### قصيده تجنن تهزك ولو قلبك حجر ###

[مسك وبخور]

:( السلام عليكم ورحمه الله وبركاته

يمه طق الجرس وجيت اركض على قبرج

تضميني ؟
تضميني على صدرج

تضميني مثل أول لي جيتلج أركض؟
وتحطي راسي بحضنج ؟

تبوسيني على راسي
تشربيني كوب الماي بيدينج ؟
تشوفي أوراق كرّاسي ؟


يمه
شوفي هالواجب
صعب ماقدر على حلّه

يمه

شوفي ذاك الدرس

ماني فاهمه كلّه

يمه
ضعت من دونج

دربي ضاع ما ادلّه




يمه
اليوم كلهم جـَوّ
كل طفلٍ معاه أمه

تضحكله وهو فرحان
يجاوب صح تصفقله
تسأل عنه الابله تقول
مثل ولدج ترا قِلّه

وانا وحدي بآخر صف
طيفج ينتحل فكري
اشوفج جالسه يمي
واقول شوفوا
شوفوا
ترا هذي إهي أمي أتلفت يمين

..شمال

.وينج ليش مو يمي ؟
ليه الهم فيني زاد
منهو بيحتضن همي ؟


يمه
رحت انا للسوق
شريت لحالي هدوم العيد
لبسي كله صار جديد

وصار بكرى يوم العيد
جيت اركض على دارج
بقول كل عام وانتي بخير
لقيت العام كله راح
وماظل فيه من بعدج خير

يمه
بروح للألعاب
توديني ؟
مثل أول بيوم العيد كنا نروح
كنا نركب الصندوق
نطلع كلنا ونرد
وطلعتنا ترد الروح


يمه
حيل أنا مشتاق


يمه
حيل انا مشتاق
والله أني إصغيّر

مــا أقوى ألم لِفـْراق




شوفي الدمع لج يحكي
يروي قبرج الطاهر
ومن آهاتي لج يشكي


يمه
أبوي ما يضحك

واختي بدارها تبكي



يمه
بيتنا مُظلم

نور الشمس ما يكفي
نورج ليه عنّا غاب ؟
كل نورٍ وراه يطفي

يمه
مدي إيدينج
حطيها على كفي

ابي ألمس دفاج بيوم

وعلى صدرج ابي أغفي

يمه
خلي هالحفرة
قومي إطلعي منها

يمه
ردي إلبيتج

ترجيتج ترجيتج
يمه
ردي إلبيتج


وينه حضنج الدافي ؟
يذيب الثلج في دروبي
يدفيني بعز البرد
يحضن رعشة جنوبي


يمه
خلاص مو كافي ؟


يمه
ليه ماتردين ؟

يمه
ليه هذا الصمت

يمه
أنا اتكلم

ليه انتي ماتردين

معقوله يمه ما تدرين

اني قاعد اتكلم ؟


يمه ,

خلاص رحتي ؟

خلاص ماعاد لي جنه

في هالدنيا اعيش فيها

خلاص غبتي ؟

خلاص ما عادلي شمس

ٍتزيل الظلمة تمحيها



يمه ,

من بعدج يواسوني

قالوا نلتقي بكرى

أنا ما بي أجي بكرى


ابيج اليوم لي وحدي
أبي اقعد بهالحفره

يمه
دَني إشويه

بنام يمج بهالحفره

اه ه ه وسلامتكم كل مره اقراها لازم تنزل دمعتى
ان شاءالله تحوز على اعجابكم
ويخليلكم امهاتكم :o

[فاطمة ام ابيها]

مشكوره/مشكور

الصراحه محزنه جدا

[مسك وبخور]

مشكوره/مشكور

الصراحه محزنه جدا
لاعدمنا مرورك اخت فاطمه

[zaineb]

بسم الله الرحمان الرحيم
كلمات معبرة بل فيها كل العبرة لتترك العبرات تنزل على مأقينا لوعة وحرقة على الفراق .
فرغم أن كلمات سطورك الشعرية باللهجة المحلية لكن بتكرارها لعدة مرات إستطعت فهم معناها بل هي التي ألحت عليَّ إجلا لا وعظمة لمكانة الأم في حياتنا ;ألحت عليَّ أن أدرك معناها بعدما خلفت في جوارحي أثر العبارات المؤثرة.
لأستشعر أن كلماتها تحكي عن فقدان أجمل وأحلى بل وأثمن ما في هده الدنيا أنت أمي
جزاكم الله كل الجزاء ورحم الله أمهات المسلمين وخصوصا أمهات فلسطين بغزة وأسكنهم فسيح الجنان
اللهم أمين
تقبلوا مروري المتواضع
التوقيع
http://file6.9q9q.net/local/thumbnail/17237449/600x600.jpg

[مسك وبخور]

بسم الله الرحمان الرحيم

كلمات معبرة بل فيها كل العبرة لتترك العبرات تنزل على مأقينا لوعة وحرقة على الفراق .
فرغم أن كلمات سطورك الشعرية باللهجة المحلية لكن بتكرارها لعدة مرات إستطعت فهم معناها بل هي التي ألحت عليَّ إجلا لا وعظمة لمكانة الأم في حياتنا ;ألحت عليَّ أن أدرك معناها بعدما خلفت في جوارحي أثر العبارات المؤثرة.
لأستشعر أن كلماتها تحكي عن فقدان أجمل وأحلى بل وأثمن ما في هده الدنيا أنت أمي
جزاكم الله كل الجزاء ورحم الله أمهات المسلمين وخصوصا أمهات فلسطين بغزة وأسكنهم فسيح الجنان
اللهم أمين
تقبلوا مروري المتواضع
التوقيع
http://file6.9q9q.net/local/thumbnail/17237449/600x600.jpg


اختى زينب اقدر واكبر فيكى الجهد والوقت الى بذلتيه لفهم القصيده بارك الله فيكى لانه باللهجه العاميه
والقصيده اعجبتنى ونقلتها واعتذر للجميع
فعلا كلمات معبره لايستشعرها الا الامهات والابناء والله يحفظ امهاتنا وامهات المؤمنين والمؤمنات من كل مكروه
ويرحم والدينا ووالديكم
شاكره مرورك العذب زينب

[عاشق الامام الكاظم]

http://img519.imageshack.us/img519/838/df960bc9d81wm2.gif

[مسك وبخور]

http://img519.imageshack.us/img519/838/df960bc9d81wm2.gif

الحب احساس
مرورك عطر صفحتى

[نسايم]

حبيبتي مسك كلمات شفافه ورقيقه تخرج من قلب رقيق مرهف
احسنت عزيزتي راااااائع جدا ما خطت يداك ...
وجعل الله ايامك كلها اشراق وسعاده

[مسك وبخور]

اختى الكريمه نسايم
لاخلا ولاعدم
رائع مرورك عزيزتى

[الامير 2009]

شكرا على الكلمات المحزنة وجزاك الله خير الجزاء
تحياتي الامير

[مسك وبخور]

شكرا على الكلمات المحزنة وجزاك الله خير الجزاء
تحياتي الامير

لاخلا ولاعدم اخى الفاضل الامير

نورت صفحتى