعزي الامه الاسلاميه بهذا المصاب الجلل استشهاد الامام الحسين(ع)
لكل زوار الحسين(ع) اهديها ..
لبو اسكينه....تعنينه
نواسي فاطمه الزهره....نريد انطوف بالحضره
مشتاكين تدرينه
اجت لحسين هالزوار .... متعنيه وتدك بابــــه
تمشي له وتعد اهموم .... وي كل خطوه بترابـه
حزن والام هالغربه.... وخطر ماتنحصي اسبابه
نناشد من ابو اليمه .... الامل شو طوّل اغيابـــه؟
اليمته الغايب انّطره.... الگلب مجروح شيصبره
نريد احضور مهدينه
تحدينه الخطر واحنـــــــه ..... منو اليوصل لعد حدنه
على اعيون الدرب تمشي .... جوارحنه ومدامعنـه
درس من حيـــــدر الــكرار ..... عالشــــدات علمنــــه
نمــــــوت ومومهم نحيـــا .... ولا نترك شعايرنـــــه
نزور الفايز بصبـــره .... وبهل الفاجعه انذكـــره
وعلي الكرار حادينه
المشي هيّن لون غيره .... بعد للناس نخترعــــه
وتهون الروح لو راحت .... لجل بت بضعة البضعه
وابد ماتنصف الحوراء .... لاكلمــــــه ولا دمعــــــه
السده عليهه صعب وصفه .... وصعب علوادم اتجرعه
نواسي زينب الحره .... على الظلوا على الغبره
يحره ها تلگّينه
لون گطعو چفوف الايـــد ..... وزرعو بالدروب اسيوف
منعوف المشي يحسيــن ..... لاوالله لا منـــــــــعوف
شتسوه اچفوفنه يمـــــه .... الگطعو من اديه اجفوف
يبو فاضل يمنعونــــــــه .... ورغم عنهم اجينه انطوف
الف دمعه والف عبره .... وحسره اشد من حسره
على المگطوعه چفينه
اسلاح الكافرين ارهـــــاب .... واحنه سلاحنه الرايه
حزام الناسف والغــــــام .... واحنه احزام مشايه
بيارغنه الرفعناهــــــــــه .... دليل ومنهج وآيــــــه
هدفنه الواحـــــــــــد نزورك ..... وهذي چانت الغايـــه
الدمع فدوه لدمه نحره..... اللطم فدوه لجرح صدره
او سهم النابت بعينه
اجيناك والف ياريــت .... لو نستشهد ابدربــك
وكل مهموم همه ايزول .... من جذوره لو طبــّــك
ولو يسأل الما يدري .... نگلّه أرواحنه تحبــــك
لأن بيك الهدايه تكون .... بيك اموصّه من ربـــــك
حسين زيارتك عمره .... وحبك فرض نعتبره
معروفه براهينه
لبو اسكينه يوالينه
خادم اهل البيت
ابو معاد النجفي
نعزي الامه الاسلاميه بهذا المصاب الجلل استشهاد الامام الحسين(ع)
لكل زوار الحسين(ع) اهديها ..
لبو اسكينه....تعنينه
نواسي فاطمه الزهره....نريد انطوف بالحضره
مشتاكين تدرينه
اجت لحسين هالزوار .... متعنيه وتدك بابــــه
تمشي له وتعد اهموم .... وي كل خطوه بترابـه
حزن والام هالغربه.... وخطر ماتنحصي اسبابه
نناشد من ابو اليمه .... الامل شو طوّل اغيابـــه؟
اليمته الغايب انّطره.... الگلب مجروح شيصبره
نريد احضور مهدينه
تحدينه الخطر واحنـــــــه ..... منو اليوصل لعد حدنه
على اعيون الدرب تمشي .... جوارحنه ومدامعنـه
درس من حيـــــدر الــكرار ..... عالشــــدات علمنــــه
نمــــــوت ومومهم نحيـــا .... ولا نترك شعايرنـــــه
نزور الفايز بصبـــره .... وبهل الفاجعه انذكـــره
وعلي الكرار حادينه
المشي هيّن لون غيره .... بعد للناس نخترعــــه
وتهون الروح لو راحت .... لجل بت بضعة البضعه
وابد ماتنصف الحوراء .... لاكلمــــــه ولا دمعــــــه
السده عليهه صعب وصفه .... وصعب علوادم اتجرعه
نواسي زينب الحره .... على الظلوا على الغبره
يحره ها تلگّينه
لون گطعو چفوف الايـــد ..... وزرعو بالدروب اسيوف
منعوف المشي يحسيــن ..... لاوالله لا منـــــــــعوف
شتسوه اچفوفنه يمـــــه .... الگطعو من اديه اجفوف
يبو فاضل يمنعونــــــــه .... ورغم عنهم اجينه انطوف
الف دمعه والف عبره .... وحسره اشد من حسره
على المگطوعه چفينه
اسلاح الكافرين ارهـــــاب .... واحنه سلاحنه الرايه
حزام الناسف والغــــــام .... واحنه احزام مشايه
بيارغنه الرفعناهــــــــــه .... دليل ومنهج وآيــــــه
هدفنه الواحـــــــــــد نزورك ..... وهذي چانت الغايـــه
الدمع فدوه لدمه نحره..... اللطم فدوه لجرح صدره
او سهم النابت بعينه
اجيناك والف ياريــت .... لو نستشهد ابدربــك
وكل مهموم همه ايزول .... من جذوره لو طبــّــك
ولو يسأل الما يدري .... نگلّه أرواحنه تحبــــك
لأن بيك الهدايه تكون .... بيك اموصّه من ربـــــك
حسين زيارتك عمره .... وحبك فرض نعتبره
معروفه براهينه
لبو اسكينه يوالينه
خادم اهل البيت
ابو معاد النجفي