المساعد الشخصي الرقمي

مشاهدة النسخة كاملة : الى الاخ حيدر من العراق- اريد الرد

البدري14
17-04-2009, 01:29 PM
وينك ضيعت صوتك والك فاي
الك ضلك على الساحة والك فاي
يغثني تركك الصاحب والاكفاي
روحي معلقه بالناصرية

وافر الدعاء بالتوفيق
حيدرالناصري12
17-04-2009, 02:31 PM
حبيبي البدري دائما تفاجأنا بجديدك الراقي

............................................
صديقي الألهَ أبيوم الضيج وﮔـفه
يرد بــيدهَ الحمـل لومـــال وﮔــفه
أولــوراح آمــنديـهَ الحيـل وﮔـفهَ
أشوفهَ أبكل صباح أوكل مسية

أني هم أريد الرد
خادمك
حيدر الناصري
نسمات شرقية
17-04-2009, 03:35 PM
رووعه اخواني
البدري14 - حيدر من العراق
ممكن معنى الكلمات فاي - آمنديه عذراً ولكن بسبب إختلاف اللهجه
متابعة لردودكم الرائعه
البدري14
17-04-2009, 04:51 PM
اللهم صل على محمد وآل محمد
حبيبي ابو كرار انا ما اقدر عليك
بس اموت على شعرك وشاعريتك
واستلم حبيبي

حضر دوم عـد عينك وكفنه
ولو بالقبر هم يطلع وكفنه
شعرنا وقف للخوه وكفناه
حضرتك تأمر وهذي هديه
يارائع
وبالنسبه لاسئلة الاخ
نسما ت شرقيه
فاي تأتي بمعنى ظل اي الفي
وتأتي ترك فراغ وشعراء الابوذيه
يتلاعبون بالكلمات حسب موقعها من الجمله
وافر الدعاء لكما بالتوفيق
صدري للمات
17-04-2009, 05:00 PM
احلى عملاقة الشعر والابداع ابو كرار حيدر والحاج ابو تركي البدري موفقين
البدري14
17-04-2009, 05:37 PM
اللهم صل على محمد وآل محمد
الاخ نسمات شرقيه آسف
اجبت عن شطر من سؤالك ونسيت
الثاني وهذا هو معنى امنديه
تعني كلمتين من و ايديه اي من ايدي
وعلى فكره اسمح لي ان اوضح قاعدة
شعر الابوذيه فالابوذيه يعتبر سيد الشعر
العامي فهو يلخص موضوع فكرة في
اربعة اسطر الثلاثة الاولى منها تسمى
الجناس وهي تنتهي بنفس الكلمة وتختلف
في المعاني والقفله ويجب ان تنتهي
بحرفي ي وه(يه)
واقبل تحياتي
حيدرالناصري12
17-04-2009, 06:19 PM
أبوتركي الوردة/البدري
.......................
طلبتك ماﮔـلت أبشـر ولا هــاك
حبيــبي أشغـيرك عني ولاهـاك
وحگ حسين والـزهره ولاهاك
أعز من روحي أنتَ عليه
.....................

ونرحب الأخت الفاضلة نسمات شرقيةلتواجدها المشرف

كما لايفوتني أن أرحب بأخي العزيز الصدري نتشرف بكم

حبيبي البدري
طلعت محد يكدر عليك؟؟؟
خادمكم
حيدر
نسمات شرقية
17-04-2009, 06:24 PM
شكراً لك اخي البدري ع التوضيح والترحيب
وشكراً لك اخي حيدر ع الترحيب
كلماتكم قمة الرووعه
متابعه لكم
صدري للمات
17-04-2009, 06:28 PM
اخواني الاعزاء ابو تركي والاخ حيدر من العراق هذه هدية لكم اخوتي هدية متواضعة
- ثاري انت الهــــوى ومـــــا أدري صــــار اســنـــــــين
عايـــــش بيـــــــــــك أنــــا وأتــــنـــــــفس بمـــــــــــعنــــــاك

- ما أدري أنــــــــــــولـــــــــد مفـــــــــتون بــــــــــــــيك
وهالقــــــــــــلب بـــــــــــــأول نبـــــــــــض نـاغــــــــــــــاك

- يا عشق الـــقلوب اتــــــبختــــــر ابمــمـــــــــــــــشاك
ياســــــابـي العـــــقـــــول وجـــــــل من ســـــــــــــــــــواك

- مخــــلوق اعـــــلى كــــيفــــك قـــلي يامحبـــــــــوب
لــــو آيـــــة الـــجليــــــــل إل هــالـبــــــشر خـــــــــــــــــلاك

- كل شي انوجــــد بـــــيك وكل شــــــي ربنــــا أنطاك
ولهذا الســـــبب محـــــسود ولهذا السبب كثرت حبيـبي اعـداك
صدري للمات
17-04-2009, 06:31 PM
(الى الاخ حيدر )
عشرتك روحــي صَـــــــــدگ .. ماتملها
وگلبي ايــــــــــام سعـــــــدك .. ماتملها
اريد انصــــب لروحــــــــــي .. مأتم الها
واشوفك هم تجي وتبچي عليه ؟
صدري للمات
17-04-2009, 06:32 PM
لو مرة تمــــــــــر مثـــــــل .. الشماتــه
وأنا لنحرك يالاسمــــر وك .. شماتــــه
ولك مغـــرور گالولــــــــــي .. بشماتـه
صحيح ابشامتك تنغر عليه
صدري للمات
17-04-2009, 06:34 PM
لو تذكـــر رباي ويــــــــــاك .. والعـــن
ولاتنغر علــى اللي بيــــــك .. والعـــن
فرضنا لو اسبـــــــــك حيل .. والعــــن
هم ابغيض وك تزعل عليه ؟
صدري للمات
17-04-2009, 06:36 PM
حجي ابو تركي من بعد اذنك تسمحنة بالمرور ومشاركتكم
لو رأساً تگلـــــــي ارجـوك .. هدنـــه
وتعاركنـــي وتريــد انــوب .. هدنـــه
ولك والله العشــــگ وياك .. هدنــــه
مريض آنه تعال اسأل عليه ؟
صدري للمات
17-04-2009, 06:39 PM
يـــلايم لا تــــلوم الگــــلب دمعــين

جــــرح البــــيه مــــا يندمل دمعين

فــــايض بـــالجفن هـــاليوم دمعين

عـــلى مــصاب النبي وظلع الزچيه
صدري للمات
17-04-2009, 06:40 PM
مـــــثل الـــــدوح للـــــونه نبـــيها

تــــــناوبنه ابحـــــزن واحـنه نبيها

اشـــــلون امــــه الـذي خانت نبيها

ونقـــــضت بـــــيعته وأمر الوصيه
صدري للمات
17-04-2009, 06:47 PM
حبيبي الحاج ابو تركي اعذرنا واهديلك
الك اشتاق كل لحظه..
واحسك بالقلب نبضه..
اذكرك حتى لو تنسى..
واحبك ترضى ماتلرضى
حيدرالناصري12
17-04-2009, 07:16 PM
ألاخ العزيز الصدري
لقد أتحفتنا بما أفضت علينا من أبيات جميلة ورائعة
مشكور حبيبي الصدري
((كما أدعوا كل أخواتنا وأخواننا بالبوح بما يستطيعوا ونحن خدام لهم أن شاء الله))




صديقي أشـﮔـدْ وفي آومخلص وصادق
وآحــبـــك ماأحـــب غــيــرك وصــادق
وحــگْ الــهــادي والبــاقــــر وصـادق
تضل أنتَ أعز من روحي عليه

حيدر الناصري
صدري للمات
17-04-2009, 07:44 PM
شيضرك ان تسامح وان تهديت
وكلتلك لاتهدني وانت هديت
انه الهديت كبلك وانت هديت
وراي وهدتك صارت عليه
البدري14
17-04-2009, 07:44 PM
اللهم صل على محمد وآل محمد
اخي العزيز حيدر

روحي دوم عدكم لو بعدنه
وفينه وياك قصدك لو بعدنه
نخلي الشعر لجلك لوبي عدنه
الخوي واجب عليه يوفي لخويه

تقبل وافر الدعاء
وانتظرك
صدري للمات
17-04-2009, 07:46 PM
الى الاستاذ البدري

يجن بيه المصايب مايجن بيك
وعسه الجنبك عني مايجنبيك
شلون تريد طالب مايجن بيك
اذا الاستاذ ياخذلك تحيه
صدري للمات
17-04-2009, 07:50 PM
بالصفاره

قطار الهجر طوّح بالصفاره
خذاك وظل وجهنه بالصفاره
كضيناهه الدراسه بالصفاره
كلما تغمز ألنه أطيح ميه
البدري14
17-04-2009, 08:18 PM
اللهم صل على محمد وآل محمد
ابو كرار
سدى بلحمه الك مديون واداي
وعسى ما بيك ضيم وهضم واداي
تحياتي اتعطر ورد واداي
اصل يم بابكم صج مو تقيه

وما زلت انتظر
والثاني مشترك انته والصدري

فارس والفرس بايدك والعنان
وصرت الدرس كله انته والعنان
السماء طوعك اله اتشر واله عنان
اخوي وتاج بالمؤزمه ليه

وما زال البدري على الخط
صدري للمات
17-04-2009, 08:35 PM
عليك المات والحي سائل آنه
صلب لاكن لربعي سائل آنه
وگفت اباب بيتك سائل آنه
اذا ما تنطي ليش تكص اديه
صدري للمات
17-04-2009, 08:37 PM
ذبح تفخيخ ياوادم خلصنه
بسبب للدين واليمّه خلصنه
يصاحب بالفرج عجل خلصنه
طغيان وظلم عم البريه
صدري للمات
17-04-2009, 08:38 PM
الك هل دمع عيني والك صب
والك ساس بوسط روحي والك صب
سهم حبك دخل كلبي والك صاب
دليلي وصار طشاره بديه
صدري للمات
17-04-2009, 08:42 PM
الى اخي الشاعر المتئلق حيدر ابو كرار
نهر دجله مشه بمايه ولك صب
وسهم عينك دخل كلبي ولك صاب
لون بغداد يضل بيها ولك صب
تفزع بصوت ابن الناصريه
البدري14
17-04-2009, 09:05 PM
اللهم صل على محمد وآل محمد
الصدري ابشر

انه ما اقص على الصاحب وخدمه
بحجينه نصر للمذهب وخدمه
اوقف وضح المعنى واخذ مه
على ظهري اشيلك واحج ميه

صدري شكو بيها

سنه من اهل بيت النبي ونموت
نحيا بحب محمد شهد ونموت
يقطعونا ونرد نحيا ونموت
لاجل حب الوصي روحي هديه

تقبل وافر الدعاء
البدري14
17-04-2009, 10:09 PM
اللهم صل على محمد وآل محمد
الصدري

وحق من شرف الكعبة وشرفك- 1
جذب ما ارفع الرايه واشرفك - 2
اجيب امثال مبدوعه واشرفاك - 3
اتعجب شعر لو صاحب قضيه

1= شرفك
2= اشير فكني
3= اخليك تفتح حلقك عجبا
صدري للمات
17-04-2009, 10:50 PM
قدر مكتوب حبك وانت قسمه
الواحد مالة ناتج من تقسمه
لون بسيوف كلبي من تقسمه
دشوف معزتك شنو امسويه بيه
صدري للمات
17-04-2009, 10:56 PM
حبيبي من انجمعنه روح..وي روح

واِلّي شكد طيبتك چويات..وجروح وى يروح

من اذكرك كل همي يزول..ويروح

هلال العيد من تگبل عَلّـــــيه,,
صدري للمات
17-04-2009, 10:57 PM
شريد اكتب شكولا حاير اني

عجز قلمي بوصفكم حايراني

يهل الكرم كرمكم حيراني

بيكم جودوغيره وحميه
صدري للمات
17-04-2009, 11:02 PM
گبل لا تصل حيهم صيح.....حَي هم

خطف عقلي فتى من اطراف..حي هم

يحيونك حبيبي بلطف...حي هم

..وخبرهم فتاهم عم عليهـ...
صدري للمات
17-04-2009, 11:03 PM
حبيبـــــي انتــه عزيز عليـــــــه وغالـــــــي
احبــــــــك وما احــــب غيـرك واغالـــــــــي
وما ابيعك لا برخيص ولا غالـــــــــــــــــــــي
وكلبي وروحي وكلــــي لاجلك فديـــــــــــه
صدري للمات
17-04-2009, 11:05 PM
ننتظر ابداعات قلمكم اخي البدري والاخ حيدر ابو كرار
حيدرالناصري12
18-04-2009, 12:39 AM
هاي شمسوين /البدري والصدري ذابحين أرواحتكم ذبح كل شي ماخليتوا الي
طبعا أعذروني اليوم النت مايفتح عندي ماأدري أشبيه
.................................................. ......

الكرم عدَ الحسن سنه وعــادهَ
سعــيد الــتابـع آثـــارهَ وعـادهَ
آوأكيــد النابـذ أعـداءهَ وعـادهَ
يحضرهَ أبمحشرهَ أبن الزﮁـيهَ

أخوكم
حيدر
لبيك داعي الله
18-04-2009, 12:53 AM
احسنتم شعرائنا المتألقين

جميل جدا ماسطرتهم اقلامكم المبدعه

وبانتظار ابداعاتكم القادمه

تسجيل متابعه

حفظكم الله
حيدرالناصري12
18-04-2009, 01:01 AM
حبيبي العزيز/لبيك داعي الله
نتشرف بمروركم الكريم والعطر
خادمكم
حيدر الناصري
صدري للمات
18-04-2009, 01:15 AM
ابو كرار تحياتي الاخت لبيك داعي الله نتشرف بمرورك

قضية اسمك على اسمك ماشخطنة

ازدحام احنة على دربك وماشي خطنة
شتضن من كد حلاتك ماشخطنة
اليشوفك ينشخط مية بالمية
البدري14
18-04-2009, 01:17 AM
اللهم صل على محمد وآل محمد
لبيك داعي الله
مرورك دافع لنبذل المزيد
واحنه بخدمة خدام الزهراء
تقبل وافر الدعاء
البدري14
18-04-2009, 01:23 AM
اللهم صل على محمد وآله
هلا ابو كرار
ابن بغداد يريدني ارفع ايدي الظاهر
نسى ان الابوذيه طلعت من الناصريه
وبالفطره
بس ما اعوفه وداعتك
وحتى لا يقول اتفازعوا اهل الناصريه
اسمحلك اتعاونه
تقبل تحياتي
صدري للمات
18-04-2009, 01:26 AM
الحاج ابو تركي كلك روعة وتئلق
صدري للمات
18-04-2009, 01:28 AM
نشدت الناس عنك و انت هينه
و على فراكك تعذبنه و انت هينه
كَلبي انت التعذبه و التهينه
بس تظل انت اعز محبوب اليه
صدري للمات
18-04-2009, 01:29 AM
حبيبي جروح الك بلروح حالن
وأمس چنت احسن من اليوم حالا
أريدك تنتخيلي وتمر حالا
باچروين ماتلحگ عليه
البدري14
18-04-2009, 01:29 AM
اللهم صل على محمد وآل محمد
حبيبي الصدري
----
وحق من ارسل المرسل واعزه
احب الصدري من يكتب واعزه
وخله يفزع دليمه واعزه
ومعاها عبيد واهل العامريه

تقبل وافر الدعاء
صدري للمات
18-04-2009, 01:31 AM
حبيبي البدري
هام العگل من شوگگ وجن بيك
وشبيه الگمر من يضون وجن بيك
ابوسك لو يحبسوني وجن بيك
أوامر من وزير الداخليه
صدري للمات
18-04-2009, 01:33 AM
ان شاء غدا التكملة
البدري14
18-04-2009, 01:40 AM
اللهم صل على محمد وآل محمد
الصدري الغالي
---
وحق الطفل والمنحر والحسين
فلا اكتب على ورقه ولاحسين
جواب شما قلت قتلك الح سين
جوابي بدع وجفوفي صخيه

تقبل تحياتي وصلوا على محمد وآله
ونلتقي غدا ان شاء الله
حيدرالناصري12
18-04-2009, 01:50 AM
يابه على كيفكم ويانه جاي أتبدعون


درب مظلم يـبو اليـمه مشيتهَ
صرت ﭽالفاجد أضـيع مشيتهَ
أوضلت بعد يم ربي أومشيتهَ
يفكني ولايشمت أعداي بيهَ
حيدرالناصري12
18-04-2009, 01:54 AM
أشحدهَ اليوصل أحدودهَ وفنهَ
عـباس الــوفــه طبـعهَ وفـنـهَ
أبـو فــاضــل تـولاهــم وفـنـهَ
ﭽـن حيدر برز بالغاضريه

أخوكم
حيدر
حيدرالناصري12
18-04-2009, 01:56 AM
أعله ابو اليمه الخيولْ اصبحت لمه
أوتــوذر جــسمـــه والســجاد لـمــه
يـــاهـــو اللـــي يــرد الطــفــل لمــه
الأمل بالمنتظر حامي الحمية

حيدر
حيدرالناصري12
18-04-2009, 02:05 AM
جرى دمعي أبجفاك أشطوط وأنهار
أوتضعضع حيلي من فركاك وأنهار
أوحياتـــك مانمـــت لاليــل وأنــهار
أتعمه من كون تغفه أعيون أليه

تعبتنه
ياابوتركي
حيدرالناصري12
18-04-2009, 02:10 AM
أبهالدنيا كعدنه أشكثر وي ناس
ملكيــنه اليفره الكلب وي ناس
يدنك لويشوفك طحت وي ناس
يسد بابه أويكول أنه أشعليه
البدري14
18-04-2009, 03:42 AM
اللهم صل على محمد وآل محمد
حيدر الرد باجر
-------

كتبت الشعر والقيته سوادين
عطيه انا ماريده سوادين
الما يبدع بدع يلحق سوادين
سواد البوق والغيبه اذيه
------

اخافك وارتجف لاسمك وهابك
وربك بالشعر وبه وهابك
ها بالك وقع يمك وهابك
اسهام اتحملت وانا بثنيه
----------

اريد اجمع انا همومك والمها
واداوي جروح ماذيتك والمها
لون واحد ولا ادموعي والمها
محيط اتصير تغّرق الناصريه
--------

مجرب الضيم وامفارك ولو مه
اشحدي اتقرب لشخصك ولو مه
شاعر حيدر مجرب ولومه
اصيح اداد واتشهد عليه
-----------

كل هاي الاعترافات وهم بيه
حيل الاويك
المشكله ما استسلم الا تقطع راسي
اقلك اشلون لو شاعر انا شسوي بيك
يمكن انته والصدري ادوخكم

تقبل وافرالدعاء
حيدرالناصري12
18-04-2009, 11:33 AM
أبوتركي حبيبي

أنت أتعب المايتعب أني ماأكدر عليك

أنت ملك الأبوذية

حيدر
صدري للمات
18-04-2009, 12:05 PM
اذهب ورتحل عنك ورد ليك
ومن بستان كلبي ارسل ورد ليك
يمعذب كلب دامي و أرد ليك
رسائل شوك وياهن هديه
صدري للمات
18-04-2009, 12:07 PM
على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه
صدري للمات
18-04-2009, 12:08 PM
الى الاخ البدري
حياتي عكب شخصك شلي بيه
وجميع اعضاي صارت شلل بيه
توديلي رسايل شلي بيه
اريدن شوفتك والكعدة سويا
صدري للمات
18-04-2009, 12:13 PM
على مودك عفت ربعي وناسي
واسد بحلوك شماتي وناسي
اذا عني غفل كلبك وناسي
انه بطرواك لسه وتدري بيه
صدري للمات
18-04-2009, 12:15 PM
دكافي من البعد يا ترف بس بس
منو بذنك على الهجران بسبس
كبل تجي تركض لو صحت بسبس
شجاك وشغيرك هسه عليه
صدري للمات
18-04-2009, 12:17 PM
أزعل يا وطن وارجع اراضيك
وحن بغربتي لناسك واراضيك
بغير الفرح صدك ما ارىضيك
واذا ًَمََرك حزن احسه بيه
صدري للمات
18-04-2009, 03:05 PM
اخي البدري 14واخي العزيز حيدر اعذروني فلن استطيع ان اكمل معكم والله سااشتاق الى قلمكم المبدع اعذروني فالضروف حالت بيني وبينكم ......في امان الله
البدري14
18-04-2009, 05:08 PM
اللهم صل على محمد وآل محمد
اخي الصدري للممات
هذه حالة الدنيا دائما تجور علينا كل ما
ابتسمنا اطلت علينا بوجهها العبوس لنفتقد
عزيز ولكن نسأل الله ان ترجع لنا بالسلامه
ويقظي حاجة الدنيا والاخرة لك
نشتاق لا تتأخر
موفق
حيدرالناصري12
18-04-2009, 10:11 PM
عزيزي الصدري
أن شاء الله مقضية حوائجك والله يوفقك بحق محمد وآلِ محمد
سنفتقدك لاأطول
نور المستوحشين
19-04-2009, 01:17 AM
متابعة لكما

بالتوفيق وبانتظار المزيد والمزيد

تحياااتي نور...
البدري14
19-04-2009, 01:47 AM
اللهم صل على محمد وآل محمد
استاذتي نور
اسعدنا مرورك
وقد سبقني احد الصحفيون الكبار
هذه العبارة
والله من وراء القصد
نور المستوحشين
19-04-2009, 01:51 AM
اللهم صل على محمد وآل محمد
استاذتي نور
اسعدنا مرورك
وقد سبقني احد الصحفيون الكبار
هذه العبارة

والله من وراء القصد




اللهم صل على محمد وآل محمد وعجل فرجهم واهلك اعدائهم وارحمنا بهم


عذرا أخوي بس مافهمت شنو تقصد بالصحفيين وماوراء القصد


تحياااتي نور...
البدري14
19-04-2009, 03:27 AM
اللهم صل على محمد وآله
اختي الفاضله انا اعني
ما ورا القصد من كل ما كتبنا هوه لنجعل من
منبرنا متنوع لجميع الاذواق وبالتالي يعود
بالنفع على خدمة المذهب وهو ما وجد من
اجله
وهذه العبارة كانت لصحفي يكتب عمود
في احدى الصحف ويختم تعليقاته بها
وكونها مشهوره يجب ان اذكر انني
استعرتها للمعنى وليس من بنات افكاري
وتسلمين