قولوا لي بس ويش اسوي فيه

[هدهدة]

آآآآآآآآآآآآآآآآآآآآآآآآآآآآآآآآآه اكتب وكلي حسرة
ماني عارفة شسوي ويه ولدي اللي في الروضة عمره خمس سنوات وسبعة شهور يعني ما باقي شي ويكمل ويدخل السادسة بس مطفشني ماظل طريقة الا وسويتهها إله يا تشجيع يا عقاب بس ماني قادرة اسيطر عليه :(
يخليني لازم افقد اعصابي وفي النهاية اضربة والله اني ما ابي اضربه بس من اللي يسويه
في الروضة كله هواش ويه ربعه يا هم يضربونه او هو يضربهم ودائما يقول انهم هم اللي يتعلفون واني متفشله وي معلمتهم بس ادري هو بعد ما يقصر يبي يسوي اللي يبيه وعلى كيفه ما ادري شلون اخليه يسمع كلامي ويطاوعني على طول اذا يبي شي وما سويته اله خلاص القيامة قامت ...
اني قاعدة اكتب لكم وافضفض لاني ماني لاقية احد غيركم افضفض له مع اني جديدة في المنتدى بس والله يعلم اني حبيتكم من قلب
احسكم مني وفيني مو نفس المنتيات الثانية اللي محتلينها هالوهابية خخخخخخخخخخخخ
ابيكم تشورون علي شنو اسوي فيه وش الطريقة اللي ممكن اتعامل معاه فيها مع انه انا وابوه نحاول قد مانقدر انه اندلع ونسوي له اللي يبيه طبعا اذا ما سوى شطانه نشجه ونشتري له اللي يبيه اما اذا سوى حركات مني مناك :p على كطول عقاب بس والله ماني شايفة نتيجة

وايد منقهرة:mad: اليوم مارضى يروح الروضة وخلى الباص ينطرة مدة في الاخير ضربته وقلت ليهم خلاص روحوا عنه وخذيته اوديته اني بالسيارة ووصل قبلهم وهددته وقعدت اصارخ عليه حتى قعدت اصيح في السيارة :( تكفون عطوني حل على فكرة عنده اخت اصغر منه بس والله ما اسوي الى اخته شي الا هو قبلها امسوية له حتى ما يحس اني اميزها عليه لدرجة حتى اذا بستها لازم ابوسة يا قبلها يا وراها مباشرة واقعد احضن فيه لا يتعلف عليّ
طولت بالهذرة عليكم وااااااايد بس والله من الحرة اللي فيني
الله يخلي لكم عيالكم لا تهملوني لأني بحاجة لنصايحكم

:o سامحوني حبايبي:rolleyes:


:mad::(وحدة بتموووووت قهر من ولدها:(:mad:

[البحرانية]

الله يكون بعونك اختي هدهده ويهدي وليدج ويخلية لك ياااارب

عزيزتي هدئي شوي من اعصابك والله يبعد عنك كل شر

مشكلة طفلك هي انة يبغى يلفت لة الانتباه اكثر وفي هذي الحالة لا ينفع لا الضرب والصريخ لانة بزيد كلما ضربتية يزيد عناد ويحاول يعبث اكثر وكلما تصرخين لا يبالي لانة تعود على هذاالاسلوب ..

الحل بسيط بالنسب لمثل هذه الحالات وقد مريت بها شخصيا يوما ما
الحل هو انك اهم شيء بانك تمسكي اعصابك قدر الامكان وان تتجاهلي افعالة ولا كانك ترينة وهو يعبث ويكسر
اتركية يعمل ما يخطر في بالة مع مراقبته من بعيد حتى لو اخبرك بعدم رغبتة بالذهاب الى الروضه اتركية يوم يومين وبعدين تصرفي ..
اياك ان تضربية لانك تزيدي الكيل ولا تتشنجي وتصرخي علية بسبب ودون سبب
اعملي ماوصيتك عليه وسترينة بعد اسبوع زمان لو اسبوعين قد تحول لشخص اخر
مطيع لا يتدمر يسمع الكلام ويعمل ما تامرينة بة ..

ولن يسمح لاي احد بضربة وسيكون للصراخ بعد ذلك تاثير عجيب حتى ولو كان الضرب والصراخ غير مؤذي لانة الضرب والصراخ المستمر يخلي الطفل يتعود ويكتسب مناعة ومن ثم لا ياثر بة..

اتمنى باني افدتك بشيء
مع تمنياتي لك بالتوفيق والسعادة

[إمرأه من ورد]

اعطيه حنااااااااان اكثر لان الضرب بيزيد المشكله

خذيه دايما بحضنك وقبليه وحاوريه

وبهدوء فهميه ان الي يسويه غلط شوي شوي وبيعقل صدقيني

وابتعدي عن اسلوب العنف

لان عنفه مع اصحابه بالمدرسه سببه البيت

لانه يعامل اصحابه بالمدرسه مثل ما انتي تعاملينه وهذي هي النقطه الحساسه

الي كثير من الامهات ما يعرفونها

ولكي مني اجمل تحيه

[هدهدة]

الصراحة ما ادري شقول
استانست يوم شفت ردج يا بحرانية <<< تراج مني وفيني
بقول ليكم اني قبل صدق كنت اضربه واصرخ عليه
بس من كم اسبوع غيرت معاملتي له وكله تحضن وتبوس ودلع وحب
ودايما اقول له انه الضرب ممنوع وانه احنا خلاص ما بنتعامل بالضرب بس اذا سويت شي غلط بعاقبك وقمنا على طول انطلعه ونشتري لي اشياء اذا ما سوى شطانه في الروضة
بس مو راضي متغير تغير على خفيييف الحين كله متعلف ليي انه اللي في الروضة ما يحبونه ودائما يقول لي انتون ما تحبوني لو تحبوني اشتريتون ليي لعبة (( مثلا)) ودائما اقول له لا تخلي الماما تعصب بعدين تضربك لا لازم تسمع كلامها حتى ما تحمق عليك بس يسمع واقول الحين بيتغير لكن ولا كأني تكلمت
وايد ابين له اني احبه وااااااايد
بس انشاء الله اقدر امسك اعصابي اكثر :rolleyes: الحين يه من الروضة وما عطيته ويه لاني منقهرة حدي عليه بس يه سلم وحضني بقوة حضنته على خفيف ورديت عليه حدي بس وتباعد وقعد يتكلم من بعيد واني ساكتة عنه
يقول تقولين ما اضرب في الروة اكم ضربوني :confused: ويش اسوي في هالحالة اذا اكلم معلمته اتقول هو مايسوي سوايه ولا ادري اصدقة لو اصدقها

امرأة من ورد مشكورة حبيبتي على المداخلة بس صدقيني هذا اللي قاعدة اسويه بس اذا كلش زاد ولا كأني اتكلم اقوم اضرب انشاءالله احاول اني ما امد يدي عليه بس غصب والله

سامحوني وايد هذرت عليكم :cool::cool:
الله المعين