البنت اللي ماتعرف تطبخ تصلح ان تكون زوجه؟؟...

[q8iya]

السلام عليكم ورحمة الله وبركاته

البنت اللي ماتعرف تطبخ.. هل تصلح تكون زوجة!!!

تعال يا شاب يامقبل على الزواج.. هل راح تقبل شريكة حياتك بهذا الشكل!!!!

تخيل نفسك وانت راجع من الشغل ساعة 2 واكيد تعبان ومرهق.. وفجأة تكتشف انه مافيه غداء..

والسبب أن زوجتك العزيزة الغالية ماتعرف تطبخ!!!

وين المدرسة ومنهج التدبير المنزلي من هذاا!!!

لاتعليق


انا اتسآل وين دور الام في تعليم بناتها الطبخ؟!!

فيه منهن أحسن حالا ويعرفن يسوون البطاطس والبيض بأنواعه ( مقلي ، مسلوق ، وعيون ) وأحيانا يسوون شاي ولو انه مرات كثيرة يكون بدون سكر أو عسل كله سكر..

أنا هنا أتكلم عن جزء من البنات ولو انه صار عددهن يزيد

في السنوات الأخيرة.. هناك أسباب لهذي المشكلة وأهما:

1- وجود الخادمة
2- الأنشغال بالدراسة



يمكن يرد علي واحد ويقول الزواج مش طبخ.. حلووو بس هل تقدر تعيش بدون طبخ؟

راح تقولي :

فيه حاجه أسمها مطعم؟ حلو بس هل راح اتعيش طول حياتك كل يوم اذا جعت تروح المطعم .

والصباح تروح المطعم والظهر تروح المطعم والعشاء تروح المطعم.. هل راح تستحمل هذا؟؟؟

في الآخير أتسآل سؤال برىء.. اذا هذي البنت ماعرفت تطبخ فكيف راح تربي عيالك!!!!!


شو رايكم في هالكلام !!!!!!!!!

انا بصراحه عجبني الموضوع

وحبيت انقله واشوف ردوود افعالكم تجاه الموقف

[فلاان]

عليكم السلام والرحمة والاكرام

شكلج طباخة خيتي كويتية هههه

اللي ما تعرف تتعلم
واهم شي تكون عندها قابلية التعلم

و كل واحد بيكون على المستوى الي يطلبه في زوجته
يعني مثلا محد بياخذ دكتورة ويطلب منها غذا في وقت معين يوميا لأن وقتها ملك لعملها

وبالنسبة لي من النوع الي امل من اكل المطاعم
ومن النوع الي ما حاب اطيح عند احد اتغذا عنده حتى لو بيت قرايبيني
ما على قعدة البيت وما احلى من طباخ اهل البيت

واحنا في العادة في منطقتنا بعض الامهات تمنع بناتها من دخول المطبخ خوف عليهم
لكن من بداية فترة خطوبتها الام تمسك بنتها تدخلها وتعلمها
وكذلك البنت تتشجع للتعلم

ننتظر ارائكم ونكمل قرقة بعد آراء الاخوة ^_^

تشكرين على الموضوع خيتو

[عيمي كويتي]

اول شي مشكووره اختي على الموضوع الجمييل


احب اقول انه زوجتي شي مهم انها تعرف تطبخ و كل زوجه

و صدقوني مو قايل جذي بس علشان همي ابطني

لا

اذا الزوجه ماكانت تطبخ راح يصير تعب لازم خدامه لازم مطاعم لازم مادري شنو و و و و

و انه الزوجه تتطبخ لزوجها فيه فوايد كثيره مو بس تشبع بطنك لا الريال من يشوف زوجته تخدمه و تطبخله و تتعب نفسها اكيد راح تتحرك مشاعره لها و تكون مبادره جميله بين الطرفين تحطله الاكل يعطيها جم كلمه حلوه يبرد جبد المراه وجذي



طبعا بنات هل ايام ما اقول كلهم بعضهم

هههههههههههههههه

تسالين البنت ليش ماتعرفين تطبخين

الجواب


ريحت الاكل تلصق فيني


دلع ماله حدود في بعض بنات هل زمن



و انا قاعد اكتب ولا جاوبة سؤالج ههههههه

يالله جوابي

اذا زوجتي ماتعرف تطبخ مو مشكله اخذها بعدين احاول اعلمها بس ياريت اطيح على وحده طباااخه هههههههه

و عن ناحيت شلون تربي الاعيال اهو التربيه شي و الاطباخ شي ثاني هههههه

بالعكس يعني مثل ماتطبخ راح يكون عندها وقت اكثر انها تربي و تعلم عيالها

اهو صح فيه شي غلط ربة بيت و ماتعرف تطبخ يعني مو شي طبيعي هههههه


وهذه رااي انا و انشاء الله تتقبلوه (:

سامحونا على الاطاله

تحياتي اخوكم عيمي

[عاشق الأكرف]

عليكم السلام والرحمة

وكل عام وانتم بخير

خوش سؤال وموضوع

واول شي لابد كلنا نعرف ان طباخ الزوجة لزوجها مو واجب عليها شرعا يعني هذا كرم منها

والواجب ان انت الي تطعمها بالشكل المناسب

لكن من حب الزوجة لزوجها وبيتها تتعلم وتطبخ

وصار عيب اجتماعي ان البنت المتزوجة ماتعرف تطبخ لزوجها شي

يعني لابد فترة الخطوبة يكون فترة تدريب وتأهيل لطباخ الزوجة وبيكون هذا ذوق منها لانها بتراعي زوجها والمجتمع

والزوج يحب ان تتفنن زوجتة في هالشي افضل من الطاعم والخدامات وغيره .......


وشكرا لك على الطرح المفيد:)

[البحرانية]

شيئ جميل ان يتزوج الشاب فتاة تجيد اعمال البيت وتدبيرة ومنها الطبخ وتربية الابناء لينعما بحياة صحية واقتصادية ,, وهذا الشيءلا ياتي من الفراغ وانما تصقلة وتتدريب علية البنت في بيت ابيها قبل الانتقال لبيت الزوجية التي ستكون فية ملكة وسيكون زوجها وابنائها ممكلكتها التي تديرها ,,

يعطيك العافية اختي كويتية على الطرح المفيد
وان شااء الله البنات المقبلات على الزواج ينتبهوا لهذي الخطوة المهمة بعد معرفتهم باراء الشباب ,, فكل الشباب يحتاج الى ربة بيت ممتازةاكثر من احتياجة الى زوجة عاملة ,,

وان لا يتتدمروا عندما تطلب منهم امهاتهم مساعدتهم في اعمال المطبخ والطبخ بحجة الدراسة او الجلوس لساعات طويلة اما م التلفزيون او الكمبيوتراو بحجة ان رائحة الطبخ والثوم تعلق في ثيابهم وضيع وقتها في امورا لا طائل منها وبعد ذلك تندم ’’ فقد عايشت اخوات من هذا النوع ورايتهم نادمين على اهمالهم لهذي المهمة ,,
تقبلي مروري وتحياااااتي

[q8iya]

مشكورين على آراءكم

لا وانت الصاج يا اخوي آنا ما اعرف اطبخ ولا احب الطبخ لكن عندي قابليه اني اتعلم انشالله لي ملجت

ومثل ماقال اخوي عاشق الاكرف ان هذا كرم من البنت انها تطبخ لزوجها مو غصبن عليها بس شي حلو انها تطبخله لأن الوصول لقلب الرجل معدته ووناااسه لي طبخت حق زوجي وقالي كلام حلو جذي بتفنن بالطبخ حتى لو ما أحبه لوووووووووووووووووووووول

[فلاان]

ههههه

الحمد لله اعتراف من حواء


ووناااسه لي طبخت حق زوجي وقالي كلام حلو جذي بتفنن بالطبخ حتى لو ما أحبه لوووووووووووووووووووووول




:d

احنا خلها تطبخ و نقول ليها كلام حلو بس اهم شي نذوق شي حتى لو مو حلو بنمدح جان تتفنن خخخ

[فاطمه مصطفى]

ههههههههههههههههه
اذا كان راي الشباب كذا
انا من اليوم ورااايح بتعلم من امي اطبخ
مع اني اعرف لكن ابي اتعلم اكثر ^.*

تسلمين حبيبتي على الموضوع

[q8iya]

اي اكيد بطبخله لأن السالفه فيها كلام حلو خخخخخخخخخ

تسلمون على الراي :)

[رافضي عنواني]

السلام عليكم

هذا الموضوع للشباب المقبلين على الزواج:(
الله يبعدنا:d

اذا ما تعرف تطبخ
مثل ما دخلت للبيت ترجع لاهلها
تاخذ دورة عند امها شهر وعشر ايام حتى تعرف تطبخ

[البحرانية]

السلام عليكم

هذا الموضوع للشباب المقبلين على الزواج:(
الله يبعدنا:d

اذا ما تعرف تطبخ
مثل ما دخلت للبيت ترجع لاهلها
تاخذ دورة عند امها شهر وعشر ايام حتى تعرف تطبخ


:):):)

يااااحرااااام

هذا حكم تعسفي

والله ورسولة ما يقبل فية ,,

وثانيا ليس واجب عليها ان تطبخ اليك ,,

ان طبخت من طوع نفسها والا جيب لك طباخة تطبخ لك ولعيالك :p

[q8iya]

أووووووووووووله شدعوه عليك يارافضي!!!!

وصلت انك تقولها رجعي بيت اهلج وليش للمقبلين على الزواج؟

واصلا انتوا بتاخذوة زوجه مو خدامه عشان غصبن عليها تطبخ حف زوجها واسأل اي شيخ او سيد بخصوص هالموضوع وانت اللي لازم تييبلها طباخه عرفت واذا دشت المطبخ وطبخت حق زوجها لقمه فهذا طيب منها عرفت :)

[فلاان]

خ خ خ

بدأ النقاش يحتد والاراء تتشربك :d


راااااااااافضي دخيلك اذا بترجعها البيت .. ما تدخل بيت اهلها إلا بطبق بيض وكيس بهارات
وكيلو لحم و 3 دجاجات :d

و الله يبلغنا فيك ونسمع خبر زواجكـ ;)
وزواجي وياك يا رب :$

هههه

اللطيف ان عرفنا ان الكلمة الحلوة حتى في الطبخ تشجع البنت على الطباخ حتى لو طباخها ( أي شي )

وتذكرت المقولة البارحة .. وكنت مع الاهل والعمة في المطعم وطلبنا كريم كرامل

جربتها .. قلت للعمة ما توصل لمستوى الي تسويها ;)

ويلا حصلنا لينا تزبيطة الحمد لله والمهم بالكلمة الحلوة نكسب القلب خ خ

>>> مع ان الطعم كأنه متشابه (6)

[رافضي عنواني]

السلام عليكم

الاخت البحرانية والاختq8iya على كيفكم معي

انا اعرف هذا الشىء
لكن اسألكم بالله اذا اني ما اعرف اطبخ والزوجة ما تعرف تطبخ واكل البيت اطيب من اكل المطاعم يعني اموت من الجوع
فهذا العرف السائد ان الزوجة تطبخ اذا ما تعرف تطبخ يكون عندها نقص امام باقي الزوجات
تصورن النساء من يجلسن فاتحة او عرس على حد سواء سوالف دك وحده تقول انا اطبخ لزوجي كذا وكذا ووحدة تقول ما اعرف اطبخ
من التي ترفع راسها اكثر؟
وحتى نرى كثير من الشابات عندما تطبخ طبخه تفتخر وتقول طبخت كذا او كذا وتاكل راسك ودوخك!!

اما فلان ان شاء الله عرسي وعرسك معا في يوم واحد
بس لا تستعجل خلينا مرتاحين
وما حصلنا منك كريم كراميل شو يابسه ليش؟!!

[q8iya]

لووووووووووووووووول حلوة هذي الكريم كراميل يابسه يعني مو ذايبه لووووول

شوفوا آنا ضد البنت اللي ماتعرف تطبخ نهائيا لأن شي حلو لي عزم اهله وزوجته اهي اللي طبختلهم بترفع راسه جذي وبيقولون زين ماخترت

بس آنا ما اعرف اطبخ وانشالله لي ملجت راح اتعلم الطبخ غصبا علي p:

[رافضي عنواني]

هو اني لو اعرف هذا الوووووووول شنو جان ارتاحيت

اليابسه اقصد يعني ما بين منه شىء تقريبا بخيل حاشا فلان من البخل

والطبخ حين الخطوبة يصير الاكل مو زين
اول اسبوع مدللة ثاني سبوع تطبخ ثالث اسبوع تكنس وتمسح وتطبخ ورابع اسبوع تروح للسوق تتسوق وخامس اسبوع تروح للسوق وتروح الفواتح والاعراس وسادس اسبوع تعجبج الوضعية اهلا وسهلا ما تعجبج الباب يوسع جمل!!!!

هههه

[q8iya]

لوووووووووووول يعني ههههههههههه اهي ضحكه النت :)

ها عرفت معناتهها خخخخخخخخخخخخخخ

[هبه الله 2]

اني لعد عمري 27 بس ما اعرف اطبخ ههههههههههههههه
او لان اني ممزوجه ولا مخطوبه بيت اهلي امي الى تطبخ ههههههههههههه

[فلاان]

خخخخ

لاا خيو ما نخليها يابسة افا عليك ;)

تفضل
http://www.cuocazzo.com/creme_caramel.jpg

و جا في بالي الآتي ..
الحين هل توقف الامر على ان الزوجة الصالحة من غير الصالحة هي التي تجيد الطبخ ؟

يعني يمكن وحدة مؤمنة قايمة بواجباتها مع زوجها بس ويش ما سوت ما تفلح في الطبخ >> مع انها تحاول

بس شنو ما سوت ما تترقع معاها
و بعض الامور شطارة + مهارة

شنو رآيكمـ ؟

[صبر الدنيا]

كلام صحيح الواحده من تنخطب خلاص لازم تعرف

[ألنور الأقدس]

السلام عليكم

اسمحوا لي يا اخواتي واخوتي الاعزاء ان اعطي رأيي بالموضوع

مو شرط البنت تعرف تطبخ حتى تتزوج يعني على كلامكم كثير بنات يبقون بدون زواج

واصلا الشرع والدين لايلزم المرأة بان تطبخ لزوجها المفروض يوفر لها زوجها خادمة

لكن ومن منطلق ان المرأة بطبيعتها تحب ان تكون سيدة في بيتها
وتحب ان تطعم زوجها واولادها من ايدها الاولى
ان البنت تتعلم فنون الطبخ والطهو


نصيحة لكل الاخوات ان تتعلم الطبخ في بيت اهلها صدقوني

الطبخ والمطبخ شيء جدا جميل واثبات للشخصية


عذرا للاطالة

تقبلو اطلالتي

[q8iya]

صح كلامج اختي عاشقه الامام 100%

[رافضي عنواني]

مشكوووووووووور فلان على الكريم ما قصرت

ومبين على عاشقة طباخة بس تحب تدافع على صديقاتها

ما علينا المهم فلان انت ترضى تاخذ وحده ما تعرف تطبخ تقلك روح اشتري من برا!!!

[عيمي كويتي]

اختي عاشقة
اسمحيلي بس انا اعارضج

الزوج لازم ايب للزوجه خدامه !!!!!!!!!!!

غلط مو لازم تكون عند الزوجه خدامه

ماشوف بدين الله يقول لازم اتيب وحده تخدم الزوجه

انا ماقولج لا مايجوز انه الريال ايب خادمه لا بالعكس فاطمة الزهراء عليها السلام كان عندها خادمة فضة

الي بوصله انه مو اجباري انه الزوج ايب حق زوجته خادمه

و الي بعد احب اقوله اذا الريال ياب للزوجه خادمه مو معناته تقعد في احلا مكان بالبيت جدام التلفزيون وتخلي التربيه و الشغل كله على الخدامه

الخادمه اتساعد الزوجه مو تاخذ شغل الزوجه اتساااعدهااااااا وهذي اكبر غلطه الريال ايب خدامه بعد ماتشوفين رقعت ويه الام بالبيت بعض الامهات جذي

البعض



موكلهم

ولا بالعكس في امهات على الراس ينحطون

ومشكوورين

[q8iya]

اسمحلي عيمي اقولك حتى الزوجة اهي مو مجبورة انها تطبخ حق زوجها

اخذها زوجه مو خدامه والدين بعد ماقال غصبن عليج تطبخين

[عيمي كويتي]

اي خيتي انا



انا مااقول انها غصبا عليها تتطبخ لالالالا
انا الي قاعد اقوله انه الافضل انها تطبخ الافضل انها تتعلم ماقول غصبا عليها
(طبعا مفهوم اول مشاركة كتبتها )

وثاني شي صح الاطباخ للزوج مو اجباري بس ترضيه اجباري اذا زوج المراة موراضي عنها بجهنم خالصه اهي

ولمن تشبع بطن الريال نوع من ارضاء الزوج

فالافضل على المراة انها تتعلم بسموغصب

الحق ينقال خيتي

بس انشاء الله ماكو زعل

[q8iya]

وي طاع هذا اي زعل!!!

لايبا لازعل وولا شي الله لاييب الزعل بين الشيعه احم احم

وصح كلامك دام ان هذا قصدك

تدري عاد والله ان قبل رمضان بجم يوم انخطبت ولا اخته تقولي يافلانه تعرفين تطبخين عاد انا ماجذبت وقلتلها لا جان تقولي ليش لا ماتدرين ان الوصول الي قلب الرجل معدته لووووول كان ودي اقوم لها وابطل الباب واقولها براااااااااااااااا خخخخخخخخخخخخخخخخخخ

[لحن القمر]

^^ كنت متابعه لردودكم مررة حليوة هههه
مثل ماقالت لك خت خطيبك الوصول الى قلب الرجل من معته ..
لكن جميل ان الوحدة تتعلم لها كم شغله عشان تدلل زوجها
وعلى الاقل عشان تحصل لها كلمه مدح منه خخ

بس اني مامرة صادفت وحدة تقول ماتعرف تطبخ حتى الا اعرفهم
ونخطبوا شاطرين في الطباخ واني منهم :$

بس كانت معنا وحدة اللعام في الفصل انخطبت هي تعرف تطبخ
بس ماتعرف وبش تطبخ كل خميس كان خطيبها يجي يتعشى عندها
ويوم الاربعاء لازم تجي الى الامزوجه وتقول لها قولي ليي طبخات
وتعطيها المقادير ..
لان كان زوجها يدرس في الاحساء ومن ينزل البلد يروح لها فلازم
تملي بطنه بعد جوع اسبوع :D


مع أن الطباخ مو واجب شرعي مثل ماقلتوا لكن جميل الوحدة تذوق زوجها شي
من يدها الحلوة :p



موفقين لكل خير وإن شاء الله الكل يحصل له وحدة تريحه في الطباخ ;)


تحياتي لكم
لحن القمر

[فلاان]

يا يبه ويا يمه

هالمثل الوصول لقلب الرجل معدته راح وولى

الحين الرجال ما يبي يدخل البيت على ريحة ثوم و ملابس زوجته سمج و دم كانها قصابه :d

يبي زيادة للمعدة قلب وحنان وعاطفة >>> لذلك البنات هلآيام متشيطرين في طباخ الحلا والكيك خخ

[البحرانية]

وانت الصادق اخي فلان
بنات اليوم مو شاطرين الى في عمل الحلويات والكيك
اول شيء يتعلموه في المطبخ,,
وبعيدن الين تطورت البنت تعلمت كيف تطبخ المكرونية والكشري

اقول لكم يا شباب هذا الامر يعتمد على الزوج نفسة
وليست الزوجة ..
في رجال لا يطيق ان تدخل زوجتة مطبخ ,,
وساروي لكم هذه القصة من واقعي وعليكم ان تحكموا

اخي مثلا متزوج من اربع سنوات ولدية بنت وولد..
عايشين في بيت مستقل فية جميع لوازم المطبخ والطبيخ من يوم زواجهم المصون ..
قبل اسابيع من رمضان قرروا يضعوا بعد التعديلات على البيت الي يعيشون فية
فاطريت ان استضيفهم في بيتي لبضع اسابيع..
اكتشفت واني معاهم في البيت بان زوجتة لا تعرف تعمل حتى كوب شاي
؟؟ استغربت في بادئ الامر .. كيف كانوا عايشين طوال هذه السنوات الاربع لوحدهم؟؟
وبعد ذلك عرفت منها بان زوجها متقبل الوضع ومرتاح منة ,,
واذا ارادوا اكل طبخ البيت ذهبوا الى بيت اهلها او بيت اهلة او اي احد من الاقارب والاصدقاء
ولاكأن شيء يحدث اهااااا
الى هذه اللحظة لم اتحدث مع اخي في هذاالامر لحتى لا يكون فية اي احراج لةاو لزوجتة ,,
ويعتبروني باني اتدخل في شئونهم الخاصة ..
واني بقرارة نفسي ساعرف جوابة مقدما ,,
بان الزوجة ليست مجبورة ان تطبخ الية

هذه القصة حقيقية وليست من واقع خيالي والله شاهد على كل كلمة انقلها لكم
فما رئيكم وما تعليقكم يا شبااااب ؟؟؟؟؟؟

[ربيبة الزهـراء]

الصراحة ابنية الي ما تتطبخ لازم تتعلم
عجل جيفى بتطبخ الى رجلها و عيالها
ليكون من مطاعم
حلاوة ابنية تتطبخ الى رجلها بأيديها


والله يسعدكم يارب

[لحن القمر]

مو عشان كذا حجي فلاان البنات يطيحوا في الحلا والكيك
لان أبسط أريح الى الوحدة ..
واني وحدة صحيح دوم اسوي هذي الطبخات لخفاف من الحلويات
والكيك ..
لكن دكوا اسمي أطبخ .. يعني اسو سمك مقلي والله ماصير طباخه ..؟!

[فلاان]

هههه

مم تعليقي على ام حسن

اخي مثلا متزوج من اربع سنوات
افتكرت متزوج اربع حريم قلت رجال :p

هه الله يخليه ليكم ان شاء الله

وبالنسبة لي غير مستعد اني يوميا اتغذا برا البيت او من مطعم
حتى اني لما سافروا الاهل وبقينا شباب في البيت كل يوم عزيمة
في بيت الجد او احدى العمات او الخالات
واحيانا اعتذر او اعزمهم يجون البيت او اني ارسل ليهم من غذاي الي نطبخه احنا الشباب
مافي احلا من جلسة البيت واكل البيت في هالاوقات
استثقل كثرة العزايم حتى لو بيت اهلي او جدي ..

والحمد لله اختبرت الاهل في تسواة الشاي وزبطوه بس يبغى ليهم اكتساب خبرة حتى نعطيهم الشهادة هههه

وطيب الله انفاسكم اختي ربيبة :D

وسيدة لحن .. بالعكس .. انا اقول دام البنت طبخت هالحلويات والكيك .. بتبدع في الولائم والسبب اني اشوف هالحلى اصعب من غيره
يبغى له الف شغلة ومشغلة ومن فرن لثلاجة وتوقيت ومدري شننو

وانا اشوف خواتي اذا بيسوون هالحلا من الظهر للمغرب اذا بيسوون شي مرتب
او ايام العيد سهر للفجر على ترتيب هالكيك وتزيين

ودام تسوون حلويات ما نقول طباخات
بنقول معلمة حلويات ;)>> مثل الي في المخابز هه

[عاشق الأكرف]

ردا على ام حسن

القصة جميلة وتعطي الانسان عبرة ان هالشي وطباخ الزوجة راجع مثل ماقلتي لزوج نفسة

يعني بعض الازواج راضي ان زوجتة ماتطبخ في الشهر الا مرة واعرف واحد متزوج صار له تقريبا 15 سنة

وزجتة تعرف تطبخ بس مو داك الزود بس تعرف لكن كل عشياتهم وغذاهم كله من برا من المطاعم

والرجال مرتاح

ومقولة الطريق الى قلب الرجل معدته للحين قائما

خلافا لكلامك خيو فلانو

للحين الرجال تحب ان زوجتة تطبخ وتتفنن في هالشي حتى لو ريحت البيت معتفسة

لان بالعقل كل شي له حدود ووقت يعني وقت الطباخ اكيد بيكون فيه روحة الطباخ مو ريحة دهن عود مثلا.....!!!!!

ولما تكون الزوجة من النوع الا تتقن هالطبخات سواء حلويات او موالح اكيد اكيد مابتكون بكل كشختها ومتمكيجة ........!!


لابد نقدر ان وقت الراحة شي وحاله ووقت الشغل والطباخ شي وحاله اخرى

والا يبغى السح مايقول احح

وننتظر رد البقية :)

[فلاان]

وياك وياك عشوق مو مختلف ابد باللي قلته

لكن هالقاعدة ما احبها والسبب عاطي حواء فكرة غلط
ان (اترسي) بطن زوجش ولا عليش وبتكسبين قلبه !_!.


صحيح حلو تشوف زوجتك معتفسة بالطباخ لكن مو مثل ما البعض متصور ان طريق القلب المعدة معناها حياتها في المطبخ

بعض الحريم عليهم حركات خخ مثل قريبتي موتها هالطبخ .. زهقانة قامت تطبخ وتتفنن
وبعدين الله يعين اذا خلصت الطبخة تتصل وتعال ودي لبيت فلان وعلان << موت الرجال هالتوصيلات الي في اوقات غير شكل

[ربيبة الزهـراء]

هو في بنات ما تتطبخ او ما تدخل المطبخ
طبعاً الشغالة في البيوت ..
بس احنا عننا ابنية تتطبخ الى رجلها ولا تتطلب من برا
هو صحيح تتطلب من برا
بس حلاوة الشيء بيد ..


تعليقي ع البحرانية


ده ده كوب شاي هه ويش ه الحالة بعد عفــر ..
شاي ما قلنا قهوى
هذه البنت اسمحلي دلوعه او طلعت من بيت ابوها ما تعرف شيء

عجل جيفى اسوي الى رجلها شاي


لازم تتعلم ههههههههههـ

الصراحة قصة مستغربة منها ..

[فاطمه مصطفى]

ههههههههههههه
انا اقول ان البنت حتى اذا كانت ماتعرف تطبخ عادي
بس اذا انخطبت لازم تتعلم يكون احسن ^.^

وهذا جوابي

[البحرانية]

افتكرت متزوج اربع حريم قلت رجال :p

هه الله يخليه ليكم ان شاء الله

وبالنسبة لي غير مستعد اني يوميا اتغذا برا البيت او من مطعم
حتى اني لما سافروا الاهل وبقينا شباب في البيت كل يوم عزيمة
في بيت الجد او احدى العمات او الخالات
واحيانا اعتذر او اعزمهم يجون البيت او اني ارسل ليهم من غذاي الي نطبخه احنا الشباب
مافي احلا من جلسة البيت واكل البيت في هالاوقات
استثقل كثرة العزايم حتى لو بيت اهلي او جدي ..

:):):)
رحم الله والديك اخي فلان لقد اسعدني تعليقك
عن جد احس ان المسالة غير مضبوطة بالنسبة لاخي وزوجتة ,,

شرعا ليس واجب علىالزوجة ان تقوم بواجباتهاالمنزلية وان كل ماتقوم بة من طباخ وتربية الاطفال وتنظيف مستحب وليس واجب منها ..

ولكن العرف والواقع شيء ثاني ,, اظن اي امراة اي ان كانت ستكون مرتاحة نفسيا عندما تقدم الطعام لزوجها واطفالها ,,

وبيني وبينكم اتضايق عندما اطبخ الغذاء وياتيني زوجي او احد ابنائي ويقول لي انة قد تغذى في الخارج او في بيت احد من اصحابة ,, واجلس طوال اليوم احن على راسهم ههههههه
واعتقد ان مانفعلة المراة اتجاه اسرتها قانون من قوانين الطبيعة من خلق ادم وامنا حواء عليهما السلام الى وقتنا الحاضر ..

[البحرانية]

اخي عاشق الاكرف الف شكرلك علىالتعليق الحلو والواقعي

الله يسعدك ياااارب ويهدي زوجتك علىالمطبخ اهااا

الله ما يحرمنا من تواصلكم

اختي ربيبة الزهراء الغالية
الف شكر على متابعتك للموضوع وتعليقك
عن جد يوجد بنات لا يعرفن اين يكون باب المطبخ
همهم ان يشبعوا بطونهم فحسب ولا يسالن عن جودة ما ياكلون
كل ماتفعلة بانها لما تجوع تطلب بالتلفون من اي مطعم مسجل اسمة بالدليل ان ياتي لها بالغذاء حتى ولو لم تكن تعرف مصدرة

[لحن القمر]

بس انت ويش قلت فلاان من قبل مشوة الصورة مررة
تقول الرجال يدخل البيت يشم ريحه البصل والثوب
والدم ليش جالسين في مجزرة ..؟؟!
تبغى الحنان ومادري ويش تقول طيب
هذا ماعليه خلاف بس كل شي وقته
فصبر لين تخلص طباخ وبتسبح وتشم فيها ريحه
الطيب واذت مابغى تشم فيها ريحه الطبخ أنت
أطبخ مكانها لان مابتقول لك ريحتك طباخ ^.^

[أرجوان]

الطبخ مهم بصراحه يعني مو معقولة الغدى والعشى كل يوم من المطاعم
الحمد لله أني أعرف أطبخ من كان عمري 16 سنه

مرة لمن عزمت خطيبي عالغدى كان جدا متخووف يقول الاكل شكله لذيذ
بس ما يندرى عن الطعم
بس لمن اكل وعجبه
صراحني وقال الحمد لله تطمنت على مستقبلي والله عطاني زوجه طباخه
يعني ما رح اعتمد لا على أمي ولا وعلى المطاعم
ودايما يقول اني ربة منزل ناحجه يارب أكون عند حسن ظنه..
نصيحه لجميع البنات اللي ما يعرفون يطبخون أو يعتمدون عالخادمات
لازم تتعلمون الطبخ
اشوي اشوي
مو تقولون دراسه
عندكم الخميس والجمعة إجازة
وعندكم العطلة الصيفية تعلموا فيها
ما رح تخسرون شي
لانه هذا أولا وأخيرا ً لكم مو لغيركم..

[q8iya]

احسنتي اختي وكلامج عين العقل:)

بارك الله فيج

[عاشق الأكرف]

كلامك صحيح فلاانوو

بس هالنوعية من الزوجات في هالوقت قليلة لان بنات الحين يفهمو وعارفين متطلبات بيت الزوجية اكثر يمكن من قبل

بسبب البرامج الثقافية والاعلام وغيرة وغيرة

يعني الا تقول بهم ان يفكرو ان تراس بطن الرجال هو افضل شي هذولا القديمين يمكن

لكن بنات الان تفكير اوعى

لان مابتاخذ الكلمة او المثل بتفاصيلها لان اساسا التفاصيل غلط

يعني بشكل معقول ومو بس المعقده المقصوده المقصود الاهتمام الكامل وان تعبي معده البطن ومعده العاطفة ومعده الحنان ومعده الاهتمام ...........

هذا المقصود بالمثل وهذا الفهم الصحيح له :)

[فلاان]

المقصود الاهتمام الكامل وان تعبي معده البطن ومعده العاطفة ومعده الحنان ومعده الاهتمام ...........


وكفى

هع :d

[عاشق الأكرف]

:لاتخاف على روحك بتتعبى من كل انواع المعده خخخخخ

واشوه انك قلت وكفى:cool: ........

[ربيبة الزهـراء]

ههههههههههههههـ
ونعم القول

يا عاشق

[عاشق الأكرف]

الله ينعم عليك خيتووو ربوب

حياك الله :)

[فاطمه مصطفى]

الحمد لله اني اعرف اطبخ بعض الطبخات :rolleyes:

وانشاء الله اتعلم اكثر ;)

والطبخ شئ مهم لنا نحن الفتيات ولازم نتعلمه :o

[حب أهل البيت جنة]

عادي الي ما تعرف تطبخ مردها في يوم من الايام بتتعلم ومااعتقد هذا شي يمنع الولد من ان يتزوجها ;)
وهذا شي طبيعي في البنات لان مو الكل يحب يدخل المطبخ ويشم ريحة البصل:p
ثانكس على الموضوع النايس

[q8iya]

اي والله صح كلامك 100%

وياحلو توقيعك :)

[q8iya]

اي والله صح كلامك 100%

وياحلو توقيعك :)

[فلاان]

ما شاء الله
كويتية هنا :)

الحمد لله على سلامتج .. وين هالغيبة ^^

:)

[الوحدانية]

السلام عليكم

موضوع جميل ، وردود أجمل

بالنسبة لي << وحده بدز تعرف تطبخ شي بسيط عن خاطري

من الجميل ان تطهو الزوجه لزوجها يكون الطعم غيررررررررررر

حتى لو تزوجت تتعلم عليه مرة مر مرة مالح مره محروق مره غير شكل

اهمش يكون الزوج عنده صبر اشوي فالزوجه بتكون افضل طباخه بعدين بالنسبة له

شكراً لكاتبة الموضوع

موفقين