عادل الناجي
27-02-2009, 04:39 PM
الله يساعدك يلخلصتهن ظيم
اومنو البلظيم كبلك خلص اسنينه
كمت تاكل ابروحك من نخاك الجار
مثل عباس من اتنخته اسكينه
رحت للماي كاصد بس ولوك الكوم
اويتفرج عليك الجار وعلينه
لكه اعيونك تصب فوك التراب ادموع
وبلاخجل منهن ترس جفينه
شرب من ماي عينك جارك العطشان
وتعرفه اذا نعطش سم يروينه
امس من طاح شلته اوشلته فوك الراس
هسه انت الطحت جاصاحبك وينه
طحت اكبال عينه ولاجنه ايشوف
رفع سيفه عليك اومارفع عينه
زرعو بينه فتنه العرب من ازمان
اومن نجحت الفتنه اتشمتوابينه
هسه انريد ننسه اوننسه كل الصار
ولو ربع الجرالك ماينسينه
اونرد مثل الأمس شيعه اويه سنه اخوان
اويموت ابحقده كلمن راد ينهينه
اويروح الهور كاصد للجبل خطار
اوتجي ارض الرمادي اتزور اراظينه
اوترد اطيورنا ابستان دجله اتعيش
اويرد نورسهم ايطير ابشواطينه
امس عريس شيعي اواجه السني اهنا
اولاللطائفيه ابشوك غنينه
اوامس عريس سني اورحنه زفيناه
اومو جكليت فوكه اكلوب طشينه
اعذروني سوف اغيب عنكم
تحياتي
اخوكم
عادل الناجي
اومنو البلظيم كبلك خلص اسنينه
كمت تاكل ابروحك من نخاك الجار
مثل عباس من اتنخته اسكينه
رحت للماي كاصد بس ولوك الكوم
اويتفرج عليك الجار وعلينه
لكه اعيونك تصب فوك التراب ادموع
وبلاخجل منهن ترس جفينه
شرب من ماي عينك جارك العطشان
وتعرفه اذا نعطش سم يروينه
امس من طاح شلته اوشلته فوك الراس
هسه انت الطحت جاصاحبك وينه
طحت اكبال عينه ولاجنه ايشوف
رفع سيفه عليك اومارفع عينه
زرعو بينه فتنه العرب من ازمان
اومن نجحت الفتنه اتشمتوابينه
هسه انريد ننسه اوننسه كل الصار
ولو ربع الجرالك ماينسينه
اونرد مثل الأمس شيعه اويه سنه اخوان
اويموت ابحقده كلمن راد ينهينه
اويروح الهور كاصد للجبل خطار
اوتجي ارض الرمادي اتزور اراظينه
اوترد اطيورنا ابستان دجله اتعيش
اويرد نورسهم ايطير ابشواطينه
امس عريس شيعي اواجه السني اهنا
اولاللطائفيه ابشوك غنينه
اوامس عريس سني اورحنه زفيناه
اومو جكليت فوكه اكلوب طشينه
اعذروني سوف اغيب عنكم
تحياتي
اخوكم
عادل الناجي