الى مسلم ابن عقيل عليه السلام (خلنسألهه عن السبب)

[زكي الياسري]

الى باب الحوائج ومنتهى غايه العارفين
مسلم ابن عقيل .. عليهما السلام .. كتبت هذه الابيات
و اهدي ثوابها الى اموات القراء الكرام .. واموات شيعة امير المؤمنين المنسيين .. و أسأل الباري القبول

　
خلنسألهه .. خلنسألهه ... عن السبب
الغدرت مسلم خلنسألهه ... عن السبب
مسلم تلميذ الكـــــــــــّرار
وارث علمه و ذو الفقــّار
خلنسألهه ...

****1****

بتكوين الانسان الفطري ... حب للخــير واهل الخير
فطره امن الباري جل شانه ... ما تحتاج الأي تفسير
لاجن هم ممكن تتـــــــــأثر ... هاي الفطره بجم تأثير
وتتغير بالواقع لو ضل ... وتبدي ابدرب الشر اتسير
اصل الفطره .. اصل الفطره ... خير العمل
ومن نتوانه بسقي ِ البذره ... ينشأ خلل
وبالتاريخ هواي امثال
خنــطالع و نشوف اشكَال؟؟
خلنسألهه ...

****2****

لبــطون التاكل بالصـالح ... ما ترضه بجـــور و عدوان
و الي انترست من الطالح ... احسن من عدهه الحيوان
وكَوم الينجمعت بالكوفه ... اكثرهـــــــــم فاكَـــــــد ايمان
منهم يتبع مـــــال ودنيه ... وقله المنهـجـــهه الـــــقرآن
من غروهه .. من غروهه ... اهل الوثن
حالاً جنتهم باعوهه ... برخص ثمن
تبعــوا خطوات الشيطان
وابتعدوا عن الرحمن
خلنسألهه ...

****3****

بالكوفه الوادم معروفه ... شيعه تحب حماي الجار
والواقع يشرح حالتهه ... انصار ونـِــــــعم الانصار
لاجن بالحيله وبالباطل ... و بسلـــــطة شام الاشرار
للجهلت قيمة واليهه ... صادوهـــــــــه بزود الدينار
لعبوا بيهه .. لعبوا بيهه ... اهل الغدر
بالارهاب استوله اعليهه ... فكر الشمر
وصارت ضد مسلم ثوار
وباعوا جـــــــنتهم بالنار
خلنسألهه ..

****4****

طوعه وهاني المنِّ الكوفه ... شمــسين بافق الاسلام
رفعة راس الهاي الدنيه ... يضل عالي ابدور الايــــام
وابن ِ زياد وشمر وعمرو ... وحجّار ابن ابجر ظـّـُلام
قارنهم وانظر للنـــــــــاتج ... واقع ذوله وذوله اوهام
طوعه وهاني .. طوعه وهاني ... شمس وكَمر
ويزيد و جيشه الســُــــــــــــــفياني ... الهم سقر
من الله هذا المـــيزان
لابد نهج الشــر ينهان
خلنسألهه ...

****5****

مسلم يوم الطب للكوفه ... آلاف اتــصــــــــافح يمناه
تتعاهد بالثوره تنصره ... وللموت اتــــــــحارب وياه
شلون اندارت بيهه الدنيه ... و تغير مخهه و فحواه
نفس البعثت برســــايلهه ... نفــــــس الي جانت تتناه
تالي الغدر .. تالي الغدر ... بيهه اتضح
من بعد ما بان الامر ... ســـرهه انفضح
ننشدهم شنهو الي صار
عد مسلم الهم يا ثار؟
خالنسألهه ..

****6****

صوره امن الصار انترجمهه ... بحروف الحكَـ والوجدان
من دارت كلهه اعله الفارس ... مسلم و بـــــذاك الميدان
وحده و آلاف البي حاطت ... من سيفه بكل صِـــل نيشان
ذكرهه ابحيدر وبســـــــيفه ... خلاهه اتلــــــوج الشجعان
لا متهمه .. لا متهــمه ... مسلم بطــــل
كل واحد يكَرب من يمه .. راسه انفصل
و تاليهه حفرت بالكَاع
و التمت اعليه اضباع
خالنسألهه .. خلنسألهه ... عن السببْ ؟؟


تمت بعون الله تعالى
ليلة السابع من ذي القعده 1430
26/اكتوبر/2009
زكي الياسري

[ايمان حسيني]

سلام من الله على سيدي مسلم ابن عقيل
عليه وعلى آبائه السلام
شكرا جزيلا لكم اخي الطيب سلمكم الله على اهدائكم
ممتنه كثيرا رحم الله امواتنا جميعا
قصيده جميله جدا اتشرف بكوني اول من مر ليتعطر بعطر
كلماتكم الولائيه
حماك الله وقضى حوائجك بحق محمد وال محمد

[العاملي الحقيقي]

الأخ الشاعر الياسري
أبارك هذه العطاء الشامخ، جزاك الله تعالى خير الجزاء وجعلك مقبولا لدى أئمتنا الأطهار ولدى سيدنا مسلم بن عقيل عليه السلام.
مرتضى

[زكي الياسري]

الفاضله الكريمه .. ايمان حسيني .. مروركم انار الحروف .. اسال الباري جل شأنه ان يمن عليكم بالصحه والامان .. ويديم تاييده لكم على مجهودكم الجليل في سبيل الاطهار .. حياكم الله

[زكي الياسري]

الاديب الفذ .. شاعرنا الجميل الجليل .. العاملي .. من مثلي وقد ارتضى حرورفي مرتضى ؟؟
حياك الله تعالى و ادامك لنا شمساً تضئ جنبات المنتدى بوهج الولايه الحيدريه .. و دفءٌ يسكن القوافي بالمحبه الفاطميه .. و حروف تقارع النواصب .. بقوافي كربلائيه .. حياك الله

[الروح]

اللهمَ صلِ على محمدٍ وآل محمد
سلام الله على سفير أبوعبدالله مسلم بن عقيل
وفقك الله أخي
ورحم الله أمواتكم وامواتنا وأموات الموالين

تحياااتي