انصار الحسين

[زكي الياسري]

بسم الله الرحمن الرحيم
ابيات اهدي ثوابها الى امواتكم و اموات شيعة امير المؤمنين المنسيين .. راجياً بها شفاعة الانصار عليهم السلام
زكي


الحسين الحسين .. نحن انصار الحسين


**1**


يا حُسين احنه نجاهد حتى لو تجري دمانه


علعهد جينه و نريدك تأذن نحارب عِدانه


احنه انصار الشريعه جينه و المبدأ دعانه


نرخص الاجلك عمرنه هذا والله مبتغانه


يا سليل الطيبين ..... نحن انصار الحسين


**2**


جينه و النخوه اتحدينه نبغي عن هاشم ندافع


عــــقدنه علموت العزيمه لا تهاون لا تراجع


ما نريد الدنيه هذي وبيــــهه ما عدنه مطامع


جينه للزهره الزجيه و الشــــــفاعتهه نسارع


هاهنا ثأرُ الجنين ...... نحن انصار الحسين


**3**


يا حسين الدنيه هذي وانته ما بيهه متــاهه


شلنه بالدنيه و ثراهه دون نورك ياضواهه


احنه احرار اوشيمنه من فخر اسمك سناهه


احنه سيف الله بيمينك بينه باريــنه ايتباهه


نحن ابطال العرين ..... نحن انصار الحسين



**4**


احنه ثوره معنويه احنه احرار الضــماير


هذا نافع هذا عابس وي حبيب ابنَ مضاهر


وهذا اْبن حر الرياحي هذا صنديد المفاخر


من زهير ومن برير ابـكربله اتهاب العساكر


اننا الحبل المتين ... نحن انصار الحسين


**5**


فدوه للحره العقيله كل دمانه وكل عمرنه


بت علي حامي الحميه تنتخينه يا فخرنه


كلنه عد عينج يزينب ننتظر منج امرنه


من علي لو ما ندافع شنهو يا زينب عذرنه


للمنايا قاصـــدين ... نحن انصار الحسين


**6**


هايمه الروح ابهواكم يا نسل خير البريه


بالمناحر نفتديكم اي وحكَـ هيه الزجيه


والله يعلم بالسراير صافيه ابحبكم نقيه


باليقين العدنه جينه نسحكَـ اخشوم آل اميه


اننا جندُ اليقين ... نحن انصار الحسين



تمت بحمد الله تعالى .. 11/11/2009


زكي اليـ النجفي ـاسري


كيل

[ايمان حسيني]

اللهم صل على محمد وال محمد
شكرا جزيلا لكم اخي لكرمكم رحم الله موتانا وسائر موتى المؤمنين
قصيده جميله جدا نشكر فيض قلمك الولائي لما يجود به من اشعار بحق اهل البيت عليهم السلام
كان لي شرف التواجد
موفق بحق الزهراء

[نسايم]

اللهم صل على محمد وال محمد وعجل فرجهم وفرجنا بهم


قصيدة راقية وباذخة المعاني

جزلة محكمة الوزن والقافية


سلمت وسلمت أناملك الحسينية

دمت بولاء الأطهار ...