المساعد الشخصي الرقمي

مشاهدة النسخة كاملة : هاي الدراسه وهاي تاليهه

الامير 2009
22-01-2009, 06:05 AM
السلام عليكم
القصيد ةحقيقة تتحدث عن قصة حب في الكلية ونهايتها الحزينه في اخر يوم وهو يوم التخرج اتمنى ان تنال اعجابكم

عندي من السوالف كومة احجايات
ماتخلص بليلة ويم واحجيهه
وعندي من الدموع تفيض الكيعان
اغركم صدك لو ردت ابجيهه
عشرتنه انتهت واحنه بربيع الروح
صدك هاي الدراسة وهاي تاليهه
صدك نترك بعضنه ونمشي مكسورين؟
ورواية يصير حبنه الشعر يرويهه؟
روايتنه حزينه وموش بيهه افضال
واغانينه تضل محد محد يغنيهه
بس تمشي انته عني شيضل بالوجدان
وهيه الدنيا بعدك يا حلو شبيهه
شتبقى الذكريات؟ الذكريات تروح
ومن ينخبط حاضرهه ويه ماضيهه
كلي شبدر مني وراح عني تروح
وروحي ليش انته لمنفه تنفيهه
وليش انته من اديه اتبخرت ياماي
وليش خطوط اديه تريد تمحيهه
اذا ناوي اعله كتلي ميت من اسنين
اعله روحي الفاتحة من الزغر قاريهه
انه من الطفولة موقع ويه الضيم
ومن عيني بواجي ودمع منطيهه
بس من شفت طولك كلت اجاني العيد
فرحت وفرحتي اكبر من معانيهه
حسبت احساب اعيش العمر كله وياك
ما دامت الفرحة وقلبي حس بيهه
وهسه تريد تمشي وترحل ويه الريح
وعشرتنه حطب للنار ترميهه
اول خطوه تمشي انه احترك بالنار
وغيرك ناري من يكدر يطفيهه
يابو عيون العسل والله لو تنباع
اليوم عيونك انه بروحي شاريهه
اخذني وياك جلمة بشفة ما تنكال
دمعة بعينك وجفنك يغطيهه
قصيدة وياك اخذني اقراهه من تشتاك
بين اوراقك المجروحة خليهه
احبك كلمة صار اسنين بيه تعيش
بس اوكف كبالك اخجل احجيهه
وهسه اسمحلي اكلك ولو باخر يوم
وي اخر دقيقة اكبالك اكضيهه
جنت اسنين انه احلم وافكر بيك
وقصور وياك من الشوك بانيهه
راح انه اضل مغرم متييم بيك
احس بعيونك واتمنه الاكيهه
وتضل لاخر نفس ذكراك بيه تعيش
وتبقى بكل جرح بجروحي اداويهه
اموت وروحي تصعد وانه اموت اعليك
ولو روحك تمر يم روحي تحييهه
احبك هذا اخر شي اكلك بيه
خل روحك حزينه وروحي خليهه
فتحنه من العشك صفحة وكتبنه اشعار
وهاي الصفحة لازم هسه نطويهه
ونودع بعضنه ونمشي مكسورين
لان هاي الدراسة وهاي تاليه
لان هاي الدراس وهاي تاليه

مع تحياتي الامير 2009
عاشق الامام الكاظم
22-01-2009, 03:44 PM
الف الف شكر ليك اخي الغالي
روعة ما خطته اناملك من ابداع
ربي ما يحرمنا من مواضيعك الحلوة
نسايم
22-01-2009, 04:11 PM
كلمات غااااايه من الروعه جداً

يسلموووو
تحياتي لكم
الامير 2009
23-01-2009, 07:20 PM
الف الف شكر ليك اخي الغالي

روعة ما خطته اناملك من ابداع

ربي ما يحرمنا من مواضيعك الحلوة

شكرا اخي وفقك الله لما تحب
وشكرا لمرورك العطر
تحياتي
الامير 2009
23-01-2009, 07:21 PM
كلمات غااااايه من الروعه جداً

يسلموووو
تحياتي لكم

عيوني نسايم شكرا جزيلا لمرورك المبارك
تقبلي تحياتي
فتاه من القطيف
24-01-2009, 01:19 AM
مشكور أخوي (عاشق الصور المرعبة) على الكلمات الرائعة


الله لا يحرمنا من قلمك..
الامير 2009
25-01-2009, 12:00 AM
مشكور أخوي (عاشق الصور المرعبة) على الكلمات الرائعة


الله لا يحرمنا من قلمك..
شكرالمرورك عزيزتي
مع تحياتي
بنتُ علي
25-01-2009, 05:01 AM
وااااااو كلش حلوة

اخذني وياك جلمة بشفة ما تنكال
دمعة بعينك وجفنك يغطيهه
قصيدة وياك اخذني اقراهه من تشتاك
بين اوراقك المجروحة خليهه

عجبتني هالابيات رغم كون القصيدة كلها حلوة ,,بس ماحد قاله يحب ههههه

مشكور اخوي
عشق الكلمة
27-01-2009, 05:55 AM
وهاي الدراسة وهاي تاليها،،، قصيدة نالت حقا على إعجابى,,
دمت ودام عطاؤك الشعري لهذا المنتدى .
الامير 2009
27-01-2009, 11:40 PM
وهاي الدراسة وهاي تاليها،،، قصيدة نالت حقا على إعجابى,,
دمت ودام عطاؤك الشعري لهذا المنتدى .
عزيزتي عشق الحمد للة لانهاقد نالت اعجابكي
شكرا لمروركي العطر
تحياتي
الامير 2009
الامير 2009
27-01-2009, 11:44 PM
وااااااو كلش حلوة

اخذني وياك جلمة بشفة ما تنكال
دمعة بعينك وجفنك يغطيهه
قصيدة وياك اخذني اقراهه من تشتاك
بين اوراقك المجروحة خليهه

عجبتني هالابيات رغم كون القصيدة كلها حلوة ,,بس ماحد قاله يحب ههههه

مشكور اخوي

شكرا اختي بنت لمرورك العطر
تحياتي
الامير 2009
شيعيةوافتخر
29-01-2009, 09:16 PM
يسلموووووو
الامير 2009
30-01-2009, 02:21 AM
يسلموووووو
كل الشكر الك اختي لمروركي العطر
تقبلي تحياتي