يا بسمة املنه

[احمد العراقي]

يا بسمة املنه

يا بسمة املنه الـ دوم نحچيها
ويا اصل الحياة وكل معانيها

امااني اگلوبنه انت الما تمل طاريك
ولهه اگلوبنه وتسلى بامانيها

ينبع اعمارنه ويا سچّة العطشان
روح الضاف عدها ابصبر ترويها

ينسمة خير نسرح من علينه اتفوت
نغفه ابطيبها ونفرح انّاغيها

مثل لهفة ليالي لومضة النجمات
ومثل شوگ الجروف لماي يسگيها

ومثل حال الوحيدة التربى عين الغاب
عليك ارواحنا ابكل حين تلگيها

غربة احنه ابغيابك والعمر مجهول
والمجهول عمره اسنينه ناسيها

تچلّ اجدامنه وسجتنه ما تنشاف
بداية وما عرفنه اشوكت تاليها

ثگَل جفن انتظار اعيونه ومن طاح
يبس بيها الدمع وانغلگ جاريها

يغصّ الشوف بيها امركده ابلا كيف
وبيابيها اعله دربك جمر تبچيها

لچنها اعله البصيص الزام عزمه اوياك
لوَت شوكة دهرها وخسر عاميها

ضعنه ابموج .. مركب خامل المجداف
وفزعة حيلنه اتعرگلت رجليها

يطر بينه ابحر دنيا ابنوال الخوف
نظل تريدنه وايّست نگضيها

هندس ليلنه وكلفه الضرير ايعيش
باحضان الليالي النور ما بيها

ضراير نرتجيك ويرد بينه الحيل
ونرد وجه الشمس يزهي ابمعاليها

ابغزِل چف الصبر شدينه حيل الروح
ابعدى درب انتظارك ما نخليها

يعت بيها الجزع ويريد ما تحويك
مل منها وجزع ما گدر يحويها

حوت نفسك نبض حي بيه نفسها انعاد
بعد الموت الاحمر صار حاييها

زرعنه اگلوبنه اويَ ارواحنه ابدمعات
طرّت بالمتانه ويمته تحويها

فرجنه انت او وعدنه او حظوة الايام
يمهدي جروحنه ابطلعتك تشفيها

احمد العتابي
العراقي

[حسنين العلاق]

حياك الله اخي الغالي ابو شهاب
والله كلمات اكثر من رائعة واتمنى تسمحلي انقلها عنك
جزاكم الله الف خير ياغالي
اجمل تحيييييييييييييييية

[احمد العراقي]

السلام عليكم
مولاي العزيز حسنين العلاق
شكرا جزيلا لك ولعطر مرور حروفك المباركة بقصيدتي المتواضعة
وفقك الله تعالى لكل خير وبارك بك ولا عدمناك ان شاء الله
اخي لا مانع عندي من نقل القصيدة
حياك الله ودمت برعاته وتوفيقه
وعليكم السلام

[البدري14]

اللهم صل على محمد وآل محمد
احمد العراقي
-----
واسجد على حروفك واتلو الآيات
جذاول شعر صافي وياك نجريها
عيد الليله عدنا وننثر الها ورود
ابن حامي الحمي نور لياليها
----
اجرك على صاحب العصر يابوشهاب
تقبل مروري المتواضع بساحة ابداعك معطر
بالصلاة على محمد وآل محمد
عقد لؤلؤ من مبدع
موفقين

[حيدرالناصري12]

اللهم صلِ على محمد وآلِ محمد
لافض فوك حبيبي أحمد العرافي
ليس غريبا عليك هكذا ابداع فأنت منبع الأبداع
بل الأبداع يخجل من كلماتك ويستر وجهه حياءً
وفقك الله وسدد خطاك وأطال الله في عمرك كي تنصر عترة المصطفى بقلمك
تقبل مروري الخجل بساحلِ بحر نظمكم
أخوك على الدوام
حيدر الناصري

[حسنين العلاق]

والله العظيم كلما اتكلم معاكم تحجلوني بكلماتكم وبأخلاقكم
واضل محتار شنو الاكتبة حتة اجازيكم
ولكن ما عندي الا الدعاء لكم بالموفقية وان يثبتكم الله على ولاية امير المؤمنين عليه السلام
جزاك الله خير الجزاء اخوية وتاج راسي احمد العراقي

[وجدي الجاف]

رائع .. أكثر من رائع
استاذي الكريم أحمد ..
قلمك الفذ فاض بالأبداع كعادته
فصار يقدم لنا هنا صورة خيالية في الجمال ..
اتشحت بوشاح ذكر الامام صاحب العصر والزمان (عج)
فسلم قلمك المبدع ..
وسلمت يمينك المعطاء ..
وسلمت قريحتك الموفقة
ولا حرمنا الله من تواجدك المبارك
تقبل مروري
خادمك الصغير
وجدي الجاف

[ربيبة الزهـراء]

السلام عليكم

سلمت يداكً شاعرنا المميز
احمد العراقي
حقيقاً لا اعرف كيف اشكرك ع كلماتك
التي انارت القسم ..

موفق بحق الزهراء

[أم حسن]

بسم الله الرحمن الرحيم
اللهم صلي على محمد وال محمد الطيبين الطاهرين وعجل فرجهم وفرجنا بهم يا كريم
ولعن الله اعدائهم اجمعين من الاولين والاخرين الى قيام يوم الدين
0000
أخي الكريم والشاعر الموالي المبدع أحمد العراقي
ما شاء الله 00 زادك الله من فضله
كلمات صادقه ورائعه تفيض بالحب والولاء لمولانا صاحب الزمان (ارواحنا لتراب مقدمه الفداء )
هنيئا لك هذا الفيض النوراني العذب
كل عام وانتم بخير
مبارك عليكم المولد الشريف واعادكم عليه بالصحة والسرور
دمتم برعاية الله وحفظه

[بنت الوادي المقدس]

مثل لهفة ليالي لومضة النجمات
ومثل شوگ الجروف لماي يسگيها

ومثل حال الوحيدة التربى عين الغاب
عليك ارواحنا ابكل حين تلگيها
صح لسانك على الوصف الجميل
دام خيالك لهذا العطاء الرائع

[احمد العراقي]

السلام عليكم
عمي الغالي ابو تركي
مرورك العطر يضفي جمالا على ما انشر
وبصمتك بابيات رائعة يزيد من الق مرورك
شكرا جزيلا لك على تواجدك الدائم والطيب
لاحرمنا الله تعالى بركة دعائك
ودمت بالف خير وتوفيق
وعليكم السلام

[احمد العراقي]

السلام عليكم
اخي الغالي حيدر الناصري
يغمرني اطرائكم بفيوضات الخجل والامتنان لحضرتكم
انا اقل من كل هذا ولا امتلك حروف شكر تفي بعض ما قلدتموني اياه من الثناء والكلام الطيب
شكرا جزيلا لكم ولروعة مروركم العطر والدائم
واسال الله تعالى ان يحفظكم ويوفقكم لكل خير بحق محمد واله الاطهار
وعليكم السلام

[عاشقة النجف]

تقف حروفي امام جلال ابياتكم خجله
فتنطق بكلمات الاعجاب دوما
لتثبت ان لكم التالق ابدا ..
بارك الله بكم شاعرنا المتميز
سدد الباري خطاك
قصيده راقيه جدا ..

http://www.alfrasha.com/up/18714365291111329925.gif

[أبو علي حمزة]

بسم الله الرحمن الرحيم
اللهم صلَّ على محمد وآل محمد
تحياتي أخي العزيز أحمد
الله يعطيك ألف عافية على هذه الكلمات الرائعة في سجل حسناتك بحق صاحب العصر والزمان(عجَّل الله تعالى فرجه)
يا من ثدي الــــطهارة مرضعنَّه

عليك بشوق وبلهفه مَرْ ضعنَّه

الينكر المهدي ما أحبه مرضعنَّه

لأنه عــــــــــــــدو للباري ونبيَّه
تقبل تحياتي وشكري لك ونرجوا منك المزيد
وفقك الله لكل خير ومشكوووووووووووور

[خادم الشيخ الكوراني]

الشاعر والاخ العزيز احمد العراقي
كلمات جميلة وروعة لما خط قلمكم المبدع
وفقتم لكل خير



http://i128.photobucket.com/albums/p165/3ola4/dividers/flowers/df19.gif

[احمد العراقي]

السلام عليكم
اخي العزيز وجدي الجاف
حروفك قبس تنير ثنايا صفحاتي
وتواجدك عطر يضفي عليها مسحة من الجمال
شكرا جزيلا لك
دعائي لك بالتوفيق والسلامة ان شاء الله
لاعدمناك
وعليكم السلام

[احمد العراقي]

السلام عليكم
اختي الكريمة ربيبة الزهراء
سلمكم الله تعالى وحفظكم من كل مكروه
وجودكم هنا شرف لي
وكلمات اعجابكم وسام تتوشحه حروفي
شكرا جزيلا لطيب كلماتكم وعطر تواجدكم
لاعدمناكم ان شاء الله
وعليكم السلام

[احمد العراقي]

السلام عليكم
اختي الكريمة ام حسن
شكرا جزيلا لكم على مروركم العطر واطرائكم الجميل
وفقكم الله تعالى لكل خير وبارك بكم وحفظكم
لاعدمناكم ان شاء الله تعالى
ودمتم بكل خير
وعليكم السلام

[احمد العراقي]

السلام عليكم
اختي الفاضلة بنت الوادي المقدس
ممتن جدا لتواجد حروفكم هنا
حفظكم الله تعالى من كل مكروه وسوء
ووفقكم لكل خير
ولا حرمنا بركة تواصلكم
وعليكم السلام

[احمد العراقي]

السلام عليكم
اختي الفاضلة عاشقة النجف
ممتن جدا لروعة تواجدكم
وبهاء حروف اطرائكم الطيبة
شكرا جزيلا لكم وبارك الله تعالى بكم
لاعدمناكم
وعليكم السلام

[احمد العراقي]

السلام عليكم
اخي الكريم ابو علي حمزه
حفظكم الله تعالى من كل مكروه وبارك بكم
شكرا جيلا لكم من اعمناق القلب لهذا الحضور البهي المبارك
ولهذه الكلمات الطيبة والجميلة
وفقكم المولى عز وجل ولاعدمناكم
وعليكم السلام

[ابو ظاهر البركي !]

عندما أقرأ لك نصا وقصيده أجد نفسي سابحا بين اعذبها
وكلها عذبه وشاردا الى معانيها وكلها واضحة المعنى
والى رقة وحساكة كلماتك أغفو عاشقا بعذوبة كلامك اخي احمد

جعلك الله من جنوده المخلصين والذابين بين يديه
وجعلنا وأياك من أعوانه وأنصاره
عجل الله فرجك سيدي ومولاي ابو صالح
ايها الشاعر الرائع العملاق
ياله من طعم أشعر به عندما أقرأ نصوصك
لك مني كل التقدير والاحترام والموفقيه



أخوك
أبو ظاهر البركي