المساعد الشخصي الرقمي

مشاهدة النسخة كاملة : السيده السعوديه الى متى هالمذله وعايشه تحت رحمه الرجل

مسك وبخور
22-01-2009, 01:15 PM
السلام عليكم ورحمه الله وبركاته
بعد ماقرات فى قسم الفضفضه من احدى البنات باحتياجها الى الخروج من المنزل والتسوق لشراء بعض الاحتياجات
وانها بانتظار احد يتكرم عليها ويوصلها المكان الى ترغب فيه فكرت اكتب موضوع القياده بالنسبه للسيده السعوديه
ودنا نعرف راى الفتاه السعوديه!! والمهم اعرف رايك انت الرجل السعودى وبالذات الشيعى الموالى فى المنطقه الشرقيه
هل انت لو صدر قانون يسمح للبنت بالقياده توافق زوجتك او اختك او بنتك بالقياده وتنجز اشغالها وشغل البيت بنفسها

ام انت من الى عندهم وجه نظرمعينه وماتأيد قياده المراه عندكم مع ذكر الاسباب لو تكرمت ؟؟؟
طبعا الموضوع عام والكل يستطيع ان يدلى بدلوه
واردت ايضا اعرف عقليه الرجل السعودى الشيعى فى المملكه وطريقه تفكيره بدون مجاملات ؟؟؟
البحرانية
22-01-2009, 04:38 PM
مشكووورة اختي على الطرح المميز

وان شااء الله تحصلين الاجابة الصريحة من المشاركين

تقبلي مروري وتحياااااتي
فلاان
22-01-2009, 08:05 PM
عليكم السلام والرحمة والاكرام

ههه
اضحكتني طريقة طرحش للموضوع اختي
راح اقولش وبكل صراحة ومن عدة جوانب


انا لست من ممانعي قيادة المرأة بالعكس يريحوننا من المشاوير :p

لكنـ اذا توفر اخ او زوج وأب يقوم بمشاوير هذه الفتاة فهي أميرة ومن لها من بنات العالم يقوم بهذه الخدمة !! لكن الحاصل اغلب الرجال يتذمرون من هالمشاوير :p

اختي .. عندنا في السعودية عدة مشاكل
1- اللحوج والتماسيح بتوع المغازل .. اذا شافوا بنت في حالها ما يقصرون فما بالك لو بوحدها وعندها سيارة !! يعني حتى يتغلب الشعب (السعودي) على هذي المشكلة والكبت اللي كانو فيه اقل القليل 5 سنوات .. وبعدها يمكن نخلي البنت تطلع تسوق وهي أمنت من هالفئة

2- شوآرع السعودية تعاني من عدة اشياء . اغلبها. شوارع سريعة ومزدحمة وقيادة متهورة .. أي خطر خصوصا على البنت ومن خوفي عليها راح امنعها إلا المشاوير القريبة .

3- نسيتها والله هههـ وامي تنادي اوصلها خ خ خ..
اختم كلامي ان القيادة للمرآة كما لها من ايجابيات فلها من سلبيات

الآن نسمع عن بنات الرياض وجدة المنفتحات وموجدين في باقي المنطاق والزين والشين في كل مكان
فهالفئة المعروفة مشاكلهم ما شاء الله مع انهم مقيدات ماعندهم سيارة

فكيف لو حصلوا على سيارة بشكل قانوني اظن راح تنتشر المشاكل الاخلاقية اكثر وتخرج من اطار كونها في بعض المجمعات إلا طور متطور .. وهي في الشوآرعـ

الحديث يطولـ والنقاط متنوعة متعددة

الخلاصة لا امانع ابداً إذا كنت واثق من سلامة المرأة في هذه النقطة .. الحاصل عندنا انها مشكلة اكبر من كونها حل
وعلى قولة امهاتنا .. يووه لويش يسوقون البنات بعد خلونا جذي احسنـ .. بس الحين امي سألتها وتغير رايها ههه تقول ايي شان زين شان اييب بنتي من بيت ريلها ما يرضى يجيبها :D
ههه

بالتوفيق ان شاء الله
مسك وبخور
23-01-2009, 12:38 AM
مشكووورة اختي على الطرح المميز


وان شااء الله تحصلين الاجابة الصريحة من المشاركين


تقبلي مروري وتحياااااتي


مع ان التواجد السعودى فى المنتدى كثير والمشاهدين 39 لكن الله اعلم ليه مافى تعليق
المهم اختى الفاضله بحرانيه انتى ايضا مشكوره على المرور الطيب
تحياتى الخالصه
مسك وبخور
23-01-2009, 01:43 AM
[quote=فلاان;608178]عليكم السلام والرحمة والاكرام




ههه
اضحكتني طريقة طرحش للموضوع اختي
عليكم السلام اخ فلان اهلاوسهلا وحياك لله قبل لاابتدى وارد ممكن اعرف شنو الى ضحكك
فى طريقه طرحى انا مواضيعى دايما ادخل سيدا فى الموضوع بدون مقدمات



انا لست من ممانعي قيادة المرأة بالعكس يريحوننا من المشاوير :p
ممتاز ممتاز
لكنـ اذا توفر اخ او زوج وأب يقوم بمشاوير هذه الفتاة فهي أميرة ومن لها من بنات العالم يقوم بهذه الخدمة !! لكن الحاصل اغلب الرجال يتذمرون من هالمشاوير :p
اذا اذا توفر لها رجل يخدمها فهى اميره لكن وينه هالرجل الى مستعد يشتغل سايق غير موجود اى اميره الله يهديك التوصيله ماتسوا عليها اما بنات العالم فتسوق وحافظه كرامتها من دون مذله احد

1- اللحوج والتماسيح بتوع المغازل .. اذا شافوا بنت في حالها ما يقصرون فما بالك لو بوحدها وعندها سيارة !! يعني حتى يتغلب الشعب (السعودي) على هذي المشكلة والكبت اللي كانو فيه اقل القليل 5 سنوات .. وبعدها يمكن نخلي البنت تطلع تسوق وهي أمنت من هالفئة
اخى الفاضل المغازل فى اى مكان فيه رجل وامرءه موجوده هالنوعيه من الشباب او الرجال الى تعاكس الحريم حتى فى اقدس الاماكن تجد تحرشات ضعاف النفوس
اما بالنسبه للكبت فشنو ذنب المراه السعوديه اتحمل كبت قرون من الزمن على حساب حريتها وحركتها فى بلدها مضغوطه من الرجل كانها فريسه اذا خرجت بيفترسها الرجل
ومتى الشعب السعودى راح اتعود على انه يشوف المرأه تقضى شغلها بنفسها من غير ماتنتظر يتعطف عليها ويقضى شغلها
2- شوآرع السعودية تعاني من عدة اشياء . اغلبها. شوارع سريعة ومزدحمة وقيادة متهورة .. أي خطر خصوصا على البنت ومن خوفي عليها راح امنعها إلا المشاوير القريبة .
هاللله هالله فى هلنقطه انا معاك الشوارع عدم فى السعوديه ورعونه فى القياده لكن هذا موسبب تنحرم المراه من الخروج لقضاء حتياجاتها بسبب هالمتهورين وضع القوانين يحل هالمشكله

اختم كلامي ان القيادة للمرآة كما لها من ايجابيات فلها من سلبيات

الآن نسمع عن بنات الرياض وجدة المنفتحات وموجدين في باقي المنطاق والزين والشين في كل مكان
فهالفئة المعروفة مشاكلهم ما شاء الله مع انهم مقيدات ماعندهم سيارة

فكيف لو حصلوا على سيارة بشكل قانوني اظن راح تنتشر المشاكل الاخلاقية اكثر
هذا اللى يحصل افرازات الكبت الى عايشينه فالتصرفات تكون فوق الطبيعى


الخلاصة لا امانع ابداً إذا كنت واثق من سلامة المرأة في هذه النقطة .. الحاصل عندنا انها مشكلة اكبر من كونها حل

انت تقول ماتمانع ابدا اذا كنت واثق من سلامه المرءه !!! السلامه محد يضمنها الا الله
والحوادث والمشاكل ماتاتى من قياده المراه للسياره
الحوادث تاتى اذا اتى الشيطان فى الشارع فى البيت فى المدرسه حتى فى النت
انتوا معقدين المساله اكثر من الازم لامشكله ولاهم يحزنون كلشى فى البدايه صعب وبعدين يصير عادى

نشكرك اخى الفاضل على ردوك و مرورك العطر
بنتُ علي
24-01-2009, 04:12 AM
ماحد بيرد تدري ليش ؟؟

الشباب عندنا محيرين بين عقليتهم الحضارية وبان المرأة ممكن تسوق ليش لا ؟؟ وبين شي داخلهم يقول: المرأة شي غالي ماممكن نفرط فيه لايمكن نتخيل انها تسوق وتروح وتجي !

ورأي فلان هو اللي دايما يسمعني اياه اخويي هههههه يعني راي الشباب معروف

نجي لراي البنات واللي ارد فيه على اخويي :

في كل العالم في نسوان ورجال وفي كل العالم في ناس زينين وشينيين وفي كل العالم في مغازل ومشاكل وسفور وفسق ...الخ

المرأة في السعودية نفس المرأة في باقي العالم ... بالنسبة للقيادة يعني ماراح تزيد الحوادث بسببها ...

اما مشكلة المغازل وهالخرابيط ..صحيح كلامهم ...بس ترى كل العالم فيه مشاكل .....من هالنوع ...

اني اقول : خل يطلعوا قرار يسمح بقيادة المرأة للسيارة وبعدين الاهل هم ينتبهوا لبناتهم :

يعني : ماتسوق مسافة طويلة ...لوحدها ..يعني مثلا: من العوامية للقطيف مومشكلة بس للدمام والخبر مستحييييييييييييييل عندي ...لازم رجال ويانا ..

وبعد : ماتسوق انصاص الليالي ..حق معاريس مثلا زي معاريسنا العالمية اللي للفجر .....

تسوق الصباح تروح الدوام , تسوق العصر تروح السوق مثلا بس سوق قريب ههههههه

تروح بيت اهلها اللي يبعد نص ساعة مثلا بس ياحرام حامل ماتقدر تمشي او عندها كذا ولد وماتقدر تمشي وياهم هالمسافة لوحدها ...

تروح مشاوير ضرورية زي مستشفى ...وياما ناس يحتاجوا هالشي ...

يعني هو شي نحتاجه وبنفس الوقت ..يمكن يسبب مشاكل

فلان ماعتقد كل الشباب زي بعض ..وبعدين المشكلة هذي اخلاقية مالها شغل بقانون قيادة ...مسموح بكل العالم ماعدا السعودية !!!

اني احس نفسي اميرة لما ابويي واخويي وو .......يوصلوني ...بس في مشاوير تكون قريبة والوحدة تستحي كل يوم وديني مشوار ...

ع الاقل ..يخلونا نسوق في القطيف بس ..لاني مااأمن على نفسي الافيها ...باقي العالم كله عندي يخوف ههههه

وبعد ماتطلع وحدة لوحدها يطلعوا اكثر من وحدة مع بعض ...ومثل مالحين الزين زين والاهل يحافظوا ع بناتهم بيقدروا يحافظوا عليهم اذا ساقوا

تدروا : تذكرونا بسالفة : قبل ماكانوا الاهل يسمحوا لبنات يسافروا للدراسة ...بس البنات يثبتوا انهم خوات رجال لمايحافظوا على نفسهم في غربة وبعيد عن عيون اهلهم ... مااتوقع السواقة اعظم من الغربة ...

التربية والاخلاق ... مقدمة لكل شئ .......

واذا سقت ...اكيد بيكون اجمل اني ابقى في كرسي مرتاحة اميرة ..وغيري يسوق ...بس اذا احتجت بسوق ....وهذا من حقنا ويلا نبغاه بسرررررررررعة عصبت يعني هههههههه

بس خلاص خلصت مداخلتي ..........

يوم تذكرت شي : المرور ..كل شوي بيتحججوا بالنسوان !!! هههه

اسمعوا اسمعوا : مرة رايحين الخبر اني واخويي ...فقوقفه الضابط سأله مين معاك قال اختي ...

جا الضابط ...فتحت الباب ..ويش اسمش ؟؟؟ قلت اسمي الكامل ..طابقه مع اسم اخويي

طلب رقم البيت ..اشوى مانسيته ذيك الحزة ههههههه وقلته وراح وتركنا نمشي !!!!

اذا سقنا ويش بيسووا حضرتهم ؟؟؟ لان خيرهم سابق ماشاء الله ...

مرة كنا رايحين الرياض ...فوقفوا السواق : وين رايح ؟؟؟ قال : الرياض

مين معاك ؟؟
طالبات

وطبعا حضرته جناب شرطي ركب ومشى لاخر الباص !!!!!!!! ليش يعني ؟؟..

مادري ليش ؟؟هو مومن حقه يركب ... بس !

اني وحدة حساسة : كنت لمايقولوا لي الحين تعبان اومشغول ازعل ومارجع اقوليهم ابغى اروح مكان بس صرت الحين اتقبل

بس غيري من البنات يقولوا اخوانهم يستغلوهم ويطلبوا فلوس علشان توصيل !!!!!!!بصراحة لايمكن اتقبل هالشي ولواقعد بالبيت ....

وسلامتكم واعذرينا ع الاطالة المعتادة ...وموضوعي طلع يطلع مواضيع ههه

وتحياتي للوطن العزيز ...
مسك وبخور
24-01-2009, 06:47 PM
شاكره لكى دخولك بنت على ومداخلتك
ليش يتحير الشباب ليش بره المملكه يسمحلها بامور كثيره وداخل وطنها يفرض عليها القيود هذا اسمه تناقض وعدم ثقه
باخته او بنته او زوجته

الشى الثانى بصراحه لولا مداخلتك ماكنت عرفت هالكم من المعلومات عن وضعكم فى السعوديه
اعتقد نفس الكلام الى ذكرتيه فى المقدمه انا ذكرته عن المعاكسات وعن التربيه وعن رعونه البعض فى القياده
كل هذا مو حجج الرجل يتحجج فيها لمنع البنت من القياده

لكن الى استغربته يابنت على اشياء كثيره فى مداخلتك تفوق ما يتعلق بالقياده وهو اولا اشلون تقدرون اتحملون شرطى مرور يحقق معاكم عن هوياتكم واسماؤكم بدون سبب او جنيه عملتوها فقط لانك موجوده مع رجل داخل السياره
والشىء الاخر شكو شرطى يصعد الباص ويجيك عالموجودات وانتوا بنات الديره ومواطنات شنو هالاسلوب المهين والاستحقارى شنو الجرم الى ارتكبتوه ؟؟

والمعلومه الجديده الجديده اللى لازم يسمعها الاخ الكريم فلان هى
البنت السعوديه الى مسميها الاخ فلان اميره ومافى مثلها فى العالم طلعت مسكينه وذليله
اخ فلان طلع فى استغلال للمره مع الاسف من كلام الاخت بنت على كيف اخوها واقرب الناس لها تاخذ فلوس واجره عشان توصيله
الى هالدرجه البنت مهضوم حقها من اقرب الناس لها
يعنى لاالمجتمع راحمها وقوانينه ولا اسرتها واقربائها

بالعكس اختى بنت على الغاليه انتى ماطولتى انتى مداخلتك كشفت لى الكثير الى كنت مااعرفه عن وضع البنت عندكم
بجد انقهرت عليكم وحاسه فيكم وبمعاناتكم
وماراح اعلق اكثر من جذى مع انه فى داخلى كلام كثير واخلى مجال لغيرى يدخل ويمكن يلقى بالمزيد من الضوء
على معاناه البنت السعوديه وبالاخص فى المنطقه الشرقيه على مشوار او توصيله
مع انه انا شايفه بعينى خليجيات يقودون سيارتهم ويسافرون وشفتهم على الحدود الاوربيه
طبعا انا ماؤيد هالشى لكن مطلوب فقط القليل من الحريه للبنت السعوديه بالقدر الى تنجز مشاوريها بدون مايتعطف عليها احد

شاكره لكى بنت على على مداخلتك وطرحك الصرييييييييييح
ربيبة الزهـراء
24-01-2009, 10:07 PM
حبي

كل دولة لها قوانين و مزاجها
يعني مو بس انشوف دولتنا
و السعودية غير .

تقاليدها

مؤدتي
أرجوان
24-01-2009, 10:42 PM
انا شخصيا في داخل نفسي أقول متى نسوق سيارة وأرتاح من السواوويق
أخواني ما يوصلوني مكان ولا حتى ابوي
يعني اذا بروح مكان لازم اتصل عالسواق
بروح الدوام
بروح سوق
بروح مستشفى
يالله الكل يقول مشغول
اتصلي عالسواق
بصراحة ملل وخسارة فلوس
السواق ياخذ في الشهر 300 او 400 ريال
وغير الشاوير الخاصة حساب غير
وكل ما زادة المسافة زاد الحساب
وفي نهاية الشهر طار الراتب كله في الهوا

الحمد لله انا ما أطلع أبدا بس من البيت للدوام ومن الدوام للبيت
يعني لو كان انا عندي سيارة افضل لي أروح ,ارجع بكرامتي ومو محتاجة لأحد

لكن في نفس الوقت خايفة والأسباب ذكرها الأخ فلان
بس أكيد في البداية لازم نتعب وبعدها خلاص رح نتعود عالوضع
ورح يصير حالنا مثل حال بقية دول العالم..


بنت علي اذا سار عندك سيارة تعالي الأحساء وعلى ضمانتي
هههههههههه ما رح يصير فيك شي لا شرطي ولا هم يحزنون

نفس أعرف اشلون يشغلون السيارة ههههههه أحس كل شي صعب..


ان شاء الله نتطور بعد قرن ولا قرنين هههههههههه..

تحيتي لكم.
أحزان الزهراء
25-01-2009, 01:56 AM
[quote=فلاان;608178]



السلام عليكم ...لست سعودية..ولكن؟؟!!:(
يعني حتى يتغلب الشعب (السعودي) على هذي المشكلة والكبت اللي كانو فيه اقل القليل 5 سنوات .. وبعدها يمكن نخلي البنت تطلع تسوق وهي أمنت من هالفئة بس كيف بدو يتغلب الشعب السعودي على هذه المشكلة والكبت إذا ما بدأ التغيير الجذري لهذه الأمور أولا" من داخل البيوت إنو بسيطة ما يصير شي إذا البنت تتطلع لحالها بالنهار إلى الأماكن العامة
بعدين يا عالم والله البنت تعرف واجباتها وما حدا رح يخاف على كرامتها اكتر منها .:eek:..ولو!!!الثقافة المجتمعية والوعي صار عند الكل!!:confused:
مشكورة على الطرح
مسك وبخور
25-01-2009, 02:03 AM
انا شخصيا في داخل نفسي أقول متى نسوق سيارة وأرتاح من السواوويق
أخواني ما يوصلوني مكان ولا حتى ابوي
يعني اذا بروح مكان لازم اتصل عالسواق
بروح الدوام
بروح سوق
بروح مستشفى
يالله الكل يقول مشغول
اتصلي عالسواق
بصراحة ملل وخسارة فلوس
السواق ياخذ في الشهر 300 او 400 ريال
وغير الشاوير الخاصة حساب غير
وكل ما زادة المسافة زاد الحساب
وفي نهاية الشهر طار الراتب كله في الهوا

الحمد لله انا ما أطلع أبدا بس من البيت للدوام ومن الدوام للبيت
يعني لو كان انا عندي سيارة افضل لي أروح ,ارجع بكرامتي ومو محتاجة لأحد

لكن في نفس الوقت خايفة والأسباب ذكرها الأخ فلان
بس أكيد في البداية لازم نتعب وبعدها خلاص رح نتعود عالوضع
ورح يصير حالنا مثل حال بقية دول العالم..


بنت علي اذا سار عندك سيارة تعالي الأحساء وعلى ضمانتي
هههههههههه ما رح يصير فيك شي لا شرطي ولا هم يحزنون

نفس أعرف اشلون يشغلون السيارة ههههههه أحس كل شي صعب..


ان شاء الله نتطور بعد قرن ولا قرنين هههههههههه..

تحيتي لكم.
يابعد عمرى ياارجوان والله قطعتى قلبى وانا اقرء معاناتك واكيد كثار اللى مثلك بالحسره عليكم الطلعه
اللى يقهر انه لاالشرع ولا الدين ولاالاسلام يحرم سواقه البنت اشفيها البنت اذا ساقت
وهى مستوره مع عباتها ونقابها وحتى لو ماعندها مشاوير محتاجه تشم الهوا تغير جو
هى بالاخير بشر

اما موضوع راتبك اللى يطير عالسواقين هذا بعد معاناه ثانيه على البنت هم معاناه على ماتحصل على وظيفه وفى الاخير راتبها يروح اجره للسواقين والله حرام

اكيد ياارجوان اذا قدرتى تسوقين تخلصين مشاوريك بنفسك ولامذله فلان وعلان طبعا مااقصد فلان المشرف هههه هذا مثل يضربونه
عالعموم ارجوان نشكر مرورك العذب
تحياتنا
شباب وينكم نبى نسمع صوتكم اشرايكم فى الى ينقال
مسك وبخور
25-01-2009, 02:17 AM
[quote=فلاان;608178]



السلام عليكم ...لست سعودية..ولكن؟؟!!:(
يعني حتى يتغلب الشعب (السعودي) على هذي المشكلة والكبت اللي كانو فيه اقل القليل 5 سنوات .. وبعدها يمكن نخلي البنت تطلع تسوق وهي أمنت من هالفئة بس كيف بدو يتغلب الشعب السعودي على هذه المشكلة والكبت إذا ما بدأ التغيير الجذري لهذه الأمور أولا" من داخل البيوت إنو بسيطة ما يصير شي إذا البنت تتطلع لحالها بالنهار إلى الأماكن العامة
بعدين يا عالم والله البنت تعرف واجباتها وما حدا رح يخاف على كرامتها اكتر منها .:eek:..ولو!!!الثقافة المجتمعية والوعي صار عند الكل!!:confused:
مشكورة على الطرح

حياك الله حبيبتى احزان حتى لو مو سعوديه حياك الله نحب نسمع وجه نظرك فى الموضوع
صحيح كلامك اهم شى طريقه التفكير اذا ماتغيرت طريقه تفكير الشاب السعودى فى اخته وبنته وزوجته ويعطيها ويحسسها بالثقه داخل البيت وانها اخت الرجال فى امور كثيره راح نشوف تدريجيا تنتقل الثقه من داخل الاسره الى محيطها الخارجى انا اعتقد المشكله فى عقليه الرجل مو فى البنت السعوديه
نورتى صفحتى يالغاليه
بنتُ علي
25-01-2009, 02:40 AM
ههههههه مولهالدرجة البنت ذليلة عندنا ..وتدري البنات اللي يعطوا اخوانهم فلوس راضين بس لواني مكانهم مستحيل اطلب منه يوصلني مرة ثانية

يقولوالي البنات اني حساسة ! بس اني اشوف هالشي غلط ..يعني ياشباب لاتطلبوا فلوس من خواتكم ...عيب ههههه

الامر مومرة سيئ ... بس نحتاج نسوق ....

اما المرور فاكيد موكلهم كده ..بس تعرضنا لهالمواقف ..وفي موقف اخس سمعت عنه ماحضرته ...

بقول شي حتى ننصف الرجال :

البنات موذليلات لهالدرجة ...وفي رجال يعززوا نسوانهم وفي رجال يذلوهم بطريقة او بأخرى

يعني الوضع عادي تعودنا عليه ....بس مثل ماقلت نحتاج هالشي واحنا مانفرق عن بقية الناس في العالم ...

المشكلة موبالشرقية والغربية ,,اتوقع المشكلة بالوسطى لان هي اللي خايفين منها بسبب التشدد يمكن ... اتوقع كده والله اعلم ...

ارجوان اروح الاحساء ..ياويلي ... بعييييييييدة

شوفي وين بروح ؟؟

حدي اروح بيوت قرايبي وصديقاتي في القطيف وتاروت بس ... ويمكن اوصل سيهات اروح حديقة الحيوان ويااولادي ههههه

ومستشفى الجش ومضر وصفوى خخخخخ وبقية المستشفيات لانها قريبة طبعا

والسوق حدي في القطيف ماابعد .. وشوي شوي اذا استتب الامن نروح ابعد ...بالتدريج يعني ..........

تدروااحس الرجال مرتاحين لقرار الحكومة انوممنوع نسوق ...بس اذا كلمناهم يقوولوا سوقوا ويش علينا اريح لينا بعد ههههههه

بيظهر الامام المهدي عليه السلام وبعدين بنسوق لان بيصير في امان ... ولاقبل كده مااتوقع نسوق !!!

...وسلامتكم ......

شوفوا شوفوا اني ابغى اسوق علشان لانتعب الرجال ...احم احم ... ...

طلعتي موسعودية مسك واني افكر تعاني يعني علشان كده حاطه موضوع ....
فلاان
25-01-2009, 02:47 AM
ههههـ اختي بنت علي دآيما ما شاء اللهـ

مممـــ

اختي بالنسبة للي ييستغلـ فهالشي راجع لتربيتهم في البيت وتربيتهم على حب المادة أو من نفسه يكون محب للمادة واستغلالي

مثلا في عطلة الصيف الماضية .. اختي تورطت في تطبيقها في الخبر ما حصلنا سوآق لأن كانت بشكل يومي تروح
فتناوبنا انا واخوي
اختي قالت اعطيكم المبلغ بدل السواق .. انا اكتفيت بردي ( ههه وليش بعد) يعني ماله داعي اخذ منها ريال وهي اختي
إن احتجت او احتاجوا احنا لبعضنآ ..

تعليقي الاخر

مثل ما قلتوا الواحد لازم يتغير حتى يتغلب على المشكلة وهي الكبت
بس والله اللي عندنا لحوووووووووج
بقررر
همهم شهوتهـم
وشوفي كيف اذا راحو برآ الكويت او الامارات والبحرين كفاية كييف اذا راحو الدول الغربية والأسيوية

والمتحضرين فئة محصورة انا اشوفهم
هنآ لو يشوفون كيس زبالة وانتوا بكرامة مادري كيف والله احس بمذلة في هالـ ش ع ب
وانا ما راح اخاطر بأهلي وان اقول تروح مشوار وهي تعرف الصح من الغلط لكن هالأوادم ما يعرفون
ومثل ما قالت بنت علي .. للمشاوير القريبة الداخلية

وبالنسبة لسواقة السعوديين والخطوط السريعة اوووووه ماشاء الله .. شوفي الاحصائيات بكيفية القيادة المجنونة والمتهورة
ونشوف مثلا في سوريا عند السيدة وازدحامات الشوارع مانشوف حرمة تسوق
لكن مناطق اخرى موجود فهنا انطبق على المكان المناسب لقيادة المرأة

وما عنيت بكلمتي انها اميرة بكل شي :p في بعض العوائل .. معاش حق ههه

وانا ودي ان اخواتي واهلي يروحون للمشوار وقت ما احتاجوا بدون ما ينتظرونا نرتاح نفسيا او نفضي نفسنا ونوصلهم
لكن هذا حالنآ وتعودنا سبحان اللهـ على ان البنت ما تسوق وكل شي قابل للتغير

وتذكرت على هالشرطة الزفت
هم بوحدهم ازمة مع الشباب اذا شافوا بنت وكأنهم هيئة الأمر بالمنكر
طييب وش عليكم شنو تصير له

مرة عسكري في التفتيش وقف واحد وقال من هذي اللي معك قال زوجتي قال له اول تكشف وجهها حتى يتأكد انها حرمة
ومع اعتراضات الزوج قال الشرطي انها تتكلم
الزوج قال لزوجته لو تتكلمي بكلمه انتي طالق
والشرطي معاند .. فقال الزوج لزوجته سبيه اجل .. وسبته حتى اقتنع بالصوت والحرج على وجهه ومشاهم


فوين التطور والسماح بقيادة المرأه وهذي اللي بنقول ان في حماية وامن اخلاقهم كذا !!

الوضع متعب جدا :)
ربيبة الزهـراء
25-01-2009, 02:50 AM
والله ياخواتى
احس بمعاناتكم
لو اخلونككم الحرية السواقة
ابي اعرف ليش مانعينها

الصراحة سعودي غير
ربيبة الزهـراء
25-01-2009, 02:58 AM
ههههـ اختي بنت علي دآيما ما شاء اللهـ

مممـــ

اختي بالنسبة للي ييستغلـ فهالشي راجع لتربيتهم في البيت وتربيتهم على حب المادة أو من نفسه يكون محب للمادة واستغلالي

مثلا في عطلة الصيف الماضية .. اختي تورطت في تطبيقها في الخبر ما حصلنا سوآق لأن كانت بشكل يومي تروح
فتناوبنا انا واخوي
اختي قالت اعطيكم المبلغ بدل السواق .. انا اكتفيت بردي ( ههه وليش بعد) يعني ماله داعي اخذ منها ريال وهي اختي
إن احتجت او احتاجوا احنا لبعضنآ ..

تعليقي الاخر

مثل ما قلتوا الواحد لازم يتغير حتى يتغلب على المشكلة وهي الكبت
بس والله اللي عندنا لحوووووووووج
بقررر
همهم شهوتهـم
وشوفي كيف اذا راحو برآ الكويت او الامارات والبحرين كفاية كييف اذا راحو الدول الغربية والأسيوية

والمتحضرين فئة محصورة انا اشوفهم
هنآ لو يشوفون كيس زبالة وانتوا بكرامة مادري كيف والله احس بمذلة في هالـ ش ع ب
وانا ما راح اخاطر بأهلي وان اقول تروح مشوار وهي تعرف الصح من الغلط لكن هالأوادم ما يعرفون
ومثل ما قالت بنت علي .. للمشاوير القريبة الداخلية

وبالنسبة لسواقة السعوديين والخطوط السريعة اوووووه ماشاء الله .. شوفي الاحصائيات بكيفية القيادة المجنونة والمتهورة
ونشوف مثلا في سوريا عند السيدة وازدحامات الشوارع مانشوف حرمة تسوق
لكن مناطق اخرى موجود فهنا انطبق على المكان المناسب لقيادة المرأة

وما عنيت بكلمتي انها اميرة بكل شي :p في بعض العوائل .. معاش حق ههه

وانا ودي ان اخواتي واهلي يروحون للمشوار وقت ما احتاجوا بدون ما ينتظرونا نرتاح نفسيا او نفضي نفسنا ونوصلهم
لكن هذا حالنآ وتعودنا سبحان اللهـ على ان البنت ما تسوق وكل شي قابل للتغير

وتذكرت على هالشرطة الزفت
هم بوحدهم ازمة مع الشباب اذا شافوا بنت وكأنهم هيئة الأمر بالمنكر
طييب وش عليكم شنو تصير له

مرة عسكري في التفتيش وقف واحد وقال من هذي اللي معك قال زوجتي قال له اول تكشف وجهها حتى يتأكد انها حرمة
ومع اعتراضات الزوج قال الشرطي انها تتكلم
الزوج قال لزوجته لو تتكلمي بكلمه انتي طالق
والشرطي معاند .. فقال الزوج لزوجته سبيه اجل .. وسبته حتى اقتنع بالصوت والحرج على وجهه ومشاهم


معقول فلااان
مو لهدرجه طالق
الحمدالله وشكر
مايعتبرون المره كلش
فوين التطور والسماح بقيادة المرأه وهذي اللي بنقول ان في حماية وامن اخلاقهم كذا !!

الوضع متعب جدا :)

والله لازم يسمحون ليكم بالسواقة
بس سالفة الرجال كلحين اقول الى حرمته طالق
مشكلة
أرجوان
25-01-2009, 03:32 AM
يابعد عمرى ياارجوان والله قطعتى قلبى وانا اقرء معاناتك واكيد كثار اللى مثلك بالحسره عليكم الطلعه

هههههه يا قلبوووو لا خلاص تعودت على الوضع ما في أي اشكال
حتى يوم الاجازة بالبيت
اللى يقهر انه لاالشرع ولا الدين ولاالاسلام يحرم سواقه البنت اشفيها البنت اذا ساقت
وهى مستوره مع عباتها ونقابها وحتى لو ماعندها مشاوير محتاجه تشم الهوا تغير جو
هى بالاخير بشر
أن شاء الله يوافقون وينزل القرار ونرتاح بس ما أعتقد الأهل بيوافقون


اما موضوع راتبك اللى يطير عالسواقين هذا بعد معاناه ثانيه على البنت هم معاناه على ماتحصل على وظيفه وفى الاخير راتبها يروح اجره للسواقين والله حرام

ههههههههه شنو نسوي بعد خلاص هذي هي الحياة ولازم نصبر


اكيد ياارجوان اذا قدرتى تسوقين تخلصين مشاوريك بنفسك ولامذله فلان وعلان طبعا
أن شاء الله بس لازم أخذ موافقة الأهل وعلى طول أتعلم السواقة بس أخاف أفحط
في الشارع هههههههه

مااقصد فلان المشرف هههه هذا مثل يضربونه

ههههههه اي اكيد
عالعموم ارجوان نشكر مرورك العذب
تحياتنا
شباب وينكم نبى نسمع صوتكم اشرايكم فى الى ينقال

العفووو حبيبتي
سررت بموضوعك ووجودك بيننا..
أرجوان
25-01-2009, 02:12 PM
ارجوان اروح الاحساء ..ياويلي ... بعييييييييدة

شوفي وين بروح ؟؟

حدي اروح بيوت قرايبي وصديقاتي في القطيف وتاروت بس ... ويمكن اوصل سيهات اروح حديقة الحيوان ويااولادي ههههه



ههههههه يا بنت علي
شي لطيف تعالي اخذيني معك للحديقة
بس الحسا مو بعيدة دوامي بعيد عن بيتنا ههههههه
شفتي اشلون خرفتي
لان ودي بسيارة صغيرونة..
اروح الدوام
اروح لصديقاتي
اروح السوق
اروح كل مكان قريب
يعني ما اطلع خارج الأحساء..
تحيتي ..
بنتُ علي
26-01-2009, 12:12 AM
الناس في جنجلة والعروس تبغى رجل ,,هذا مثل شعبي ...

يعني بلدان تناقش قضايا كبيرة وانتخابات وخرابيط واحنا سيارة ...

عجبني هذا اللي خلاها تسبه هههههههههههههههه ,,لالالاعيب موكده بس يستاهل بصراحة ..وشوتفتح وجهها ؟؟؟

مرة كنا راكبين سيارة جا الضابط واخذ هوية اللي موصلنا ..كان شخص قريبنا يعني .. ..وكنا نسوان كالعادة وهو السواق الوحيد رجال ... بعدين قال الضابط افتح النافذة الخلفية ...قال له الرجال : هناك حريم ..قاله اي افتح قال هذوله اهلي قال اي افتحها ,,اخر شي فتحها وهو مقهور هههه ..طبعا كنا رايحين الخبر بعد .. عاد فتحها شوية وسكرها بسرررعة قلت كان زين سكرت على ايده علشان يتأدب ههه



صارت قضية ضباط مو قيادة سيارة .......

تدروا جتني فكرة طاش ماطاش ... خليها لربيع ... برسلها لعبدالله وناصر ... اتخيل لوتسوق المرأة في اسلعودية ويش بيصير ؟؟

تدروا احسن شي بنفتك من العمالة الاجنبية وووووواجد ...

يلا اذا سمحوا لينا بروح اشتري لي سيارة فضية .... بس افكر اتعلم ..مرة جربت وماعرفت ..صرت امسك بريكات ... وزين رجعنا سالمين ههههه
ربيبة الزهـراء
26-01-2009, 03:11 PM
هههههههههههـ
ضحكتيني عيوني ..

بنت علي
عليج بالعافية

ع البريكات ..

وي مشكلة

اني يوم جيت مسكت حسيت ايدي تنتفض شلون بمسيها
الحيدرية
26-01-2009, 06:36 PM
مشكورة على الموضوع الجميل
نسمات شرقية
30-01-2009, 10:07 AM
اختي انا أعارض في الفتره الحاليه الطرق زحمه وكله حوادث الله يبعد الشر كيف أجل لو الحرمه تسوق وغير المتاعب الأخرى اللي ذكروها اخواني...
عشق فاطمي
31-01-2009, 12:34 AM
مممم
خوش موضوع يفتح جروح هع هع
صراحه هي مافيها شي لو سقنا بالعكس اصلا نفتك من جيبني ووديني ولو اني مااعاني من هالشي وايد لان الوالد واخويي مايقصروا بس يعني ظروفهم مو دائما يكونوا فاضيين ليي
بس هو الي يخوف مثل ماقال فلاان البدو وبعض الشباب الي فيهم عقد نفسيه صراحه يخوفوا شوي بس كل شي ببدايته صعب وعيب وتصير عليه هدرة
يعني مثلا اول ما فتحوا المدارس اجدادنا قالوا عيب وماتروح البنت تدرس بس الحكومة فتحتهم وقالت على كيف الناس لين الشعب تعود وصار تعليم البنت من الاساسيات والضروريات مفروض يصير نفس الشي بالسواقه يعني الحكومة تقول مافي اشكال وتخلي الشعب لين يتعود على الوضع

المووووهممم

حمستوني
اني سقت كامري ويا ابويي عاد اعرف اسوق ترى احم احم لكن امي خافت تقول اني اسرع وابويي قال خففي الله يغربلش خ خ بس لازم قير عادي يعني اوتوماتيك ماعرف واحس الي يسوق اتوماتيك مايسوق خ خ خ

والله يفرج عنا ويخلونا نسوق يااااااااااااااااااااارب خ خ
ونفتك من الباصات للدوامات ومن حجز المواعيد من الاخوه قبلها بيوم عشان يوصلونا هع >>> مسكين اخويي مايقول ليي شي بس يعني بشكل عام الي حولي الشباب لازم تاخذي منهم موعد خ خ


مشكوره على الطرح
مسك وبخور
31-01-2009, 04:37 PM
اختي انا أعارض في الفتره الحاليه الطرق زحمه وكله حوادث الله يبعد الشر كيف أجل لو الحرمه تسوق وغير المتاعب الأخرى اللي ذكروها اخواني...
هلا ولله نسمات
يحليلك لا الزحمه ولا الحوادث ولا المعاكسات راح تخف راح تزيد مع الزمن اكثر
خليكى قويه ولازم نواجه هلامور الحريم فى فلسطين قاعدين يواجهون صواريخ اليهود قوى قلبك حبيبتى
نسماتك عطرت صفحتى
مسك وبخور
31-01-2009, 04:48 PM
مممم

خوش موضوع يفتح جروح هع هع
صراحه هي مافيها شي لو سقنا بالعكس اصلا نفتك من جيبني ووديني ولو اني مااعاني من هالشي وايد لان الوالد واخويي مايقصروا بس يعني ظروفهم مو دائما يكونوا فاضيين ليي
بس هو الي يخوف مثل ماقال فلاان البدو وبعض الشباب الي فيهم عقد نفسيه صراحه يخوفوا شوي بس كل شي ببدايته صعب وعيب وتصير عليه هدرة
يعني مثلا اول ما فتحوا المدارس اجدادنا قالوا عيب وماتروح البنت تدرس بس الحكومة فتحتهم وقالت على كيف الناس لين الشعب تعود وصار تعليم البنت من الاساسيات والضروريات مفروض يصير نفس الشي بالسواقه يعني الحكومة تقول مافي اشكال وتخلي الشعب لين يتعود على الوضع

المووووهممم

حمستوني
اني سقت كامري ويا ابويي عاد اعرف اسوق ترى احم احم لكن امي خافت تقول اني اسرع وابويي قال خففي الله يغربلش خ خ بس لازم قير عادي يعني اوتوماتيك ماعرف واحس الي يسوق اتوماتيك مايسوق خ خ خ

والله يفرج عنا ويخلونا نسوق يااااااااااااااااااااارب خ خ
ونفتك من الباصات للدوامات ومن حجز المواعيد من الاخوه قبلها بيوم عشان يوصلونا هع >>> مسكين اخويي مايقول ليي شي بس يعني بشكل عام الي حولي الشباب لازم تاخذي منهم موعد خ خ



مشكوره على الطرح

حياكى الله عشق فاطمى
ممتاز تعرفين مبادىء القياده بصراحه انا من رائى انه البنت السعوديه لازم اتعلم القياده حتى لو لم تمارسها
فقط لحالات الطوارىء

اما بالنسبه للبدو وغيرهم الى مو شايفين خير تراهم موجودين عندنا نفسهم بالضبط هلاشكال بكل مكان الفرق الوحيد
انهم عندنا وعند غيرنا تعودوا على البنت انها تسوق وصار شى عادى فمالازم تخلونهم عائق للحجر على حريتكم الشخصيه واعتمادكم على نفسكم

منوره الصفحه حياتى
مسك وبخور
31-01-2009, 04:50 PM
مشكورة على الموضوع الجميل

انتى اجمل ياقلبى