علامك يوم قلت إنـي أبـي أرحـل تضايقتـي

[قصة قدر~]

علامك يوم قلت إنـي أبـي أرحـل تضايقتـي
وإنتي اللي أبـد مايـوم جيتـي تسألـي عنـي

وأنا اللي دايماً أسأل .. وإذا ماسأل.. ؟ تفرعنتي
تلومينـي وكنـي مخطـي وكـل الخطـا منـي

تجيني تشتكي منـي .. وإذا لمتـك..؟ تظلمتـي
وقلتـي إنـي القاسـي وقلتـي إنـي .. وإنـي

نسيتي من تودد لي ..؟! ويـوم انـك تمكنتـي
تفننتـي بتعذيبـي وصــدٍ صــار يقتلـنـي

ألا يا نعن أبـو غيـرك ألا وش طينـتك إنتـي
أنا صابر على جورك وأحبك من صغـر سنـي

ولا قدّرتي احاسيسي .. ! وتوك بـس قدّرتـي
عرفتي إن طيفك بس هـو اللـي دوم شاغلنـي

خلاص اليوم أنا بارحل .. وعفوا ..! لو تفضلتي
أبي كـل القصايـد والصـور والدفتـر البنـي

وابي كل ما وهبته لك وحتى احساسـي ووقتـي
عساني عقب ما أرحل أعيـش العمـر متهنـي

أنا أدري من اقوالـي ومـن افعالـي تفاجئتـي
سكوتك فجّر الصدمه..! وقلبـك صـار يلعنـي

ماعاد يهمنـي وضعـك وحتـى لـو تحطمتـي
وكم مـن زلـةٍ عـدت و خيبتـي بهـا ظنـي

وحتـى إعترافـك لـي بإنـك فينـي اذنبتـي
ما عـاد يغيّـر بنيـه مـن افعالـك تشاغلنـي

عطيني كل ما عندك .. ووعدي لـو تجمّلتـي?!
بأقول ان رايتك بيضا .. وأقول إن الخطا منـي