المساعد الشخصي الرقمي

مشاهدة النسخة كاملة : نداااااااااااااء ورجااااااااااااء ساعدوني

بنت الغريب
01-06-2009, 02:13 AM
السلام عليكم اخواني

انا عندي مشكله بالماسنجر
له اسبوع مايفتح معي
كلما فتحته يطلع لي مربع مكتوب فيه فشل الدخول في الوندوز حاول مره اخرى
وفي مربع تحت فيه استكشاف الاخطاء واصلاحها
ولما ادخل عليه تجيني كلا علامات صح واحط بعدين اصلاح
وارجع وادخل الماسنجر ومايفتح معي
مع العلم ان النت شغال بس الماسنجر مايفتح
شنو سالفته وشنو اسوي
اللي يعرف لايبخل علي بالمعلومه
ارجو افادتي
ولكم خالص الشكر والامتنان
عبد محمد
01-06-2009, 02:25 AM
أخت بنت الغريب

عندما تظهر لك اللوحة يوجد في الأسفل رمز الخطأ

أرجو كتابته

ونحن بالخدمة
بنت الغريب
01-06-2009, 06:28 PM
أخت بنت الغريب


عندما تظهر لك اللوحة يوجد في الأسفل رمز الخطأ

أرجو كتابته

ونحن بالخدمة


مشكور اخي عبد محمد ماقصرت
الله يعطيك العافيه

رمز الخطاء-80048820
رمز الخطاء الموسع-80048412
هذا رمز الاخطاء الي طلعت لي
انشالله تقدرون تحلون هالمشكله بالماسنجر
تحياتي
عبد محمد
02-06-2009, 08:28 AM
ويعطيك العافية أخت بنت الغريب


رمز الخطأ 80048820

قبل كل شيء تاكدي من الساعة التي في الكومبيوتر

إضغطي مرتين بالماوس على الساعه في شريط المهام Taskbar وتأكدي انه الوقت صحيح والتاريخ أيضاً وركزي على الشهر

وإذا ما صلح فإليك هذي الخطوآت أخت بنت الغريب

قومي بها بآلترتيـب


1. اذهبي لشعار الماسنجر بجانب الساعه تحت واظغطي عليه كلك يمين بعدين انهاء .
2. بعدين تروحي على شعار ( الاكسبلولر (المتصفح) ) وتظغطي عليه كلك يمين وتختاري خيارات
بعدين تختاري من شريط المهام ( محتوى ) بعدين تلقين ( الشهادات ) وتظغطي على الخيار
( مسح حالة SSL )
بعد بيجيك على طول تنبيه ( تم مسح ذاكرة التخزين المؤقت لـ SSL بنجاح )
اظغطي موافق . بعدين اظغطي موافق تحت
3_ الحين تروحين قائمة ابدأ وتختار ( تشغيل ) . بيفتح لك اطار صغير مكتوب فيه
( اكتب اسم برنامج او مجلد . الخ ) .وفيه مستطيل ابيض
الحين انسخي الامر هذا regsvr32 softpub.dll wintrust.dll initpki.dll
وتلصقيه في المستطيل الابيض واظغطي موافق
وبيجيك على طول اطار تنبيه يقولك ( نجاح DIIRegisterServer في wintrust. )
اظغطي موافق .. بعدين بيجيك نفس التنبيه . اظغطي موافق بعد
4_ الحين انتظري شوي دقيقه تقريباً او ثنتين . وبيجيك نفس التنبيه للمره الثالثة اظغط موافق
والحين روحي وشغل الماسنجر وراح يشتغل معك بإذن الله
وإذا ما اشتغل ( وهذي الحاله نادره جداً ) اعيدي تشغيل الجهاز

---------------

في حال عدم الإصلاح أخبريني
بنت الغريب
02-06-2009, 07:51 PM
يعطيك الف عافيه اخوي
بجرب الحين وبشوف
بنت الغريب
02-06-2009, 07:59 PM
مشكور اخوي ماقصرت
سويت الي قلته وتاكدت من اشهر طلع فعلا الشهر خطاء
وحطيت الشهر الي حنا فيه واشتغل على طول
يعطيك الف عافيه
عبد محمد
02-06-2009, 09:33 PM
لا شكر على واجب أختنا الفاضلة ممنونين وفي الخدمة