المساعد الشخصي الرقمي

مشاهدة النسخة كاملة : مناظرة بيني وبين الاخ حب احساس مو كلمة بالاتفاق

الامير 2009
02-02-2009, 01:28 AM
بسم الله الرحمن الرحيم
اللهم صلي على محمد وال محمد وعجل فرجهم والعن عدوهم
الى الاخوة والاخوات 00السلام عليكم
لقد دار بيني وبين اخي وصديقي حب احساس
حديث عن الشعر وقد تحدى كل منا الاخر وستكون المناظر يوم غد انشاء الله تعالى
اخوتي لا نريد منكم الا ان تحكمو بيننا
فتذكروا قوله تعالى
فان حكمتم بين الناس فاحكمو بالعدل

اخي العزيز حب احساس اتشرف بك وبكلماتك ومواضيعك
لكن
اتحداك وتتحداني باتفاقناهذا
وشكرا لك
مع تحياتي اخوك
الامير 2009
عاشق الامام الكاظم
02-02-2009, 03:13 PM
ههههههههههههههههههههههههههههههههه
مشكور اخوية الغالي
وخلينا نطلق على الاسم كلام بين صديقين
واتمنى الكل يشارك معنا
اممممممممممممم
اخي اتفاقي لك هو
لك الحق ان تكتب مواضيعك القديمة
ولك الحق ان تنقل مواضيع
وانا انشاء الله ساتواجد من اجلك
وكل ما تكتب قصيدة سارد عليك بقصيدة
واوعد ان تكون نفس الاسلوب
بمعنى لوز كتبت عن الحب اكتب لك قصيدة عن الحب
ولو كتبت عن الصداقة ارد بقصيدة عن الصداقة
وانا سانتضر قصيدتك كي ارد عليها
والف شكر لك اخي وصديقي
بس لا اتقول مناضرة وتحدي لاننا اخوان
عاشق الامام الكاظم
02-02-2009, 05:38 PM
اوك خوية انا ساكون الاول لعيونك
وكما طلبت مني


قد سئمت العيش من دون ان
ارى طيفك يشع بالفضا

واخبريني عنك شيئا عاطفا
واجعليني فيك دوم مرضا

واحمليني في هواك وابحري
واخبريهم ان موج اليئس مضا

وارفعي لواء الحب شامخا
واعلميهم ان حبك ها قد قضا

وامطريني بحنانك واعصفي
لو بحرف فيه الفؤاد ارتضا

يا سلوة العين لكل محب
ماذا اقول فيك حتى ترضا

لم اعلم فيك البراهين اثبتت
ان القلوب تذيبها اشواق الضا
الامير 2009
02-02-2009, 09:18 PM
ههههههههههههههههههههههههههههههههه

مشكور اخوية الغالي
وخلينا نطلق على الاسم كلام بين صديقين
واتمنى الكل يشارك معنا
اممممممممممممم
اخي اتفاقي لك هو
لك الحق ان تكتب مواضيعك القديمة
ولك الحق ان تنقل مواضيع
وانا انشاء الله ساتواجد من اجلك
وكل ما تكتب قصيدة سارد عليك بقصيدة
واوعد ان تكون نفس الاسلوب
بمعنى لوز كتبت عن الحب اكتب لك قصيدة عن الحب
ولو كتبت عن الصداقة ارد بقصيدة عن الصداقة
وانا سانتضر قصيدتك كي ارد عليها
والف شكر لك اخي وصديقي

بس لا اتقول مناضرة وتحدي لاننا اخوان

اخي الغالي عندما تقول سا اتواجد من اجلك لا غلط قول من اجل ما اتفقنا نحن علي
لن قولك هذا باعتبار انا طلبت المناظرة
والصحيح تحدي الم يكن هذا
اخوك الامير 2009
الامير 2009
02-02-2009, 09:45 PM
بسم الله الرحمن الرحيم
الى الاخ الحب احساس
ارجو ان تتقبل من هذه الابيات ردا على كلماتك الجميلة

ياليعـز دمعك 00 شلك بدموع عينـي 00اتريــد ازيـدك

لاتوّصـي الناس واتكلـف كَلب تعبان00كفارة بريدك00

لا تذوّب شمعة العشرين 00 والعشرين جالزنجيــل بيدك00

لا تحـط نفسك شكَص نوجات 00 وانت احجاية العاذل تصيــدك

لا تحط كَلبك على الصوبين كل وصله بكتــر واتكَول : اريدك

يالشلت كَلبي 00 أو لضمت الخيط 00بجروحــه 00 اعلـه جيدك

يا التظن 00 حسنك ملك 00 عالناس والوادم عبيدك

تحياتي لكم اخوك
الامير 2009
ممممممممممم
عاشق الامام الكاظم
02-02-2009, 10:31 PM
تريد اروح عني؟؟!بيا بخت؟يا دين؟

تتركني رماد بروح محتركه

اخذ ويّاك كلبي بدمعه والاحزان

حطه بجنطتك وبراحتك طبّكه

احسّن بيه تهستر مو كلب‘مجنون

يريد وياك يرحل والجلد شكه

احس عمري جكاره وبعدك انته النار

عاشرته بحناني ولهفة الشهكه

يا نسمة برد جتني بسموم الصيف

وبعزّ الجحيم وقمة الخنكه

لا ترحل ..تريد لوين وين تروح؟

محتاجك دفو وجفوف ادْي زركه

متلعثم لساني وخايفه الكلمات

اقسملك بعينك تكتل الحركه

يا قشة امل عشت العمر غركان

حرام عليك عمري ابعدك تغركه

صح اني جبل مبني بصبر وهموم

بس انهار كلي لكلمة الفركه

بعدك ما رحت واشتعلت النيران

بركان الالم لو رحت شيلحكه؟؟

الله وياك شحجي وحلك حزني دموع

واذا حلكه دمع شيسّكت بحلكه

لكن هم اعذره بكثر ما بيه ضيم

خل يجري بدموعه هالحزن حكه

باقي بانتضارك بيتي بابك صار

حالف من تجي كلي انكلب ......
الامير 2009
03-02-2009, 12:23 AM
الى الاخ الحب احساس تقبل مني هذه الابيات

عليمن جاي تبجي

عليمن جاي تبجي وأدري شتريـد
شو ظليت واكَف گلي شمتاني .؟

تره كَلّبي انترس من عندك اعذار
تخلص من عذر تكَلب على الثاني

خلصّت العمـرويـــــاك بالحسـرات
من غم الزمان البيــك وازانــــــي .

ما اعتب عليـك من العتب مرفوع
اعتب عالبخــت چيه بيك دلانـي

انه الضّيعت ربعي وباقي بس وياك
وهسه تكَلي تاني .! اعذرني ماتاني

چنتلك ضحكه تلعب بين الحچايات
واذا تحتاج تبچي دمــــــوع تلگاني

على كيفك عليّ هذا الكَلب ملچوم
حمامة بنص ذيابة شوم خلاني

صرت يوسف زمانـي وبيك شفت البير
وصفت روجات غدرك چنهن اخوانـي

صرتلك شمعـه تضوي وحضن تالي الليل
الوليلك چنت تغفى على ذرعـــاني

صحتلك وسمعت چا ليش ما رديـت
مو كبّر وكت مغربكم آذانــــي

المن جاي گلي وشّصلافه البيك .؟
آنه ويآك ابشرك مات شيطاني

تقبل تحياتي
الامير 2009
عاشق الامام الكاظم
03-02-2009, 03:51 PM
..........................................

حذف لوجود كلمات غير مقبوله ...

عاشقة النجف
الامير 2009
03-02-2009, 04:28 PM
................................


اتمنى اختيار كلمات تناسب منتديات انا شيعي ..



عاشقة النجف
عاشق الامام الكاظم
03-02-2009, 04:45 PM
العمر ضاع العمروياك يا فلان
ضنيتك وفي وخيبت الضنون

ضنيتك نبع ما مرة أنسان
وأجيت أطفي لهيبي بشوف العيون

شفت مايك كَلت خليني عطشان
وكرهت الماي من كثر اليشربون

العليه صاير أبد ما صار بأنسان
ولا صارت قبل يا ناس بالكون

أجيت أشرب لكَيت الماي عطشان
ويركض عالسراب وية اليركضون

أذا ضنيت أردلك أنت غلطان
يا دمعة الرضت ترجع للعيون

ألك عين وتجيني بعد كل الصار
بمعاتب تجيني تكَلي شمالك

وألك عين وتعاتب ناس حبوك
والي دائما تسأل على أحوالك

جنت تلميذ عندي وجاهل صغيرون
علية شغيرك وك خايب شمالك

بس أنة جبل ما تهزة وأتحداك
وأعتقد الجبل ما تهزة أمثالك

ولك آنة نهر شتريد تخبط بيه
شما تخبط ترى هم أرجع أصفالك

ولك غرورك لا يغرك وتعلى عن الكَاع
لأن آنة سما شما تعلة أعلالك

وأذا أنت صنم وعبدوك جم أنسان
مثل ما هبل طاح يطيح تمثالك

وأذا ضنيت أرد أنوب غلطان
لأن بس خيالي يضل يتراوالك
الامير 2009
03-02-2009, 11:03 PM
صبرت هواي انه بعشرتي وياك....
تجرحني واكلك جرحك يهون
جنت كل يوم اشوفك تذنب وياي
واقشمرني واسوي ذنوبك ضنون
ماانكر صحيح اسودنت بيك
ومن صار بهويتي اللقب مجنون
جنت انذر الك واذبحلك الروح
مو مثل البشر لمن ينذرون
واغار عليك حتى وانت وياي
ووسويتك دمع شلتك بالعيون
ومااكتب شعر بس من الاكيك
واكتبلك شعر ماصار بالكون
سويتك كمر تضويلي الليل
وخليت النجم لجلك يحرسون
وتالي اشفت منك بس الاجروح
شوفه الكلبي ميت بيك مطعون
رايد مني انسى وارجع شلون
ماترهم نعيش وانت مديون
هسة اني عرفتك ليش موجود
انت العلمت ابن ادم يخون

ممممممممم
ولكم مني اجمل التحية
الامير 2009
الامير 2009
03-02-2009, 11:07 PM
تعال ارجوك جيب همومك وياك
وهم جايك انه وجايبلك هموم
اذا انت تعبت وياي مرات
انه العمر جبته وياك ملجوم
ما بدر مني غلط مكصود
لا تبجي ابد ماريدك تلوم
عاتبتك صدك من رحت للغير
وهم انت زعلت صيحت مقهور
وراضيتك وكتهه واني زعلان
وبستك من جبينك وانه مغدور
هاي ذنوبي كلهه وياك يفلان
وماعندك ذنب وياي معذور
شوف جروحي يله وصفي الحساب
رزنامة مواجع بيهه الشهور
ما ريد انه منك تحمل ديون
بستاني ثكيل محمل هموم
مضلوم العشك كضيته وياك
واليحبك يضل وياك مضلوم
محالل انت وروح موهوب
يلكاسك شهد ضوكنه السموم
الامير 2009
نسمات شرقية
04-02-2009, 07:54 AM
اثنين كلمات رائعه ولكن ممكن تغيير الموضوع يعني أي موضوع عن الحزن أو الفرح مثلا الغربه غربة الروح أو....
عاشق الامام الكاظم
04-02-2009, 10:53 AM
اثنين كلمات رائعه ولكن ممكن تغيير الموضوع يعني أي موضوع عن الحزن أو الفرح مثلا الغربه غربة الروح أو....



أرجـع يالرحت بعيد عن بغـداد
وسكنت هناك دولة ما هي دولتنه

حقك من رحت جان الوضع مو زين
تفجيـر وقتـل وأرهـاب موتنه

بس هسه الوضع مو نفسة ذاك الجان
عراقييـن كلنا وهـاي طيبتنـه

بعد ماكو جوادر مأتم وأحـزان
كبل جانت كبل بسنين شدتنـه

عبرناها الشـدايـد والحمد لله
وهالدمع اليصب هذا دمع فرحتنه

كافي من الغرب مو صار خمس سنين
مل حتى الغـرب مو كثر غربتنـه

أرجع للأهل للصحبة والأحباب
نلتم مـن جـديد يا محلة لمتنـه

أرجع للنجف لدهوك والأنبـار
لتكريت وسماوه أرجع لبصرتنه

أرجع للفضل للثورة والنعمان
مناطقنه اصبحت والله جنتنه

يــا دجلة الخير يا أم البساتين
أرجع وأرتوي من ماي دجلتنه

أضربلك مثل صغير عن بغداد
حاول تفتهم وتشوف حيرتنه

بغداد الحضن والشرف والديرة
والأم والحبيبـة وهي هيبتنه

عايف هالحضن وساكن بغير احضان
وعفت هذا الشرف وهجرت ديرتنه

أرجع والنصر والله يعود وياك
وبيدك هاي بيدك شيل رايتـنه

أدري أنت وفي وأدريك ما مرتاح
وتصيح الله واكبر لغربة ذلتنـه

وأدري أنت أصيل ومعدنك يا نوع
وأدري انت الشهم والغيرة فزعتنه

أفرض بالغرب لاكاك ملك الموت
وبتراب نزلت ما هي تربتنـه

درجع والجواز هناك شمرة بعيد
ومزكها الأقامة وهاي فرحتنه

أرجع والفرح ينتظرك ابغداد

أرجع و الوطن محتاج وكفتنه

أرجع و الوطن محتاج وكفتنه
عاشقة النجف
04-02-2009, 12:00 PM
الاخوه الاكرام الامير والحب احساس
اتمنى منكم ان تختاروا مواضيع تكون بمقام منتديات انا شيعي وحبذا لو كانت تخص مواضيع عامه او اهل البيت
واتمنى الابتعاد عن مواضيع محدده ..
والا ساقوم بحذف كل كلام لا اراه مناسب ..
هذا ولكم من الباري التوفيق ان شاء الله
الامير 2009
04-02-2009, 03:39 PM
ياغريب

ياغريب أرجع وكافي ،،،،،، كافي تصبر السنين
وطنك صدره دافي ،،،،،،،،،، مليان خير وحنين

ياغريب

عيشت الغربه مذله ،،،،،،،،، أرجع لبيتك وأهله
لشوكت تبقى دمعتك ،، أبطرف عينك يل حزين

ياغريب

هناك بالغربه وحيد ،،،،،،،تنام تصحى عالبريد
أحنه هم مثلك أنتاني ،،،،، كل رساله هلال عيد

ياغريب

عيشت الغربه مذله ...

ياغريب

يا عراقي يا أصيل ،،،،،،تنسى أصلك مستحيل
الوطن مثلك وأكثر ،،،،،،،،،ما اللا بالدنيا مثيل

ياغريب

عيشت الغربه مذله ...

ياغريب

يكفي عذاب الفراق ،،،،،،،،، الهجر مر المذاق
يله شد حيلك تعال ،،،،،،،،،، يله أرجع للعراق

ياغريب

عيشت الغربه مذله ...

يا غريب
..
تحياتي الامير
عاشق الامام الكاظم
05-02-2009, 07:45 PM
اللهم صلي على محمد وال محمد
اخي الغالي امير 2009
اذا توافقني الامر
ارجو من المسؤلين ان يحذفو الموضوع
اخي اذا كنت توافق على كلامي ارجو ان تكتب نفس الطلب
والا فاتمنى ان تمسحو مواضيعي في هذه الموضوع ولكم جزيل الشكر
الامير 2009
06-02-2009, 06:33 PM
اللهم صلي على محمد وال محمد

اخي الغالي امير 2009
اذا توافقني الامر
ارجو من المسؤلين ان يحذفو الموضوع
اخي اذا كنت توافق على كلامي ارجو ان تكتب نفس الطلب

والا فاتمنى ان تمسحو مواضيعي في هذه الموضوع ولكم جزيل الشكر

اللهم صلي على محمد وال محمد
اخي الغالي الحب احساس
نعم اوافقك الامر بان يتفضلو المسؤولين بحذف مواضيعي كما طلبت منهم ان يحذفو مواضيعك
وللاخت المشرفة جزيل الشكر
اخوكم الامير 2009
نور المستوحشين
09-02-2009, 04:45 PM
المواضيع لن تُحذف ..

وابداعااتكم لن نتنازل عنها ... فأنتم عماد قسم الشعر

بكم إزدهر بعدما كان يغط في سبات عميق

لذا ننتظر عودة ابداعااتكم

وان شاء الله نتلافى جميعا الاخطاء السابقة

ونرقى بقسم الشعر والابداع دون تخطي الخطوط الحمراء لهذا الصرح الولائي

فابداعااتكم مقبولة اياكانت شريطة الا تتعدى الخطوط

تحيااتي نور...