هل يا البنت...و انت يا الولد....؟؟؟

[حيرني الدهر بحسين]

:Dسلام عليكم و رحمة الله وبركاته
اممم بدون مقدمات >>>ايه و اللي يرحم والديكي عطينا الزبدة:p
طيب طيب;)
الصراحة موقف تكرر أكثر من مرة لكن ::
إنتي يا لبنت:
هل تخطيبن ولد بالنسبة لك ولد زين؟؟
و شنو موقفك من البنت اللي تسوي كذا؟؟


إنت يا الولد:
هل توافق اذا البنت اللي خطبتك زينة؟؟
و ما موقفك لو أختك خطبت لها واحد؟؟؟
ـــــــــــــــــــ

بس بس لا تطقون سؤال ورد غطاه :D

[حيرني الدهر بحسين]

لحظه لحظه في تعديل على البنت
يعني اذا البنت قالت لك يالولد انا في فلان ابي اصير مرته و تقول لك خطبه لي
شنو ردك

[فلاان]

ههههههههههــ
عليكم السلام والرحمة والاكرام

يا اهلا وسهلا في البداية بك عزيزي الويه في قسم الشبآبــ

يعني ان البنت هي اللي تخطب لروحها :p

واللهـ هههـ على قولتهم اخذ اللي تحبك مو اللي تحبها :D

بس مو قوة عيون في البنت ؟ :p

إفترآضا لو كانت صديقة اختي ولمحوا منها احم يعني هالحاجات لكن خو ماتكون من البنت ههه
يعني الاخت تقول لأخوها عنـ صديقتهم ان كانت مناسبة لهـ


يالتحفة :D

[حيرني الدهر بحسين]

أنا تحفة!!:p

طيب يا لمزهرية:D
شوف يا خييي
انا فتحت الموضوع لانه يا كثر البنات اللي

يخطبون شخص في عايلتنا

دايم تلفونات تعال اخذنا لك :confused:

حتى في العمل حتى في المكتب:eek:

و غير انهم يقولون له نعطيك فلوس و بيت و غيره و غيره

بس انا كلامي لو بنت بكل أدب قالت لك
و الله يا فلان انا ابيك تصير بعلي!!:D

شنو رح تسوي

أختك لو قالت لك انا في واحد معي في الدوام مؤدب و خلوق و ابيك تكلمة ياخذني له مره

شنو تسوي

ـــــــــــــــــــــــــــــــــــــــ
بس تدري في أذكر حديث
انه في إمرأه دخلت المسجد في وقت رسول الله صلى الله عليه و اله
اهي قالت انا ابي اتزوج النبي قال من يريدها له ففي نهاية القصة قام واحد و تزوجها من المتواجدين من الشباب و كان مهرها سورة من القران و بدون اي تعليق
ـــــــــــــــــــــــــــــــــــــ


و لكن احس انه هالظاهرة اش كثرها بس انتو اش رايكم

هل تحسونها حل بطريقة او اخرى؟؟؟؟

لا تحرمونا يا بنات من الرد :D

[شيعيه ابا عن جد]

هل تخطيبن ولد بالنسبة لك ولد زين؟؟

انا عن نفسي مستحيييييييييييل اسوييها

بس سمعت حديث حق الرسول صلى انه يحترم البنت لمن تطلب الزوااج احسن من انها اتسوي شي حراام يغضب الله

و شنو موقفك من البنت اللي تسوي كذا؟؟

بالنسبه لي انا ما احب هالشي يكون بالبنت المفروض الريال اهو اللي يخطب

شكراااا للموضووع الحلوو

[ربيبة الزهـراء]

ياهلا فيج يالغالية
منوره منتدى و القسم

بالنسبة لسوؤاللج قوية اتروح واتقول الى اصبي ابي اصير مرتك
قوية عين صج

بس شوووفي اصير بعض المجتمعات
بس عندنا مستحيل

ههههـ

مشكوره ع نقاش

[خادم_الأئمة]

اللهم صل على محمد وآل محمد وعجل فرجهم
ــــــــــ
اولا يالله محية الوية :p

والله بالعكس انا اخالف كل الي كتب انه قووة عين!
من السيئ العيش في العادات والتقاليد القديمة ولا نلتفت للحاضر
يعني اعطيكم مثال بالسابق المرأة شكلها غلط لو كانت تطالب بحقوقها السياسيه :rolleyes:
لكن بعد فترة صار شي عادي والحين المرأة مثلا بالكويت لها صوت بالانتخابات وترشح روحها ..إلخ

يعني نقدر نقول انه الشي العيب اليوم راح يصير شكله يسير باجر

شنو يعني لو البنت قالت للشخص يا (...) انا ابيك تخطبني بالحلال ؟؟

ومثل ماقالت شيعية :

بس سمعت حديث حق الرسول صلى انه يحترم البنت لمن تطلب الزوااج احسن من انها اتسوي شي حراام يغضب الله

هذا الرأي جميل ان يتبناه الشخص في هالفترة من العـمر

مااقول يالله يا بنات الي تبي الريل تروح تخطبه :p:D:p

لكن اقصد من كلامي يا طويلين العـمر انه مو عيب لو البنت اعجبت بالشخص وتبوح له عشان يخطبها

وهذا من رآآيي ^^
ونعتذر على الاطالة :p

[حيرني الدهر بحسين]

و شنو موقفك من البنت اللي تسوي كذا؟؟

بالنسبه لي انا ما احب هالشي يكون بالبنت المفروض الريال اهو اللي يخطب

شكراااا للموضووع الحلوو



اولا حيا الله اخواتي و اخواني

ايي الصراحة البنت حلاتها بالحيا

بس انا كلامي عن البنت اللي مثلا فوق 23 وحده عاقله يعني تعرف موازين

الامور

انا مو كلامي و الله يا بنات كل وحده تبي ريل تروح و لا يردها الا لسانها:cool:

بس انا اقول انه في مجتمع مثل السعودية شي كبير انه البنت تروح تخطب زميلها

بس يعتبر هذا حل
يعني يا تروح للحرام :eek:يا تنطق تسكت

بس في أشياء اخرى
في مثلا بنات حتى لو كانو في العشرين
يدقون على اكبر شيخ او سيد و يقولون له و الله احنا نبي نعرس فإذا احد يبي يعرس من المؤمنين هذا احنا في بيت كذا و في منطقة كذا كذا

في بنات لا يروحون لأخوهم او ابوهم
"يبا و الله انا ابي اعرس " يعني شنو سوت كفرت لا سمح الله



بس شوووفي اصير بعض المجتمعات
بس عندنا مستحيل

عذرا اذا انتي سعودية و ما تدرين فما ادري شنو اقول لك

ترى البنات و خاصة فوق 24 او 23

يبون يعرسون يروحون للزميل بكامل السرية

يا فلان ابيك تصير ريلي

و الصراحة مو قضية قواة عين و ما ادري ايش

الناس الحين كل ما لها تتفتح

يعني انا بقول لكم وين الاحسن

تروح و يصير عندها بوي فرند على النت او او او ....

او انها و الله تبي تستر على روحها

الكلام مو كلام انه و الله خلص ابي اعرس و بس
ــــــــــــــــــــــــــــــــــــــــــــ

اولا يالله محية الوية

يا حيا الله اخوي الميرزا



ــــــــــــــــــــــــــــــــــــــــــــــــــ ـــــــــــــــــ
و الصراحة رأيي من رأي اخوي الميرزا >>>ميرزاوية تجمعو :p

[حيرني الدهر بحسين]

ملاحظه:::::
البنت في هالأيام ما تبي انه تحفظ روحها من الحرام

قد ما انها تبي واحد يكون سند وحما لها

[فلاان]

ههــ

اممممممـ

اختي النظرة بشكل عام ليست خاطئة
خصوصا اذا البنت كبرت وكانت مؤمنة متدينة وما جاها النصيب
فمو مشكلة ان تطلب من العلماء لأن في كثيرين شباب يتوجهون كذلك للعالم ويقولون له انهم يبون يتزوجون
فإذا العالم جت له البنت فراح يخطبهم لبعضـ

وكل واحد يدور الستر والحلآل
مثل ما الشاب يتزوج حتى يحفظ نفسه .. من حق البنت تطلب الزوج بالحلالـ

لكن مو مثل الصورة اللي في بالنا ان اي بنت بتتمنى فلان زوجها تروح تقوله اخطبني :p<<< الواحد ينمسك وينحرج خخخخخ

[حيرني الدهر بحسين]

:cool:
خليني أقول لك شي
أهي صعبة أنه فلانة تقول لك
"ودي أصير مرتك لانك واحد مؤمن و خير
ولاني ارتحت لك و لتفكيرك"

يعني مثلا انا مستحيل أسويها

واااااي وين اودي ويهي اذا قلتها لاحد:eek:

بس في نقطتين
1: البنت اهي اللي رح تعيش مع فلان"مو انت بس مثال:p" مو اهلها
فإذا قالت يا فلان ابيك يعني اهي اكيد و بعد تفكير قررت و قالت اي يصلح لي فشنو فيها اذا قالت لك ابي اصير مرتك على سنة الله و رسوله

هذا أحسن من أن تخلي احد يلعب براسها و تتمناه و يقول لها لازم نحب بعض أول و من هالخرابيط ويلعب عليها و يقطها و لا يهمه شنو رح يصير فيها

2:صعبة لانه مهما كان حلاة البنت بالحيا و الخجل
لانه هذا فرقها عن الولد و لانه اهي الصفة اللي تخلي البنت لها مكان كبير و مقام قدام الناس طبعا +حسن التصرف و التدين و و و ...الخ

و لكن
لازم نتقبل فكرة انه البنت إذا راحت و قالت ابيك لانك و لانك ما ناخذها على انها عيبة و شي كبير

مثلا عندكم قريبنا
اهو حتى ولد عمه قال له اعطيك بنتي و بيت فوقها بس انت وافق :eek:
ليه ؟؟؟لانه بناته كبروا و يبي يسترهم
فهل اهو سوى شي غلط

طيب اذا احنا بدلنا الاب بالبنت نفسها
فيها شي؟؟؟
بكل إحترام قالت لك ابي اصير مرتك؟؟

***
شي ثاني ما رديتوا عليه


اذا اختك قالت لك ابي فلان يصير بعلي:cool:

تروح تخطبه لها؟؟؟!!!

[حيرني الدهر بحسين]

طبعا إذا كان محترم و شخص ذو ثقة

نسايم لا تحريمنا من ردودك

[فلاان]

هههـ
بالنسبة للسؤآل

اذا كانو مناسبين واعرف فلان جدا وكان مؤمن خيّر اقول خير وبركة((انا فلاان مو فلان بس كلما يضربون المثل بفلان اقول شجاب اسمي هنا))

بس المشكلة اهنا كيف اقوله يعني تعال اخطب اختي ؟ ؟؟؟ ؟ صعبه ههههـ

[نسايم]

طبعا إذا كان محترم و شخص ذو ثقة

نسايم لا تحريمنا من ردودك


تشكري حبيبتي الوية لثقتكِ بمشاركاتي>>>>>>>>> لكن غناتي اسمش الاولي احلى :p

انسان محترم وثقة ومؤمن على عيني وراسي لكن ...................


هل تخطيبن ولد بالنسبة لك ولد زين؟؟
نوووووووووووووو ويه

مستحيــــــــــــــــــــــــــل

مافي امـــــــــــــــــــــل اسويـــــــــــــــها



و شنو موقفك من البنت اللي تسوي كذا؟؟


مادري شنوووووووو موقفي

انا عن نفسي بقول
قواة عين


لكن بعذرها لانه كل شخص له ظروفه وله وجه نظر

يعني لو سوت هالشي لها وجة نظر خاصة فيها ومبرراتها