احمد العراقي
17-08-2009, 10:54 PM
تزرع بس شمس چا ليش تحصد ليل
مگلوب اشعلامك يا وطن حالك
چنت صوت الكرامة البيه يصيح الكون
ليش اسمك عثر بلسان مهوالك
ليش اجدام فجرك چلّت من السير
بعد عنها الصبح لو ثگل منگالك
تمد چفك تريد اتنوش نبع الماي
ويمد چفه القدر وامن النبع شالك
عطش واسنين جور وناس تاكل ناس
تصفه ابيا وكت يالمنشده بالك
هدم .. شگه الفگر ما راد يبقه اعليك
وانت امطشرات اوي الهوا اموالك
چنت حضن الامان البيه يغمض الخاف
واذا بيه خوف ظل ينحرس بخيالك
هسه شغيرك واشرخّه رسن الحال
تريده من التامن چانت ابجالك
چنت ديوان عامر هسه انشدك ليش
طفه چانونهن وامچفيّه ادلالك
تقبل هالوضع ؟ ما اظن ترد بأي
صعب وادري ابمرار اتعايش احوالك
گبل هامك نجم حسرة اعله شوف الغير
ويفيض اعله النهار امن الضوه هلالك
اشعجب نجمك خفت واهلالك ابلا نور
وصرت كلش سهل للرايد اينالك
امعلگ بالمشانق يوم يتبع يوم
حان اعله اليضدك تلتف احبالك
لان عمرك گطب والدنيا رحة موت
اطحن كل رذيل ايحاول اذلالك
واذا مو بيد عزمك تلف غزل الغيم
ايّس لا تأمّل يوم يصفالك
وطن حامل ترابك عطر دم حسين
وفضل چف الچفيل اعله الخلگ شالك
وطن بيك الصميدة وهو بحر الزود
دگوم اتوضه منّه وسدّي بظلالك
رد رد مثل الاول هيج ما نرضاك
مثل ما چان امس متحتم اجلالك
احمد العتابي
العراقي
مگلوب اشعلامك يا وطن حالك
چنت صوت الكرامة البيه يصيح الكون
ليش اسمك عثر بلسان مهوالك
ليش اجدام فجرك چلّت من السير
بعد عنها الصبح لو ثگل منگالك
تمد چفك تريد اتنوش نبع الماي
ويمد چفه القدر وامن النبع شالك
عطش واسنين جور وناس تاكل ناس
تصفه ابيا وكت يالمنشده بالك
هدم .. شگه الفگر ما راد يبقه اعليك
وانت امطشرات اوي الهوا اموالك
چنت حضن الامان البيه يغمض الخاف
واذا بيه خوف ظل ينحرس بخيالك
هسه شغيرك واشرخّه رسن الحال
تريده من التامن چانت ابجالك
چنت ديوان عامر هسه انشدك ليش
طفه چانونهن وامچفيّه ادلالك
تقبل هالوضع ؟ ما اظن ترد بأي
صعب وادري ابمرار اتعايش احوالك
گبل هامك نجم حسرة اعله شوف الغير
ويفيض اعله النهار امن الضوه هلالك
اشعجب نجمك خفت واهلالك ابلا نور
وصرت كلش سهل للرايد اينالك
امعلگ بالمشانق يوم يتبع يوم
حان اعله اليضدك تلتف احبالك
لان عمرك گطب والدنيا رحة موت
اطحن كل رذيل ايحاول اذلالك
واذا مو بيد عزمك تلف غزل الغيم
ايّس لا تأمّل يوم يصفالك
وطن حامل ترابك عطر دم حسين
وفضل چف الچفيل اعله الخلگ شالك
وطن بيك الصميدة وهو بحر الزود
دگوم اتوضه منّه وسدّي بظلالك
رد رد مثل الاول هيج ما نرضاك
مثل ما چان امس متحتم اجلالك
احمد العتابي
العراقي