و الله حيرتني يا رجال ( لا تزعلوا )

[غصون الحياة]

السلام عليكم ورحمة الله وبركاته
يا بنات قولوا الحقيقة مو الرجال احيروا
في أشياء تحتار المرءه وشو تسوي مع الرجال شلون تتصرف بدون ما يصير زعل ماهي عارفة شلون تتصرف ؟؟؟؟ مثلا ً
لما تسأل المرءه رجلها وين بتروح أو ليش اتأخرت
ردة الفعل : اصارخ ويقول ما ليش حق اتراقبيني
و لما ما تسأله عن طلهاته
ردة الفعل : يزعل ويتضايق ويقول انها ما تحبه ولا مهتمه فيه

صراحة مزاج هالرجال غريب ومتقلب بعد
اذا اتأخر الرجال بالنومه قعدته اتخاف يتأخر على شغلة
ردة الفعل : يتضايق وعصب وبعد يزعل لأنها أزعجته
و اذا اتأخر في النومه و ما قعدته اتخاف اصير مثل ذيك المرة و تزعجه
ردة الفعل : اصارخ عليها وليش اتخليه نايم ما يبي أعذار أعصابة تالفه لأن بسبتها انخصم من راتبة
والله هذي حيرة و في أشياء ثانية بعد
بس ما أقول الا الله يهدي الجميع
تقبلوا مروري ................................. أختكم

[حسناء علي]

http://www.free-salah.com/salah/pics/k1jc40cf05bzii5ytker.gif

[ام حسن]

اختي الغاليه

ابدعتي بما قدمتيه قلم مميز ومتألق الف شكر لك غاليتي

[ملكة الليل]

والله كلامك معقول
نحتار في التعامل معهم
ما أقول الا يصبر قلوبنا عليهم

[أرجوان]

هههههههههههههه
شي طبيعي يصير كذا
من ضغوطات الحياة والعمل وكل شي
وأغلب الرجال ما يحبون احد يسألهم,,
ولانه الرجال قووامون عالنساء..

[ملاك الورد]

بسم الله الرحمن الرحيــم ..
اللهم صلي وسلم على محمد وآله ..
السلام عليكم ورحمة الله ..


معكـَ حق أختــي فيما ذكــرتي ..
بعض الرجــال ممكن ينطبق عليهم هذا الكلام ..
وارجح انه السبب مثل ماذكــرت ارجــوان :)..
وبالتأكيــد تواجهم نفس المشكلة في التعامل مع النســاء
وإن كانت الأمثله اللي ممكن نستشهد بها تختلف كليا عما جاء في الموضوع ..

ولكــن لا قول الا كماقلتي .. الله يهدي الجميع :)..
كل الشكر لكـ غصـون الحياة ..


http://up.joreyat.org/17Jun2008/i.gif
أرق التحااياا

[فلاان]

:p

ايي ايي الله يرحم الحريم اللي تقدّر :D

مشكورة ع الموضوع خيتي غصون هه

[البحرانية]

ههههههههههههههههه

ياهلا فيك اختي غصون الحياه في منتدى انا شيعي

منوره القسم بهذي الطلةالمباركة

واني معاك في كل كلمة كتبتيها

ولكن يااختي الغالية الزوجة العاقلة والذكية تعرف اشلون تتصرف في هذه الامور

فمثلا الموقف الاول ممكن تغيري اسلوبك في طرح السؤال علية بشكل طريف وحلو

و من غير ماتحسسينة بانك تحققين معاه وتبغين تعرفي وين بيروح ومن وين جاي هههههه

اما عن تدمره للاستيقاض ممكن ان تضعي بجنبة منبة او مبايلة وكل ساعة دقي لة مس كول لحتى يستيقض

ومن ثم تتخلصين من صراخة وضجيجة ,, ههههههههه خبرة

ولما يستقظ خلي عندك روح مرحة وابتسامة حلوه لحتى مايضج ويصارخ

تقبلي مروري وتحياااااتي

[بنتُ علي]

شوفي غصون ..........لاتتازمي ولاشي

ابوي اذا مااتصلنا له يقول ماتسألوا عني ...وساعات نتصل يعصب ....تدري ليش لان يكون في باله شي ومعصب لسبب معين ...ويكون هالسبب مهم وشاغل باله وفكره


اني ماخذه طباع من ابوي فافهمه ..وافهم طبعه او يمكن لاني عرفت وفهمت اكثر ...

الرجال ممكن يصرخ بس يكون السبب ثاني موالظاهر ...لآ .

هذا رأيي .........

زين اذا سالتيه .... اساليه عن شي باباتسامة وبهدوء ...وابدا لاترفعي صوتش ......... وجيبيالسؤال في نص الكلام .........

يعني قولي شي مضحك ويريح البال بعدين اساليه

اذا حسيتيه متضايق ... اسكتي واسكتي واسكتي .......!!!!!!!!!

هو بيتكلم لوحده ........ وبعدين بيفضفض وبيقول ويش فيه ...

اذا على التقعيد للنوم خليه يقعد لوحده ...موطفل هو الا اذا وصاش وقال قعدوني

بس الرجال مايحيروا ....... يبغى لهم ذكاء .... في التعامل ........

سبحان الله ...شفرة لغزهم موجود عند المرأة بس يمكن هيه ماتعرف كيف تسخدمها

تحياتي

[همسة]

اي والله حيرة مع هالرجال
مشكورة على الموضوع

[ظلامة الحسن]

اختي انا اقولج ليش يتصرف جذي

1 اهو مخبول

2 امعصب بيطلع حرته على واحد

3 اهو مخبول

ترى مو كل الرجال جذي بعض الرجال عبالهم الحريم عبيد عنده

الي متزوجه رجال يسوي الحركات الله يعينه

تقبلي مروري اخوكم ظلامة الحسن

[kuwait]

الله يعينكم علينا هههههه