هل تفعلينها لو طلبها منك ....في ليلة العمر ؟؟؟

[ظلامة الحسن]

بصراحة وبدون خجل..هل تفعلينها لو طلبها منك ....ليلة الدخلة




قصة واقعية حصلت في ليلة الدخله ,,,


اول شي انا نقلت هالقصه ,, عشـان أعرف ردودكم ع الموقف

هذا .. و إنـــتــــو يابنات لو كنتــــوو بمكـان البنــت هذي ,, شنو رح تسووون ؟؟

إليــــــــكـــــمـ القصــــــــــــــــــــة :




شاب راح يخطب وحده وتمت الموافقة على الخطبة ومن ثم الزواج المهم

إيش اللي صار ليلة الدخلة بعد مادخل صاحبنا شقته مع زوجته وإلا جواله

يدق ويقوم خوينا يرد على الجوال ويدور الحوار التالي :

الزوج : الووووو


المتصل : السلام عليك، كيف حالك يا (فلان) و ألف ألف مبروك


الزوج : وعليكم السلام وينكم يا انذال ماحضرتوا الحفل يا تعبانين


المتصل : والله تعطلت علينا السياره في الخط واحنا جايين عندكم ووصلنا وسألنا عنك قالوا انك رحت مع المدام ودحين احنا راجعين ..


((طبعاً البلدة تبعد حوالي 300 كم))


الزوج : المهم تعشيتوا ؟؟


المتصل : لا والله


الزوج : كم عددكم ؟


المتصل : عشرة


الزوج : اقولك (حرام و طلاق عشاكم الليلة عندي) قل تم ..


المتصل : يا ابن الحلال مايصير انت عريس جديد و .. و..


(( المهم مافيه فايده الزوج مصر الا يتعشوا عنده ))


الزوج : يالله انا انتظركم مع السلامه ..


وقفل الخط ,,,,



الزوجه المسكينه ما هي مصدقه اللي سواه زوجها ليلة الدخلة !!

ثم قال يافلانه انا رايح السوق وراجع ,,


(( على بالها يبي يجيب عشاء جاهز ))


بعد ربع ساعه رجع الزوج و معاه اغراض العشاء


قالت الزوجه : ايش هذا ؟؟

قال الله يسلمك قومي سوي العشاء لزملاي في العمل جايين من بعيد

ولا تعشوا ,, ************************ الله ياخذ أبليسه,, هههههههه


،،، وفي أثناء الحوار ،،، والا الباب يدق ..


قال : هم هذولا وصلوا يالله الهمه يا مره وراح عند ربعه يقهويهم ..


المهم المسكينه في المطبخ تقطع البصل والطماط بفستان الزفاف وعيونها تدمع وتقول في نفسها ( بكره بأرجع عند اهلي من الفجر واطلب الطلاق) المسكينه سوت العشاء وتعشوا وراحوا لديرتهم المسكينه متضايقه ..


والمفاجأة الكبــــــــــــــــرى !!

7

7

7

7

7

7

7

7

7

7

7

7





يدخل زوجها عليها ويرمي لها (50000 ) خمسين ألف ريال

قال : هذا حقك ,,

قالت : حقت ايش

قال : الرهان اللي بيني و بين زملاي العشرة على كل

واحد (5000) بأنك تطبخين ليلة الدخلة وايش يكون ردة فعلك موافقه

والا .. وانتي كسبتي الرهان وتمت ليلتهم على خير


وصاروا اسعد زوجين


هل تفعلينها لوطلبها منك ليلة الدخله ؟؟؟!!


منقول

[أرجوان]

يسلموووووووو

طبعا لا..
المطاعم كثيرة...
والعشى كان محطوط في قاعة الأفراح..
يروحون يتعشوون هناك..


سلام..

بس ممكن اسوي
شاي وقهوة..

[ظلامة الحسن]

خيتي انتي شكلج من النوع الي ما يهمه احد

تبيني حياك ماتبيني مع السلامه :d:d:d

مشكورره على المشاركه يعطيج العافيه

[دمعة طفلة]

اللهم صل على محمد وآل محمد وآل محمد


أتفق مع اختىا العزيزة ،، أرجوان ;)
مااقبل ,,:cool:
الله يخلي المطاعم خخخ:cool:
سلمت اخى العزيز ع طرحك القصة القيمة;)
يعطيك العافية لاحرمنا من جديدك


تحياتي دمعة طفلة

[أرجوان]

خيتي انتي شكلج من النوع الي ما يهمه احد

تبيني حياك ماتبيني مع السلامه :d:d:d

مشكورره على المشاركه يعطيج العافيه
خيوو يعقوب
مو القضية قضية أنا ما يهمني أحد,,


أولا ً.. الذوووق والتعامل الحسن كذا
هذي الليلة من أجمل ليالي العمر
وما تنتعوض وبعدين العروس في هذي الليلة
ملـــــــــــــيكا ..
ثانيا ,,
أنا مو لعبة قمار
عشان يلعب علي بفلوسه هو واصحابه
ويكسب الرهان..

لو يجيب لي مليون ريال
ما قبلته ..
كرامتي ومشاعري
وأجمل أيام عمري
ما تنشرى برهان وبفلوس
بالكلمة الحلوة بالطيبة بالأخلاق
هذا اللي أنا طلبته منه
لأني مو جدار
شنو الفايدة اجلس بالمطبخ واقطع
بصل وطماطم واندب حظي
وأقهر عمري عشان كم فلس
وعشان هو حضرت جنابه
يرضي أصحابه وغروره..

أحنا مو بدوو وغجر
عشان نتصرف كذا

حتى وان كان في عيني أفضل رجل بالعالم
خلاص طاح من عيني..


تحيتي.

[ظلامة الحسن]

اي والله صح كلامج 100 %



بس الي انا اعرفه المفروض المراءه اتنفذ كل طلبات زوجها


اتسوينها بعدين الله يعوضج على التعب

[بـنت الزهراء]

والله ظلم لهما معاً

هذي السالفة ظلم للمرأة والرجل معاً

مع حبي

[ظلامة الحسن]

مشكوره اختي على المشاركه الجميله يعطيج العافيه

[نجفية وكلي فخر]

ههههههههههههههههه

والله اني لو مكانها وقبل لا اعرف الرهان واكمل قراءة قلت بساويها حتى على قطع رقبتي وحتى لو خرب الستايل كله

ميهم

لان بكل بساطة كلمة الزوج تمشي هذا يلي علمتني اياه امي

هسى اي وياكم

هذا ظلم والزوجة مولعبة قمار بيد زوجها

لكن من حيث الفكرة

اكيد بهلموقف الزوجة بعين زوجها تكبر ويصير يعتمد عليها اكثر

لان ببساطة مستحيل تخذله بيوم من الايام

اذا بمثل هلموقف وما خذلته وبيضت وجهه
فاكيد بباقي ايام حياتهم تبيض وجهه وترفع راسه

تشكرين اختي القصة بغاية الروعة

[أرجوان]

اذا بمثل هلموقف وما خذلته وبيضت وجهه
فاكيد بباقي ايام حياتهم تبيض وجهه وترفع راسه


صح ما أخذله بمواقف أختي الغالية نجفية..
بس هذا الموقف
مو موقف مفاجأ بالنسبة له
لا هو كان عارف انه فيه تحدي
والزوجة هي الضحية مو عارفه شي..
تخيلي لو انها رفضت تطبخ يمكن رح تتطلق
بدون ذنب لانها رفضت تطبخ
ولان زوجها خسر الرهان..


بعدين الزوجة شرعا مو ملزومة انها تطبخ..

هذا وجة نظري ..

[سجود]

هههههههههههههه ارجوان واجد ماخد على نفسه بالعصبيه من هالقصه

والله قصه ضريفه وفي نفس الوقت مادري شقول

والله لو اني مكانها بقول له اطبخ له الى يبغى بس لنفر ازياده لاا والف لااا

يسلموو على القصه وربي يعطيك العافيه

[جنة الخلد]

مستحيــل والله

يسلمو أخي ع الطرح

تحياااااتي

[عاشق الامام الكاظم]

ولو ما اعرف بس للبنات ام من حق الشباب ايردو
لاني عندما قرات الموضوع كرهت العريس
لان عار على انسان يتراهن على مرته في اول يوم المفروض
ايخلي الزوجة تشعر في رجوليته
واخلاقه وامور اخرى
يعني ما اعرف اتركونا من البنت تعملها ام لا
شو موقفة امام مرته انه يتراهن عليها
يعني هيا اصبحت سلعة؟؟؟؟؟؟؟؟؟