ذكرة الم / للامام الكاظم (ع)

[احمد العراقي]

عظم الله تعالى لنا الاجر جميعا بذكرى شهادة راهب ال محمد
امامنا موسى بن جعفر الكاظم عليه افضل الصلاة والسلام

ذكرة الم

يا ذكرة الم بيها الالم يطحن
زمانك ما گدر يحويها واتمحن

يا وثبة عزيمة وبيها للتاريخ
وجوه الجاهلية الباغية انفضحن

الم بيك او عزم حاوي انت هالصفتين
مشن واترافگن وبما ردت نجحن

حفنه اجروح لاجلك مازجاهن نوح
هنه جروح صح بس بيك ينجرحن

والك نجمات ذابن وي ظلام الليل
ينطرنك تشع وابنورهن يصحن

من شافن ضواك اعله الجسر مطروح
صفگن راحهن بعدك منو ايصبحن

يا سر الاعجاز وراهب الاسلام
يا ايات قدرة ابقدرة ينشرحن

يا شمس الحقيقة الما سرگها اغروب
بيبان الخلود ابنهجك انفتحن

يا مشكاة حق ابوسط سجن الزيف
كل الخافيات ابما تشع وضحن

يا جلمة صدگ وعت فكر سكران
وضماير نايمات ابصوتها اتصحن

ارگاب النايبات العلن بالطاغوت
ابسيف الحده صبرك سيدي انذبحن

وموازين الرذيلة البيدهن مولاي
رجح ميزانك انت وهنه ما رجحن

انطون وي السنين وسادهن نسيان
ظننك تروح وبعد ما يرحن

لاجنهن نصن واشخططن ما صار
خسرن بالرجنه او ابد ما ربحن

يا سيرة مكارم ما حواها اكتاب
شيصحي العقول ابموجها ان سرحن


احمد العتابي
العراقي

[عاشقة النجف]

وددت ان اختار ابيات من القصيده
لكنني عجرت من اختيار اي بيت
لانني رايت بها صوره ملتحمه مع بعضها
اخذتنا حيث يكمن المولى
بارك الله بكم شاعرنا المتالق
وبانتظار جديدكم ,,

[الباحث عادل الايهم]

يا سر الاعجاز وراهب الاسلام
يا ايات قدرة ابقدرة ينشرحن
.................................................. ......مولاي الكريم
احمد الصديق
عظم الله لكم الاجر بذكرى مصاب مولاي راهب ال محمد سيدي ابي الحسن الكاظم عليه السلام
اسال الله لكم وايانا شفاعة المظلوم كاظم الغيظ عليه السلام الكامل
احسنتم
فتلك عبارات بلهجة عراقية متقنة مئة بالمئة
وفقك الله
خادمك
ايهم من عراق الولاية
التماس دعا

[البدري14]

الله الله
يا احمد العراقي
ابدعت والله من رائع الى اروع بوركت يدك
عقد من اللؤلؤ يحتار المتذوق ان يختار منه
لكن اخذت مسك الختام لاضعه هنا
وانحني امامه
-----
يا سيرة مكارم ما حواها اكتاب
شيصحي العقول ابموجها ان سرحن

لاتذكر بيت شعر لاحد الفضلا
يقول
----
جسمي من الهضم ينلظم بالسم
وثغري بالفرح ما يوم بالسم
على المات بسجن هارون بالسم
وملقي اعلى الجسر جثة رميه
-----
تقبل مروري المتواضع بساحة ابداعك
دمت بخير لخدمة اهل بيت الرسالة
موفق

[احمد العراقي]

السلام عليكم
اختي الكريمة عاشقة النجف
عظم الله تعالى اجورنا واجوركم بهذا المصاب العظيم
حروفي عاجزة امام كلماتكم الطيبة
لا املك سوى كلمات الدعاء لكم من الله تعالى بالحفظ والموفقية علها تجبر هذا العجز
شكرا جزيلا لكم وبارككم الله عز وجل
وعليكم السلام

[مرتضى العاملي]

بسم الله الرحمن الرحيم
اللهم صل على محمد وال محمد
عظم الله أجرونا وأجوركم باستشهاد الإمام موسى بن جعفر الكاظم عليه
السلام



يامظلوم.....يامسموم
بسجن وانكطعت اخبارك........العباده شغلت افكارك
يامظلوم.........يامسموم
بسجن مظلم يكاظمنه.....تصلي وتدعي رب الكـــون
كظيت اسنين بالوحشه....راكع عابد ومسجــــــــــون
وانت العارف بحتفك...... مارمشت عليك اجفـــــون
تودع كمت بالطيبين ...... تكول الموت الي مسنون
ربك كرم زوارك....بقت تسكينه انهارك
يامظلوم ...يامحروم
***
وفقكم الله لكل خير واحسن لكم الاجر والعزاء
في ذكرك أستشهاد مولانا الامام الكاظم عليه السلام
بابياتك الولائية
رزقك الله وايانا زيارة الامام وشفاعته يوم الورود

[وجدي الجاف]

الله يا أخي ..
صور رائعة بمعنى الكلمة
خرجت من قلب مخلص واحساس صادق
شاكراً لك هذا الإبداع
ورجائي منك أن يستمر

[وجدي الجاف]

الله يا أخي ..
صور رائعة بمعنى الكلمة
خرجت من قلب مخلص واحساس صادق
شاكراً لك هذا الإبداع
ورجائي منك أن يستمر

[احمد العراقي]

السلام عليكم
اخي العزيز ايهم الرافضي العراقي
احسن الله تعالى اليكم اخي وبارك بكم
شكرا جزيلا لكم على مروركم وتواجدكم بين ثنايا مشاركاتي البسيطة
وفقكم الله تعالى لكل خير
ولاعدمناكم
وعليكم السلام

[احمد العراقي]

السلام عليكم
عمي الغالي ابو تركي
اطرائكم هذا مسؤولية
اضافة الى انه تشريف كبير لي ولكتاباتي البسيطة
شكرا جزيلا لكم لتواجدكم الطيب هنا
ولاضافتكم العطرة والمباركة
لاعدمناكم دوما ان شاء الله
ووفقتم لكل خير وبركة
وعليكم السلام

[احمد العراقي]

السلام عليكم
اخي العزيز مرتضى العاملي
عظم الله تعالى لنا ولكم الاجر بمصابنا بامامنا باب الحوائج صلوات الله وسلامه عليه
شكرا جزيلا لكم على مروركم العطر وتواجدكم الطيب
بارككم الله تعالى ووفقكم لكل خير
لاعدمنا تشريفكم لكتاباتنا
وعليكم السلام

[حيدرالناصري12]

حبيبي وعزيزي أحمد العراقي يأبن الناصرية الفيحاء
عظم الله لك الأجر وأحسن لك العزاء بمصاب موسى بن جعفر (ع)
عاشت ايدك على هذه اللوحة الرائعه التي خطتها قريحتك الشعرية
وفقك الله وسدد خطاك على طريق الولاية
أخوك
حيدر الناصري
وارجوا المعذرة لتأخري بالرد