زينب تحكي لأبيها ما جرى في كربلاء (دار الدهر دار)

[زكي الياسري]

قصيده عن لسان العقيله الهاشميه .. لبوة حيدر .. وحبيبة فاطمه .. وحفيدة المصطفى المختار
وهي تروي لأبيها الكرار سلسلة فجائع كربلاء
اهدي ثوابها الى اموات القراء الكرام واموات شيعة امير المؤمنين من لا ذاكر لهم يذكرهم
واسألكم الدعاء
(طور القصيده على طور قصيدة المرحوم وطن النجفي .. يابويه شحجيلك ..آلام الايام)

يا بالحسن وينك ... دار الدهر دار
غدرونه غدرونه ... سلبونه نهبونه
دار الدهـــــــــــــــــــر دار


++1++


يابويه من يا فاجعــــــه ارويهه
قصة عـذابي ويا وصف يوفيهه
من كــــربله ياوالِــــــدي ابديهه
من نـوِّخَـــتْ نوكَـ النوايب بيهه

يا بويه انساهه ... انساهه هيهات
من بيهه هظمونه ... من بيهه ظلمونه
دار الدهــــــــــــــــــــر دار


++2++


يابويه عن حَــــر الشمــــس ماحاجيك
وعــن العـــطـَش خـلِّـي الفرات ينبــيك
وعــن نـار صيوان الحراير خــــــــليك
بس الرضيـع وسهمه يابويه اشـكــيك

وشــــــــــذنبه عبد الله ... ينذبـــــــح عطشان
حرمله ابنشابه ... وسط النحر صابه
دار الدهـــــــــــــــــــــر دار


++3++


يابويه والاكبــــــــــر شبيه المختار
ماضل كـــــتر بي ما فراه البــــــتار
مكسور ظهره احسين ضل بي محتار
وي ليــله عنده يا علي شجم تذكـار

لو جابه لخيامه ... يابويه تنهار
كل ضنهه يحميهه ... ويضل يباريهه
دار الدهــــــــــــــــــر دار


++4++


يا بويه والقاســــم شـــسولف عنه
وشـــجانت امه ابكل وكــــت تتمنه
جانت تريد اتشوف بيده الحــــــــنه
يا وسفه وسيوف الغـــــدر زفـــــنه

جن كَــُمر وتشوفه ... ما بين النجوم
وضاعت امانيهه ... ونذبح واليهه
دار الدهــــــــــــــــــر دار


++5++


يابويه تعـــــلم بالجره اعله العـبّاس
يا بويه هشّـــم راســه عامود الراس
وجـــفوفه كَـــطعوهن يبويه الارجاس
تدري يبويه اشكَــال بآخر انفـــــــاس

يحسين ياخويه ... أدركني يحسين
دمع السبط يجري ... هسه انكسر ظهري
دار الدهـــــــــــــــــر دار


++6++


يا بـويه مرينه ابمــــحن لو عـاللّيل
مـــَرّن نهـــار ايصيــــر يابويه الليل
نار وسيوف وخــــــيل اه امـن الخيل
رضّــن صدر شبلك يبو حسين الخيل

يا بويه سحكَــوهه ... ضلوع ابنك حسين
وخيامه حركَــــوهه ... وطفاله رهـــبوهه
دار الدهـــــــــــــــــــــــــر دار



تمت بعون الله فجر ليلة القدر 23/رمضان1430
13/09/2009
زكي الياسري


وهنا أبوذيتان للعقيله ع


1
لسان حال زينب
يحيدر شوف دهـــر الـــدار دوره
عـــلى ياضيم طاح احسيـن دوره
هذولــــــــه ابطال كلمن اخذ دوره
وانه دوري فضــــيحة ال اميه


2

حال زينب
وســـــف زينب دهرهه حارباهه
وعلي ابصيت الحرايب حارباهه
عظيمه العقل تيّــــــــــه حارباهه
كِمَــلْ بيهه كِفــــاح الغـاضريه

[شيعيه ابا عن جد]

بسم الله الرحمن الرحيم
اللهم صلي على محمد وال محمد الطيبين اطاهرين

ما شاء الله تباركـ الرحمن
كلمات حزينه ومبكيه
باركــ الله بكم اخي الكريم
زكي الياسري
موفق بحق محمد وال محمد

[عاشقة النجف]

بسم الله الرحمن الرحيم

تبكي حروفك وتنعى لزينب ..
فوالهفي لقلبها الباكي وعينها الدامعه على فقد يعسوب الدين ..
بارك الله بكم سيدنا
اتقان في القصيده والكلمات
موفقين

[زكي الياسري]

الحمد لله الذي هدانا لهذا .. اختنا ( شيعيه ) واختنا عاشقة النجف .. لكنَ جزيل الشكر على هذا المرور العذب والاطراء العطر .. تقبل الله منا ومنكم .. وجعلنا وجعلكم من عتقائه من النار .. انه سميعٌ مجيب .. رعاكم الله تعالى وسدد خطاكم

[الخادم الجديد]

بارك الله بيك كلمات حلوه بحق العقيله

[زكي الياسري]

حيا الله الخادم الجديد .. اسأل الله ان يجعلنا جميعاً من خدام خدام الحسين

[نسايم]

اللهم صل على محمد وال محمد وعجل فرجهم وفرجنا بهم


سلمت يمناك اخي الكريم



ابحرت بنا في جمال الحروف

فهي في غاية الروعه

دمت بخير

[زكي الياسري]

نسايم مرت على صفحتي فمُلئت بنسايم العطر الولائي الخالص .. جزاك الله خير الجزاء اختنا العزيزه على هذا المرور العذب .. وأسال الله ان يتقبل اعمالكم في هذا الشهر الكريم .. انه سميع الدعاء .. دعواتكم