برمودا تحت العباه والسيقان طالعة

[عاشقة أبا عبدالله]

السلام عليكم ورحمة الله وبركاته

في السابق كنا نشوف ظواهر تنتشر في المجتمع ونستنكرها او ماتدخل عقولنا
لتعارضها سواء للدين الأسلامي او لعادات اجدادنا وتقاليدهم ..


كانت البنت لين البست عباه مطرزه مزحرفه ملونه قلنا عنها صايعه ومش متربيه .. او ماوراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديت عنها لاينتهي ..

عموما .. انا ماودي اتطرق واتكلم في امور قديمه ياما تكلمنا عنها ..



لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا القصير تحت العباه .. وياريت تكون العباه مسكره ..

الا مفتوحه وتظهر السيقان وفرجه للكل ..

يعني ودي اعرف شهدف الفتاه لما تلبس برمودا والسيقان طالعه ووتشمى في المجمع وبكل ثقه ؟؟

والي يبط الجبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قلله ادب ومش متربي وووو .... الخ ..

طيب اذا اهو قليل ادب انتي شتطلعين ؟؟ انتي ماحترمتي نفسج ولا حشمتي الموجودين بالمكان

ليش تتوقعين من الشباب يحترمونج او يعملولج حساب ؟؟ ودايما نقول : من سوا روحه سبوس العبت به الدياي .


والشي الثاني الي استغرب منه .. ان شلون هالبنات يطلعون من بيوتهم بهالشكل ؟؟

الاهل وينهم ؟؟ مايشوفون بناتهم ؟ مايشوفون شلابسين ؟؟

اوكي خل الاهل على صوب ؟؟ البنات شلون يرضون على نفسهم ؟؟ نسوا العادات والتقاليد ؟
نسوا انه عيب ؟؟ وين الوازع الديني ؟ وين الخوف من الله ؟

كل هالاشيا صارت عاديه بالنسبه لهم ؟؟؟

عموما ماراح اطول عليكم .. بس بغيت نتناقش في هالمووضع واعرف رايكم فيه ..

وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ؟ و أين ؟؟
2_ شرايكم بهالنوع من الفتيات ؟
3_ برأيكم شالهدف الذي يجعل الفتيات يطلعون بهالشكل ؟؟
واخيرا .. هل في كلمه تحب توجها لهالفتيات ؟ نصيحه او حتى نقد ؟؟

لأمانة منقووول
تحياتي

[عاشق الأكرف]

1_ هل صادف وان شفت هالظاهره امامك ؟ و أين ؟؟
للحين لا والحمد لله

2_ شرايكم بهالنوع من الفتيات ؟
مهم متربين اكيد واستحقرهم بشكل كبير


3_ برأيكم شالهدف الذي يجعل الفتيات يطلعون بهالشكل ؟؟

الهدف ان البنت تطلعت تدور شباب بدل العكس وجان تتعرف وتحس ان احد مهم فيها لان اكيد فقدت هالشي في بيتهم وتبي تعوضة برا لكن بشكل حرام واذا تحرش فيها الشاب قالو الشباب مهم متربين مع العلم ان هي الي تخلي الصخر يطالع فيها من لبسها والغرض الاساسي يعني هي اثارة شهوة الشباب عليها عشان تحس انها شي مهم ماشاء الله


واخيرا .. هل في كلمه تحب توجها لهالفتيات ؟ نصيحه او حتى نقد ؟؟

اقول للي كده انك تبين تكوني مهمة لكن بتصيري مهمة عند الشاب دام ماحصل منك شي يبغاه لين حصلة بتكوني انتي والنعال سواء وهذي نظرة الشاب لأي بنت من هالنوع اضافتنا الى اني احس هالنوع من البنات زي الحمامات
الي بالشارع كل من جى يدشها ويقضي حاجتة ويطلع ... وبالاخير الي يتمسك بأهل البيت عليهم السلام يبتعد عن الحرام بقدر تمسكة بربة وبأهل البيت :)


وشكرا على الطرح المفيد

[عاشقة أهل البيت]

خخخخخ موضه جديده للحين ماانتبهت لها :p
:D

والله بلوى كل يوم شي وبيجييوم بيصير عادي انها تفصخ البوشيه لان كل البنات يسووا كذا ؟؟؟!!!
لمتى يعني يتطوروا تطوراتهم هاذي؟؟

أول شي كنا عباة راس بسلسه بعد .. وغطا كامل
شوي شوي سووا النقاب << وكنا مستنكرين :o
كنا بس الحين صار عادي الكل يلبس:o
والحين توصل التطورات عباة كتف مخصره مفتوحه وبرمودا بعد ؟؟؟

اللهم ثبت علينا نعمة العقل والدين :rolleyes::rolleyes:

...

1_ هل صادف وان شفت هالظاهره امامك ؟ و أين ؟؟
لا
صراحه انا مااقعد اطالع وايد بالناس:p
لاني ماروح اسواق الا للحاجه قليل اروح :D
2_ شرايكم بهالنوع من الفتيات ؟
خخخ
عقولهم ناسينها نايمة بالسرير
طالعينبدون ماياخذوا عقلهم معهم:D
3_ برأيكم شالهدف الذي يجعل الفتيات يطلعون بهالشكل ؟؟
لفت انتباه .. أو اتباع موضه :o
ومثل ماقال عاشق يبون يلفتوا الانتباه وان جاها شاب يتحرش فيها قامت تسب !!!
واخيرا .. هل في كلمه تحب توجها لهالفتيات ؟ نصيحه او حتى نقد ؟؟
:)
هم عندهم عقول يعرفون يوزنوا بها الصح والخطأ
مو يهال هم
حتى لو كانوا اهلهم مايهتموا
مفروض هم يهتموا بأنفسهم كبار هم ويعرفوا يوزنوا الصح من الخطأ
هم محاسبين على اعمالهم .. مو اهلهم اللي بينسالوا عن اعمالهم :o


:)
شكرا خيتوو على النقاش

[أحاسيس المحبة]

1_ هل صادف وان شفت هالظاهره امامك ؟ و أين ؟؟
نعم, في الاسواق والاعراس.
2_ شرايكم بهالنوع من الفتيات ؟
امممم والله انى عن نفسي ماحب اتكلم عن الناس ولا ابدي راي فيهم وانى ماعرفهم
يعني اللي مااحبه لنفسي مااحبه لغيري يعني كل واحد عقله براسه يعرف خلاصه
واهاليهم يشوفون ماعتقد غافلين لهدرجه.
3_ برأيكم شالهدف الذي يجعل الفتيات يطلعون بهالشكل ؟؟
والله مادري.. هم ويش يفكرون لما يطلعون رجايلهم استعراض لو شيء ثاني
اوانهم يبون يلفتون نظر الشباب.

واخيرا .. هل في كلمه تحب توجها لهالفتيات ؟ نصيحه او حتى نقد ؟؟
امممممم انى مابغي انصح احد مثل ماقلت م نشوي كل واحد عقله براسه يعرف خلاصه واعتقد انهم مو صغار عشان يتم نصحهم وفي فتيات لما تجي تنصحهم يتمادون ويعاندون
مادري
ليش واهاليهم واعيين ويشوفون تصرفاتهم
واخيرا شكرا لك عزيزتي ع الطرح المتميز

[نور المستوحشين]

1_ هل صادف وان شفت هالظاهره امامك ؟ و أين ؟؟

نعم, في الاسواق والاعراس.ولما كنت في الرياض في السكن

يمر العامل ولما يشوفوه يو رجال ...خوش والله

2_ شرايكم بهالنوع من الفتيات ؟

انا مااحكم من الشكل الظاهري ... لأن البعض يكونو محترمات بس اساسا

عاشو كذا وماكانت عندهم الضوابط يعني من غير غرض ... والبعض الآخر غير...


3_ برأيكم شالهدف الذي يجعل الفتيات يطلعون بهالشكل ؟؟

الله العالم .. يمكن عندها ضغوط في بيتها من الأهل ولما تطلع تبي تثبت

للناس انها تقدر تسوي اي شي ... ويمكن تقليد اعمى ...ويمكن لها غرض

آخر

واخيرا .. هل في كلمه تحب توجها لهالفتيات ؟ نصيحه او حتى نقد ؟؟

انا ما انتقد لأني بجد مااعرف ظروف البنات او الغاية من طريقتهم

بس اللي اقوله (انه البنت مثل الؤلؤة شكلها أحلى بالصدف حقها)

وان من سترها تستمد كرامتها ...

مشكورة عاشقة ع الموضوع ...

[نجفية وكلي فخر]

الموضوع صراحة ما صدمني

بس انتوا يلي رح تنصدمون بكلامي

لاني فعلا شفت هلظاهرة


1_ هل صادف وان شفت هالظاهره امامك ؟ و أين ؟؟
اي والله شفتها من سنيتن تقريبا لاول مرة ولحد هلحظة اشوفها

بس وين؟؟؟؟؟


الله يشهد

عند مولاتي رقية داخل الحرم شفت بنات لابسات عبايات ومن يمشن العباية تنفتح ويطلع البرمودا الاحمر او الزهر تحت العباية السودة

سوري بس اني البنت لفت نظري بشكل فضيع

وكلت يمكن هذا الشي عادي ومنتشر بالسعودية ويمكن من تمشي بالشارع تستر نفسها يعني عندهم بالسعودية

لكن موضوعك اختي صدمني

اتاري مو عادي


2_ شرايكم بهالنوع من الفتيات ؟


قبل كنت بكول هذا الشي عادي عندهم

وسوري بس هنا بسوريا البنات يطلعن بالبارمودا

بالشارع بدون عباية وطبعا الكلام عليهن بشكل مو طبيعي

هم اكو انتقاد
بس بالسعودية دام الشي غلط منو انتي حتى تمشين بالغلط؟

اذا شي مو طبيعي مشنو غايتج من هذا اللبس؟

لفت النظر وجذب العيون للملاحقة لو غاية ثانية؟

اللهم العليم بس اريد اعرف اذا كنت تجين لزيارة مولاتي رقية فليش ماكو حشمة باللبس؟

احد كال بان الزوار هناك شرفاء مكة ومايطالعون؟

او الطريق حتى توصلي للزيارة مافيه الا الادب والاخلاق؟
ولا لانك بدولة غير دولتك فخبص ولا يهمك؟



3_ برأيكم شالهدف الذي يجعل الفتيات يطلعون بهالشكل ؟؟

اعتقد التلفزيون والشوفات يلي بيشوفوهن

واعتقادهن بان العباية كافية للحجاب بغض النظر عن باقي التفاصيل



واخيرا .. هل في كلمه تحب توجها لهالفتيات ؟ نصيحه او حتى نقد ؟؟
حبيبتي رب العالمين ما بيحاسبك علعباية

لا بيحاسبك على الحشمة

اني ما البس عباية البس بنطلون عريض وقميص طويل لعند الركبة ومع ذلك

اعتقد بان العباية اذا تريد تكون زي هلبس هذا

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

للاسف العباية الها احترام مو طبيعي

وهسى صارت البنية يلي سمعتها مو زينة تلبس عباية بسبب هلشوفات

اعتذر على كلامي بس والله هذي الحقيقة



مشكورة اختي موضوعك رائع

[الطاهرة]

مشكورررررين على الطرح

[بنتُ علي]

تدري من واني صغيرة كان ابوي مايرضى اطلع الاببنطلون :d

مايرضى البس قصير .........

وطبعا تعودت ما اطلع لازم البس بنطلون وبصراحة اكثر شي البس اسود علشان لما تتحرك العباية مايبين واضح يعني

ماشفت يمكن ...بس شفت بنات لابسين قصير بشكل اوباخر

واحنا في الكلية ..البنات يقعدوا قدام الدكتور ولابسين تنورة بس التنورة ترتفع شوية فيطلع الساق شوية :d

اني اصير انقهر ...لابسة برقع من فوق والساق طالع هههههههه

ليش يسوو كده :

لسببين:

يااما جهل بالحجاب وبحكمه ... وباهمية الستر ...وقلة وعي يعني

او انه السبب اللي ذكره عاشق وهذا اللي حاليا منتشر لان الين مافي احد قليل وعي يعني اللي تغلط بتكون قاصدة تغلط غالبا

والاهل اذا ساعدوها على هالشي بيصير الها حكم شرعي !!!!!

وبتنسى احكام الله

تدري اختي ..قبل 15سنة واكثر ....كانوا يطلعوا لحيتهم لا يلبسوا البوشية :d

ويطلعوا الساق شوية ... بعد ....

الحين واجد اشياء يطلعوا ..الله يستر ع الجميع

يمكن الوجه مااناقش فيه واجد كونه موحرام في كل مكان ....

بس الساق , القدم , الذراع حتى المعصم حرام يظهر

الرقبة .... الشعر ...

اقول للبنات هذوله :

يابنات : احنا مانوعظكم ولااحنا ناس مطوعيناو من هالقبيل

بس البنت زينتها عفتها :)

ترى الحجاب حكمه فرض واجب من الله فرضه موالعادات والتقاليد

وجمالج احفظيه لشخص يصونه ... شخص واحد مومليون ...

لان بتصيري .. سلعة بالية بعدين


وشكرا عاشقة ابي عبدالله ...

الوعي الحين ازداد والفسق ازداد !

تحياتي

[أرجوان]

1_ هل صادف وان شفت هالظاهره امامك ؟ و أين ؟؟
اووووووووووووه شفت كثير
في الدوام بس مو بردوا تتاي قصير فوووق
فووووووق الركبة والحنا واصل لفوووق..
أستغرب اشلون تمشي في الشارع هالبنت
ما تطير العباية ما اصدق اشلون

اشلون ازوجاهم يرضون لهم يطلعون كذا بس..

2_ شرايكم بهالنوع من الفتيات ؟

أكيد ما تجذبني هالبنت ولا أفكر اصير مثلها..
لانه قلة ادب
يعني ما في جواريب ولا شي ولا بنطلونات طويلة
انا اذا بلبس قصير اشوي بس مو كثير بعد ما ينقال عنه قصير
البس بنطلون تحته عشان ما يبن ما اضمن يجي هوا يطي عبايتي
والبس بعد جواريب.
3_ برأيكم شالهدف الذي يجعل الفتيات يطلعون بهالشكل ؟؟

ما اعرف عن نفسيتهم شنو فيها بس اكيد
انهم يبون يجذبون الشباب للتجاهم وهم يفكون ان
هذي طريقة صحيحة وهي خطأ طبعا..

يبحون عن حب وحنان بطريقة غير مشروعه,,

واخيرا .. هل في كلمه تحب توجها لهالفتيات ؟ نصيحه او حتى نقد ؟؟




ما عندي شي لهم
بس أقول ان ألأحتشام في اللبس
خصوصا اثناء الخروج أفضل
وأضمن لهم للمحافظة على شرفهم لأنه في هالزمن
بنات وشباب ما ينفعون في شي
وكل شخص يبي مصلحته
والذئاب كثيرة..

[عاشقة النجف]

والله ياغاليتي
لم تصبح العبايه فقط عندكم في السعودية هي اللتي تستخدم هكذا
ويلبس تحتها مايلبس
للاسف الحجاب بشكل عام اصبح عند اغلب البنات كزينه
نعم زينه ,,, يرتدونه باشكال مختلفه
وبالوان تتلئلئ وتجذب النظر عمدا ..
وعند سؤالك اياها تقول عادي ..
كلمة العادي هذه هدمت البيوت وانست العادات والتقاليد وبالاساس الدين اللذي اصبح لعبه بين ايدي الكثير ,,



1_ هل صادف وان شفت هالظاهره امامك ؟ و أين ؟؟
نعم رايتها قبل 3 سنوات في سوريا عند حرم السيدة زينب سلام الله عليها ..
ولحد الان اذكر ذلك المنظر
صراحه عند رؤيتي له اشمئززت كثيرا وانتقدتها في نفسي حتى انني قلت يا الله عبايه اخر زمن والله الحمدلله والشكر ..

2_ شرايكم بهالنوع من الفتيات ؟
والله ياعزيزتي الحكم لايسري على الجميع
منهن من يقصدن قصد غير صحيح والعياذ بالله
ومنهن من كتم عليهن في البيت فعند ظهورهن الى الخارج يلبسن هذا اللبس كي يخرجن من الطوق اللذي عليهن وبالتالي ايضا خطأ وسيجرهن الى الويلات ,,
ومنهن من هم اصلا عادتا تعون ان لايحتشمن وانما سلبسنهاعن كلام الناس او كعادة في السعودية ان العبائه مفروضه ..
ومنهن مايفكرن بشكل قد لايخطر على بالنا اصلا,,
والله العالم
لكن يبقن مبتذلان باعين الجميع حتى اللذي يعجب بما رأه ...

3_ برأيكم شالهدف الذي يجعل الفتيات يطلعون بهالشكل ؟؟
قلت سابقا الهدف لانستطيع ان نحدده لكن اغلب مايكون هو جذب نظر الرجال في الخارج لنزوات نفس امارة بالسوء ..


واخيرا .. هل في كلمه تحب توجها لهالفتيات ؟ نصيحه او حتى نقد ؟؟
عزيزتي هل هناك من يسمع هذه النصيحه ؟؟
للاسف سوف لن يسمعها من على قلوبهم اقفالها
ولكن رغم هذا اقول عزيزتي تاجك حجابكِ ان هنتهِ اهنتي وان اكرمتهِ اكرمكِ الله والناس
وان سترتي نفسك ستكونين تلك الجوهرة الثمينة اللتي لفت بصندوق محكم وترعاكِ عين الله



وفي الختام بارك الله بكِ
موفقه ان شاء الله حبيبتي

[أنوار البتول]

1_ هل صادف وان شفت هالظاهره امامك ؟ و أين ؟؟
ايي وااايد بالمجمعااات اشووف ..
وقبل فتره كنت رايحه مطعم تشليز بالخبر عالكورنيش وكان ليله جمعه والبناات اللي اهناااك اوووه ماكنا قاعدين بالسعووديه ..
كانت وحده منهم عيدميلادهاا ومجمعه شلتهاا ومسويتنه بالمطعم قداام كل اللي بالمطعم وكانوا شايلين البووشيه ومتزينيين وفي منهم لابسين قصير ومنهم طويل وفاتحين عبايتهم كنهم رايحين عرس ويخلوون القرصوون اييب لهم الكيكه ويغني لهم ..
والمصيبه الكبرى ان اللي عيدميلادهاا شفنااهااا لبست بوشيتها وتغطت وطلعت برا المطعم ولما دخلت يابت معاها البوي فرند اللي اهووه صديقهاا وشالت البووشيه وفتحت العباايه ووقفت جنبنا تسوولف ويااه ولابعد يبي يدفع على حساابه الحفله بالمطعم وعطاهاا فلووس بس اهي مارضت تاخذهم ..
هذا الكلام كله صاار واحنا وااقفين نستنى احد يطلع من الكبينه المسكره عشااان ندخل ..
بس عن جااد مسخره وقله ادب ..

وين الهيئه عنهم مايقدروون عليهم بس شااطرين عليناا في بيت الله تستري ياحرمه وتستري ..

2_ شرايكم بهالنوع من الفتيات ؟
اممم مريضيين نفسيااا مو بوعيهم يسوون هالاشياااء ..

3_ برأيكم شالهدف الذي يجعل الفتيات يطلعون بهالشكل ؟؟
يجهلوون حقيقه الحجاب وعندهم ضعف ايماان .
او انهم يبوون يثبتوون للكل انهم يسوون الشي غصبا عن اللي يرضى ومايرضى ..
او لاسبااب نجهلهااا ..

واخيرا .. هل في كلمه تحب توجها لهالفتيات ؟ نصيحه او حتى نقد ؟؟
الله يستر عليكم ..
والله يهديكم لمافيه الخير والصلاح ..
وكووني جميله وعفيفه بالتلزامج بالحجاااب الشرعي ..


وشكرا لطرح الموضووع ..

[نسايم]

مانقدر نحكم على الناس من الشكل بس
انشوف اشكال وانواع
بس ايحتمال كبير هذي الي لابسة برمودا وفاتحة عباتها
احسن من وحدة متغمغمة وموطالع منها شي
ياما تحت السواهي دواهي

ما ادافع في بنات جد يبغوا يلفتو النظر

وفي بنات عاشت كل عمرها على عدم الالتزام فما تعرف اصلا انها تلبس العباة عدل
واذا تربت على كذا اذا امها وخالاتها واهلها كذا

مو عشان انها تلف نظر احد واحاطه في بالها شي

هي عاشت كذا

[جنة الخلد]

يسلمو على الموضوع:)

_ هل صادف وان شفت هالظاهره امامك ؟ و أين ؟؟
لاوالله للحين الحمدالله
_ شرايكم بهالنوع من الفتيات ؟
بهايم

_ برأيكم شالهدف الذي يجعل الفتيات يطلعون بهالشكل ؟؟
أغراء الشباب مايدرور البعض منهم يحتقروهم