مرمريز حلم كل فتاة

[صبر الدنيا]

مرمريز تلك الصالة التى يحكى عنها كل يوم وين معزومين في مرمريز قاعة 1 لو 2 اصبحت الحفلات تقام فيها الكل يتفاخر اني ابغي عرسي في مرمريز اصبحت الماتم الان ضيقة و غيركافية و لا تصلح للمناسبات الصالة يعدون العده لها و الماتم يوسخونه حبيت اناقش هذا المسالة

[||..بحرآنيهـ وافتخر..||]

والله خيو مافي شي يمنع اننا نسوي العرس او الخطوبهـ في صالهـ

وهم مايمنع في ماتم

الان الامرين طبيعيين وعادين

احنا خطوبهـ خالتيـ توها صايرهـ في صالهـ الجميرا

بس خالاتيـ الباقي في مآتم


أني بقول التلخيص

ان إلي عنده بيسوي في صالهـ وإلي ماعندهـ فلوس يسوي في مواتم او في بيوت


وفي ناس تتطر انها تجمع جلوهـ وعرس او ملجة وخطوبهـ


ع حسب الامكانيهـ

فهمتوا الحين قصدي


إنشاء الله وصلت المعلومهـ


تحياتيـ


بنوتهـ

[ربيبة الزهـراء]

هو في بالعض مو قضية يفتخر
يمكن الانه اكبر
و الصالة احلـى
مثل صالة الدانه 1 او صالة الدانه 2
حتى مرمريز ..

يعني الوحده بسوي خطوبتها في مأتم
يمكن مايكفي المعازيم ..
الانه الصالة اتكون احلـى ..


وبـــث

الله اهني الجميع

[صبر الدنيا]

تشكرون على الردلي قصدته ما يحمل الواحد روحه فوق طاقته اما مرمريز و لا لا

[طفلة من زمن الحسين]

المسألة من وجهة نظري الشخصية طبعا إنها مسألة إسراف وبذخ تدرون كم اتلف صالة مرمريز 2 (1940)دينار أعتقد أنه لو الواحد يفكر شوي ويسويها في صالة ثانية ممكن يوفر فيها نصف المبلغ وبدل ما يقعد في البيت بعد ما يتزوج ايسافر يعني يضرب عصفورين بحجر واحد يتزوج في صالة كبيرة ومعروفة ويروح شهر عسل على كيفة إلا إذا هو غاوي مصاريف وبس يعني معاشه ألف دينار ويقدر يدفع أقساط القرض اللي نياخذة للخطوبة أو الزواج ، بس لا يشتكي بعدين ويقول الحفلة كسرت ظهري وكل واحد وكيف كيفة. والسلام

[جارة الرسول]

وانا اقول اللي عنده قرش محيره يجيب حمام ويطيره

شكرا

[الحانية]

المثل ايقول مد ارجولك على قد الحافك
اللي عنده يعرس في صاله كبيرة وفخمة واللي ماعنده في حسينيه عادي
بس مو ماعندها شي اتروح اتكلف اهلها وزوجها وتحط على ظهورهم الديون
بس علشان تتفاخر قدام صاحباتها والناس اللي بتعزمهم هذا مايجوز الله مايرضى
تحياتي 0000

[الحانية]

انسيت اقولك انا في السعودية ماحد اعرس في حسينيات الحين
الكل اعرس في صالات في بعضها كبير وفخم مثل صاله الملك عبدالله
والقصيبي وصلات الاندلس ومجمع صالات شهاب وغيرها من الصالات الكبيرة والفخمة او صالات الفنادق المرديان والشرتون والهولدي ان والباقي
صلات صغيرة بس حلوة مابها شي واسعارها مناسبه وفي متناول الجميع ,,,
تحياتي 000

[دمعه الماضي]

حنه اغلبيت النخطبو في الماتم بس العرس بقاعه