زوجة ذكية تحطم جدار الصمت بينها وبين زوجها ...

[نور المستوحشين]

رجل تزوج من إمرأة... يصرف عليها وعايش معاها

وأنجب منها أطفال وتحبه ويحبها...

بس يحبها بدون فضفضة للمشاعر...صح هو يصرف ويلبي

إحتياجات البيت بس ما يهتم ولا يكترث....

هو ما مقصر بس في نفس الوقت غير مبالي باللي يصير...

المهم بعد عشر سنوات جات زوجته الطيبة ذات العقل الراجح...

وأعطته شريط سمعي عشان يسمعه في السيارة وهو رايح الصبح العمل....

الرجال أخذ الشريط وشغل سيارته وحط الشريط.. وتوكل على الله للعمل...

أنتظر 20 ثانية ولم يبدأ الشريط في سرد محتواه... و40 ثانية مروا...

قدم الشريط شوية.. ولازال صامت.. بعد دقيقتين أتصل بزوجته..

وقال لها : يا بنت الحلال هذا الشريط ما بدأ وما فيه شي..

قالت له: أنتظر شوية بيبدأ.. بس قدمه شوية.. الرجال قدم الشريط...

ولازال صامت الشريط ... أتصل بزوجته وقال لها نفس الكلام ..

وهي بعد طلبت منه تقدم الشريط..

وقدم الرجل الشريط و وصل للعمل بعد فترة زمنية تقريبا 12 دقيقة..

المهم الشريط لم يبدأ بعد.. وأول ما دخل المكتب .. أتصل بزوجته..

وقال لها: إنتي عطيتيني شريط بالغلط يمكن.. ما فيه شي الشريط...قالت له..

وأنت راجع اقلب الشريط..

خلص الرجال الدوام وقلب الشريط... وإللي صار نفس السالفة حصلت وهو راجع..

قدم شوية..!! وأتصال للزوجة.!! قدم شوية!! واتصال للزوجة!!.

المهم الرجال وصل البيت.. وعصب.. وقال لزوجته إنتي تضحكي علي...وووووو...

قالت له وين الشريط..؟؟ قال لها.. هذا الشريط.. قالت له أستريح..

جابت المسجل وحطت الشريط ورجعته من أوله... وقالت له .:تعال إسمع...
أنتظروا دقيقة, دقيقة ونص.. وقال الزوج: شفتي إنه الشريط فاضي...

قالت له: لا تستعجل.. أصبر شوية...صبر الرجال 5 دقايق

وقال لها نفس الكلام..

وهي بعد قالت له: أصبر شوية... خلص الصوب الأول..

وقلبت الشريط عالصوب الثاني...ونفس السالفة.. والرجال قالها:

أنتي تضحكي علي؟؟ أو على نفسك؟؟ قالت له أصبر شوية

قالها: خلاص ما أقدر أصبر..

جات المرأة وطفت المسجل وقالت: يا زوجي.. يا رجل....
ما قادر تصبر على الشريط نصف ساعة وهو فاضي..
وأنا المرأة صابرة عليك عشر سنوات وأنت فاضي....

الرجال فهم قصدها وبعدها صلح حالهما... وتغيرت

حالهما للأحسن من مجرد فكرة بسيطة...
عجبتني القصة فأحببت أن أنقلها لكم للاستفادة


يمكن موضوعي مو هنا مكانه والموقع الصحيح قسم القصة أنا حطيته هناك وهنا لأنه عجبني بقوووة فكرة بسيطة غيرت مجرى حياتهم من غير شوشرة ووو
حنا لو يرجع تعبان من الدوام او من برى على طول تغيرت علي ومادري شنو و و

تحياتي نور...

[البحرانية]

هههههههه

فكرة صااااائبة ولكن ماتمشي علىكل لرجال هاا

الف شكر وتحية لك اختي نور علىالقصة

ماعدمنا جديدك المتنوع والمميز

تحياااااتي

[الحيدرية]

مشكورة على القصة اختي نور

[الحانية]

مشكورة خيتو على القصة تسلم ايدك
تحياتي 0000

[أرجوان]

ههههههه
جميل جدا
ينفع كثير للرجل الصامت هع هع..
شكرا..

[ربيعيه]

مشكوره اختي على القصه

وفعلا زوجه حكيمه

[نور المستوحشين]

هههههههه

فكرة صااااائبة ولكن ماتمشي علىكل لرجال هاا

الف شكر وتحية لك اختي نور علىالقصة

ماعدمنا جديدك المتنوع والمميز

تحياااااتي




هههههه اي والله صدقتي ام حسن

البعض لو تشب حريقة مافي احساس خخخخ

يلا منين نجيب احساس للي مايحس

مشكورة اختي ع المرور

تحياتي نور...

[نور المستوحشين]

مشكورين أخواتي ع المرور

والله يسعدكم جميع

تحياتي نور...

[دمعه الماضي]

جميله جدا يعطيج العافيه

[نور المستوحشين]

جميله جدا يعطيج العافيه



وجودك الاجمل اختي الفاضلة

تحياتي نور...

[عشق فاطمي]

خوووش حركه منها وصلتني على الايميل قبل
بس اكيد هي حاسبتنها مليون مره وعارفه ردات فعل زوجها او على الاقل متوقعتنها
لان بعض الرجال ما عندهم ياماارحميني هع هع الله يدفع البلاء
فهالشي ما يمشي على كل الرجال
بس مايمنع انها حركه خطيره منها
يسلموو ام زهووور

[نور المستوحشين]

خوووش حركه منها وصلتني على الايميل قبل

بس اكيد هي حاسبتنها مليون مره وعارفه ردات فعل زوجها او على الاقل متوقعتنها
لان بعض الرجال ما عندهم ياماارحميني هع هع الله يدفع البلاء
فهالشي ما يمشي على كل الرجال
بس مايمنع انها حركه خطيره منها

يسلموو ام زهووور





هههههه شي طبيعي انه مو مع الكل

بس هي زين مشت معها ووصلت للي تبيه

تحياتي نور...

[عـاشـ الأئمه قــة]

يسلمووو يعطيك ألف عافيه