اني انا السجاد - من الشعر الملمع

[قوافي الأيثار]

اني انا السجاد = أتيتُ بالاصفاد
لو تنظروني = لم يرحموني
اني انا السجـاد
---------=
انه السجاد يا شيعه = ابوي المنذبح ظامي
تراتيل الحزن والنوح = عشتها لاخر ايامي
بكل رمشة جفن عيناي = اشوف حسين ﭼـــدامي
مرمي عله الترب مذبوح = مـﮕطوع النحر دامي
مُقطَعُّ الاعضـــاء = موّزَعُّ الاشـــــــــــــلاء
رأتْ عيوني = لم يرحموني
اني انا السجـاد
---------=
عشت هذا العمر بالنوح = ودمع عيني يسليني
مصيبة كربله يا ناس = ابد ما بارحت عيني
وصور احبابي ولوليان = طيوف الهم تراويني
وبعد هظم السبي للشام = زيّد نوحي وونيني
نســـــــــــاءُ آل الله = تُسبى فيا ويــــــــلاه
وقيدوني = لم يرحموني
اني انا السجـاد
---------=
يسليني الدمع والنوح = ونيراني غدت تلهب
انه بعيني شفت مذبوح = ابوي وجسمه المسلب
وانه بعيني شفت صدره = صفه لخيل العدا ملعب
وانه بعيني شفت عباس = عمي الطايح مخضب
مُقطعُ الكفيـــن = والسهمُ شكَّ العين
له شجوني = لم يرحموني
اني انا السجـاد
---------=
مثل غيث المزن ينساب = دمعي عله الوجن يزخر
وﭼن خنجر يحز بالروح = من اتذكّر الاكبـــــــــر
شبيه المطفى الهــــــــادي = أحا جسمه المـــــوذر
بصورام زمرة الشيطان = شفته مــﮕطع مـــــوّذر
أصيحُ والاحــــزان = تشبُّ كالنيران
لو تسمعوني = لم يرحموني
اني انا السجـاد
---------=
لبن عمي الحسن جسام = ﮔلبي اتوسد الاهـــــــــات
متحني بنزيفه اشــــلون = شفته مخضب الوجنــــات
بعد ياشيعه هم انســـاه = ما انساه لا هيـــــــــــهات
وبفكري ندائه يصيــح = يوم الواجـــــــــه الكلفات
بكفه البتــــــــــار = ينادي بالاشرار
((إن تنكروني)) = لم يرحموني
اني انا السجـاد
---------=
اميه ويالحقد تاريخ =علينه وما رعت عهدي
حرب شنت علي والجور = مثل ما حاربت جدي
لبن عبد الملك هالدور = ياشيعه ابتدا ضدي
مثل عمي الحسن مسموم = توذر بالغدر جبدي
اني انا المعصوم = وحجة القيوم
فحاربوني = لم يرحموني
اني انا السجـاد
---------=
عمار جبار خضير
24 محرم 1431
2010-01-10

[مستبصرة]

عشت هذا العمر بالنوح = ودمع عيني يسليني
مصيبة كربله يا ناس = ابد ما بارحت عيني
وصور احبابي ولوليان = طيوف الهم تراويني
وبعد هظم السبي للشام = زيّد نوحي وونيني
نســـــــــــاءُ آل الله = تُسبى فيا ويــــــــلاه
وقيدوني = لم يرحموني
اني انا السجـاد

ليت عرق الغيرة ينضح في جبين الظالمين
والله لو ان الحسين لم يقتل وأسروا نساء رسول الله فقط
لكان هذا كافيا لنزول الغضب والنقمة ولأن يقتل المرء نفسه أسفا وحسرة
ولوطعن نفسه بالسيف


سلمت يمينك أخي المؤمن
وسدد الله مدادك لنصرة نبي الله وآله الطاهرين المظلومين
أيدكم الله
ووفقكم لما يحب ويرضى
نسألكم خالص الدعاء

[سيد عمار الجابري]

---------=
انه السجاد يا شيعه = ابوي المنذبح ظامي
تراتيل الحزن والنوح = عشتها لاخر ايامي
بكل رمشة جفن عيناي = اشوف حسين ﭼـــدامي
مرمي عله الترب مذبوح = مـﮕطوع النحر دامي
مُقطَعُّ الاعضـــاء = موّزَعُّ الاشـــــــــــــلاء
رأتْ عيوني = لم يرحموني

عاشت ايدك على هذي الكلمات الصادقه والاحرف النقيه تحياتي

[نسايم]

اللهم صل على محمد وال محمد وعجل فرجهم وفرجنا بهم

السلام عليكم ياأهل بيت النبوة

رزقنا الله وإياكم في الدنيا زيارتهم وفي الاخرة شفاعتهم


سلمت وسلمت أناملك الولائية أخي عمار

مبدع بلاشك

أشكرك جزيل الشكر

موفق لكل خير

دمت بولاء الأطهار ...