الى الاخ حيدر من جديد - بشرط وارجو من المشرف الادبي الموافقه

[البدري14]

اللهم صل على محمد وآل محمد
الاخ حيدر من العراق
----
اقترح ان نفتح موضوع جديد لنرد على بعضنا اربعة عشر بيت ابوذية بعدد
المعصومين عليهم السلام بالاضافة الى
العقيله والعباس عليهما السلام بالاضافة الى
بيت وطني او وجداني ونتجنب الغزل على ان يكون نتناول اثنين من المعصومين في اليوم
ولكل منهما بيت واحد من الشعر زايد البيت
الوطني او الوجداني
علما بان الاخ صدري للممات انسحب معلل
انسحابه بالمشاغل ونسأل الله له التوفيق
وهذا بيت شعر يوضح القصد
----
الك ما اركع وراسك ولا اقبل الي تركع
وخلنه نخدم اهل البيت بشعرنا صافي المنبع

انا بأنتظار الجواب وتقبل
وافر الدعاء

[حيدرالناصري12]

أخي وعزيزي البدري
تقول بيت أبوذية الأبوذية يرادلهه وقت علما أني لاأميل اليها كثيرا لكن أذا
كان بيت من الشعر فأنا حاضر

لكن أنا أقول لو نجعل المسابقه عامه الى جميع الأعضاء حتى نستفيد منهم ويستفيدوا منا يكون أفضل والثواب أشمل على شرط:
((أن يكون البيت من تأليف المشترك يكتب أسفل البيت بقلمي.))
وأسأل الله التوفيق للجميع

[البدري14]

اللهم صل على محمد وآل محمد
اخي العزيز حيدر
تحياتي لك وانا حاضر باللي يخدم اهل
البيت اما من ناحيتي فانا من البارحة واليوم
جهزت 16 بيت بأهل البيت عليهم السلام
ومجموعة من الابيات الوطنية والوجدانية
وتحت امركم
------
ولتكن للجميع ان شاء الله
------
(1)
برسالة تنجي العالم وكونه
اصطفاك وكونك نوره وكونه
الك طاعت خلق ربك وكونه
نبينه البيه نجاة الكون هية
(2)
علي يا باب علم الله ودينه
وصي المرسل اهو سيفه وادينه
دينه دين ابو القاسم وادينه
الشهادة مثالثة بالعدل هدية
(3)
بلدنا هاي من حقنا نقدها
وعليها ثياب لو صاحت نقدها
مضيع الشيش ومضيع نقدها
صرت اجعابها وانلعب بيه
--
(الشيش )و(النقد )من تسميات لعبة الجعاب
من لعب التراث العراقي ويعرفها بس كبار
السن
بقلمي

[حيدرالناصري12]

بسم الله وعلى ملة رسول الله

علما أني مشترك بها سابقا

1


يـابـابْ الـجِـنـانْ الـكَـلْ وَكـتْ مَـفْـتــوحْ
يـافِـيّـضْ الـرِسـالـهَ آلْـعَـا لـخـلَكْ نَـسَــمْ
صـادقْ وآبْقـرَيّـشْ آتْعـرفـه كل الـناسْ
وآبْـصـونْ الأمـانـهَ أشْـتَـهَـرْ وتْـوَسَـــمْ
عـلـى عَـرْشْ الألَـهْ أنْـكـتَـبْ آيـةْ نـــورْ
أسْـمَـكْ يـاحَـبِـيّـبْ أوصَـفّـوةْ الـجَـبــــارْ
صـــلْــوا أعْـلَــهَ الــنــبــي الــمـخـتــــارْ.


2

مـن بَعْـدَهَ الـصمـيّـدَهَ أبْـنصَ كـتابْ الله
مَـدْرَسْـةْ آلـرسـالـهَ الأصْـبَحَـتْ مَكْصَـدْ
عَـلـي وارثْ مـحًـمـدْ ثـانـي آلـثـقْـلــيّـنْ
عَـلي عِدْلْ الـكِـتـابْ أوبـآلْحَـشـرْ مَـسْندْ
عَـلي آيَــةْ الـقْـرْبَـى أوآيَــةْ الـتَـطْـهِـيّـرْ
أولْ مـــوش رابـــع خــــازنْ الأسْـــرارْ
صَـــلْـوا أعْــلَـهَ الـنـبــــــي الـمـخْــتــارْ.

3

جـبْـرِيّـلْ أبْـسِـمـاهْ أتْـغَـنْـهَ ذاكْ الــيــومْ
مـنْ جـابْ الـبـشـارهَ آلأحْـمَـدْ أيّـبَـشْـرهَ
إعْـقَـدْ هــآلْـقِـرانْ أوزَوْجْ الــنـورَيّــــنْ
عَـلي بـابْ المَـدِيّنهَ آوبـنْـتَـكْ الـــزهْـرهَ
زَهـره أوبـالخِصـالْ أتْـفَـضلَـتْ عالناسْ
مَـعْـصومهَ الـبَـتـولْ أومـاعَـلِيّـهْ أغْـبـارْ.
صَـــلْـوا أعْـلَــــهَ الـنـبــــي الـمـخْـتــــارْ


أخوكم وخادمكم
حيدر الناصري

[البدري14]

اللهم صل على محمد وآل محمد
بخدمتك يابن ذي قار
نصلي على النبي المختار
--------
(3)
مجد يا نور بارينه وزهراه
وحق من كون المشري وزهراه
فلا ابدل عشق طه وزهراه
واثنا عش معصوم واجبهم سويه
------
(4)
الحسن سبط الرساله والحفظها
اهو القاد السفينه والحفظها
حفظ آيات ربــه والحفظها
ابن حيدر علي حامي الحمية
------
افكر ما انام الليل وسنان
مخالب صار اله من جديد واسنان
لعب بينه الشفل جولات وسنين
ابخيت انحمى بظل المرجعيه

تقبل وافر الدعاء
وما كلف الله نفسا الا وسعها

[البدري14]

اللهم صل على محمد وآل محمد
اعود لك اخي ابو كرار
المسأله ليست تحدي بيني وبينك بل
لناخذ بيد بعضنا وتشجيع بعضنا على
تقديم ما يخدم الجميع ونوع من التشويق
لما يكتب عن اهل البيت ولكل شاعر لونه
في الكتابة وانا اتقبل ان تكتب بيت من الشعر
يتماشى مع بيت الابوذيه بالمعنى وانته قدها
----
اريدك سند عني العدا تنزار
وحق من قبته بالنجف تنزار
اذا سيد صحيح النسب تنزار
اظل خادم ابابك كل مسيه
----

[حيدرالناصري12]

عزيزي البدري/
دائما متألق كما عهدناك

4

عَـرْجْ يَـالـموالي آعْـلَهَ الحَـسـنْ مـولاكْ
ذاكْ آلْــبَـآ لْـمَـكـارمْ مـاتِـكـضـهَ أحْـــدودْ
مـنْ حـيّـدرْ عَـلِـيّـنَـهَ أوسَـيّـدْ الـكـونِـيّـنْ
صـارْ الـحَـسَـنْ مَـنْـبَـعْ لِلْـكَـرمْ والـجـودْ
سَـيّـدْ أهْـلْ الجِـنـانْ آلْـبـاريّ أمْـسَـمِـيّـهْ
جـاحَقْيْ أمْـنَـهَـدْ أدْمـوعي لَجْـلَـهْ أعْـبارْ
صَــــلْــوا أعْـلَـــه الــنـبــي الــمـخْـتــــارْ
5

مـنْ بَـعْـدَ الأمـامْ الـهَـدْ عـروشْ آلــجـورْ
درعْ الـدِيّـنْ أصْــبـحْ ثـانــي آلـسِـبْـطِـيّـنْ
يـاراعيّ الـسَـفـيّـنَـهَ أويـاسَـفيّـنَهَ أتْـعـومْ
منْ يَطْـبْكْ بَحرهـهَ أعْـلَهَ البَشرْ صـوبـيّنْ
يـابَحْـرْ الـشجـاعـهَ أوهـالْـشجاعهَ الـبيـّكْ
مـوْر’وثـهَ أبْـصِـفـاتْـكْ مـنْ عَـلي الـكَـرارْ.
صــــلْـوا أعْــلَــهَ الــنــبــي الــمــخْــتـــارْ
6

آومـنْ بَـعْـدَهَ آلْــعِـلِـيّـلْ آسَـيّـدْ الــبَـطْـحـاء
أبْـنْ حـسِـيّــنْ ذاكَ الــذايّــــبْ أبْــمَــــولاهْ
رفـعْ رايَـةْ عِـلومهَ أعْـلَـهَ الخَـلَكْ نِـبراسْ
إمْــبـاري الـيِـتـامـى الـمـا قـبـضْ يَـمْـنـاهْ
مـنْ فـــوكْ الــمَـنـابـرْ حـاربْ الــطـغْـيـانْ
أذَلْ مَـجْـلـسْ يَـزيّـدْ آومـاخـضـعْ وآنْـهـارْ.
صَــــلْــوا أعْــلَـهَ الــنــبــي الــمــخـتـــــارْ


حيدر

[البدري14]

اللهم صل على محمد وآل محمد
اعلان اعلنها مو اسرار صلاتي على
النبي المختار

(5)
وقف صنديدها وبين عوجها
لا فرسان همه ولا عوجها
ما نزل رقبته ولا عوجها
يقل للسيف اقض الحيف بيه

(6)
صبر زين العباد اجبال هدها
كفل زينب ولا للغرب هدها
يزيد من الرسالة يريد هدها
بناها بحكمته ونفسه الزكيه

وجداني
----
سقاني السهر واسقيته بقلماي
وفلا اكتب شعر اله بقلماي
مثل عطشان وابارح بقى الماي
اذا مو بايده شربته مو هنية

البدري

[حيدرالناصري12]

أحسنت شاعرنا البدع أبن الناصريه الفيحاء

7

وآبْــنهَ الـبـاقـرْ أسْـمهّ آوهـالأسـمْ عـنوانْ
بــاقْـــــرْ لِـلْـعـلـومْ الـهـــادي بَــشَـرْ بِــيّـهْ
غِــدَهَ عَــلْـمْ الـرســالـهَ الـبـاقـرْ آبْـيَـمْـنـاهْ
يَـرّوى أبْـعَـذْبْ فِـيّضَـهَ الْـيَـكْصَـدْ الْـنـاديـهْ
سطَعْ نَجْـمْ أبْـزَمــانـهَ آونـورهَ عَـمْ الـكونْ
هـذهَ الــبـاقـرْ أسْــمـهَ آوسـابـــعْ الأنْـــوارْ.
صَـــلْــوا أعْــلَــهَ الـنـبــــــي الـــمــخْــتــارْ

8

وآبْـنهَ الصادقْ أصْـبَـحْ مـصْـدرْ الـتَـشْـريّعْ
مـنْ فَـقْـهْ آوأصولْ أعْـلهَ آيّـدَهَ طَـكْ بـركانْ
مـنْ عَـنْـدَهَ الــمَـذاهـبْ فَـهْـمَـتْ الأحْــــكـامْ
مـنْ عِـلْــمَـهَ تَـعَـــلْـمْ مـالـــكْ آوْ نـعْــــمـانْ
بِــزغْ فَـجْـرْ الــرِسـالـهَ آوعَـوّدْ أمـنـجْـدِيّـدْ
مـنْ خــاضْ الــقِـتـالْ آوْبـالْـعِـلـمْ مـنْ ثـــارْ.
صَــــلْـــوا أعْــلَـــهَ الــنـــبـي الـــمــخْــتــارْ

9


وآبْـنـهَ الــكـاظـمْ أصْـبـحْ لـلْـحَـوائـجْ بـــابْ
خَـلَــصْ كــــلْ حَـيـاتـهَ أبْـسـجــنْ يَـتْـهَـجَـدْ
راهــبْ آلْ هــاشـمْ صَــبْـرهَ عَــدَهَ أيّـــــوبْ
وآلْــصَـبـرْ أبْـحَـفِـيّـدْ الــهـادي يَــتْــجَـسَــدْ
حَـبْـلْ الـلـهَ الــمَـتـيّــنْ الـمَـرْتـبطْ بالـكـونْ
كَـشَـفْ كـلْ ظـلْـمَـهْ نـوركْ تـاسـعْ الأنْـوارْ.
صَــــلْــوا أعْـــلَــهَ الــنَــبــي الـــمــخْــتـارْ

أخوكم
حيدر الناصري

[البدري14]

اللهم صل على محمد وآل محمد
حبيبي ابو كرار المبدع
-----
من يمنعنا من حبه نحب حيدر واحنا احرار
وصلوا على النبي المختار
-----
(7)

ابو جعفر الباقر علم جــده
تاهت هالسفينه والها جــده
كل عالم عناه وعنده جــده
يرده بغانمه وجفه صخية
----
(8)

صفوف ابتدع لعلـومه درسها
واحيا من رسالتهم درسها
ظـل لليــوم يتداول درسها
اهو محيي الشريعه الجعفريه
---
وجداني
-----
ابو معيشي انذكر بيها واله فن
الشعر موهبه من ربك واله فن
عندك جن اله بوري واله فن
تفتحه اشوكت ما تزعل عليه
----
تقبل احترامي يا مبدع

[حيدرالناصري12]

حبيبي البدري العزيز/متألق كما عهدناك سددَ الله خطاك


10
يــاصَـبْـرْ الـغَـرِيّـبْ أبْـمَـحْـنـتـهَ أوبَـلْـــواهْ
رضــا آلْ الـنَـبـوهْ آبْـعَـهْـدَهَ هــاجْ الـكـونْ
كَـلّـهَـهَ الـنـاسْ نَـهْـضَـتْ تَـطْـلـبْ الـثأراتْ
مـنْ حـكـمْ الـفَــسـادْ آوسـلْـطَـةْ الـمـأمـونْ
بـسَـطْ أيّـدَهَ آونِـفـوذهَ آووضَـحْ الأحْـكـــامْ
فْــكْـرْ آولــو تِـنضّــرهَ الـفَـكْـرْ بـيّهْ أحْـتـارْ.
صَــــلْــوا أعْــلَـــهَ الـــنــبــي الــمــخْــتـارْ

11


وآبْــنـهَ مْـحَـمَــدْ أصْـغَـــرْ بـالْـعـمـــرْ للآلْ
لَــجَـنْ ويّــنَـهَ الـيَظـاهـي مـحَـمَـدْ أوأعْـلَـمْ
مـنْ نـاضْـرْ مـحَـمَـدْ كــلْ رِجـالْ الـدِيّـــــنْ
لِبَـسْ ثـوبْ الـمَخـازي آبْـعَـلْـمَهَ أبن أكْـثـمْ
وأبْـسَـرْدْ الـفَـصـاحـهَ آتْـلَـعْـثـمَـتْ أعْــــلامْ
صـفـهَ مَـنْـهَـلْ عِـلـومْْ آومَـنْـبَــعْ الأفْــكــارْ.
صَــــلْــوا أعْــلَــهَ الـــنــبــي الــمــخْــتــارْ


حيدر الناصري

[البدري14]

اللهم صل على محمد وآل محمد
حيدر الغالي
-----
محمد سيد الكونين واهل بيته الاطهار
وصلوا على النبي المختار
(9)

لموسى بالسجن معبد وناسك
مثله ما مشى بخلقك وناسك
يفكر بيك ما عافك وناسيك
وضعلك درس صبره اعلى الرزيه
----
(10)

علي ابطوس ابغربته والرضا اله
وكل صعبه ومجربه والرضا اله
التقصده بهم يردها والرضا اله
ابو محمد شفيع الرافضيه
----

ولاخونا الغائب الحاضر
----
العجز بيت الشعر رده وصدره
اعلى راسي كل صدري وصدره
لولا افكار ابو الحوزه وصدره
كلتنه اجلابها اعلوج اميه
----

[حيدرالناصري12]

اللهم صلِ على محمد وآلِ محمد



12
مـنْ بَـعْـــدَهْ الـهــادي آولـلْـخَـــلـكْ هـــــادْ
عَـلي أسْـمَـهَ أعْـلَهَ أسْـمَـكْ حـيدر الـقَسورْ
عَـلي ثَـقْـلْ الـنـبـوهْ آلْـمـاحِـمَـلْـهَـهَ أنْسـانْ
عَـلي ثـقْـلْ الأمـامـــهَ آولِـلْـعَـــدلْ مَــنْـبَـــرْ
ذاكْ الـهـادي صَـرْحَـهَ أيّـنـاطـحْ الأفْــــلاكْ
مَـضمونْ الـرِسـالـهَ آبْـصَـدْرهَ أبـو الأبْـرارْ
صَــــلْــوا أعْــلَــهَ الـــنــبــي الــمــخْــتـــارْ

13

وآبْـنهَ الحَـسَـنْ نحْـلَهَ أمـن آلجَلـيّـلْ أهــداهْ
لَــجَـنْ أمــــةْ مـحَـمَـــدْ ضَـيَـعَــــتْ كَــــدْرهْ
صفَـهَ مَـنْـبَعْ خِـصـالْ آلـطِـيّـبْ وآلْـيّـرْجــاهْ
مــايَـكـطَـعْ رِجـاهْ آبْـسـاعِـتـهَ آيّــحَـضْــــرهْ
الــحَـسَـنْ والـدْ مـحَـمدْ مَـهْـدي آلْ الـبـيّـتْ
خـاتــــــمْ لـلأيّـمـــهَ آوآخْـــــرْ الأطْـــهــــارْ.
صَــــلْـــوا أعْــــلَــهَ الــنــبــي الــمــخْــتــارْ

حيدر الناصري

[البدري14]

اللهم صل على محمد وآل محمد
حيدر المبدع
-----
واظل اكتب انا وباصرار
وصلوا على النبي المختار
------
(11)

تقي وحير الظالم بيه علامه
مثل ما نطق عيسى بيه علامه
اعجازه بزغر سنه بيه علامه
ذل علامها ولاح الثريه
-----
(12)

الهادي من هدى السنه وشيعه
العلم عنده غزل كله وشيعه
اسولف من فضل مجده واشيعه
اله توقف طوابير البريه
------
وجداني
----
تهت بأوصاف شخصك مندلانه
غزل لو دين تكتب مندلانه
اذا صاحبي صبي مندلانه
اغط وانبق معاه بهالميه
----
اقصد الوفاء ولا اتطرق للديانه طبعا
اعزاز اخوانا بالشرقيه
تقبل تحياتي
انتظرك

[نور المستوحشين]

متابعة
وفقكم الله لمايحب ويرضى
جزاكم عند أهل البيت عليهم السلام

تحياااتي نور...

[حيدرالناصري12]

أختي الفاضلة /نور

يشرفنا مروركم الكريم ببابِ صفحاتنا المتواضعة حفظك الله

أخوكِ

حيدر

[حيدرالناصري12]

حبيبي البدري

((لك فصل الختام بآخر الأبيات وآخر النجومِ من آلِ ياسين المهدي المنتظر عجل الله فرجة الشريف))


وآلَــكْ فَـصْــلْ الـخِـتـامِ أبْـسَـيَدي آومـولاي
يَـعْـسـوبْ آلأمـــامـــهَ أمْـجَــــدِدْ الأحْــكــامْ
يـــاكَــنْـزْ الـعـلــــومْ آولـلْـعَــــدِلْ مـيّــــزانْ
وآلْــديّــنْ آبْـوِجـــدَكْ يـاآبـو صــالـحْ قـــامْ
يـامحْـيّ آلــشَـرِيّـعَـهَ آوكـلْ أصـولْ الـدِيّـنْ
لَــهْـلْ الــكـفـرْ حـاصــدْ سِـيّـفَـكْ الــبَـتـــارْ.
صَــــلْــوا أعْـــلَــهَ الـــنــبــي الــمــخــتــارْ

أخوكم
حيدر
الناصري/لكن لي عوده قريبه أن شاء الله

[صدري للمات]

روعة لما يكتب هنا بس لاتقول حجي ابو تركي ابن بغداد هرب من الشعر لا حبيبي ان شاء الله راجع وان شاء الله الاخ حيدر و حجي تركي عملاقة

[حيدرالناصري12]

حبيبي الصدري/
الحمد لله على السلامة هاي وينك جنك شردت؟؟؟

أن شاء الله تكون بخير
أخوك
حيدر

[البدري14]

اللهم صل على محمد وآل محمد
حيدر حبيبي
راح اختم معاك بحبيب المهدي ابو الفضل العباس عليهما السلام
واقول
-----
حيدر قال صلوا على النبي المختار
وارددها اله مليار
-------
(13)

الاسد يمه سجد مذعن وطاعه
الحسن للدين سن سنه وطاعه
فرض واجب امام النه وطاعه
لكل مسلم على ارض الوطيه
----
(14)

الله يعين صبرك واحتمالك
ومن ينتظر شوفك واحتمالك
كل شيعي تضايق واحتمالك
تفرجها يابو اعزوم الجويه
-----
(15)

زينب من صبرها الصبر جلجل
بأطفال ونساء والليل جلجل
الدهر الها النوايب جالها جيل
عجز عنها الصبر بنت الزجيه
-----
(16)

ركب عباس ابو الغيره وماجت
اضطرب ميدانها وهاجت وماجت
راح يروي الجربه وما جت
زعل قطع اجفوفه من الحميه
-----
وجداني
----
على طاري الشعر شعري اله اوقاف
اشيش وجني بغاره ولا اوقف
اذا اسمك يمر يمي اله اوقف
باستعداد وامأدي تحيه
-----
تقبل فائق الدعاء
بأن يجعل الله لك بكل حرف بيت في الجنه
ولي سؤال شخصي غدا اطرحه اذا كنا من
الاحيا ان شاء الله

[حيدرالناصري12]

حبيبي البدري

غفرالله ذنوبك وحشرك في زمرة محمد وآلِ محمد لما قدمت

وأنا بخدمتك وأنت تامر وعلى راسي

خادمك/ حيدر الناصري
أسألك الدعاء

[البدري14]

اللهم صل على محمد وآل محمد
حبيبي الصدري
انا قلت علل انسحابه بحاجه وانشغال ولم
ولم اقل شرد ومن كد ما احبك اقراء
بعد رقم 10 على ما اعتقد تجد اني
كتبت بيت للغائب الحاضر خاص بيك
واعيده هناه
-----
العجز بيت الشعر رده وصدره
واعلى راسي كل صدري وصدره
لولا افكار ابو الحوزه وصدره
كلتنه اجلابها اعلوج اميه
----
واقصد بالبيت الاول قاعدة الشعر اي
العجز
يعني رد الشعر وصدره للصدري
ويتضح من البيت الذي يليه والابداع
في الابوذيه ان لكل شطر معنى يتضح
من الشطر التالي له لتكمل الصوره
وانت شاعر بارع وقدير لا ارقى الى
مستواك ومعذرة لسؤ الفهم
تقبل وافر الدعاء بالتوفيق

[حيدرالناصري12]

عزيزي على كيفك ويانه أبو تركي حبيبي

أني حبيت أتلاطف وي أخونه الصدري
تحياتي لكم
أخوكم
حيدر

[البدري14]

اللهم صل على محمد وآل محمد
اخي حيدر العفو
انتم صرتوا اعز من روحي وما اريد
ازعل واحد منكم وقبل عندي سؤال مأجله
بس هسه اطرحه عليك وبدون مجامله هل
يمكن الانتماء الى جامعة حيدر من العراق
الشعرية والولائية
واذا ما قدمت من شعر يؤهلني اود تسجيل اسمي في
كلية الاداب قسم الشعر الديني واذا رفض طلبي لعدم الكفأة ارجو ابلاغي
طالب في مدرستكم اخوكم
ابو تركي البدري

[حيدرالناصري12]

حبيبي أبو تركي العزيز/
وما قيمة حيدر هذا العبد الفقير الحقير بكل شيء الى الله تعالى
صدقني ياأبو تركي أنا وأعوذ بالله من هذه الكلمة أتعلم منك ومن كل عضو في هذا المنتدى المبارك
فأنا أتعلم من مدرستكم أستاذي العزيز البدري

خادمك المطيع
حيدر

[صدري للمات]

عزيزي الحاج ابو تركي انتة مدرسة شعروالله منك حجي نتعلم انتة وشاعرنا العزيز حيدر والله اني اعزك انتة والشاعر حيدرتاج راسي

[حيدرالناصري12]

أعزك الله ياأخي الصدري العزيز

نحن بخدمتك حبيبي وانت أخ وصديق ونضعك فوق رؤسنا وبكل أعتزاز
أخوك
حيدر

[البدري14]

اللهم صل على محمد وآل محمد
حيدر والصدري
الشكر والكلمات لا تفيكم حق ابداعكم
والخص ذلك في بيت شعر
-----
متاني جوابكم للفجر ينطار - يبين الفجروهو سهران
بدون جناح لا تعتقد ينطار -- يطيربدون جناح مستحيل
الينام ابينكم ما اظن ينطار -- ينطر خوف الحرامي
نايم رغد بين اهل الحميه

------
تقبلوا دعوات اخوكم بالتوفيق
لخدمة آل محمد صلوات الله عليهم اجمعين
موفقين
هذا التوضيح لمن تصعب عليه اللهجه الشعبيه العراقية

[حيدرالناصري12]

تضل دوما كبيرا في أعيننا أخي الكبير البدري

جزاك الله خير الجزاء على طيب أخلاقك الراقيه وسمو نفسك الطيبة
أخوك
حيدر

[البدري14]

الله جل جلاله
محمد صلى الله عليه وآله
علي عليه السلام
فاطة الزهراء عليها السلام
الحسن عليه السلام
الحسين عليه السلام
علي بن الحسين عليه السلام
محمد بن علي عليه السلام
جعفر بن محمد عليه السلام
موسى بن جعفر عليه السلام
علي بن موسى عليه السلام
محمد بن علي عليه السلام
علي بن محمد عليه السلام
الحسن بن علي عليه السلام
القائم عجل الله فرجه
العباس بن علي عليه السلام
زينب بنت علي بن ابي طالب عليها السلام
اسماء لا تغيب عن ذهني ابدا اتمني ان تحرسك
يا حيدر
اخوك ابو تركي