(((((((( سوالف يهالنا ويهالكم )))))))

[أميرة الإحساس شيعية]

السلام عليكم ورحمة الله وبركاته


شو رايكم نتسلى مع سوالف اليهالو
اكيد كل بيت في اطفال >>الله يخليهم اليكم
واذا في اطفال يعني في اكشنات
وشو رايكم كل واحد يقول الينا اكشنيشن اطفالهم
وقصصهم الي ما تخلص

واني ببدأبأطفالنا
اليوم واني جالسه على النت ..واليهالو معي في الغرفه والنقاش بينهم حااااااااااد جدأًً
كان موضوعهم على القمر وحقيقته<< مو يهال فلكيين
الولد يقول....ترى القمر عباره عن غازات متجمعه مع بعض وكل شوي يقل الغاز ...عشان كذا ساعات كبير وساعات صغير
والبنت ترد لااااااااااااااااااااااااااااااا اصلا القمر عباره عن جبنه وكل يوم يجي واحد يأكل منا شوي
عاد اني ما قدرت اقاوم خزعبلاتهم وضحكت وخربت عليهم النقاش الحاد

يا الله جاء دور اطفال بيتكم
واكشناتهم
واذا صار جديد برجع اوافيكم بلاخبار..


تحياتي
أميرة الإحساس

[البحرانية]

اختيار موفق اختي اميرة الاحساس

بارك الله فيك

وان شااء الله لي عودة للموضوع

في انتظار اكشنات اطفالكم

تحيااااتي وتقديري

[الحانية]

مشكورة خيتو بصراحة موضوع جميل وممتع
مافي بالي شي الحين من قصص وسوالف خواتي الصغار
بس ماقدرت ادخل على الموضوع وماارد ....
لي عودة مرة ثانية
تحياتي لج 00000

[البتول الزهراء]

اشحلاتهم .. الله يخليهم لاهاليهم

* واحد من يهالنا يوم حرقته الشمس
قال لابوه: بابا قصر على حرارة الشمس شوي

ههههههههه

بايخة، لكن اذا تطلع من ياهل في عمر سنتين وشوي وهو في حالة انفعال من حرقة الشمس
ومصدق انه من الممكن تقصير حرارة الشمس يصير الموقف طريف جدا

* اليهال بشكل عام عليهم طلعات مضحكة .. ولفتات وأسئلة ذكية

تحياتي

البتول الزهراء

[moon808]

والله موضوع حلو وأنا ولدي يسوي افلام ماأحد يسويها مع أحترامي لأطفالكم بس كل أم تحس انه مافي أحد أذكى من عيالها ولاأحسن منهم انا ولدي عمره3سنوات والكل من أهلي يشهد على ذكائه قولو ماشاء الله وفي مواقف كثيره يفحمني بجواب بسيط بس مايحضرني الحين الا موقف حصل من يومين طولتها عليكم بس تحملوني
حاولت أجلسة من النوم ورفض انة يجلس الولد يحب النوم فكرت في أكثر شي يحبه وطبعا كان المطر
قلت له قوم حبيبي الحين بطيح المطر فتح نص عينه وقالي بصيغة سؤال ماما الله خلق المطر؟ قلت له ايه
عدل المخده وقالي الله بعد خلق النوم وأنا ابغى انام
أنا طبعا ضحكت عليه وخليته ينام

[Яëđ ƒłοωëŕ]

ههههههههه
الأطفال دائماً ظريفين
تسلمين أمورة على الطرح

[فاطمه مصطفى]

ههههههههههههههههه
مشاء الله عليهم

اما انا مره اختي عمرها 8 سنوات شافت طيآره قالت لي
فاطمة اي كوكب بيروحون له انا عآد ماتحملت وضحكت
تقول ليش تضحكين والله صج اي كوكب على بالها
اي احد يركب الطياره يروح كوكب ثاني
مو في الكوره الأرضيه خخخخ

تسلمين حبيبتي امووره على السوالف الحلــوه

[البحرانية]

السلام عليكم

ها اني عدت كما وعدتكم :)

نعم الجهال لهم في كل لحظة من حياتهم اكشنات لاتعد ولاتحصى

تمر علينا نضحك حينا ونبتسم لها حينا اخر وننسى المواقف ..

قبل قليل اضحكني موقف من احد اطفالي

كنت اراجع له امتحان التربيةالدينية لبكرة

مر علينا كلمة القضاء والقدر فلم يفهمها

احببت ان اقربها له ليفهما فقلت له : مثلا لو كان ولد يركب دراجة ويمشي بها في الطريق واتت سيارة وصدمتة
يسمى هذا الموقف قضاء وقدر

اخذ ينظر لي بتمعن وهو في تفكير ,, حسبتة استوعب المعنى
شوي الا ويسالني .. هل ماااااات الولد ؟؟؟ تغير لوني قلت له اي ولد ؟؟؟
قال الي راكب الدراجة وصدمتة السيارة :)

[أميرة الإحساس شيعية]

البحرانية ..الحانية ..البتول الزهراء ..moon808 ..ZohoOoOoR..فاطمه مصطفى

أشكركم على المرور ..

moon808 الله ييخليه لج ويبلغ و تفرحين فيه

فاطمه مصطفى الله يخليكم لبعض وتكبرو وتفرح فيكم امكم ..

البحرانية الله يخله لج دخر وتفرحين فيه ان شاء الله \

بإنتظآآر اكشنآآت يهآآآلكم ..

[أميرة الإحساس شيعية]

وانا ذاك اليوم جالسة في الغرفة على النت

كانت وياي اختي الصغيرةعمرهآآ6سنوات تلعب بعرايسهآآ ..

رن جوالي وسكت ورجع رن جوالي وسكت ..

ما اشوفها الا هي ناطة لي وتقول أموورة الفت اغنية الى جوالج ..

قلت لهاا قولي شنو هالغنية ..

قالت ..ياسنور تت ما عندنآآ بت ما عندنآآ الا جوال أمورة يصيح و يسكتت

ههههههههههههههههههههههههههههههههههههههههه

قد اضحك عليهآآ عآآد

اللي هي تقول لي اي جوالش كل يصيح و يسكت هع هع

[moon808]

ههههههه مافي احلى من الأطفال
رجعت لكم بسوالف ولدي مهوووود اللة يخلية لي انشالله عقب ماكتبت موضوعي الأول قمت عشان أعطي مهووودي حليب طبعا هذا أكثر شي يكرهه في الدنيا في محاولة لأقناعة قلت له والله الحليب لذيذ انته ليش ما تشربه طبعا انا قلت لكم من قبل انه يفحمني بجواب بسيط ويسكتني قالي ياماما موكل شي لذيذ نشربه يعني انتي لذيذه يصير انا أشربك طبعا انا لاتعليق

[أميرة الإحساس شيعية]

هههههههههههههههههههههههههههههههههههههههههههه

الله يخله الج و تفرحين فيه ان شآآآآآآآآآآء الله ..

راجعه لكم بأكشنآآت يهاااالنااااااااا