ليلى و الاكبر .. اوفيني يبني بهاي

[زكي الياسري]

اهدي ثوابها الى اموات القراء الكرام .. و اموات شيعة امير المؤمنين المنسيين من لا ذاكر لهم يذكرهم
واسأل الله ان يعطيني بها شفاعة ليلى و الاكبر عليهما السلام
وأسألكم الدعاء
نــَشِّــِفْ دمع عيناي ... يبني علي
يا سلوتي و رجواي ... يبني علي
لا لا تِضَيّـع إرباي
اوفيني يبني بهاي
يبني علي
***1***
يبني بساعة اوداعك احس روحي
مثل تابوت نوح و ترسته اجروحي
تقاســيم الوجه بالفاجعه توحي
و تكَـل لمك يلـيله الهلكَمر نوحي
سلّـِــمني للاحزان ... يبني علي
ريت العُمُر لا جان ... يبني علي
تانيني يا منواي
اوفيني يبني بهاي
يبني علي
***2***
يريت الموت مرني و لا خذك منّي
و تراب الكَاع كَبلك يـَلولد طمني
انه الــكَــُربك ييمه ابـفيه هيمّني
شلون اكَدر على فـَركَاك علِِّـــمّني
لا لا تضن انساك ... يبني علي
ميته بلا ذكراك ... يبني علي
باقي يضل وياي
اوفيني يبني بهاي
يبني علي
***3***
اجر حسرات حسره تِـتّبع حسره
يماي العين فكَدك فاجعه كبره
الكَلب يوليدي ما يحمل بعد صبره
وَحكَـ ضلع الزجيه فاطمه الزهره
ردلي الربه الربيت ... يبني علي
توفي انه اتمنيت ... يبني علي
ردتك ذخر دنياي
اوفيني يبني بهاي
يبني علي
***4***
ششد بجروح روحي تنفتحلي جروح
ويضل ميزاب دمعي بكل وكت مسفوح
ييمه و بــــاب حزني للأبد مفتوح
ونيني خـــــالد ابونة حمام الدوح
ون الحزن ونيت ... يبني علي
كَبلك متت ياريت ... يبني علي
يبني ونضر عيناي
اوفيلي يبني بهاي
يبني علي
***5***
رماني دهري بسهامه و اخذ مني
اعز سلوه و اعز ذكره و كثر وني
الوج و انتحب لو ناشدت عني
حرام اعليه لو عكَبك ضحك سني
دمعي نهر سيال ... يبني علي
ما جانت اعله البال ... يبني علي
تتركني و بّـــلوآي
اوفيني يبني بهاي
يبني علي
***6***
شمس ايامي يمه و بهجة اسنيني
ييمه ابطيحتك بس دمعتي بعيني
يحن حته الصخر لو يسمع اونيني
وبكَت بس ذكريات الود تواسيني
يا ثمرة الدلاّل ... يبني علي
يا شجرة الآمال ... يبني علي
يرويهه دمعي بماي
اوفيني يبني بهاي
يبني علي
تمت بحمد الله تعالى
03/11/2009

زكي
اليـ النجفي ـاسري
كيل

[فاطمه مصطفى]

السلام عليكم ورحمة الله وبركاته

اشكركِ اخي زكـي على الكلمآت المؤثرة
لكـ خالصـ شكري انثرهُ لكـ تعبيراً عن شكري

[زكي الياسري]

حيا الله تعالى اختنا الفاضله الكريمه .. فــــــــــــــاطمه مصــــطــــفـــــــــــــى على المرور والاطراء العطرين

[ربيبة الزهـراء]

السلام عليكم

الله يرحم امواتنا و اموات شيعه علي ع ..
حقيقة كلماتكم شاعرنا مؤثـرة تماماً ..

اشكرك مولاي

محفوظين انشاءالله ..

[نسايم]

اللهم صل على محمد وال محمد وعجل فرجهم وفرجنا بهم

حروف تجمعت كونت أجمل وأروع كلمات

دام لنا فيض قلمك الولائي

سلمت يمناك

وجُزيت الجنان ومجالسة رسول الله وشبيه رسول الله خلقاً وخُلقاً

ننتظر ابداعاتك القادمة بشوق

دمت بولاء الأطهار ...

[نور المستوحشين]

السلام على الحسين وعلى علي بن الحسين وعلى اولاد الحسين وعلى انصار الحسين

هنيئا لكم هذه القريحة الولائية الحسينية أخي الكريم

بورك قلمكم وسددت خطاكم بجاه شبيه المصطفى

ونسألكم الدعاء

تحياااتي نور...

[زكي الياسري]

الفاضلات الفاطميات الزينبيات .. ربيبة الزهراء .. و مشرفتنا العزيزه الاخت نسايم .. و مشرفتنا الفاضله الكريمه .. نور المستوحشين .. أسال الباري ان يوفقكم لكل خير .. و يديم عطائكم الثر .. ومثابرتكم الرائعه الدائمه .. في خدمة شيعة الحق في هذا المنتدى العالمي .. جعلكم الله دوماً في قمم العلاء العلوي و الشموخ الفاطمي .. و الاباء الحسيني .. انه سميع مجيب .. حياكم الله تعالى