المساعد الشخصي الرقمي

مشاهدة النسخة كاملة : ياوليد الكعبه(قصيدة بحق الامام علي عليه السلام)

الامير 2009
01-02-2009, 09:29 PM
اليوم يم راسك اريد ابچي وأون
وهاي دمعاتي اجت گبلي تطوف
وياهو غيرك يجلي عن روحي الحزن
يا عليّ الرجفت كل السيوف
* * *
يا وليد الكعبة يا خير الاخيار
يا شفيع الناس في يوم الحشر
يا بطل ياحيدر يا حامي الجوار
يلي سيفك بالوغى يطبر طبر
( علي ) من والاك متمس جسمه نار
ثلج كله ايصير لو ردت الجمر
انت مولانا ونعم يابو الحسن .. يا( علي ) البيك تتنخه الالوف
اليوم كل اهمومنا يمك اجن .. وضلت ابشباچك امعلگه الجفوف
* * *
يا ( علي ) لولاك يونس مانجى
هو وسط الحوت يندب يا ( علي )
يا ابا الحسنين شباك الرجا
ايلوذ بيك العنده شده ومبتلي
يا عدل يمعدل انت المعوجه
يا ولي الله يا نعم الولي
******
اگلوبنه ابحبك تراهن قصرن .. اشنحچي متوصلنه الك كل الحروف
العيون اللي عليكم مابچن .. كون تعمه وتبقى تتحسر تشوف
* * *
يا ( علي ) انت غداً راعي اللواء
وانت تشفع بالحشر للمؤمنين
يلي اسمك منكتب بأعلى السماء
يا وزير المصطفى الهادي الامين
يا ( علي ) لو انت في طف كربلاء
چان مامر العطش بأهل الحسين
وچان نسوان الزلم ماينسبن .. وماتدگ بالشام دگات الدفوف
يا ( علي ) الصعبات گامن ينتخن .. وهن يدرن بيك كرار الالوف
* * *
يا قسيم الجنه والنار الجحيم
بيك بعد الله ومحمد نستجير
يلي ماشي اعله الصراط المستقيم
والمشه وياك يلگه احسن مصير
بالكرم يا ( علي ) من طبعك كريم
يا أبو الايتام يمطعم الفقير
على حب مسكين قدمت الصحن .. وفتحت گلبك تلم كل الضيوف
وانت حلال المشاكل والمحن .. يا وسيع البال يل گلبك عطوف

مع تحياتي للجميع
اخوكم الامير 2009
عاشقة النجف
04-02-2009, 03:38 PM
ليوم يم راسك اريد ابچي وأون
وهاي دمعاتي اجت گبلي تطوف
وياهو غيرك يجلي عن روحي الحزن
يا عليّ الرجفت كل السيوف

....................................


الله الله ماشاء الله كلمات ولا اروع
اجمل مايخط لعلي المولى ..
بارك الله بكم اخي الامير
موفق لكل خير
زورق الخيال
05-02-2009, 10:43 PM
أحسنت أخي الكريم على هذه الكلمات العطرة ورزقنا وأياكم شفاعة أمير المؤمنين عليه السلام في الدنيا والآخرة .
الامير 2009
05-02-2009, 11:05 PM
ليوم يم راسك اريد ابچي وأون
وهاي دمعاتي اجت گبلي تطوف
وياهو غيرك يجلي عن روحي الحزن
يا عليّ الرجفت كل السيوف

....................................


الله الله ماشاء الله كلمات ولا اروع
اجمل مايخط لعلي المولى ..
بارك الله بكم اخي الامير
موفق لكل خير
اختي العزيزة السلام عليكم ورحمة الله وبركاتة
اختي العزيزة لي طلبا عندك
اكون ممتنا منكي اذا قمتي بالغاء جميع مشاركاتي
تحياتي لكي
اخوكي الامير
الباحث عادل الايهم
06-02-2009, 02:58 AM
اللهم صل على محمد وال محمد وعجل فرجهم والعن عدوهم
.......احسنت اخى الفاضل بارك الله فيكم واسال الله ان يرزقكم الشفاعة والولاية الحيدرية
خادمك .........ايهم الجعفري العراقي
عشق الكلمة
06-02-2009, 08:01 AM
رائعة كلماتك اخينا "الأمير ، وأثابك الله بجزيل الثواب .
نسمات شرقية
06-02-2009, 02:00 PM
كلمات جداً رائعه..
موفق لكل خير أخي...