أكل الحرام [الأرشيف] - منتديات أنا شيعـي العالمية

مشاهدة النسخة كاملة : أكل الحرام

خادم_الأئمة

31-03-2009, 07:34 PM

اللهم صل على محمد وآل محمد

موضوعي اليــوم موضوع مهم جدا ، وهو موضوع منتشر كثيرا حتى بين الشيعة للأسف اتباعا للدولة الي ننتمي لها

[اللحم الحرام يجلب الدياثة للعائلة]

يمكن هالمعلومة قد تكون جديده على البعض وقد تكون للبعض معلومة قديمة تستحق التذكير

قال احد الشيوخ حفظهم الله هذه القضية بالمسجد قبل اشهر ولاحظت موضوع اخوي الحبيب تروبل فتذكرت القضية

أكل الحرام هو الاكل الذي يشمل الخنزير والكلب (اجلكم الله)
ويشمل ايضا لحم الغنم وغيرها لو كانت غير مذبوحه على الطريقة الاسلامية

فالدول الاجنبية تأتي البنت وهي 18 سنة
ماعندها بوي فرند

يقول الاب ،، اووه هذي بنتي معقده ماعندها بوي فرند

لازم ادور لها بوي فرند

وأب ثاني ،، يسمع صوت الجرس وإذا بابنته تأتي معاها رجل يسلم الرجل على ابوها والاب فرحان أوي على قولة اخوانا المصرين

هذا كله من اكل الحرام وتاثيره

واكل الحرام يميت القلب ، يجعله قاسي

حاليا جم من الشباب ياكل ماكندولدز او برجر كنق او هارديز أو كوردو ؟ ؟ ؟ ؟

في احد فينا تكـرم وسأل عن مصدر اللحم ؟؟

يقولك الدياي برازيلي ، وانت مبطل حلجك وسعابيلك ترست الارض وين تسأل :D
يا شباب سألوا وعودوا انفسكم على انه الاكل يكون بالشيئ الحلال الي مسمى فيه الله

لا تقولون وشرف على الذبح الشيخ او السيد الفلاني أو من اخوانا السنة يقول الشيخ الفلاني، لانه أمام المسلمين شي ، وبينهم شيئ ثاني

تلقون من جدامنا يمسكون الديايه زين مايمشطون ريشها :p
من ورانا الله أكبر
ناقص حلبة مصارعة بين الدياي وبين القاتل المأجور :rolleyes:

او يسوي لهم حمّام تركي مساج ولمن تدخل الدياي بالحوض وإذا بصاعقة تنفض ريشهم:p

جـــربــوا وشــوفـــوا

لا تقولون معقد بالاكل مثل بعض ربعنا
لكن هذي حدود

نسايم

31-03-2009, 08:00 PM

ياسبحان الله

خادم في عفريت كانه يدري كان ودي انزل نفس هذا الكلام لكن زين سبقتني

لاحظت في الاسئلة الفقهيه

ناس كثيرة تسئل ماكدونالز وكنتاكي وباقي الربع هل حلال ام حرام

بالعقل مطاعم اجنبية عالمية يعني دجاج مثلج مستورد مهم لحوم مستوردة

يعني مابيجيوا دجاج ولحم مخصوص ومذبوح على الطريقة الاسلامية

للفرع الي في القطيف مثلاا والله عشان هذولا شيعة وماياكلوا حرام

خو اهل السنة ماتفرق عندهم قول بسم الله ويصير الاكل حلال

بس العتب على االلي يدري انه حراااااااااااااااااااااااااااااااااااااااام ويكابر تتحدى من يااخي

مرد الضرر عليك انت

والطامه العظمى الي يقولك دجاج سادية وامريكانا حلال من وين اكتشفت يافهيم والله مكتوب عليه حلال

ثق تماما انه حراااااااااااااااااااااااااااااام

و حط في بالك انه كل شي لافت انتباهك وحاطين دائرة حمراء ومكتوب عليها حلاااااااااااااال تمويه ترى حرااااااااااااام

مطاعم من اهل البلد ماينوثق فيهم اشحال مطاعم اجنبية

وحتى لو سويت حالك بطل وسئل العامل طب العامل الي يشتغل مو هبل اكيد بيقولك الكلام الي انته تبغاه وبيقول الدجا بلدي واللحم بلدي مابيعطل شغله على حسابك

ادري هدرت واجد السموحة منكم

البحرانية

31-03-2009, 10:50 PM

والله خوش طرح اخي خادم الائمة

سلمت وزادك الله علما على علم ووفقك

قيل ان اكل الحرام يغضب الرب ويمنع استجابة الدعاء وانة يميت القلب ويفسدة

فلا يضرنا ولن نموت جوعا ان امتنعنا من اكل ماهو حرام او مشبوه ,,

ويجب ان نتاكد من حلية مدبوحات اي مطعم نشتري منة لحتى ما تتربى اجسامنا وتتعود على اكل الحرام

عن الرسول الاعظم عليه افضل الصلاة والسلام قال: ((إنه لا يربو لحم نبت من سحت إلا كانت النار أولى به) رواه الترمذي (558)

تقبل مروري وتحيااااتي
ودمتم بخير

بنت النور

01-04-2009, 01:50 AM

مشكور اخوي على موضوع اولا

ياما نصحنهم وقلنا لهم
بس ماكوفايده منهم
يقول لنا احنا في بلد اسلامي مايحتاج نسأل عنه00 قاله احدالشيوخ ومشوا على كلامه
او يقولون لنا انتون معقدين
كل شي تدققون فيه
لا وحده تقول والله احنا الذم مو علينا ذم الي نشتري منه00 هو شدخله هو عليها يكسب ولا عليها من احد

ربيبة الزهـراء

01-04-2009, 02:36 AM

السلام عليكم

احسنت مولااي .. باركً الله بيك
ولا احد بيقول عنك معقد

هو اكيد بعض اللحوم حرام مثل كنتاكي
وطبعاً دجاج ساديا حرام ..

وطبعاً الناس .. اقولون جيبوا لنا اية قراءنية تدل انه الدجاج الساديا حرام ..

حت طريقة الذبح حرام ..

وناس اتقول انه كنتاكي البح اسلامي و حلاال والله اضحكونـي

هذا اشيلون راس الدجاج بدون غسال ع طول يادافع البلاء

\\

المهم

طال عمرك ورحم الله والديك

عاشقة ام البنيــن

01-04-2009, 03:57 PM

جزاك الله خيرا على الطرح الرائع للموضوع
تحيتي

فلاان

01-04-2009, 08:33 PM

اولا مشكور عزيزي ورحم الله وآلديك على الطرح

والقرقة في هالموضوع ما تخلص ولا تنتهي :p

والف قصة وقصة جت في بالي اكتبها ويا كثر الي نسيتهم الحين ههههـ

و اكل الحرام ما اقتصر على لحم الكلب والخنزير بل تحول الان للحوم المحكوم عليه بالحليه لكن اذا كانت بذبح غير شرعي ..

والأن الشباب هداهم الله بعضهم عندهم جملة (وسع الذمة)
وبعض الشباب يقولون احنا في دولة اسلاميه oO

واكل الحرام يسبب في ضعف الغيرة ومن مات وفي جوفه حرام مات على غير ولاية اهل البيت كما ذكر احد الفضلاء
وشحال عياله اذا جو من حرام كذلك

ومطاعم مآكدونالدز تذكر في موقعها الرسمي انه ((للأسف) اللحوم غير مذبوحة بالطريقة الاسلامية)

وموقف حز في خاطري لليوم
ان احد الشباب كان يتكلم عن المطاعم الاجنبية
وكنا صوب كودو وفي مقابله سبايسي ميل
مطعم سبايسي ميل لأحد ابناء المنطقة والحمد لله لحومه مضمونه

فأنا قلت لصديقي .. وكودو بعد حلآل :D

بعد كم يوم جا لي يقولي رحت كودو مع الشبآآب .. واخذنا ذيك الشوآرما
بس صج غآآلي ومن اسمه وكذا ومن هالكلام وواحد منهم ما اخذ لأن ما عنده فلووس

ويقوول وانا مبقق عوايني
اقوول له هيي تمزح ؟
يقول وشو
قلت له من صجك انت :p
قال يي انا فقعتها ضحك وقلت انا لله
يا ولدي حرام هذا .. يقولي انت قايل لي وموثقنه
انا تأزمت .. تصير في ذمتي كذذا ><

وكنت راح انزل موضوع بأسماء ومواقع مطاعم القطيف ومحلات العصيرات والجلسات الهادئة للعوائل
لكني تراجعت .. لأن بعض المطاعم تكون مضمونه لكن ريثما يتغير الحال !!

وكذلك حتى المطاعم البحرية الواحد يتخووف منها صار
يجيبون اسماك غير حلال اكلهآ ويسمونها بمسميات ثانية
مثل اللي انتشر من فترة ويباع في بنده على انه سمك هامور ستيك
لكنه في الحقيقة (يريور) خخ صصغير القرش او فش كآت

وحتى لو كآن اللحم معلووم انه من المسلخ والمسلخ معروف للناس انهم يذبحونه على الطريقة الشرعية .. لكن شفت مقطع فيديو انتشر .. والخروف واقف الهندي او البنقالي يمرر السكين على رقبته ويروح لغيره :S

وعلى كثرة شركات الدجاج كذلك الواحد يتحرز مثل الوطنية والطازج ومادري شنو

بعض المؤمنين ما يأكلون إلا من ذباح المؤمنين بعد خخ يعني الشيعة

وعندي افضل تعقيد تعقيد الاكل .. الواحد ما تسوى عليه ياكل لقمة حرآم وحتى لو ماكان يدري لكنها تؤثر

الله يجيرنا واياكم
ومشكور عزيزي وقواك الله
الله يرزقنا واياكم الليلة عزيمة من اللحم الحلال لوول

خادم_الأئمة

03-04-2009, 08:04 PM

حياكم الله :p
كنت بحط هالموضوع بالعقائدي لكن قلت حق الشباب مثلي ينفع :rolleyes:

نسايم : لا ما (هدرتي) بالعكس هذه النصائح يسمونها ذهبيه :)

وعقب هالمطره يعني الواحد لازم يقرأ ويعرف عشان لا يقول بعدين مشرفيينا واعضاءنا ماقالوا :p

(البحرانية)
بارك الله فيج احسنتِ ، احنا مو بمجاعه كما قلتي يعني شزينه اكل المرقة والعيش (الرز) وعلى قولة اخوانا العراقيين (التمّن) مع هاللحمة ويا الدياي

<<<< توه راد من العزيمة طلع له كرش من الاكل نياهاااهااا :D

الله يحفظكم

(بنت النور)
يا وخيتي مهما تقولين مايسمعون
على قولة اخوانا الايطاليين هذول (برو برو ، بيا بيا)

يعني يقصون عليهم الشباب الثانيين ويقولون حلال انت بدولة اسلامية لا تسأل وتصير معقد

وقولي لرفيجتج هالمثال :

(لو واحد عطاج سم وقالج اكليه ، تاكلينه ؟ ولا تسألين بالفطره شنو هذا ؟؟ فإذا شربتيه انتي الي اديتي للهلاك لنفسج )

والله انا انصدمت بالمدينة قبل جم شهر عند الحرم والاكل حرام

وانا مستانس يعني الاكل عند الحرم اكيد حلال طلع اخس حرمه من شارع Queen Street ببريطانيا
على الاقل هناك يحطون لافته بره Haalal يعني متحضرين يكتبون حلال بالاحرف الانقليزية :D

ويطلع صج حلال لانه يحطون فرعين للمطعم حق المسلمين

عاد شكثرهم يبطون الجبد زحمة بس لاني ياي صاروا يحبون الحلال :p

(ربيبة الزهراء)
مولاج امير المؤمنين عليه السلام :)

السيد السيستاني محلل رقم معين بالساديا يعني مو كله حرام
لكن الحيطة لا نشتري هالدياي

أيام اول قبل 15 سنة لمن كنت 8 سنين من عمري كنت اكل من مطعم ماندري انه ساديا

يعني تعرفون سوالف الصغار لازم اكل ولا ما اكل :o
الحين بالطقاق لا تاكل شتبي
المهم لذييييذ الاكل قلنا لازم فيها السالفة إنه
سألناهم طلع سادية

وجليل الحيه كان يقول لنا (يا فاندم ده اللحم والدقاق -دجاج- كله حلال من استراليا)
وعقب فتره يقول لا ده اصل احنا كله ساديه ما اولت لاحد انه ده استرالي

قلنا صج ملعون

اي حلال يسوونه غصب هالكنتاكي
قالي المصري ده لا يضحكوا عليك يقولون سعودي الذبح كله من امريكا الدقاق

(عاشقة ام البنين)

الله يسلمج وشرفني مرورج

(فلااان)

أولا العفو :p

ثانيا احسنت احسنت احسنت كلام جميل وواعي

ثالثا ماكدونلدز مطعم احلى مافيه السمج والبـرّد باجيه استغفر الله مره كليت دياي ولاعت كبدي وبالكويتي (لاعت جبدي)

:D

محمد طالب

04-04-2009, 09:59 AM

السلام عليكم ورحمة الله وبركاته
ان اكل الحرام له مضار سيئة جدا من وجهين الوجه الاول هو الديني والخلقي وكما ذكرتم اعلاه والوجه الثاني مادي أي على الجسم وتأثيراته تظهر بعد مرور فترة

شيعيه ابا عن جد

05-04-2009, 11:25 AM

موووضوع قمه الرووعه والفائده اخوي خادم_الائمة
انا ما انكر اني كنت اكل منهم واحبهم خصوصا كنتاكي وهارديز ع قد ما كررهتهم الحين
وعندي حقاائق وموثوق منها من ولد خالتي ربعه يشتغلون في مطاعم من هالنوع
ويقولون ان لو اتشوفون شنو يسوون اتلوع جبدكم ولا تاكلون منه مره ثانيه
هارديز يخلطون الامعاء مع الهامبرجر ييييع
وكنتاكي ياخذون الديايه ويطقونها بالطوف لين اتموت
وشتى انواع التعذيب عشان يذبحون الديايه
هذا كووم وانه حراام كوووم ثاااني
يعني صج مامنهم فاايده
والكل طايحين طيح فيهم ولهم الفخر ان يشترون منها
((الله المستعان))
بس في مطعم فاست فود بالبحرين يقولون ان صاحبه بحريني ((جسميز))
انا الحين اذا حبيت فاست فود اخذ منه
بس بعد اكل وانا خايفه ان يكون حراام

اي والله والاعراض اللي ذكرتها كلها من اعراض اكل الحرام الله يبعدنا ان شاء الله
ربي يعطيك العافية اخوي خام_الائمه
وكثثثر من هالمواضيع المفيده

بنت الغريب

14-04-2009, 03:44 PM

يعطيك العافيه اخوي
صراحه الاكل مشكلته مشكله
الواحد صار يخاف ولا يدري من كثر هالمطاعم اللي تطلع الذبح حلال لو حرام
طبعا بالسعوديه مادري انا عن الاماكن الثانيه
طيب اخي خادم اذا ماعليك كلافه
يعني مسز بنت غريب في سافر ماليزيا
هي في يجلس 4- يوم بكوالا لامبور
و2- يوم بمرتفعات جنتنغ ممكن خيو خادم اذا تعرف مطاعم تكون حلال هناك
لاني فعلا متازمه من ناحية الاكل
وفي ماليزيا بعد
شكلي بناخذ بريد وصمول وجبن وبنمشي حالنا
مابنجي الا جلد وعظم خخخخخخخخ
فعلا اتكلم جد اذا تعرف مطاعم تكون مضمونه ياليت تقولي عليها خلال هاليومين
لان الاحد الجاي مسافره
يعطيك الف عافيه
عاد اذا توصي شي ماشيات بالخدمه لايردك الا لسانك

خادم_الأئمة

14-04-2009, 05:42 PM

بنت الغريب

15-04-2009, 01:22 AM

محمد طالب :
احسنت خيو على المشاركة فقد اجدت واصبت كبد الحقيقة !!

شيعية ابا عن جد :

يقولج الحين فيه طريقة اسهل :rolleyes:

يحطون ريلهم على جتوف الديايه ويسحبون راسها
يعني [شنقا حتى الموت] :p

ودام فيه من اهلج متواجد هناك عيل انا اطالبج بتقرير كامل تحضرينه لي واخر موعد 31 من هالشهر :rolleyes:

المدام والاخت بنت الغريب:
تروحين وترجعين بالسلامة
وهالله هالله بالصوايغ ابي بضايع :p

اتغشمر ، نبيج سالمة يا مدام بنت الغريب
وترجعين لنا بمليزي شيعي رافضي :p

ان شاء الله اسألج واخبرج
لاني انا ولا مره رحت هناك

فقط اوروبا وامريكا ومشهد وقم حدّي :d
لكن ماليزيا اذا قالوا لج ذبح ماليزيا حلال
والله العالم لكن هم مع هذا بسال اليوم بأسأل واخبرج اليوم

وجنتنغ هذي من اسمها فيها فوايد اسلامية كبيره ، فاسماءهم مادري من وين يطلعونها!

وخيه من كلامج شكلج رايحه الهند الله يحفظج :)

ونسألج الدعاء هناك

شرايك اصلي لك ركعتين بمرتفعات جنتنغ
خخخخ ترا حتا انا ماعرف عنها شي بس قريت بالنت عنها
لاننا بنروحها فقلت اخذ معلومات عنها
الصوايق ولا يهمك نجيب لك وزار ماليزي:d
وقبعه ماليزيه علشان تكمل صح وتصير ماليزي
انشاء الله تروح تشوفها اللي اسمع عنها انها روعه
بدعيلك وبصلي لك ركعتين:d
بس لاتنسى سالفة المطاعم
اذا تقدر قبل يوم الاحد اللي بيجي
دمتم بحفظ الرحمن

{وه بس}

15-04-2009, 04:10 AM

موضوع رائع ومفيد جدا

لك مني اجل تقدير واحترام

دمت محبا لاهل البيت

خادم_الأئمة

15-04-2009, 01:29 PM

شرايك اصلي لك ركعتين بمرتفعات جنتنغ
خخخخ ترا حتا انا ماعرف عنها شي بس قريت بالنت عنها
لاننا بنروحها فقلت اخذ معلومات عنها
الصوايق ولا يهمك نجيب لك وزار ماليزي:d
وقبعه ماليزيه علشان تكمل صح وتصير ماليزي
انشاء الله تروح تشوفها اللي اسمع عنها انها روعه
بدعيلك وبصلي لك ركعتين:d
بس لاتنسى سالفة المطاعم
اذا تقدر قبل يوم الاحد اللي بيجي
دمتم بحفظ الرحمن

احسنتي صلي لي ركعتين عند البوذا ابا كرش

بضيق خلقج شوي

قريت موضوع حول جنتنغ :p

فهذه اخبار الاعضاء الي راحوا لها

السندريلا
01-29-2006, 04:22 PM
جنتنغ انا زرتها وماانصح احد يروحها لانها اولا منطقه باااارده جدااا جدااا
لانها فوق جبل صحيح هي كلها مدينه كامله فوووق الجبل فيها ملاهي ومطاعم لكن مستوى الفنادق دماااااااااار
دمااااااااااار يعني الفندق 5ستارز وهو ماحصل حتى 2ستارز
يعني بصراحهالفنادق ابد مو فخمه انا لو اروووح ماليزيا مره ثانيه ماأزور هذي المنطقه
وكل واحد وذوقه

البنوووته
01-30-2006, 03:03 PM
السلام عليكم ........
صدقتي يالسندريلا بالنسبه لفنادق جنتنغ مادري على ايش 5ستارز كنا رايحين
وبنقعد اكثر من3ايام بس ماقدرنا
والأخت شوكولا اذكرت تقريبابعض الاماكن اللي زرناها واكثر شي عجبني (صن واي لاجون)

sweety-19
01-31-2006, 02:14 AM
ياقلبي انا رحت لها الصيف الماضي صرااااااااااااااحة دولة تنحب من اول تنزلين باراضيها
المهم<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<
كوالالمبور<<العاصمة>>
الاسواق...........كي ال سيسي<<تبع التوين تاور>>،سوقو،ذاماينس اوف ذا ويندر لاند،صن واي لاقون<<تبعه منتجع العاب مائيه>>سوق الصيني<<اشياء مقلده>>،على شارع العرب مجموعهمن الاسواق والكفيات
شارع العرب............احسن مافيه انه مايسكر حتى2بالليل
اما باقي الاسواق فهي 9 مسكره
مصنع الشوكلاته <<<<لااااااااااااااااااااااااااااااااااااااااااااااااي فوتها>>>
العشاء في المناره كمان لايفوتها لانو من جد رايق ورومانسي<<لازالحجز قبله بيوم او يومين>>
اعرف رقم سواق يتكلم عربي كانك تبين رقمه ارسلي على ايميلي.

جينتنغ<<منطقه مرتفه تميل الى البروده>>
به فنادق ومطاعم وملاهي داخليه وخارجيه بالاضافه الى المحلات التجاريه
الطريق لها بالتليفريك
انا صراحة عجبتني""""ذكرى حلوة"""""

***********************************

بعض الصور الخاصة في جنتنق مادري شنو :p

http://www.travelzad.net/folder1/elite_euXQmLk6aq.jpg

http://www.guide-malaysia.com/0/img/gen8.jpg

صج منظر يخرع :p

تقرير عن المدينة :
مرتفعات جنتنغ تبعد حوالي ساعة عن العاصمة كوالالمبور وهي منطقة مرتفعة وباردة ولابد من ارتداء الملابس الشتوية . فيها مدينة ألعاب خارجية وداخلية ومطاعم وفنادق ويفضل الذهاب لها صباحاً والعودة مساءً لكوالالمبور . يمكن الصعود لها بالتلفريك. وينصح بعدم الذهاب لها يومي السبت والأحد للزحام الشديد بسبب يوم العطلة . وفي حال هطول المطر تغلق الملاهي الخارجية بينما تبقى الملاهي الداخلية مفتوحة و تفتح الألعاب الخارجية أبوابها الساعة 10 صباحا و تغلق أبوابها 7 مساءا و فيها العديد من الألعاب الممتعة و العاب المغامرة مثل لعبة الصاروخ الواضح في الصور و قطار الموت و سباق السيارات و العاب مائية إضافة إلي بيت الأشباح و غيرها و مؤخرا أضيفت لعبة جديدة هي الاسبايدر مان و هذه لعبة مستقلة و ليست داخلة ضمن تذكرة الدخول الرئيسية و بالنسبة للألعاب الداخلية تبقى مفتوحة لغاية الساعة 11 عشر مساءا و فيها العديد من الألعاب و القطارات التي تدور بداخل السوق و بين المحلات التجارية و كذلك لا تفوتكم السينما ذات البعد الرابع و هي من الألعاب الرائعة جدا في مرتفعات جنتنغ و هناك العاب إضافية أخري غير داخلة في مثل النفخ الهوائي حيث في هذا اللعبة قوة نفخ الهواء تجعلك معلق في الجو و في وضع طيران كما يمكن زيارة البيت الثلجي الموجود في الحديقة الداخلية و كذلك السينمات و غيرها

http://www.guide-malaysia.com/0/img/gen7.jpg (http://www.guide-malaysia.com/0/img/gen7.jpg) http://www.guide-malaysia.com/0/img/gen2.jpg (http://www.guide-malaysia.com/0/img/gen2.jpg) http://www.guide-malaysia.com/0/img/gen3.jpg (http://www.guide-malaysia.com/0/img/gen3.jpg) (http://www.guide-malaysia.com/0/img/gen8.jpg)
http://www.guide-malaysia.com/0/img/gen4.jpg (http://www.guide-malaysia.com/0/img/gen4.jpg) http://www.guide-malaysia.com/0/img/gen9.jpg (http://www.guide-malaysia.com/0/img/gen9.jpg) http://www.guide-malaysia.com/0/img/gen5.jpg (http://www.guide-malaysia.com/0/img/gen5.jpg) http://www.guide-malaysia.com/0/img/gen10.jpg (http://www.guide-malaysia.com/0/img/gen10.jpg) http://www.guide-malaysia.com/0/img/gen6.jpg (http://www.guide-malaysia.com/0/img/gen6.jpg) http://www.guide-malaysia.com/0/img/gen11.jpg (http://www.guide-malaysia.com/0/img/gen11.jpg) http://www.guide-malaysia.com/0/img/genmap.jpg (http://www.guide-malaysia.com/0/img/genmap.jpg)

خادم_الأئمة

15-04-2009, 01:31 PM

المطاعم :
http://www.guide-malaysia.com/0/index.php?was=style/monther/windows/windows_home.php&link_id=142

ركزي على هالاسماء لانهم بالغالب حلال :)

البحرانية

15-04-2009, 02:09 PM

بنت الغريب

15-04-2009, 05:14 PM

والله ماقصرت اخي خادم
الله يعطيك الف عافيه
عاد السموحه قلبنا صفحتك من اكل الحرام
الى سياحه في ماليزيا خخخخخخ

زين علشان الموالين اللي يبغى يروح يروح
بس الفنادق اللي في جنتنغ مو كلها سيئه
في فنادق حلوه والله انا ماشفتها بس بحكم عمل زوجي يقول ان في عندهم فنادق حلوه ونظيفه
نروح ونشوف ونحكم وبعدين نعطيكم خبر
التل فريك انا يستهويني انا اعشق هذه الاشياء
حتى الالعاب اعشق العاب المغامره والخطره
واللي سمعت من اخوي لانه رايح يقول بتكيفين على هالالعاب لانها نفس اللي تبين
الله يوديكم هناك وتشوفون
الفنادق كتبتهم كلهم علشان نشوف بعد
بس شكل الروشنه والطربوش حليوين
من الاسامي خخخخخخ
يعطيك العافيه خادم وابشر بالصاغه
طاقيه ماليزيه هههههه

بنت الغريب

15-04-2009, 05:19 PM

تسلم يااااخي على هذة الصور المغرية جدا ;)

بس التلفريك يخوف هههه تصور لو ينقطع الحبل ايش بصير ؟؟؟

ذكرني بالتلفريك مال لبنان لما رحنا للسيدة العذراء عليها السلام متت خوف ماخليت دعاء ولا آية الا قلتها ما خفت على نفسي كثر ما خفت علىاولادي يوم نزلنا كانا ولدتني امي من جديد:)

الظاهر يبغى الينا طلعة الى ماليزيا في الصيف :p

سفرة موفقة باذن الله

كلنا وقدرة التحمل اختي:d

الدعاء لابد منه في كل امور الحياة
وكذلك سور القران
اية الكرسي تحفظك من كل سوء

يوم قلتي خايفه من التلفريك
ذكرتيني بخالتي الله يحفظها ام زوجي
يوم رحنا ايران في الشمال ركبنا التل فريك
متنا من الضحك عليها نزلت وقعدت تحت وماضل ايه ولا دعاء ماذكرته
ومو راضيه حتى تطل وكلما تحرك صرخت
انا مت من الضحك عليها الله يحفظها انشاء الله
انصحك تروحين ماليزيا
(مابعد اروح وانصح غيري يروح):d
انتي جربي بعدين نصحي خخخخخ:d

خادم_الأئمة

15-04-2009, 05:46 PM

(البحرانية)
سيدتنا مشكلة تحتهم فوق ال18 متر :p

رحتي تلفريك لبنان ! يلا زين ، ماصليتي عند الكنيسة لمن تصعدين :D

انا دخلت وشفت طقوسهم وعمل احد الاطفال الاشقياء من المسلمين حركة ادت إلى طرده خارج الكنيسة ونحمد الله انه لم يُلقى من فوق إلى حدر (تحت)

أما خوف الانقطاع هذا شعور متبادل سيدتنا

لانه انا اطالع تحت عيني تحول اطالع العيوز الي جدامي وتعطيني ضحكة ضرس واحد شغال والباجي عندهم راحة عمل :D

وكانت لبنانية اناديها خالتووو تعصب تقول نادني خيتوووو

قلت يمعود اخاف انتي بالعشرين وانا مادري

ماعلينا يحليها ذكرتيني فيها الله يطول بعمرها واذا توفت الله يرحمها

فالله يعين بنت الغريب

ماليزيا عمي راحها مدحها كرحلة شغل وسياحة
راح جم سوق واهو طالع علي مايحب وايد السوق أو العكس انا طالع عليه

وانصحج بالصيف تيين عندنا سيدتنا ، ترى جونا بالصيف (يينن) على قولة حريمنا

والمعنى المتعارف (يجنن)
تطلعين بيضة ترجعين سودة من شدة الحرارة الذي يؤدي بالنهاية إلى غليان المخ

ويقال انه مدينة الكويت احر مدينة بالعالم

فوصلت سنة الي طافت 54 درجة الحرارة

تقرير شي :)

الله يخلي التكييف :p

فحياج الله سيدتنا انتي مع ابو العيال والعيال بتشرفينا

ـــــــــــــــــــــــــــــــــــــــ

(بنت الغريب)
صدقيني احنا الرياييل نرفع من الشيئ لي السماء حتى لا تفاجاة المراة
احنا ننام باي مكان عادي عندنا

ذيج المره لمن رحت المدينة نمت بمكان 8 رياييل فيه 3 منهم بنغالية لابسين فنيلة (علاق) يعني مزلط

يعني مادري شنو تسمونه :p
ما عمري بحياتي ولا مفكر اشوف هالشغله كلنا بغرفة لكن رضينا بالواقع ونسوي روحنا مرتاحين

أما الحريم !!!
مشكلة تعالوا نبي مكان نظيف
نبي مادري شنو

يعني مشكلة نظرتكم غير عن نظرتنا

أفا كل هالمجهود وتقولين بس طاقية مليزية :(

نبي هدية احسن :p

Ahmad

16-04-2009, 01:28 AM

أخوي خادم الائمة تصلح مرشد سياحي
http://www.awqa6.com/vb/images/kobra/143.gif

اما بالنسبة للأكل الحرام
فنحن في دولة اسلامية

وكل المطاعم حلال

حتى لو لم يذكر اسم الله عليه

سمي عليه قبل لا تأكله >> ثم كله

^
^
^
^
^
http://www.awqa6.com/vb/images/kobra/157.gifhttp://www.awqa6.com/vb/images/kobra/157.gifhttp://www.awqa6.com/vb/images/kobra/157.gifhttp://www.awqa6.com/vb/images/kobra/157.gif

لا احد يصدق >> نمزح
;)

والله الاكل الحرام مشكلة كبيرة

والناس تدري انهم يآكلون حرام ولكن لاحياة لمن تنادي

في مطعم كنتاكي في القطيف
سمعت

انه يجيب كمية صغيرة من مزرعة دجاج في البلد
والباقي دجاج فرنسي

ويقول للناس
" احنا نجيب دجاجنا من المزرعة الفلانية واللي يبغى يتأكد يسأل "

!!!؟؟

ما اقول الا >>>>>>>>>>>>>>> يازين اكل البيت
http://www.awqa6.com/vb/images/kobra/180.gif

شكرا على هذا الموضوع الرائع والاروع كاتبه
^_^

بنت الغريب

16-04-2009, 03:18 AM

(بنت الغريب)
صدقيني احنا الرياييل نرفع من الشيئ لي السماء حتى لا تفاجاة المراة
احنا ننام باي مكان عادي عندنا
يو عاد لاتصدمني
الله يستر مادري شنو بشوف
يقلون الغيم يدخل للغرف في جنتنغ والمناظر روعه
وانت الحين قاعد تصدم فيني
(خلاص اسعااااااف لاني مت ورحت فيها)
صدمني خادم بالهمر
خخخخخخخخخخخخخخخ
ذيج المره لمن رحت المدينة نمت بمكان 8 رياييل فيه 3 منهم بنغالية لابسين فنيلة (علاق) يعني مزلط

يعني مادري شنو تسمونه :p

شكلكم بعد مشغلين مروحه بدل المكيف
اف اجل الروايح خخخخخخخخخخ رحت فيها ياخادم
بنغاليه عاد هههههههههههه
يسلم عمرك نسميه مثلكم علاق او حفر
مو حفر ابار لا حفر=علاق
ههههههه

ما عمري بحياتي ولا مفكر اشوف هالشغله كلنا بغرفة لكن رضينا بالواقع ونسوي روحنا مرتاحين
الله يديم عليكم هالراحه
وتروح كل سنه المدينه وبدل البنغاليين يحطون هنود
خخخخخخخخخخخ

أما الحريم !!!
مشكلة تعالوا نبي مكان نظيف
نبي مادري شنو

يعني مشكلة نظرتكم غير عن نظرتنا

اي والله الواحد يبغى يروح بمكان نضيف ولا يتمرمر

اقولك خذت الفنادق اللي حجزهم زوجي وواحد واحد قمت اسال عنهم
نشوف اذا شي نضيف ولا يبدله وغصب بعد
خخخخ
اللي بكوالا لمبور متاكدين نضيف
لانه معروف
بالماريوت هذا مشهور
لكن اللي بالمرتفعات ماندري وش بنشوف
والله الرجال متحمس للمرتفعات
ليكون بيقطني من فوق مرتفع وبيرجع خخخخخخ(ابتدأ ظن السوء) ههههههه

أفا كل هالمجهود وتقولين بس طاقية مليزية :(

نبي هدية احسن :p

ولا يهمك ابشر بسعدك
نجيب لك بسطه ماليزيه وتبيعها وتستنفع من وراها
شفت فكرتلك بمشروع
هههههههههههههه
تشكراااااااااااات مستر خادم

خادم_الأئمة

16-04-2009, 08:50 AM

أخوي خادم الائمة تصلح مرشد سياحي

هـ هـ هـ هـ :D
خلاص عيل احمد شغله حلوه هذي
مقابل كل معلومات عن اي دولة فيها فلوس

<<<< بملين منكم :p

اما بالنسبة للأكل الحرام
فنحن في دولة اسلامية

وكل المطاعم حلال

حتى لو لم يذكر اسم الله عليه

سمي عليه قبل لا تأكله >> ثم كله

ههههههههههههه
مشكلة هذي نظرت اغلب الشباب
اقولهم حرام

يقول انتوا معقدين يبا احنا بدولة اسلامية :p
قلت له اللحم بس مو بدولة اسلامية

يقول لا انت معقد نبي ناكل

قلت بلعوا بطني ولا بطونكم :p

لا احد يصدق >> نمزح

أول ما قريته بطلت حلجي وقلت صدنا واحد :D

جان ارى انها مزحة وضحكت وايد

والله الاكل الحرام مشكلة كبيرة

والناس تدري انهم يآكلون حرام ولكن لاحياة لمن تنادي
في مطعم كنتاكي في القطيف
سمعت
انه يجيب كمية صغيرة من مزرعة دجاج في البلد
والباقي دجاج فرنسي
ويقول للناس
" احنا نجيب دجاجنا من المزرعة الفلانية واللي يبغى يتأكد يسأل "
!!!؟؟

ههه نفس الي عندنا يقولون احنا نييب من السعودية من شركة مسلمة

اذكر مره كليت جان اسأل مره ثانية طبعا مو كنتاكي كان اذكر هارديز قبل لا تتحول لشركة مصرية

فمره هندي يقولي اكل من السعودية
ومره فلبيني يقولي اكل من امريكا

جان اعطيهم طناقر خادم

تستعبطون!!
جان يقولي المصري :

يا فندم كل لحومنا من امريكا لا يضحكوا عليك ويأولوا (يقولوا) لك انه لحمنا سعودي

وكان احسه شارب :D

قلت الله يلعنكم جان اطلع معصب مادري انه الاكل حرام وحرمت من بعدها يا زين المطاعم اللبنانية والسورية والكويتية

هالتبولة والحمص والورأ عنب :p
احسن من الفلين مطاعم الوجبات السريعة

ما اقول الا >>>>>>>>>>>>>>> يازين اكل البيت

ضربتني على الوتر الحساس اي والله

ماكو احسن منه

يازين مطبق الزبيدي
ويازين مجبوس هامور
ويا زين مرق ربيان
ويا زين الدجاج المشوي

<<<< زين اني بالصبح جان سعبلت !

شكرا على المرور مرورك اسعدني كثيرا

(بنت الغريب) :
يو عاد لاتصدمني
الله يستر مادري شنو بشوف
يقلون الغيم يدخل للغرف في جنتنغ والمناظر روعه
وانت الحين قاعد تصدم فيني
(خلاص اسعااااااف لاني مت ورحت فيها)
صدمني خادم بالهمر
خخخخخخخخخخخخخخخ

لووول عيل تستري يا مره داخل الغرف الغيم اجنبي ولا يجوز وهذا مدعاة للاستغاثة بالغيوم للخروج وسيؤدي بكي إلى الهلاك

يزاج الله خير
والهمر بدعة

قاعد انبهج بعدين راح تتذكرين كلامي تقولين ياريت رحت مشهد بدال جونتنع مادري شنو

مثل ماقلت لج بنت الغريب ادعيلي عند البوذا وهذا اهو

http://mysite.pratt.edu/%7Eedeboer/images/buddha.jpg

اكيد بتقولين نفس استفساري ... شلون بوذا وضعيف العادة كلهم مكرشين

الجواب : هالبوذا مسوي رجيم فعادي لو شفتيه ضعيف

شكلكم بعد مشغلين مروحه بدل المكيف
اف اجل الروايح خخخخخخخخخخ رحت فيها ياخادم
بنغاليه عاد هههههههههههه
يسلم عمرك نسميه مثلكم علاق او حفر
مو حفر ابار لا حفر=علاق
ههههههه

ههههه اي اصلا والله ماكان تكييف بس صوت ههههه

والمروحة على الواحد حاطينها مانعرف نشغلها باجر الصبح جان نعرف قلت شالحظ !

وماشاء الله على الريح والله عيني قامت تحرقني كلش مو متعود وجذي يصير فيني !!!

كله من هالخالة يعني صاير محرمهم قلنا له طياره ماتسمع الحجي

الله يديم عليكم هالراحه
وتروح كل سنه المدينه وبدل البنغاليين يحطون هنود
خخخخخخخخخخخ

الهنود ريحهم اخيس ههههههههههههههه
خاصة اذا عرّق

اقولك خذت الفنادق اللي حجزهم زوجي وواحد واحد قمت اسال عنهم
نشوف اذا شي نضيف ولا يبدله وغصب بعد
خخخخ

الصور غير ههههههههه
بعدين راح تنصدمين

ابيج تصورين لي غرف الفندق خيه بنت الغريب عشان نوري الناس المأساة الي عشتيها هناك

بالماريوت هذا مشهور

احسن فندق بالعالم مجربه بكثير من الدول

والله الرجال متحمس للمرتفعات
ليكون بيقطني من فوق مرتفع وبيرجع خخخخخخ(ابتدأ ظن السوء) ههههههه
يجوز ههههههههههههه
عاد اذا حب ماليزية تقعد تسويله مساج يقول بنت الغريب خليجية كله تتطلب مانبيها هذي تهمزني وتريحني طول العمر

بعدين يقولج بنت الغريب تعالي شوفي المناظر ولا شاقح بنت الغريب ومتكوكسه (متشقلبه) بالماي

بعيد الشر اتغشمر هههه

لا مايسويها

نجيب لك بسطه ماليزيه وتبيعها وتستنفع من وراها
شفت فكرتلك بمشروع
يعني اصير دلاّل زل (سجاد)
لوول يلا ميخالف المهم نربح من وراءها

نسمات شرقية

16-04-2009, 03:14 PM

مشكور اخوي ع الموضوع اللي بجد منتشر ولكن للأسف
كأنه موضوع عادي عند البعض مافيها حرام
واخوي انا ما بقول عنك متعقد..
انا قالت لي وحده في وجهي قلت لها ماابي اشتريه ممكن مو اسلامي
قالت بس هذي المعقده لاتاكلين طالعينه واحنا بناكل.:(..

وشكراً

خادم_الأئمة

16-04-2009, 03:49 PM

بنت الغريب

16-04-2009, 06:40 PM

اكيد اذا رجعتع بسوي لي موضوع عن مليزيا

مشهد انا رحتها
يعني رحت ايران ثلاث مرات
قلنا نجرب شي ثاني
ولا المدن المقدسه الواحد مايمل منها
بس لابد من التنويع
الله يكتبنا ونزور الامام الحسين انشاء الله

بالنسبه للماليزيات الله يغربل ابليسهم سحر
بس حنا اشطر عاد لاتقعد تخرع فيني وبعدين تقول امزح
انا اصدق على طووووووووول
حتى انا امزح مايسويها لووووووول
من ناحية المرتفعات تحسبا لسوء الظن
بشد يبدشداشته عدل ولا بربط سير ايدي في ايده
علشان لاسواها هو يطيح قبلي

قلبنا الوضع فلم هندي
هههههههههههههههههه

اولا عن اكل الحرام
ثانياسياحه في ماليزيا
ثالثا السينما وهو فيلم هندي بطولة بنت الغريب وربعها
خخخخخخخخخ

بالنسبه للبوذا يقولك من الفقر اللي عندهم سوو رجيم احسن لهم علشان البوذيات اللي بالمدن الثانيه مايفشلونهم

بهذي المنطقه بوذياتهم مسوين ريجيم
ههههه

نستودعكم الله وفي حفظ الرحمن

Ahmad

16-04-2009, 10:44 PM

هـ هـ هـ هـ :D
خلاص عيل احمد شغله حلوه هذي
مقابل كل معلومات عن اي دولة فيها فلوس

<<<< بملين منكم :p

خلاص >>> 50% -- 50%
http://www.awqa6.com/vb/images/kobra/224.png

ههههههههههههه
مشكلة هذي نظرت اغلب الشباب
اقولهم حرام

يقول انتوا معقدين يبا احنا بدولة اسلامية :p
قلت له اللحم بس مو بدولة اسلامية

يقول لا انت معقد نبي ناكل

قلت بلعوا بطني ولا بطونكم :p

اي والله .. مو جاينا شي :cool:

صحيح دولة اسلامية >>> لكن الله يعينهم على الاثر الوضعي للحرام :rolleyes:

ههه نفس الي عندنا يقولون احنا نييب من السعودية من شركة مسلمة

اذكر مره كليت جان اسأل مره ثانية طبعا مو كنتاكي كان اذكر هارديز قبل لا تتحول لشركة مصرية

فمره هندي يقولي اكل من السعودية
ومره فلبيني يقولي اكل من امريكا

جان اعطيهم طناقر خادم

تستعبطون!!
جان يقولي المصري :

يا فندم كل لحومنا من امريكا لا يضحكوا عليك ويأولوا (يقولوا) لك انه لحمنا سعودي

وكان احسه شارب :D

قلت الله يلعنكم جان اطلع معصب مادري انه الاكل حرام وحرمت من بعدها يا زين المطاعم اللبنانية والسورية والكويتية

هالتبولة والحمص والورأ عنب :p
احسن من الفلين مطاعم الوجبات السريعة

كلهم شركات نصب >> ماهم الا جيوبهم
http://www.awqa6.com/vb/images/kobra/29.gif

ضربتني على الوتر الحساس اي والله

ماكو احسن منه

يازين مطبق الزبيدي
ويازين مجبوس هامور
ويا زين مرق ربيان
ويا زين الدجاج المشوي

<<<< زين اني بالصبح جان سعبلت !

الله وكيلك >> توني ضارب كنعد لكن قريتهم وسعبلت
http://www.awqa6.com/vb/images/kobra/143.gif

Dr.Zahra

17-04-2009, 01:54 AM

رحم الله والديك خويه خادم الائمه

والله موضوعك جدا رائع واجه في وقته

لان اني هوايه جاي اعاني من هاي القضيه

يابه لتاكلون من هذا الاكل ترى مامضمون

الجواب اضرب بعد يابه الناس كولها تاكل بقت علينه

يابه لاتشربون البيبسي ترى بيه مادة الببسين المشتقه من دهن الخنزير
يا شنو هالحجي الدنيا كولها تشرب بيبسي بقت علينا

يابه لاتاكلون علج ابو السهم ترى هذا قائم على دهن الخنزير

ولااكو فائده

يابه شفت البرنامج بعيوني ولااكو فائده

والاضرب من هذا المنتجات التركيه ماليه الاسواق خصوصا بالعراق

ومكتوب تحت لاتحتوي اي من منتجاتنا على دهن الخنزير

اي مو اني هم صدكت
هههههههههههه

خصوصا الاولكر

ياعلي ..ياعلي
كوله صار مشكوك باامره الواحد يطبخ في بيته وياكل احسنين لااحسنات

هسه مثلا همه صحيح كاتبين ماتحتوي دهن الخنزير
وماراح تكون علينه حرام
بس اله تاثير قوي في النفس
عالعموم خويه رحم الله والديك
وبارك الله بيك
والله يبعدنه عن اكل الحرام
الله يوفقكم ويستر عليكم بحق الزهراء البتول

اختكم العلويه

خادم_الأئمة

17-04-2009, 08:17 PM

اكيد اذا رجعتع بسوي لي موضوع عن مليزيا

اي بس بنت الغريب انا واسطة يعني ابي صورة مميزة على نهر شي بحر شي جبل ..إلخ اي شي ابي صورة احطها للتوقيع

مشهد انا رحتها
يعني رحت ايران ثلاث مرات
قلنا نجرب شي ثاني
ولا المدن المقدسه الواحد مايمل منها
بس لابد من التنويع
الله يكتبنا ونزور الامام الحسين انشاء الله

اي والله اكيد ماتنمل منها وخاصة عند الحرم وحوسة العيايز وطرارة اليهال :p
الله يخليهم ان شاء الله
يدشون بخشم الواحد لازم تعطيني اقوله برو بابا

يقولي مي بيل

اقوله : ني فاهمه ايراني :p

يقولي : خوكتسرت وانا اقول ليا ابليس زمانك على بو اني ما افهم وايد يسبني بالايطالي

بالنسبه للماليزيات الله يغربل ابليسهم سحر
بس حنا اشطر عاد لاتقعد تخرع فيني وبعدين تقول امزح
انا اصدق على طووووووووول
حتى انا امزح مايسويها لووووووول
من ناحية المرتفعات تحسبا لسوء الظن
بشد يبدشداشته عدل ولا بربط سير ايدي في ايده
علشان لاسواها هو يطيح قبلي

والله مو سحر هـ هـ هـ
قولي طلباتهم شوية مو نفس طلبات بنات الخليج الي ما تخلص :p أحم أحم

عاد بنت الغريب ، مس بنت الغريب بيلبس دشداشه هناك ؟؟ ؟؟

اي مسكيه عدل حتى لو قال بنت الغريب انا طالع اشتري بطل ماي وراجع

ولا الله يحفظه ويخليه لج رايح متزوج ماليزية ولا بعد 60 سنة يايلكم بطل يقولج انا ولد مال اهو

الله يطول باعماركم ويخليكم لبعض للأبد :)

اولا عن اكل الحرام
ثانياسياحه في ماليزيا
ثالثا السينما وهو فيلم هندي بطولة بنت الغريب وربعها
خخخخخخخخخ

التنوع شي فيه حسنات

بالنسبه للبوذا يقولك من الفقر اللي عندهم سوو رجيم احسن لهم علشان البوذيات اللي بالمدن الثانيه مايفشلونهم

اي مساكين :p

تروحين بالسلامة ورجعين سالمة ولا تنسين صوايغنا للمنتدى خيه وقلدناكم الدعاء عند البوذا بو اذون

ــــــــــــــــــــــــــــــــــــــــــــــــــ ـــــ

أحمد :

خلاص >>> 50% -- 50%

انتفخنا واتفقنا http://www.hajr.us/hajrvb/images/smilies/tongue2.gif

اي والله .. مو جاينا شي

صحيح دولة اسلامية >>> لكن الله يعينهم على الاثر الوضعي للحرام

اي والله قاصين علينا هذول حلال وحلال اخرتها طول عقب 60 سنة الواحد عند الدفاية ويقول يالله حسن الخاتمه بعدين حفايدنا انا معاك يا احمد ييون لنا ويقولون جدوا ترى اللحم الي كنت تاكله حرام

اقوم افلعه بالقدو الي بييدي هههه

والقدو هو شيئ يستخدمه الشياب كثيرا الله يبعدنا عن التدخين

الله وكيلك >> توني ضارب كنعد لكن قريتهم وسعبلت

ولا فيه عزيمة ولا شي يا احمد ترى مايجوز هههه

ــــــــــــــــــــــــــــــــــــــــــــــــــ ــــــ

خادمة السيد الفالي :

رحم الله والديك خويه خادم الائمه

والدينا ووالديج خيه خادمة

انا خادم وانتي خادمة وكلنا خدام لاهل البيت

والله موضوعك جدا رائع واجه في وقته

الله يخليج وشكرا على الاطراح الي مانستحقه خيه

يابه لتاكلون من هذا الاكل ترى مامضمون

الجواب اضرب بعد يابه الناس كولها تاكل بقت علينه

يابه لاتشربون البيبسي ترى بيه مادة الببسين المشتقه من دهن الخنزير
يا شنو هالحجي الدنيا كولها تشرب بيبسي بقت علينا

يابه لاتاكلون علج ابو السهم ترى هذا قائم على دهن الخنزير

ولااكو فائده

اي والله كأنهم حافظين هالكلام بكل اقطار العالم يقولونها !!

انقولهم يقولون كل الناس جذي لا تخالفهم ويقال المثل الموزمبيقي (حشر مع الناس عيد)

لذلك نراهم لا يسمعون الكلام إلا وفق الاهواء !!

ماياخذون إلا الشين !! أما الخير قاطينه ورامينه ،،،

ونقوله حبيبي يا بعد جبدي يا بو شاكر شلك تاخذ بهالحرام

يقولي الناس كلها تاكل يت (جت) علي !!

اقوله اكثر الناس مو مقياس الله يقول بالقرآن انه الاكثر لا يفقهون ولا يعلمون وغيرها

يقولي اوهو تكلم آية الله المرجع

مايتقبلون النصائح

ومكتوب تحت لاتحتوي اي من منتجاتنا على دهن الخنزير

اي مو اني هم صدكت
هههههههههههه

تلقين دهن الخنزير طفح ويقول المنتج بسني دهن خنزير ويحطون خالي من دهون الخنزير !!

ذكرتيني خيه بمسلسل قديم كويتي اسمه (درب الزلق) اذا ماتابعتيه انصحج تتابعينه وايد يضحك

فيه حلة من الحلقات الممثل (عبد الحسين عبد الرضا) بدور (حسينو) وسعد الفرج بدور (سعد) نفسه الاسماء

فهذا حسينو فاتح محل يعني طفرة بالعالم مسوي (مجبوس) لحم بعلب وحاط اصناف يعني لحم بقري ولحم غنم

واللحم بالاصل لحم تكرمين جلاب (كلاب) عشان ارخص

فصار ضغط عليه واخر شي قاموا ينابحون الاوادم

هذه القضية تذكرنا انه مايعني الاكل صورته يعني هذا حقيقته لكن النوايا عند التجار بعضهم خبيثة ماتهمها البشر المهم اربحاها وبس

ونخشى ان ياتي اليوم الذي سنرى فيه شبابنا ينهقون كنهيق تكرمون الحمير ويقنبع على وزن قباع وهو صوت الخنزير كما ابتلى فيه الانجليز التي ابتلوا بانه اشكالهم كأشكال الخنازير

اختكم العلويه
ماشاء الله طلعت خادمة سيدة!!!

يلا سيدتنا نطق لج سلام تحية للسادة فهم اعزاء على قلوبنا فهم ابناء ذاك الضرغام الهاشمي ابا القاسم محمد صل الله عليه وآله

شيعيه ابا عن جد

01-08-2009, 04:00 AM

شيعية ابا عن جد :

يقولج الحين فيه طريقة اسهل :rolleyes:

يحطون ريلهم على جتوف الديايه ويسحبون راسها
يعني [شنقا حتى الموت] :p

خخخخخخخ

ودام فيه من اهلج متواجد هناك عيل انا اطالبج بتقرير كامل تحضرينه لي واخر موعد 31 من هالشهر :rolleyes:

كح كح تعبت وانا ادور الموضوع وسط الزحمه كل غبار :D
خيو خادم الائمه عساك طيب؟
لا خيو مو من اهلي ربع ولد خالتي
وسوري ما قدرت اسوي تقرير لانهم ربعه قديمين :D
اليوم وصلني فيديو عن كيفيه تعذيب الدجاج (تقرير)
والله يكسرون الخاطر ويبجون :o
وهذا الرابط
http://www.kentuckyfriedcruelty.com/ (http://www.kentuckyfriedcruelty.com/) (wlmailhtml:{91BD9E00-7E5F-4A0E-8F79-6062C052B615}mid://00000004/!x-usc:http://www.kentuckyfriedcruelty.com/)

تحياتي
شيعيه ابا عن جد

خادم_الأئمة

27-08-2009, 03:40 PM

لوووووووووووووول
الموضوع اثار الغبار حتى مابين الطريق !

احسنتي على هالمقطع ها صدقتوني يا جماعة !

دلوعه

04-09-2009, 08:45 AM

والله سالفة اكل الحرام
ماحد يبالي فيها هالايام
والمشكله اذا قلتي لهم قالوا بلد اسلامي كل شئ حلال
وكنتكاتي وماكدونالدز وهارديز وبرجر كينغ وكودو هذولا كلهم حرام والناس ولاهمهم وياكلون منهم
ولما الوحده منا تتكلم عن الحلال والحرام قالوا انتي معقده واحنا اول مرؤة نشوف الاكل في حرام وحلال هذي من كثر التفهي الي عندهم يقولون كذا
****************

q8iya

14-09-2009, 03:37 AM

أهلين أخوي خادم الأئمة

مشكور على الطرح الرائع

صح الحين قله قليله قاموا يسئلون على مصدر اللحم أو الدياي وتبون الصج بالنسبه لي آناوأهلي احنا بيتنا الوحيد من بد بيت يدي نسأل وهم يقولون شكوا تسئلون إحنا في دوله اسلاميه وهذا كلام بعد وااايد ناس يقولون احنا بدوله اسلاميه قول بسم الله واكل وهذا طبعا مايجوووز وحرام

القلب الصبور

14-09-2009, 07:31 AM

الحمد الله انا ماكل لحم احمر

الف شكر على نصيحة