افكار جديده لاول هدية للعريس >> حياكم حصرياً

[ربيبة الزهـراء]

بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

الف مبروك لكل عروسين واتمنى لكما السعاده والتوفيق

موضوعي هو الاهتمام بالعريس احم احم

الهديه عربون ود ومحبه وانتم داخلين حياة زوجيه جديده
ويجب ان تكون بدايته موده وتفاهم واحترام وتقدير

الاصدقاء و الاحباب يتهادون
واذا صديقتك بتفكري مليون مره وش راح تجيبي لها هديه
فما بالك بشريك العمر؟

يجب الاهتمام والاعتناء في انتقاء اجمل الهدايا
لشريك العمر الزوج ( العريس)

;)

افكار نبر 1


بعد الملكه اول هديه له كانت دهن عود من العربيه للعود اسمها السراج


وشرت معاها في سبحه تلاقينها في محل الذهب حسن النمر مره روعه اذا حركها وطولت في يده تطلع من يده ريحة عوده

ودت الثنتين لمحل وشرت علبه كبيره مخمل لونها عنابي وذهبي وفيها كريستالات مره فخمه واعطته

والمره الثانيه شرت له 6 تي شيرتات من زارا ومن توب شوب ومن ريفر ايلاند

وحطت معاهم عطر وودتهم لمحل غلفها لها بطريقه واجد روووووعه

والمره الثالثه شرت له قلم مره نايس من مونتي بلانك ونظاره شمسيه من فرزاتشي مره حلوه



شرت له ساعه واجد روعه مع كبك للثوب لأنه هويلبس ثوب بكبك بتعطيه

حبيبتي اهديه من البدايه وهذي الايام كل البنات اللي اعرفهم ان يوم الملكه مايعطونه هديه

بس اول زياره هو يزورها تبدا تشتري له هدايا عشان مايصير موقفك بايخ

لأن هو كل جيه يجي لك فيها مستحيل تكون يده فاضيه عشان كذا لاتحرجي نفسك اهديه عادي سوي شي مايتوقعه وتهادو تحابو


نبر 2

اشتري صندوق هدايا فخم وكبير شوي حطي ورد مجفف وشوية ورق ملون او افرشيها حلاو زي الجالكسي جواهر او مرس
وحطيله اي هدية بس انتي خليها مميزة يعني لو ساعة بس خلي المحل يحفرولك من ورا كلمة حلوة ووقعيها باسمك
لان اغراض الرجال قليلة واحتياجاتهم فحاولي اضافتك هي اللي تميز الهدية وفي نفس الوقت خليها بسيطة لانها الاولى خذي عطر من dunhill ولو مو المرة الاولى كان قلتلك حطي صورتك وعليها اهداء من ورا وحطيها ببرواز حلو مع العطر
اهديه جوال وافتحيه قبل وخلي خلفيته او رسالة الترحيب كلمة منك مع توقيع واحلى بما انها يوم الملكة لو تكون دعاء لكم سوا اذا مابينكم شي قبل الملكة ومايقربلك وزيني من بره طبعا تزيين رجالي بس على ذوقك صدقيني بياثر فيه اكثر من الجوال

بس لاتعطيه هدية فترة الملكة الا اذا كانت طويلة ومرة او مرتين فقط الرجال مو زينا مايستطعموا هذي الاشيا ويعتبروها مبالغة او طايحة عليه انتي تقدري تحددي من معرفتك بيه اذا ماتعرفيه بس اهديه هدية مرتبة مع بصمة منك تميزها
وبث

فالاخيــــر

اتمنى لكم حياة سعيده

منقول لعيونكم

[محمد الجابري]

ربي يبارك بيج اختي الغاليه
ان شالله كل البنات يسمعن نصيحتج
حتى احنه نستفاد
ههههههههههههههههههههههههه

[بنتُ علي]

عجبتني فكرة العصطر والصورة والبرواز ... وحفر شي حليو ...

شكرا ربيبة ...لاتوصي ..البنات يعرفوا يفكروا ...انصحي الشباب

[ربيبة الزهـراء]

اهـلا اخي
ماتقصـــر

دمت متابع مواضيعي

[ربيبة الزهـراء]

اهلا قلبي

ولا يهمك
في موضوع بحط نصايح للشباب
ما نسيتهم قلبي

منوره بنت علي

ربي اخليج

[عاشق الأكرف]

على هالافكار ربيبوو

خسرتي البنات ماربحتيهم

الوحده بتتسلف حق تشتري كل هالاشياء هههههههههههه

بس يالله اذا الرجال زين يستاهل كل خير

اما اذا يلف ويدور ماله الا زر في عيونة

والمفروض هو يحر على دمة ويجيب ليها :p

تشكري على الافكار الفلتة

وننتظر جديدك

[ربيبة الزهـراء]

نصائح للعريــــــس ..



وشوفوا هذي النصايح تهمكم ليلة العرس وذاكروها زين قبل يوم الزفة
اكيد لاحظتوا ان مواضيع الاعراس دايما تركز على العروس: على ملابسها ، على مكياجها على صحتها ، على اعصابها و.و.و... ,,,
والعريس المسكين محد جايب خبرهماغير ادفع وانت ساكت

لذلك جرى التنويه لما يلي:

تضامنا مع اخواننا المساكين المقبلين على الزواج واللي محد واقف جنبكم اهدي اليكم هذه النصائح قبل العرس بشهرين

تاكد انك سويت الاشياء التاليه:

هديه بسيطه(مش بسيطه واجد ) تهديها لعروستك في اول يوم
تجهيز كل الحاجيات لبيت الزوجيه

قبل العرس باسبوع:

لاتحلق ابدا لمدة اسبوع كامل ، علق ثيابك في بيتك مو تروح طرزان ، ثوب العرس والبشت جاهزين ، ادواتك الشخصيه كامله وجاهزه ، فرشاه اسنان ، ماكينه الحلاقه ، عطوراتك ، ملابسك الخاصه ، بيجاما ، روب نوم فوق البجاما حق الكشخه. نظف وجهك بالبخار قبل اسبوع من العرس ( علشان مايطلع وجهك منفخ في العرس :D) ، حجز موعد عند الحلاق علشان حلاقه ومساج و الخ الخ الخ

يوم العرس:

خذ كفايتك من النوم ، بعد ماتقوم خذلك دوش دافي وتفرك زين
روق بالك وعقلك ، وفكر في افكار حلوه ورايقه علشان ينعكس الروقان على وجهك ، (يعني لا تروح العرس وانت مكشر او مرتبك لا تفضحنا بعد واجد:D او او او.). تغدى كويس لا تطيح علينا في العرس وتفشلنا :D
عشاء مافي ، لاتحلم انك تاكل في الليل علشان تكون خفيف ياخفيف :D
(في واحد من مشفوح وتعشى قبل العرس وجاله تسمم من الاعصاب ليلتها ، وقضى الليله مابين الحمام والحمام ، وكانت ليله مايعلم فيها الا ربنا ولين الحين نضحك عليه بسبتها ). :p
بخر الثوب والبشت وهدومك اللي بتلبسها كلها ، روح موعدك للحلاق وخليه يسويلك حلاقه معتبره ومساج علشان يروح أي ضغط عصبي وريلاكس .

وهذه لفته على البيعه بانواع العطور الرجاليه الحلوه:

هافن
هريريرا
كارتييه
شانيل
بوشيرون
س ت ديبون
روح الحين لعرسك بدري مو تحسب نفسك معزوم
وتروح متاخر (يعنني اتغلى)

لحظه الدخول لصاله النساء للقاء العروس:

سمي بالله ، ارسم ابتسامه حلوه ، وجه عيونك لعروستك اللي قاعده في الكوشه (هذا اذا سوت فيك حركه وسبقتك للكوشه :D
وقعدت على الكرسي قبلك)

اما اذا كنتوا ماشيين سوا:

امسك يدها بشويش مو تضغط عليها كنك خايف وماسك ايد امك
ترا العروس في هذيك اللحظه محتاجه كثير للحنان والاطمئنان يعني حسسها بالامان بمسكه يدك .
بس خلاص نادوا الناس للعشاء وكل واحد يروح بيته
قلنا خلاص وش منتظرين؟؟

ايييه صح غنوا معهم:

ومباركين عرس الاثنين ، كلكلكلكلكوووووش

:D


يتبع ..

[ربيبة الزهـراء]

اخترت لكم من BODY SHOP .. بعض الاشياء الجميلة..

التي تفيد الشباب في عنايتهم الشخصية و الخارجيه

و حاولت اني اذكر المكونات الطبيعية لكل مستحضر ...

و ان شاء الله تعجبكم المشاركة ..


كريمات الحلاقة
الكريم هذا يحتوي على زيت السمسم و النخيل

http://www.aljawarh.net/vb/imgcache/2002.imgcache.png
جل لما بعد الحلاقة.. من البابونج

http://www.aljawarh.net/vb/imgcache/2003.imgcache.png
بلسم أو مهدئ للبشرة لما بعد الحلاقة..
.
مصنوع من البازلاء و الالوفيرا و زيت البندق البرازيلي

http://www.aljawarh.net/vb/imgcache/2004.imgcache.png

مرطب للوجة .. و يستخدم بعد الحلاقة
http://www.aljawarh.net/vb/imgcache/2005.imgcache.png

مرطب اخر للوجه..
و تستخدم ايضا لما بعد الحلاقة..
تتميز بوجود روائح عطرية في تركيبة الكريم

http://www.aljawarh.net/vb/imgcache/2006.imgcache.png

كريمات العناية بالبشرة اليومية
صابون منظف و مقشر خفيف في نفس الوقت ..
تحتوي على نسبة كبيرة من الجلسرين لترطيب الوجه

http://www.aljawarh.net/vb/imgcache/2007.imgcache.png
مقشر لبشرة الوجه.. يمكن استخدامه في اي وقت..
و يقضل قبل الحلاقة .. يحتوي على حبيببات

الارز و زيت اللوز و السمسم

http://www.aljawarh.net/vb/imgcache/2008.imgcache.png

برونزاج .. غير دهني .. و سريع الامتصاص


http://www.aljawarh.net/vb/imgcache/2010.imgcache.png

شامبو يحتوي على زيت شجر الشاي..
و جيد للذين يعانون من القشرة أو فروة الشعر الحساسة...
له بلسم خاص

http://www.aljawarh.net/vb/imgcache/2012.imgcache.png
شامبو يحتوي على العسل .. جيد للذين يعانون
من جفاف الشعر و تقصفه... له بلسم خاص

http://www.aljawarh.net/vb/imgcache/2013.imgcache.png
بلسم للشعر من زيت الزيتون...
للشعر الجاف و التعبان من كثر السشوار
له شامبو خاص
http://www.aljawarh.net/vb/imgcache/2014.imgcache.png

بلسم للشعر العادي..
الذي لا يعاتي من مشكلات.. له شامبو خاص

http://www.aljawarh.net/vb/imgcache/2015.imgcache.png
كريم منعم للشعر ..يملس
الشعر و يعطيه لوك مبلل و لامع..


و يحتوي على فيتامينات E & A

http://www.aljawarh.net/vb/imgcache/2016.imgcache.png
كريم خاص من العسل و الشمع ...
جيد للي يحبون يسون تسريحات شعر سبايكي

http://www.aljawarh.net/vb/imgcache/2017.imgcache.png

جل للشعر من زيت شجر الشاي

http://www.aljawarh.net/vb/imgcache/2018.imgcache.png



يتبع

[ربيبة الزهـراء]

بس

اشكر من شارك في موضوعي

عاشق الاكرف

تسلم ماتقصـــر

نورت والله

[فلاان]

^_^

قواش الله خيتي ربيبة وتسلم صوابعش

وايد حلو ومهمـ

[أرجوان]

ما شا ءالله افكار حلوة
جااااااااااري التطبيق للمستقبل..
لازم نجمع فلووس كثير عشان نجهز للخساير ههههه
يستاهل آدم..

[ربيبة الزهـراء]

فلان

ارجوان

منورين في المــوضوع

اي ارجوان جمعــي واذا تبين مساعده

اني حاضره يالغلا

بالتوفيق

[بنت الشيخ وافتخر]

سلمت الايادي مشكوره على هذي الافكار القيمه

[ربيبة الزهـراء]

وعليكم السلام

منوره

ماقصرتي

[البحرانية]

مشكووورة ربيبة علىالموضيع الفلتة

وللمعلومية ان هذه الهدية التي اهدته اياه في فترة الخطوبة ستكون اثمن واغلى عل قلب الزوج بعد الزواج

وكلما وقع في ورطة مع الزوجة على طول تذكر الهدية التي اهدته اياه وتذكر بها الايام الخوالي ايام الخطوبة السعيدة :p

ولا تنسى الزوجة هدية عيد الميلاد
التي يكون لها وقع جميل في قلب الزوج

تحياااااتي

[عبق الزهور]

مشكورة حبيبتي على الأفكار الحلوة

وإن شاء الله نطبقها مستقبلاً :o

[ربيبة الزهـراء]

وعليكم السلام
البحرانية
منوره

ماقصرتي

[ربيبة الزهـراء]

وعليكم السلام
عبق الزهور
منوره

ماقصرتي

[jawaddawood]

موضوع هام وحرى بكل البنات المقدمات على الزواج والارتباط اهداء ازواجهم هداية ذات قيمة وكلا حسب ذوقة وامكانياته موضوع رائع وشكرا على الطرح

[ربيبة الزهـراء]

وعليكم السلام

منور اخى الكريم

حياكم الله

[دمعه الماضي]

خليه يجي بالاول وبعدها شرط اطبق نصيحتج
تسلمين على المعلومات الحلوه

[ربيبة الزهـراء]

انشاءالله يا قمر
بيجي

^^

نورتي

[q8iya]

فديتج على هالنصايح

تصدقين الا ادلع زوج المستقبل اخليه يتولع فيني احم احم لووووووووووووول

[ايمان حسيني]

تسلمين ياقلبي عالنصايح الحلوه
عقبال نشوفج عروس وانت اول وحده اطبقيها ((: