الرد على الشبهات التي اطلقها الاخ منهل ( ابو زيني ) اتحداك تدخل

[فارس]

السلام عليكم ورحمة الله
الاخوة والاخوات الافاضل
رأيتم العنوان ورأيتم طريق لفظه
هل انتم معي
الاخ الذي يمثل امامكم اتهمني لااكثر من مرة
باتهامات كبيرة وكثيرة نبطل نحجي فصيح نجي للجلفي
اي وين وصلنة
ياخوان شوفوا اكول الكم شي
اني جاي من حي العباس وياي
خال الموبايل
جوة بالجنطة
ووالسيارة مسوية هوسة بالشارع ازدحام ومدري شنو
زين سوال اذا دك الموبايل اسمع صوته
جاوبوني
يعني وياي
طيب الاخ العزيز متصل 3 مرات واني والله مااسمعه والله شبيكم
زين اجيت للبيت وصلنة بسلامة
طلعت الموبايل
جان تجيني رسالة
منو المرسل
منهل ابو زيني
فتحت الرسالة وياي انتوا
جان يتهجم علية ويكول
من اتصل بيك ليش ماترفع السماعة
بوية تلفون ارضي هو
وارفع السماعة
2 _ فتحت الراسلة بيهه تجاوز على حقوق الانسان بصورة عنيفة
يتهمني بعدم الرد على اتصالاته الثلاثة
عمي والله ماادري
زين اني مقصرت اتصلت بي
والله وكلفني اللاتصال 20 سنت
لا يمكن اكثر المهم
اول مادك
طبعا اني خال ايدي على كلبي
اول مافتح الخط
عيوووووووووووني
من هذاك الحجي الحلو طبعا مال عتاب لايروح بالكم بغير شي
ترة اني اخوكم
المهم كتله يابة والله ماادري
مدري شنو
ماقتنع هنوبة سواهه زعلة
يااخوان يااخوان رررررررردوووووووووووا علية
منو بعد عندة شكية على ابو زيني خلي يتفضل
ومـــــــــــع السلامة
طبعا ياريت يثبت هذا الموضوع
لان كلش حساس

[النجف الاشرف]

هههههههههههههههههههههههههههههههههههههههههههحبيبي الغالي فروسي خويه هذا منهل بعد بس هو حالف الا نخسره فطور وراح نخسره اذ الله راد محبتي لك عزيزي

[الشاب الحسيني]

هههههههههههههههههه

اسلوب جميل اول ما شفت العنوان على بالي في المنتدى العقائدي


يسلموا على الموضوع

[نجف الخير]

حبيبي الغالي فارس
ميكون خاطرك الا طيب
انصالحكم اليوم ان شاء الله
وانسويلكم وليمة فطور على شرف المنتدى
ههههههههههههههههه
بس كون خاطرك طيب


حبيبي الغالي منهل على كيفك ويه فارس
تره هذا أخينه وعزيز علينه
وكلكم عزاز ان شاء الله
دمتم

[نور الاسلام]

اعصابكم
والله هالشي يحدث دائما وشئ عادي جدا
مره لقيت 15 مكالمه لشخص لانني كنت عامل الجهاز سايلنت وبالسياره
وكان شي عادي
..
اخويه فارس .. شلونك
تره الموضوع قد يكون شخصي بيناتكم

الله يديم الاخوه

[نور الزهراء]

ههههههههههه
حتى الشباب يتشاجرون
خلوا روح الحب والتسامح بينكم
ما يخالف أنا يوم صديقتي تتصل علي شفت 13 مكالمة لم يرد عليها وكانت ضروريه بعد موأي شي
يالله تصالحون أحنا في شهر الرحمة والغفران
الله يهدي الجميع

[عناقيد عشق]

اللهم صلي على محمد وآل محمد
وعجل فرجهم الشريف

الله لا يفرق بين احباب
والله لا يفرق بينك وبينه

والسالفة ما تسوى شي
وان شاء الله ترجعوا مثل قبل واحسن

اهو طيب وانت طيب
والله لا يغير عليكم

اخي فارس.. اذا تصالحتوا
لا تنسى فطار المصالحة

تحياتي

[نور الاسلام]

طبعا اهم شئ العَزيمه ههههههههههههههه
يلله ننتظركُمْ

[عشق فاطمي]

ههههههه
فارس الله لا يفرق بينكم

[منهل]

ههههههههههههههههههههه
يعني صدك هاي السالفه قوية ومن شفت الموضوع عرفت بيه مقلب و هذا ثأر قديم بس ابو محمد خير انشاء الله الجايات اكثر من الرايحات واذا عندك بعد اقوى من هذا المقلب هات ما عندك وبكل قوة وان غدآ لناظره قريب؟؟؟؟
اخي العزيز السيد نجف الخير حبيبي
اخي الغالي النجف الاشرف
اريدكم انتم الحكم في هذا الموضوع واريد تخذون حقي من فارس لان شغلت الموبايل هاي مو اول مره له سوابق قديمة مع ابو محمد

[عاشق الأهات]

ههههههههههههههه
يله شباب ولا يهم باجر الفطر المصالحه يمي
ههههههه
انتو اخويه و ماكو بيناتكم غير كل خير انشاء لله

[فارس]

يالله
السلام عليكم
اخوية العزيز نجف الخير
شلونك يارب زين
شفت حبيب شلون اني مظلوم
وشلون منهل مرمرني
وشمسوي بيهه
يعني اني شعلية اذا هو ملزمي الباب
يعني شنو يطلع حركته بية
يابوية
شلون تاليهه وية ابو زيني
خوية اني اريدك انت الحكم
وخلي نخسرة مو فطور
اريدهه مربع عليه
زين ياابو زيني
منو يكول هاي مو اول مرة عندك اثبات
جيبة خلي اشوفه والربع يشوفوا
زين
وتحياتي لكل من ساهم في الرد على الشبهات

[احمد العراقي]

هههههههههههههههههههههههههههههههه

خويه منهل هم دير بالك على اخونه فارس

وتره اهم شي المصالحة الوطنية هههههههههههههههههههه

تسلم اخي العزيز فارس على الموضوع اللطيف

[فارس]

خوية حمودي يالطيف
اني شابع ضيم من ورة منهل
كل شوية مسويلي طلابة
يبووووووووووووووووووووووووو
موتني شوفولي جارة يمعودين
\الله يخليكم

[نجف الخير]

خويه فروسي ميكون خاطرك الا طيب
ان شاء الله راح انسوي مصالحة وطنية بيناتكم
مثل ما كال حمودي
وانخلي ابو زيني يوقع على عقد
واذا خالف العقد
راح اتكون عقوبته
ياويلي على العقوبة


ها خويه فروسي بس كون رضيت

[صدى الاسلام]

يابة السلام عليكم ورحمة الله وبركاته

اني مدام سوة الموضوع

راح اطلع الحركة مالت منهل اللي يوميا شاوي البصل على اذاني

وهذا اللي كالة اخويا فارس ماهوة الاجزء قليل والله يعلم

يعني منهل مثلا تحجي ويا بالمسنجر كتلة يابة اني استوني اتريكيت

خلي اروح اشرب جاي واجي كال ها يلة روحح انتي عندك جمماعتك وحبيبابك

ومن هذا الحجي العتابيات اشتغلت ومو بس هذا انوب شهدا علينة نجف الخير

يعني اخوان ترة اني وفارس دنشكيلكم همومنا وهو متعودلنا والساتر الله من المزيد هذا اني وفارس صارت جراءة واحجينا

الله يعلم شكد ناس شاوي البصل على اذانها استاذ منهل


خالي على كيفك ويانا ترة مو هيجي بس والله الا انخسرك فطور

جاييك عمي وين اطير فارس انت حضر نفسك

بس هوة شوفو هارب من وجه العدالة وين يشرد عمي وين اتروح

وراك وراك

تحياتي الى ابو الفوارس والله زين ماسويت طلعت اللي بكلبي

هههههههههههههههههههههههههههههههههههههههههههههه

[خادمة المنبر]

السلام عليكم
انا في رايي ان منهل ابو زيني يرفع قضية في المنتدى على فارس رد شرف وطعن وماشابه
خل نجف الخير القاضي
وانا محامي الدفاع

على فكرة انا اكتشفت ان نصف معارفي على هالسالفة كلهم بيخاصمون لاني مارد على مكالمات احد

احتراما للوقت
بس فدوة اروح لشهر رمضان تسامحو والجايات احسن

بس صج قصة خطيرة حسبت عندكم شي

[فارس]

خويه فروسي ميكون خاطرك الا طيب
ان شاء الله راح انسوي مصالحة وطنية بيناتكم
مثل ما كال حمودي
وانخلي ابو زيني يوقع على عقد
واذا خالف العقد
راح اتكون عقوبته
ياويلي على العقوبة


ها خويه فروسي بس كون رضيت



خوية ابو الخير
حبيب اني لخاطرك اشيل جبل على راسي مو هنوبة طلابة ابو زيني
شنو تفصل اني البس
ههههههههههههههههههههههه
هو يرادلة واحد يخسره كون زين مو هيج شلون ماجان

[فارس]

اي اي ايييييييييييييييييييييييييييييييييييييييي
الله جابك وين جنت
مو طلعت روحي
تعال شوف هنوبة يحجيني ويكلي مسوي بية مقلب
شلون سالفة هاي
تاليهه طلعت اسوي مقالب
ولاتكول هو هيج مسوي بينه يتبلة علية
مو حيدر صحيح كلامي
يعني حسبالي بس اني طلعوا الربع كلهم
يعني ابسط مثال حيدر نفس الشي مسوي ويا
عمي اريد مربع على ابو زيني
ابو الخير شنو رايك شنو الخسارة الي لازم يتحمله
وياي حيدر لو رحت

[فارس]

خوي مشرفة المنتدى العقائدي
هية السالفة كيت وكيت
عرفتي هسة خوية
وانتي حكمي المن الحق

[صدى الاسلام]

خويا فارس هذا ابو زيني

اذا متراوي العين الحمرة ياكلنا اكل

اتكول مدري شمسويلة احنا بس شسوي اكلوبنا طيبة


يعني شوفو اني وفارس شكد متحملين الله يساعدنة اي والله

واحنا نبقى نطالب بقضايانا لحد ميكف ياخة عنا ابو زيني

عمي نجف الخير خو انت جنت يمة وشفت شحجة علية اني بالنسبة

الية الله يكون بعونة والله من ابو زيني

[عناقيد عشق]

يالله عيل تصالحتوا

يالله انا اليوم ما بفطر

انتظر الفطوور الي تطرشوونه لي


ههههه

تحياتي

[نجف الخير]

أنا ايضا اضم صوتي الى زهراء اذا ما تتصالحون
هااااااا تره ما راح افطر
يله انتظر جوابكم

[عناقيد عشق]

جاري الانتظااار

تراني للحين ما قمت على الكمبيوتر
البيت يفطروون وانا انتظر..

[عاشقة الرضا]

عن ةجد تتكلم خيي فارس
بس اعتقد شي اللي مزاعلين ما يسوه
ارجوا الى بعض احسن

[صدى الاسلام]

يابة اليوم فطرو ويصير خير ان شاء الله

[منهل]

السلام عليكم ورحمة الله وبركاته
ههههههههههههههههههههههههههههههه اخ راح اموت من القهر
خوية الغالي نجف الخير اني طلبت منك ان تكون الحكم على هاي الاشاعة
المغرضة الي أطلقها فارس بتعاون مع صدى الاسلام
خوية نجف الخير اني رجل فقير من اهل الله وفارس وصدى الاسلام عاملين
حلف ضدي واني انتظر الحكم الي انت راح صدره على فارس وصدى الاسلام
واريد بيه عقوبة قوية ضدهم لان الجماعه يكولون منهل زعلان وعمي اني مو
زعلان مو زعلان
خوية زهراء انتي فطرتي لو بعدك هههههههههههههههههههههههههه
خوية خادمة المنبر رحمة الله والديج على هذا الدفاع عني اكيد انتي عرفتي
اني مظلوم واني راح اسويلك توكيل حتى دافعين عن اخوج منهل
بس الله كريم فارس وصدى الاسلام على هذا المقلب انشاء الله ارده في اقرب
فرصه

[نجف الخير]

انا الحكم بينكم
وأقول ان يكون هناك عقد إتفاق بين الطرفين
أن الكل يقدم حجته امام الجميع
وأنا انحاز الى حبيبي ابو زيني
ههههههههههههههههه
وإن شاء الله راح انكون طرفين
والبادي اظلم
يله خل نبدي
حجتنا احنه فريق ابو زيني
اننا على نياتنا ونحب الخير للجميع
والباقي على فارس وصدى
ومثل ما كلت البادي أظلم

[منهل]

السلام عليكم ورحمة الله وبركاته
رحمة الله والديك خوية الغالي نجف الخير
الحمد الله انك اقتنعت اني مظلوم
نحمد الله القادر على نصرتنا في وقت قد تخلى فارس وصدى الاسلام
عنا قد ظهر الحق اخيرا ها خوية فارس انت وصدى الاسلام وين راح ترحون من
السيد نجف الخير بالعافية عليكم العقوبة هههههههههههههههههههههههههه

[صدى الاسلام]

هههههههههههههههههههه

خوش والله اول مرة اشوف حكم وخصم بنفس الوقت لاعيني

خلي انشوفلنا حكم غيرك مولاي نجف الخير شنو هيا لعبة

عمي الرجال يتبلى علينة عسى لااتاخرنا علية بالرد

او تطلع اطلابة بس نتاخر بالرد علية يعني هاي مشكلة من مشاكل

والله في عوننا لاننا مظلومان والله يعلم بحالنا

هذا الرجال ديتبلى علينة بالخالي بلاش وهذا غير جائز بدون دليل اثباتي

فااني وفارس فقرا اثنينا اشهد مابالله

تحياتي للجميع ولاخويا العزيز عضيدي فارس

ههههههههههههههههههههههههههههه

[احمد العراقي]

هاي لهسه بعدكم الظاهر السالفة عالكه هههههههههههههههههه

عمي نسويلكم عزيمة ونخليكم تتراضون احسن حل شتكولون هههههههههههههههههه

[نجف الخير]

العزيمة مو الحل لازم يقدمون اعتذار رسمي الى دائرة ابو زيني للعلاقات العامه
احنه انريد رد اعتبار
مو حيل الله عزيمه

وان عدتم عدنا

[عناقيد عشق]

يا بو زيني

امس كذبتوا علينا وقلتوا نطرش فطوور

ونحن ننتظر ولا شفنا شي

يالله انا اعتذر نيابه عن فارس


اهم شي الفطوور

هههههه

[ربيبة الزهـراء]

ههه
الله لا يفرق بينكم
الله اخلي الاخوة محببببة

[عاشقة النجف]

هاي شنوووووووووووووووووووو

اخ فارس واخ صدى مو حرام عليكم
عفتو العالم كلهه واجيتو للاخ ابو زيني
جي شفتوه فقير
لا اله الا الله
انا اضم صوتي للسيد نجف الخير
واطلب رد اعتبار للاخ منهل
شنو نازلين عليه فد نزله
صارلي يومين اشوف وقلبي محروك مااكدر اكتب الجهاز عاطل عندي
بس هسه الحمدلله من حسن حظ ابو زيني صار عدل
يلله سوولنه عزيمه وصالحو ابو زيني

وانريدهه عزيمه مضبووووطه شي 5 خرفان محشيه ههههههههههههههه

لا خويه ابو زيني اطمان تره هواي وياك
لان دعوة فارس وصدى عليك مو حق يامسكييييييييييين عافو الكل واجوك
هذا حظك خويه لان فقير

يلله ننتظر العزيمه
ولاتكولون لا
تره اني هم بعد محامي دفاع عن ابو زيني

[فارس]

يالله
السلام عليكم اول شي
ثاني شي شنوووووووو صاير غبت يومين مو هواي
يعني صرت اني الصوج بية
وطلعت ااتبلة على ابو زيني
هاي شلون سالفة
شوفوا اخواتن صار يومين اتصل على الاخ منهل ميرد والخط الثاني هم ميرد
والتلفون الارضي هم ميرد
هسة الصوج بيمن
هاي عمي تلفوناتك بس للحبايب
اي اي عمي
ميهم متحملك
خوية صدىالاسلام خو شفت هسة
يعني طلع الصوج بيةة
خوية نجف الخير انتة بعد احكم
اني اليوم ماافطر اذا متحلون هاي السالفة
لو هاي لو ذيج
ماكو حل وسط

[فارس]

شوف شلون صرنة احنة اهل المشكلة وطلعنة احنة نتبلة على ابو زيني
والله سالفة هاي
عمي يالربع اني جاي اشتكي طلعت اني الصوج بيه
والله اني فقير وافقر مني ماكو
ابو الخير ليش هيج خوية اني اريد قاضي بيني وبين ابو زيني
حكمت علية بدون اي دليل
ليش هيج وية وانتي خوية عاشقة
5 خرفان
هههههههههههههههههه
اي مو اني غنام عندي قطيع مال دجاج
هههههههههههههههههههههههههههههههههه
ميهم بس كون اني الصوج بية

[خادمة المنبر]

انا قبلت التوكيل واجرتي فطور يومي وسحور لي ولاعضاء المنتدى مع اجرة بدل سفر واجرة مواصلات واجرة استخدام النت يعني كلها بس الف الف دينار والباقي نتافهم ونخصم لك اخي عزيز وموالي مو مصائب قوم عند قوم فوائد بس شنو القضية اصلا ترى ضاعت مع كل هالتصريحات بس اكيد مع موكلي الحق وكل الحق

[صدى الاسلام]

ترة اخوان لحد يتبلى علينة اذا ماعندة اطلاع كامل على القضية

كل مافي الامر ابو زيني على ابسط الامور يتهمنة اتهامات باطلة ويتبلى علينة

هاي شكوانا انت ليش سويتوها طلابة شو اخذتونا حاصل فاصل

بس على العموم عدنة السان ونحجي والحق حقنا لان لو موحقنا

جان ابو زيني كلب الدنيا علينة وهذا اكبر دليل اثبات والله يشهد

تحياتي للجميع

[فارس]

ههههههههههههههههههههههههههههههه
اي اي اي
صح كلامك ابو كرار خوية
لو الصوج بينة جان كلب الدنية علينة
وسواهه هوسة يبوووووووووووووو
عاد ابو زيني وميعرف يهوس على واحد
هههههههههههههههه
هو وينة

[احمد العراقي]

ها بشروا ما انحلت الجبسه هههههههههههههههههههههههههه

[عاشقة النجف]

صدى وفارس كافي تتبلون على الرجال ماموجود
وانتونازلين عليه
بعدين الغايب عذره وياه
هسه يرجع ونفهم منه القصه
يعني اذامايدخل معناتهه معنده اثباتات؟؟
لالا تره هذاالهدوء اللي يسبق العاصفه :eek:

:confused: :confused:

انتظرو لاتفرحون
الربحان اليضحك بالاخير
:D
:D
:D

[صدى الاسلام]

احنا ماعدنة شي

وان شاء الله يصير خير

شتكول ابو الفوارس

[نجف الخير]

هاااااااااااااا
الظاهر انتو شفتو ابو زيني وحده
وهاي عليه ضريبة
والضريبة
جبيرة
جبيرة
جبيرة
لتخلونه نوصل اله
هذا انذار من عدنه
وقد أعذر من أنذر

[عاشقة النجف]

ايييييي
خوش تنبيه
ينصر دينك سيد نجف الخير
عدل والله راح بيهه فارس وصدى
ههههههههه

[نجف الخير]

نعم هو الحجي شيل وحط
عمي احنه فريق ابو زيني
حجتنه ويانه
والبادي أظلم
وان عدتم عدنا


ننتظر الجواب منكم

[عاشقة النجف]

اعتقد صدى وفارس بعد منشوفهم لان ثبتت عليهم التهمه
لسبالهم يطيحون ابو زيني هههه

ماحزرتووووووووو

[فارس]

اي اي ابو كرار معليك
عوفهه السالفة تجي وحدهه
هههههههههههههههههههه
طلع وحدة هسة وهاي كله وياه

[فارس]

ههههههههههههههههههههههههههه
هههههههههههههههههههههه
ابو زيني وينك
ابو الخير خوية هو طلع وحدة هسة
طيب المنتدى كله يدافع عنة شلون وحدة
زين انتوا عرفتوا السالفة شنو
لو معرفتوهه
ههههههههههههههههههههههههههه

[منهل]

السلام عليكم ورحمة الله
كيف الاحوال انشاء الله بخير
الظاهر الجماعة فارس وصدى الاسلام
مستغلين فرصة غياب ولو اخواني واخواتي
مامنطيهم مجال وخاصة اخي نجف الخير
بس شنو تتوقعون راح يكون ردي على فارس
وصدى الاسلام ؟؟؟؟؟؟
نجي واحد واحد اول شي فارس
اليوم وبعد الفطور يتصل الاخ فارس على التلفون
الارضي وهو ويقول والله ابو زين العابدين
مشتاقلك كثيرآ واني اتسأل عن غيابك في هذه الفتره
كان جوابي الى الاخ فارس يمعود انت مشتاقلي ومتحالف مع صدى الاسلام ضدي يضحك الاخ فارس ضحكه قوية ويكول عمي اصلآ اني احب ان اشاقة وياك (امزح) انت حبيبي واني اشلون اتحالف ضدك هذا الدليل الاول ضد فارس ابو محمد الظاهر يطبق المثل العراقي( في الوجه مراية وفي الظهر ؟؟؟)
اما اخي المشاكس صدى الاسلام يدخل على الماسنجر
ويلقي التحية ويباركلي على رمضان وبعد ذلك يدور حديث بيننا هذه مقطفات من المحادثة واطلب منكم التحكيم وخاصتآ اخي نجف الخير
المحادثة
صدى الاسلام: السلام عليكم خالي
صدى الاسلام: اشلونك
صدى الاسلام: انشاء الله بخير
منهل: وعليكم السلام حبيبي ابو كرار
صدى الاسلام: هلا بعد رويحتي
منهل: تسلم رويحتك الله يستر عليك
صدى الاسلام: شلونك
صدى الاسلام: افطار شهي ان شاء الله
منهل تقبل الله منا ومنكم
صدى الاسلام: والله خالي كاعد على اعصابي راسي يوجعني كلش
منهل: سلامتك عندك العافية ابو كرار
منهل: بس انت ما مبين عليك مريض
صدى الاسلام : ليش خالي ما مبين علية مريض
منهل: بس انت لو مريض ليش هيج مسوي بيه
في المنتدى العام
صدى الاسلام:هههههههههههههههههههههههههه
منهل: هااااا خالي تضحك خير انشاء الله
صدى الاسلام : ادمرك ادمرك
منهل: ليش خالي دمرني شنو ذنبي وياكم بعد هاي الاتهامات والمقلب تريد دمرني خالي على كيفكم وي الفقراء بس النه الله
صدى الاسلام: اكلك لتداهر ترة اكعدلك نص ركبة
منهل زودك الي ابو كرار انشاء الله الايام بيننا
صدى الاسلام: خالي دتشاقة لو تحجي الصدك اخاف زعلت من المقلب يمعود انت حبيبي الغالي
صدى الاسلام: عمي كاعد نتشاقة شبيك
منهل: حبيبي الغالي ابو كرار اني مو زعلان بس كنت
انسخ محادثتك لان راح بعد نصف ساعه انزله في المنتدى وهذا دليل برائتي من كل الاتهامات هههههههه
هههههههههههههههههههههههههه تعيش وتاكل غيرها
صدى الاسلام: واكو شي اسمة حذف وعندي اوبشن كامل
منهل: اذا حذفت المشاركة راح ادزه برسائل خاصة لكل
الاعضاء ههههههههههههههههههههههههههههههههههه
اخي ابو كرار ماهو شعورك الان ؟؟؟؟؟؟
طبعآ الجواب معروف هو انت الان كلش خجلان لان انكشفت نوايك المغرضه ههههههههههههههه
هههههههههههههههههههههههههههه
هههههههههههههههههه
تعيش وتاكل غيرها ابو كرار الورد

[فارس]

هههههههههههههههههههههههههه
هذا مو دليل
يجوز انت مالف هاي الرواية
هههههههههههههههههههههههههههههههههه
يمكن ويمكن ويمكن
ويمكن
ههههههههههههههههههههههههههههههههههههههههههه
شوف غير سالفة
اكلك اني البارحة اتصلت لو انتة
ورة الفطورلا منو اتصل بية
ووسولف الي كال اتخربطت بغداد وردت اموت
ههههههههههههههههههههه
بس لامتوهم
وحجتى كتلة اكلك اتصلت عليك بالموبايل ليش مترد
جان يكلي الموبايل بعتة وراح اشتري واحد احدث منة
ههههههههههههههههههههههههههههههههههههههههههههههههه
ابو زيني شلونك خوية

[عاشقة النجف]

اهلاااا اخ ابو زيني
شو هاي دلائل قويه على فارس وصدى
لكن اخي بكل سهوله يكدرون يشككون بيهه وينكروهه

:confused: :confused: :confused: :confused:

[احمد العراقي]

هههههههههههههههههههههههههههه

الكم الله فارس وصدى الاسلام

الجماعة كله عليكم ههههههههههههههههههههه

[فلاان]

الحين في فطور أو خلاص ما نحلم بيه :p


ههههههه

الله يخليكم لبعض احباب واخوان :)

[فارس]

ههههههههههههههههههههههههه
هههههههههههههههههههههههههه
ههههههههههههههههههههههههههههههه

[نجف الخير]

بسم الله الرحمن الرحيم
السلام عليكم ورحمة الله وبركاته
اللهم صل على محمد وآل محمد
اللهم كن لوليك الحجة بن الحسن صلواتك عليه وعلى آبائه في هذه الساعة وفي كل ساعة والياً وحافظاً وقائداً وناصراً ودليلاً وعيناً حتى تسكنه أرضك طوعاً وتمتعه فيها طويلاً وهب لنا رأفته ورحمته ودعائه وخيره برحمتك يا أرحم الراحمين


أخوي الغالي فلان ان شاء الله راح ينكشف الخيط الابيض من الخيط الاسود
غدا الخميس
وستتبين كل الامور أمام محكمة العدل الدولي الكائنة في كربلاء
في بيت الاخ ابو زيني

ولنا عوده

دمتم

[صدى الاسلام]

السلام عليكم ورحمة الله وبركاته

ليس كل مايلفق ضد الغير هة صحيح هذا دليل غير واضح وياريت يجيب دليل قوي

اني هم باستطاعتي اكدر اسوي محادثة على نفس الاميل مالت ابو زيني جدا سهلة

فشي مضحك والله اضحكتني كثيرا وانا تعبان اخي العزيز شوفلك حجة اقوة

لان اذا اتريد انزل المقاطع الصوتية اللي مسجلهن اني وهذا دليل جدا قوي

ومسجل عندي بالموبايل وبدون اي حذف ماادري شلون انت نفسك اقتنعت بالفكرة

عجيب والله عجيب على العموم تحياتي لابو الفوارس وتحيتي الى الاخت عاشقة النجف

لان هيا الوحيدة اللي عرفت هذا الشي غير صحيح نسال الله الهداية والمغفرة

انه على كل شي قدير

والحمد لله رب العالمين

[بانيقيا العطاء]

الســــــــــــــــــلام عليكم ورحمــــــــة الله وبركااااااته
ــــــــــــــــــــــــــــــــــــــــــــــــــ ــــــــــــــــــــــــــــــــ


كيفكم شباب ان شاء الله بخير

ولو اني اتيت متاخر ولاكني اتابع الموضوع عن كثب وليس من خلال الموضوع والردود

ولاكن على الحقيقة ومطلع على اغلب الامور ومن جميع الاطرف

واعتقد الاخ صدى الاسلام يعرف جيدآ والاخ منهل ايضآ

بس الاخ فارس لا اعتقد يعلم بمتابعتي ولاكن بأمكان الاخ صدى الاسلام ام يخبر الاخ

فارس على العموم

الادله التي طرحت من الاخ منهل هي ادلة قاطعة ولا تقبل الشك

صحيح انها بسيطة ولاكن بنفس الوقت انها قد وضحت ما في النواايا والصدور

ومثل ما قال الاخ نجف الخير انغدآ لناضره لقريب

وما هي الا ساعات معدودة وياتي يوم الخميس يوم الحسم

في كربلاء في بيت ابو زيني الورد

وحينها سوف اكون انا صاحب القلم الذي يدون المقالات ههههههههههه

وسوف اعلمكم اول باول

والى الملتقى

[عاشقة النجف]

ههههههههههههههههههههههه
شو اخ بانيقيا العطااااء
صرت محامي عن ابو زيني
والله الكل ينتظر بكره
مابقه شي
ونشوف صدى وفارس شنو راح يصير بيهم
اخ صدى انا مااكدت عدم صحت الكلام
لكن كنت انبه ابو زيني انو انتو اكيد راح تنفوهه
وصحيح انتو نفيتوهه
هسه راااح يجي بااجر
ونشوووووووووووف
تنكشف كل الاوراق
يلله
جاري الانتظااااااااااااااااااااااااااااااااااااار

[فارس]

هههههههههههههههههههههههههه
ههههههههههههههههههههههههههه
ابو زيني شلونك
خوية ترة اني اشور
رجل خالتي سيد
ههههههههههههههههههههههههه

[بانيقيا العطاء]

السلام عليكم ورحمة الله وبركاااااااااته

وبعد /
ـــــــــــ

سبق وان وعدتكم ان انقل لكم الوقائع اول باول

يوم امس الخميس توجهنا من مدينة النجف الاشرف انا والاخ السيد نجف الخير

والاخ النجف الاشرف والاخ صدى الاسلام الى كربلاء المقدسة

وكان ذالك في الساعة الثالثة ضهرآ وقد دار الحديث في الطريق ونحن في السيارة

واقولها للامانة قد تم اغرائي من قبل صدى الاسلام هههه وقد طلب مني ان اقف

بجانبه اثناء المواجهة مع الاخ منهل على العموم ما اطول عليكم وصلنا الى كربلاء

في تمام الساعة الخامسة يعني قبل اذان المغرب بساعتين تقريبآ

وحينها قد اتصل الاخ منهل هاتفيآ بلسيد نجف الخير وقال له السيد نحن قد وصلنا

بخير وسوف نقيم مراسيم الزيارة ومن ثم ناتي الى الدار تبعك

والحمد لله قمنا بزيارة ابو فضل العباس ولم ننساكم بلدعاء حينها

وقررنا ان نزور الامام الحسين بعد الافطار

وحينها اتصل الاخ منهل ثانيآ وقال هل انتهيتم من الزيارة قلنا له نعم فقال

فقال انا سوف ااتي بلسيارة حتى استقبلكم فما هي الا دقائق وقد اتى الاخ منهل

مع الاخ فارس وهم يبتسون ورحبو بنا ترحيبا حارآ وقويآ

وذهبنا لبيت الاخ منهل وقد اعد لنا سفرة الافطار

ومن ثم قد انفتح التحقيق ههههههههه

وقد قام الاخ منهل بتوجيه الاسئلة الى صدى الاسلام والى فارس

وحينها قال الاخ فارس لمنهل هدئ من روعك يا اخوي انا غرضي من طرح الموضوع

هو تلطيف الجو وشد الاعضاء فيما بينهم لا اكثر ولا اقل

حينها هدئت الخواطر واطمئنت النفوس

ومن ثم بدا الحديث عن المنتدى بصورة عامة واخذ النقاش يحتدم فيما بننا وقد تم

طرح بعض الاقتراحات والتغيرات وان شاء الله تم الاتفاق على تطوير المنتدى

وتوسيعه وان شاء الله سو ف تشهدون في الايام القادمة تغيرات لطيفة

تصب في ارتقاء المنتدى الى ما هو افضل باذن الله

[عناقيد عشق]

اللهم صلي على محمد وآل محمد
وعجل فرجهم الشريف

أولا الحمد لله على السلامة

وهنئيا لكم هذه الزياره


وثانيا ما عزمتوونا عالفطوور

ولا بس وعد


ههه

عليكم بالعافيه

ويعطيكم العافيه


تحياتي

[بانيقيا العطاء]

الســــــــــــلام عليكم ورحمـــــــــة الله وبركااااااااااته
ــــــــــــــــــــــــــــــــــــــــــــــــــ ـــــــــــــــــــــــــــــــ

الاخت زهراء ليس فقط وعد بلعكس نحن برسم الخلدمة ويشرفنا

ان نتشرف بزيارتكِ انتي وكل الاعضاء داخل وخارج العراق

ومثل من نقول عدنا بلعراق بعدها على اولها

فقد وعدنا الاخوين منهل وفارس ان يأتو الى زيارة النجف الاشرف

في مناسبة استشهاد الامام علي عليه السلام

فانا اتكلم بلنيابه عني وعن اخواني وادعو كافت الاخوة والاخوات

خارج وداخل العراق للمجيئ الى النجف الاشرف وسوف تكون صدورنا مفتوحة

قبل بيوتنا لاستقبالكم وان شاء الله نكون على قدر الضيافة

واهلا وسهلا فيكم ومن دواعي سرورنا ان نتشرف بكم جميعآ

والســــــــــــلام خير ختـــــــــــــام

[فارس]

بسم الله الرحمن الرحيم
الاخوة والاحبة والاخوات العزيزات
صبحكم الله بالخير اما بعد
فما قاله الاخ العزيز والرائع بانيقيا العطاء
هو ماكان مضمور من خلال هذا الموضوع الجميل بتفاعلكم به
فما كان الا التقرب والمناقشة والابتسامة
فتحية الى الاخ منهل والاخ نجف الخير والخ النجف الاشرف والاخ بانيقيا العطاء
وكل من دخل وشارك في هذة المناظرة اللطيفة
فيامية هلة ومرحبة
فارس

[عادل الساعدي]

اخي العزيز فارس
اخوك من اصدقاء ابو زيني القدماء ...وهذا الموقف اتكرر وياي عشرات المرات
واخيرا وجدت الحل الشافي
؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟
الحل اني حاليا بدون موبايل والحمد لله
والله يجازي الي كان السبب
بس ترة راحة البال تسوة ملايين مو
مع كل حبي واحترامي الكبير لاخي الغالي منهل ابو زيني

[فارس]

هههههههههههههههههههههههههههههه
هههههههههههههههههههههههه
اهلا وسهلا بيك حبيب
هههههههههههههههههههه
زين تسوي

[عاشقة النجف]

ههههههههههههههههههههههههه
شو يا اخ بانيقيا العطاء
مراسل درجه اوله ماشاء الله عليك
الله يتقبل الزياره يارب
ونشكركم لان اندعيتولنه والله هذا من طيب اخوتي
وماشاء الله عليكم مبينه الكعده كانت حلوه
الله لايفرق بينكم ويديم المحبه للابد يا اخي
ونشكر الاخ فارس على رسم الابتسامه على وجوه
الاخوه والاخوات وهذا ماعهدناه من زمان
ونشكرك اخي بانيقيا على دعوتكم للجميع بزيارة النجف الاشرف
والله هاي احله امنيه
لكن ماباليد حيله
نلتمس منكم الدعوات والباقي على الخالق القدير
وان شاء الله نشوف منكم مقالب اخرى
ههههههههههههههههههههههههههه
حته تكثر العزايم
موفقين ياااااارب

[فارس]

اختنا القديرة عاشقة النجف
اولاً الحمد الله على سلامتكم
نور المنتدى بطلتكم البهية

[عاشقة النجف]

اخي فارس الله يسلمك يارب ويقويك
المنتدى منور بوجودك و وبوجود الطيبين
لكن شو الحمدلله على سلامتي
ليش انا وين كنت ؟؟؟

[النجف الاشرف]

السلام عليكم

اللهم صلي على محمد وال محمد وعجل فرجهم الشريف

الحمد لله تمت الزياره وتمت المصالحه لكن لا ادري لماذا مراسنا الكريم الاخ بانيقنا لا يقر بها هههههههههههههههههههههههههههههه

خويه فروسي سمعت زعلان شنو السالفه
عمي ابو زيني صوجك ما طلعت النص اخمص واخذت ثارك
ههههههههههههههههههههههههههههههههههههه

<<< صار كرايب ايوب بس ليسمعني ويزعل هههههههههههههههههه


ان شاء الله اخوه تحت رايه يا قائم ال محمد

[عاشقة النجف]

اكول خويه النجف الاشرف النص اخمص شنو يعني ؟؟
هاي بيا لغه بلله؟؟
ههههههه
شنو هذا سلاح يعني

[عناقيد عشق]

ههههه

عشوقه هذا وانتي عراقيه وما تعرفين

أنا اعرف..

تبين اقولج ؟؟

كم تعطيني؟؟

[عشق فاطمي]

زهروه يا بعد عمري قولي

انا ما اعرف

[عناقيد عشق]

كم تعطوووني؟؟

هالايام كل شي بفلووس

هههه

[بانيقيا العطاء]

نجف الاشرف

حبيبي انته واخوي انته اضاهر متابع غير دقيق هههههههههههههه

انا قد كتبت وبلتفصيل الممل ما جرى وحدث في زيارتنا

والاخوة والاخوات قد اطلعو على تفاصيل الزيارة ( المحكمة )

وراجع حساباتك وشوف

تحياتي لك النجف الاشرف

وثانيآ ان مو مراسل اعمل لحساب شخص ما هههههههههه

ولاكن حبيت ان اضع حد وان اطلع الاعضاء كافة ول ما جرى من تفاصيل

وانته تعرف هذا جيدآ واعتقد وصلت الفكرة

تحياتي لك اخوي العزيز

[بانيقيا العطاء]

وبلمناسبة بلنسبة للنص اخمس

هو سلاح كلاشنكوف المعروف

ويسمى بنص اخمس لصغر حجمه

والله يبعدنا عن السلاح

وسلحنا الله بسلاح الذي لا يقهر وهو سلاح الايمان

[عاشقة النجف]

هههههه
شو زهراء شعرفني اني بنص اخمس
شايفتني رايحه للجيش لو مقاتله
ههههههه
ماراح اطيج فلوس ابن ولايتي جاوب
هههههههه
الف شكر لك اخي بانيقيا على جوابك موفق يارب

[فارس]

عمي نجف الاشرف شنو السالفة اشو صارت بيهه نص اخمس
عمي عاشقة كالوا رايحة لقطب الجنوبي
مدري شنو من هاي السالفة

[عناقيد عشق]

هههه

عشوقه

انا اصلا ما اعرفها

بس كنت اتشاقه معاج

هههه

[عاشقة النجف]

ههههههههههههههه
خويه فارس اني جنت بالقطب الجنوبي؟؟
والله خوش انتو تدرون واني ماادري
ههههههههههههه


حبيبتي زهراء ادري بيج متعرفين اذا اني ماعرفتهه هههههههههههههههه
اسماء والله اول مره اسمعهه حقنه تره زوزو البنات رقيقات مو مال سلاح
هههههههههههههههههههههههههههههههههههههههههههه