ابا الفضل

[اميرة الشماع]

سيدي يابالفضل

سيدي عباس يبن ام البنين يا ابن حيدر علي وندريبه
ياحصن من كل خطرجداحصين وياستربل سورمابيه عيبه
سيدي عباس ياضخر الضخر ياحرز شلناه اليوم امصيبه
ياجفيل العايله ونعم الجفيل ويانبع ينبع اصول الطيبه
والله حيرت الخلك يابالفضل ودنيتك حارت بهاي الهيبه
لان كل خصله جميله وجيده بيك اجزم سيدي بل ريبه
ياعضيد حسين يالمالك وصف وياوزير الواه تم تنصيبه
بيك يتشرف زمانك ياشرف وياذكر لومر كثر ترحيبه
انته زهوالكون وانوارالسمه وانته بدرالماعرف كل غيبه
وانته دستور المبادى والقيم ومنك المبدى اخذ تاديبه
حكه يصرخ كونك بيوم ارحلت وحكه عالي اعليك صار انحيبه
لان مثلك سيدي هذا الزمن لو هوه ايشاهد امنين ايجيبه
انته راقي بلا غلو ياسيدي وشخصك الطف التزم تعريبه
وترجمت موقفك النه المشرعه وشهد ماي افرات عن ترغيبه
موش سيفك بالنزال العلمك السيف بيمينك كمل تدريبه
ومن صناديد العرب ماتنحسب ولاصنف تصبح ضمن ترتيبه
كسر ظهر حسين فكدك ياشهم والشماته اسهام كام اتصيبه
وعذبه الكلب الحسين اموادعك ومطرت الدنيه ابدمه التعذيبه
ايه ياعباس والنوح ارتفع حين حنه حسين بالدم شيبه
وصوت ايتام الضعن جدا عله لان خصمك ماكطع ترهيبه
والله لوحاضر وشاهدت الشمربعدك اصبح حادي ضعن النيبه
واصبحت سلواه بتويع العيال و صوطه بمتون العقيله ايهيبه
والله لوحاضر وشاهدته اليزيد وشفت راس حسين بيش ايصيبه
جاكطعت الكون في نار الغضب وجا حرك دنيانه بس الهيبه

[نور المستوحشين]

أبيات في ابي الفضل عليه السلام فكيف لاتستمد جمالها منه

كلمات بسيطة ولكنك تثلجين بها قلب الزهراء عليها السلام

بانتظار المزيد ...

أخيتي اذا كانت الابيات لكم فاتمنى ان تكتبو في المرات القادمة انها بقلمكم او منقولة

تحيااتي نور...

[الكوفي]

ما أجمل هذا الشعر وأنداه وأرقّه ..
اتمنى لك المزيد من التالق

تحياتي

الكوفي