.. الحمد لله عرفت مكانتي عندكم يا منتدى انا شيعي ..،

[hassan.khalifa]

.. بعد السلام والتحية ..،

.. الحمد لله عرفت مكانتي ومعزتي عندكم يا اعضاء انا شيعي ..،

.. كلكم مشرفين واداريين واعضاء ..،

..سافرت وبعدني مسافر ، وحتى قبل السفر كنت ما ادخل المنتدى ( لظروف خاصه )..،

.. فكرت انا تارك فجوة في المنتدى ، فكرت لي مكانة بينكم ..،

.. غبت وغبت وغبت ، لا رسالة ولا موضوع ولا سؤال !! ..،

.. لكن عرفت مكانتي ولله الحمد ، اقدر اطلع واتغيب وقت الي يعجبني ..،

.. ومثل ما قال المثل ( ما تقدر تغصب احد يحبك ) ..،

.. والله يوفقكم انشاء الله ..،

[أرجوان]

عزيزي أخي الفاضل حسن
أنت قلت انك مسافر بمكة
بس مو معناها ان نسيناك لا طبعا
أنت أخونا المدلل الصغير..
أكيد نعزك ونحترمك ونبيك تكون موجود
معانا في كل لحظة..
أنت في بيت الله الحرام حيث الاجواء الروحانية الربانية
أنت احسن منا بكثير بدل ما تزعل منا لازم تدعوا لنا

لا تفكر ان بعدك عنا يريحنا لا طبعا صعب علينا
أحنا هنا أخوه نحب بعض نحزن على فراق بعض
نفرح لبعض مأسينا وافراحنا كلها وحده..
صعب أن نخسر عضو حبوب جميل دمه خفيف مثلك..
لك بصمه كبيرة بالمنتدى..

يمكن ما سألنا لانك مسافر اشلون رح تكون وسيلة الاتصال بيننا ونحن في عالم
الشبكة العنكبوتية..
أنت الحين دخلت وانت مسافر مو من بيتكم..
انا لمن اسافر ما ادخل نت ابدا ..
يعني اشتاق كثير كثير لكم..

مثل ماانا اشتاق لللمنتدى ولكم اكيد انت تشتاق لنا..



رح ننتظرك تجي من سفرتك بالسلامة ولا تنسى هديتي
ركعتين خلف مقام ابراهيم وأن تدعوا لي أن اروح العمرة الرجبية..

اذا انا ما رحت يعني انت ما دعيت لي وظليت زعلان مني
والله ازعل منك اذا نسيتني,,

أختك..
أرجوانه الدلوعة..

[العيون الباكيه]

لا أخوي لاتقول كدا أنا صدق ماادخل وايد يمكن ماتدكر اسمي بعد
بس اكيد الأعضاء والمشرفين ...الخ مشتاقين لك واكيد تارك فجه
بس يمكن الظروف لهتهم اشوي ومكانتك اكيد كبيره في قلوب الأعضاء كلهم
والواحد اللي يحب أشخاص يخلق لهم أعذار مهما كان ويحط الف احتمال
حتى مايخسرهم في ثانيه بعد علاقته بهم اشهور ويمكن اسنين
وان شاء الله ماتقطع المنتدى الا اذا الظروف اجبرتك :)
وربي يوفقك ويسعدك وجميع المؤمنين ولاسيما أعضاء هالمنتدى :)

وتقبل مني كل الأحترام والتقدير ،‘،‘
العيون الباكيه

[ღ مــلاك ღ]

والله المنتدى مو صاير حليو إلا بتواجدكم فيه :)

وانتوا اللي مسويين جوو في المنتدى :D


والمنتدى صاير ملل هالايااااااااااااام لان ناس واجد مسافرين ومن ضمنهم انت حسون :p

يالله الله يرجعك بألف سلامه وترجع للمنتدى الحياه فيه :)

ولاتنسانا من الدعاااااااااااء :)

ولا تزعل مانقدر على زعل الغاااااليين ;)

[بنتُ علي]

لوكنت مكانك ..في مكة انسى الدنيا ومافيها ...

ذكرتني بالعام الماضي ..الله على الاحساس ..شعور مافي مثله

اقول حسن انتبه لايخذوا نعالك ههههههه ..

آآآآآآخ مشتاقة اروح مكة ....ادعي لنا

شوف حسن ... اني ماادخل واجد ...ومادري اشصاير ؟؟؟؟

بس مولازم المكانة بالسؤال لان كثار يغيبوا ....

اشدراك يمكن احد ذكرك يوم من غير مايكتب ... ودعا لك دعو حلوة ...

يلا اذكرنا في دعواتك هناك .........

ابغى اروووووووووووووح .........

يلا بلا زعل ...شخبار النتيجة صحيح ؟؟ ؟؟؟؟؟؟؟ ...شايف مادري عن شي ..

بالتوفيق ..ترجع بالسلامة ان شاء الله

[دموع لا تنطفي]

افا عليك يا حسوون انت اخو عزيز وغالي وبالعكس انت تركت فجوة وااايد كبيرة بالمنتدى
وتقبل الله اعمالكم ولا تنسانا من الدعاء
تقبل تحياتي اختك دموع لا تنطفي

[لبيك داعي الله]

افاااااااااا حسووون معقولة مالك عندنا معزة بقلوبنا

انا اتوقعت انك رجعت من السفر بالسلامة اثاريك زعلان علينا وحنا ماندري

والله في ناس كثييير عزيزين علي مفقتدة تواجدهم مررررررررة وانتظر عودهم بيننا بفارغ الصبر

لو راح ارسل لكل واحد رسالة صندوق الرسائل بينفجر :d

بس كل واحد وله ظروفة الخاصة

وانشاء الله يرجعوا وترجع بالسلامة ولاتنسى تدعلينا حسن هاا

ولا تتغلى علينا تراك غالي :)

بالتوفيق للجميع

[لحن القمر]

مرحبا حسن ..
هذا مو سبب ابد انك تزعل
حتى احنا بعد من حقنا احنا نزعل طول الوقت كنت معنا ماخبرتنا انك مسافر..؟؟!!
وانا وحدة تفاجأت لما عرفت انك مسافر قلت في خاطري حتى ماكلف نفسه ينزل موضوع
اذا ماكان عندة وقت الى هذي الدرجه يقدر يبلغ احد الاعضاء حتى لو برساله خاصه عشان ينزل له موضوع
يعني مو حلوة واحد عايش معنا في بيت واحد يسافر ولا يخبر عائلته .. لان حتى العائلة راح تزعل
واذا على انك ماتركت فجوة في المنتدى ..تراك غلطان لانك تعرف بنفسك كيف كانت مشاركاتك وتواجدك المستمر بينا فما اعتقد مجرد اعتقاد انك مكانك احد اخذة.. ظل فاضي لين ترجع له ...وكل الكل في هي المنتدى يعرف حسن منو...؟؟ لو انا غلطانه ..؟؟!!
فما اعتقد ان الموضع يستحق تزعل وتطلع ومادري شنو ..انا وحدة تركت المنتدى فترة طويلة حتى من الاشراف انشلت ماشفت ولا حتى رساله من احد حتى لو على البريد او الخاص وحتى لما رجعت ماحد رحب فيني ..!!
فليش تزعل ..؟؟

السيدة

[أنوار البتول]

اهليين اخووي العنوون حسووون :p

افااا ولاتسئل عني تقول حيه ولاميته انواار ابد ماكني اختك وبنت ديرتك .. ماعليه اوريك ..:mad:

ولاتقول انك بترووح مكه عالاقل كان قلت لي يمكن ارووح وياااكم ..خخخ :D

ولا خاايف ماتيب لي هديه يعني ..:D

اي والله لك وحشة واايد بالمنتدى انا اشووف اسمك من المتواجدين بس ماشووف مشاركات لك ..:o

المهم مو تنسى تدعي لي زين .. :p

ويلااا ننطر رجعتك بالسلامه ..

وسلمي على الاهل كلهم وبالذات الواالده زين ..:p

[عاشق الزهراء]

شدعوه حسوني الغالي إحنا ما ندري عنك الله يسامحك بس ساعات مع الإنشغالات الإنسان ما ينتبه من معاه بس لازم الواحد يعذر غيره وأنا كلي أمل في قلبك الطيب حبيبي إنك تسامحني وكافة أعضاء المنتدى أكيد لأننا كلنا نحبك ونخاف عليك بس الفترة الماضية فترة اختبارات وعلى فكرة أنا أرسلت رسالة دعوة لزواج ابن عمي بس ما أشوفك رديت علي يالغالي

[نجفية وكلي فخر]

ههههههههههههههههههههههه

ذولي كلهم وتكول ماحد ذاكرك خوية

يلا شد حيلك وارجعلنا بالسلامة ولاتنسانا من الدعاء

[البحرانية]

افا عليك حسون

حنا ننساك !!!

انت اخ غالي ولك بصمة وتواجد في المنتدى وليس من السهولة نسيانك

كل المسالة ان كل واحد وله ضروفة الخاصة

واني شخصيا اغيب بالايام وماحد يسال عني الا نادرا

يعني مو لازم نسوني ولكن مثل ما قلت لك لكل شخص ضروفة الخاصة

حنا بانتظارك وانتظارمشاركاتك القيمة

فلا تنسانا من دعائك

تحيااااااتي

[عاشق الأكرف]

اهلا ومرحبا بيك حسوون

ماهقيت تقول هالكلام وانت تعرف معزتك عند الكل

وان لك مكانة كبيرة بالمنتدى

يمكن هذي الصفة بالمنتدى كلة نفس الشي انا بعض الاحيان اغيب ارجع افكر احد سال لكن للأسف ماشوف صحيح اضايق

بس عادي مشي الوضع كل واحد وظروفة

وصراحة اختي مليكا لما كانت متواجده بالمنتدى واجد من يغيب احد تسأل عنه علطول ماتقصر

وعن نفسي انا ما ارسل لاحد يمكن اخوان او اخوات لان ماحب صراحة ان اثقل على احد

او احد يفهمني بشكل خطا لا سمح الله

وهذي وجهه نظري

وننتظر عودتك بالسلامة :)

[شلال الذكريات]

والله دايم اتذكركـ ,,

بس مااكتب بالمنتدى ,,

وانا اقول غريبة مااشوفك من المتواجدين ,

طلعت مسافر.

المهم حسووون ادعي لي ,

وانا دايم اتذكرك والله يعلم ,,

تحياتي لك ’’

أسيرهـ الشوق