السلام عليكم

[بنت الغريب]

اخي الكريم
ام زوجي تبيع في منزلها اشياء مثل الحلويات والشيبسات وغيرها
دائما ماتسلف اطفالي وانا اقول لها ان لاتعطيهم بدون ماتخذ منهم اي فلوس
يعني هي تسلفهم وتقول لي اذا شافتني عيالك ماخذين بهالكثر يعني دفعي اللي عليهم
وانا كل مره اقول لها لاتعطينهم الا اذا كان لديهم نقود..لكنها لاتستمع لي ابدا وتعطيهم وتحسب علينا
انا اتضايق جدا من تصرفها لانني لا احب ان يكون علي مبلغ من المال لاحد
ومره قلت لها لاتعطيهم لانني لن ادفع (طبعا اخوي مو كل مره يتوفر عندي مال حتى ادفع لها) واذا قلت لولدها ان يدفع يماطل بالموضوع ونفس الشي يقول لي قولي لها لاتعطيهم سلف ولا دين
وماكو فايده تسلفهم وحنا ماندري بعدين تقول ان اولادك خذوا بهالكثر وتحطنا قدام الامر الواقع علشان ندفع
انا اللي يضايقني ان مو دايما تتوفر عندي فلوس علشان اعطيها وتعرف ان الدنيا حياه وممات وخايفه اني اموت وتكون علي فلوس لها
فما الحكم هل اذا لم ادفع لها يكون على اثم وذنب واخذت حق مو لي
مع اني اقول لها لاتعطيهم وهي تعطيهم وبعدين تقول لي عليكم فلوس
والله احترت معاها ومو عارفه هل اذا مادفعت انا او زجي اللي هو ولدهاعلينا ذنب ولا
دمت بحفظ الرحمن

[نجف الخير]

السلام عليكم

اذا كانت صادقة فيما تقول واطفالكم ياخذون منها من دون اعطائها المبلغ كان عليكم دفع المال لها وبخلافه يكون اخذ حاجة من شخص بدون دفع المال له ولكن اذا كان من باب التاديب بان تاخري دفع المبلغ لها لوقت اخر حتى تخشى من عدم دفع المال لها اخريه ولكن بشرط ان تدفعيه لها في وقت لاحق او ان تسجلي بورقة ان عليك دين لفلانة بقيمة كذا حتى لا تنسيه وتدفعيه فيما بعد

دمتم بود