احمد العراقي
04-07-2009, 01:50 PM
نبارك لمولانا بقية الله الاعظم والى جميع الموالين ذكرى مولد سيدنا ومولانا وشيفعنا
امير المؤمنين علي بن ابي طالب عليه افضل الصلاة والسلام
معجزة الاله
اكتب يا شعر واشلون اوصلك
معجزة الاله الما خلق مثلك
ما تشبه بشر ميلاد لا تكوين
سر يا ابو الحميه ومو سهل حلك
بس طه وعداكم ما نزل بالكون
نطفة نور انت وبالعرش اصلك
نطفة اتگلبت محفوظ بين اصلاب
من رب العباد انخصت اتحملك
ابگرب ميلاد نجمك شفنه ركن البيت
يرتج وانفتح متواضع لاجلك
فتحتلك الكعبة اذراعها تحييك
فرحانه وتهلهل يا هلا اتگلك
ما رادت سگف وايظلك من اتصير
رادت يالصميده اعيونها اتظلك
ولحد هالوكت فطرت الحايط ذيج
حجة وعالسنين تريد تشهدلك
خافن هالامر تنكره عيون الزيف
تبقالك دليل اتثبّته لفضلك
عيسى انامرت امه وهو روح الله
تهز جذع النخيل وبالرطب تسلك
وانت اتلث ليالي الدنيا طارت بيك
واملاك السماء اتهز الك نخلك
اشگد عندك فضايل ياهو اليجاريك
وينه الـ بالبرية الگادر ايعدلك
متفرد يحيدر واللي صار وياك
ما صاير خلافك لا ولا گبلك
بحروفك نشوف الكون كله يضيع
صرح وما عرفنه الياسعك كلك
ولهذا السبب كلمن تناطه وياك
ما يبقى اعله حاله ولازمن يهلك
يا خير العمل يا درب فايض خير
للراد النجاة ونعم من مسلك
يا راية هداية الرفرفت بالنور
واهم من يگول حروفنه تملك
احمد العتابي
العراقي
امير المؤمنين علي بن ابي طالب عليه افضل الصلاة والسلام
معجزة الاله
اكتب يا شعر واشلون اوصلك
معجزة الاله الما خلق مثلك
ما تشبه بشر ميلاد لا تكوين
سر يا ابو الحميه ومو سهل حلك
بس طه وعداكم ما نزل بالكون
نطفة نور انت وبالعرش اصلك
نطفة اتگلبت محفوظ بين اصلاب
من رب العباد انخصت اتحملك
ابگرب ميلاد نجمك شفنه ركن البيت
يرتج وانفتح متواضع لاجلك
فتحتلك الكعبة اذراعها تحييك
فرحانه وتهلهل يا هلا اتگلك
ما رادت سگف وايظلك من اتصير
رادت يالصميده اعيونها اتظلك
ولحد هالوكت فطرت الحايط ذيج
حجة وعالسنين تريد تشهدلك
خافن هالامر تنكره عيون الزيف
تبقالك دليل اتثبّته لفضلك
عيسى انامرت امه وهو روح الله
تهز جذع النخيل وبالرطب تسلك
وانت اتلث ليالي الدنيا طارت بيك
واملاك السماء اتهز الك نخلك
اشگد عندك فضايل ياهو اليجاريك
وينه الـ بالبرية الگادر ايعدلك
متفرد يحيدر واللي صار وياك
ما صاير خلافك لا ولا گبلك
بحروفك نشوف الكون كله يضيع
صرح وما عرفنه الياسعك كلك
ولهذا السبب كلمن تناطه وياك
ما يبقى اعله حاله ولازمن يهلك
يا خير العمل يا درب فايض خير
للراد النجاة ونعم من مسلك
يا راية هداية الرفرفت بالنور
واهم من يگول حروفنه تملك
احمد العتابي
العراقي